1 Ko 1:7 - Nouvo Testaman dan Kreol Morisien

⁷ Zot pa mank okenn don ki Lespri Bondie done pandan ki zot pe atann Lesegner Zezi Kris aparet.

Nouvo Testaman Kreol Morisien Harmonisation NTPS KM

⁷ Zot pa mank okenn don ki Lespri Bondie done pandan ki zot pe atann Lesegner Zezi Kris aparet.

1 Ko 1:7 ပူးပေါင်းရင်းမြစ်များ

Mt 25:1

“Alor rwayom lesiel pou parey kouma zistwar sa dis zennfi ki pran zot lalanp pou al zwenn nouvo marye.

Lk 12:36

Zot bizin kouma bann dimoun ki pe atann zot met retourne apre enn maryaz; kouma li tap laport, zot fini pare pou ouver.

Lk 17:30

Koumsamem pou ete zour Garson Limanite pou revel limem.

Let pou Romin 8:19

Kreasion anantie pe atann avek inpasians ki Bondie revel so bann zanfan.

Let pou Romin 8:23

Me pa zis kreasion ki pe soupire. Nou osi; nou ki ena premie fri Lespri, nou soupire dan fon noumem pandan ki nou pe atann ki Bondie adopte nou, e akord nou delivrans total.

1 Ko 4:5

Akoz sa pa pronons okenn zizman avan letan fixe, avan ki Lesegner retourne. Lesegner ki pou met okler bann kiksoz ki kasiet dan nwar, ki pou revel bann lintansion ki dan leker dimoun. Lerla sakenn pou gagn louanz ki Bondie ena pou li.

2 Ko 12:13

Kimanier zot pa finn gagn seki lezot legliz finn gagne? Akoz mo finn refiz explwat zot? Si koumsa, pardonn mwa sa erer la!

Ga 5:5

Pou nou, par Lespri ek par lafwa, nou atann dan lesperans ki Bondie rann nou zis.

Let pou Filipien 3:20

Me nou, nou bann sitwayin lesiel e nou pe atann nou Sover ek Segner Zezi Kris vini, li ki sorti depi laba.

Let pou Kolosien 3:4

Ler Lekris, ki zot vre lavi, pou manifeste, lerla zot ousi zot pou manifeste dan laglwar ar li.

1 Tes 1:10

e pou atann so Garson Zezi dan lesiel, limem ki Bondie ti resisite parmi bann mor pou sov nou depi zizman Bondie ki pe aprose.

2 Tes 1:7

Bondie pou soulaz zot, ki pe soufer, e parey nou osi. Li pou fer sa kan Lesegner Zezi retourne depi dan lesiel avek so bann anz bien pwisan,

2 Tim 4:8

Asterla, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

Let pou Tit 2:13

Nou pe atann dan lesperans sa gran zour la kot laglwar Bondie nou Sover dan Zezi Kris pou manifeste li.

Eb 9:28

Alor Kris, ki finn ofer limem enn sel fwa pou efas pese enn kantite dimoun, li pou paret enn deziem fwa, non pa pou efas pese, me pou sov bann ki pe vremem atann so retour.

1 Pi 1:13

Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.

1 Pi 4:13

Okontrer, zot bizin kontan ki zot pe partaz soufrans Kris, pouki zot kapav gonfle ar lazwa ek kontantman kan li revel li dan so laglwar.

1 Pi 5:4

E kan sef berze paret, zot pou resevwar enn kouronn laglwar ki pou briye pou touzour.

2 Pi 3:12

Letan ki zot pe atann zour Lesegner, zot bizin fer tou zefor pouki li vinn pli vit. Sa zour la, lesiel pou pran dife e disparet e bann zetwal pou fonn ar saler.

1 Zn 3:2

Mo bann kamarad, nou deza bann zanfan Bondie, me li pa kler kouma nou pou ete apre. Me nou kone kan li pou vini nou pou resanble li, parski nou pou trouv li parey kouma li ete.

Let Zid 1:21

gard zot touzour dan lamour Bondie; atann nou Segner Zezi Kris ki pou donn zot lavi eternel.