1 Ko 1:5 - Nouvo Testaman dan Kreol Morisien

⁵ Dan linion avek Lekris, zot finn vinn ris dan tou kiksoz, zot ena don laparol ek konesans.

Nouvo Testaman Kreol Morisien Harmonisation NTPS KM

⁵ Dan linion avek Lekris, zot finn vinn ris dan tou kiksoz, zot ena don laparol ek konesans.

1 Ko 1:5 ပူးပေါင်းရင်းမြစ်များ

Zistwar Bann Zapot 2:4

Zot tou ti ranpli ar Lespri Sin e zot koumans koz dan lezot langaz dapre seki Lespri ti pe donn zot pou exprime.

Let pou Romin 11:12

Si fot bann Zwif ti fer lemonn vinn ris ar benediksion, si zot defet ti fer bann non-Zwif konn larises, panse asterla ki kantite larises kapav deverse, si zot partisip totalman dan plan delivrans!

Let pou Romin 15:14

Mo bann frer, mo bann ser, mo ena konviksion ki zot ranpli ar bonte, ki zot ena tou konesans e ki zot kapav ansegn zot kamarad.

Let pou Romin 15:4

Touseki ti ekrir dan Lekritir lontan ti ekrir pou nou linstriksion, pouki nou gagn lesperans par landirans ek rekonfor ki li donn nou.

1 Ko 12:10

Mem Lespri donn pouvwar fer mirak, li donn enn lot don profesi, enn lot li donn kapasite disteng ant fos lespri ek vre Lespri, e ankor pou enn lot Lespri Bondie donn kapasite koz diferan langaz ki ena bann son etranz, ek enn lot li gagn pouvwar pou interpret sa bann langaz la.

1 Ko 12:8

Lespri Bondie donn enn dimoun enn mesaz ranpli ar sazes, me pou enn lot dimoun mem Lespri donn enn mesaz ranpli ar konesans.

1 Ko 13:2

Si mo ena don profetize, mo posed kapasite plonz dan tou mister ek konesans, e si mo ena lafwa pou bouz montagn, me mo pena lamour, mo enn nanye ditou.

1 Ko 13:8

Lamour li eternel. Profesi pou ena so lafin enn zour; don koz anlangaz etranz pou trouv so lafin, konesans pou disparet.

1 Ko 14:26

Alor la, ki nou kapav dir, bann frer ek bann ser? Kan zot zwenn ansam, ena dimoun ki pou ena enn kantik, enn lot ki pou ena enn parol pou ansegne, enn lot enn revelasion, enn lot enn mesaz anlang ek enn interpretasion sa langaz la. Tousala bizin fer pou fortifie legliz.

1 Ko 8:11

Akoz to konesans enn frer ki feb pou tonbe, samem frer pouki Lekris finn donn so lavi.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

2 Ko 6:10

mem dan sagrin nou toultan zwaye; nou pov, me nou anrisi boukou dimoun; li paret ki nou pena nanye, me anverite nou posed tou kiksoz!

2 Ko 8:7

Zot ena plin lafwa, don laparol, konesans, enn zel ki pena limit ek lamour ki nou finn donn zot; alor, nou atann ki zot montre enn gran zenerozite pou lokazion prezan.

2 Ko 9:11

Li pou toultan fer zot ena ase larises pouki zot res zenere; koumsa atraver nou, enn kantite dimoun pou remersie Bondie pou bann don ki zot finn done.

Ef 1:17

Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pouki zot konn li plis ankor.

Ef 2:7

Par sa, Bondie anvi montre pou bann siek ki pe vini, rises so lagras, exprime par so bonte pou nou dan Zezi Kris.

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Ef 6:19

Priye pou mwa osi, pou ki mo gagn fasilite laparol, pou ki mo koz ar lasirans pou revel mister Bonn Nouvel.

Let pou Filipien 1:9

Mo priye ki zot lamour pou kontigne grandi boukou, ansam avek vre konesans ek konpreansion

Let pou Kolosien 2:3

tou bann trezor lasazes ek konesans, zot kasiet an li.

Let pou Kolosien 3:10

e zot finn adopte enn “nouvo limanite”, ki pe kontign renouvle so konesans antan ki zimaz Bondie;

Let Zak 3:13

Eski ena kikenn parmi zot ki panse li saz ek intelizan? Ki li prouv li par so bon kondwit, par so bann aksion ki li akonplir avek sazes ek limilite.

2 Pi 3:18

Kontigne progrese dan lagras ek konesans nou Segner ek Sover Zezi Kris. Laglwar pou li azordi ek dan leternite. Amenn.