1 Ko 1:20 - Nouvo Testaman dan Kreol Morisien

²⁰ Kot dimoun saz ete? Kot dokter lalwa ete? Bann ki fer gran-gran diskour zordi, kot zot? Eski Bondie pa finn rann bet lasazes sa lemonn la?

Nouvo Testaman Kreol Morisien Harmonisation NTPS KM

²⁰ Kot dimounn saz ete? Kot dokter lalwa ete? Bann ki fer gran-gran diskour zordi, kot zot? Eski Bondie pa finn rann bet lasazes sa lemond-la?

1 Ko 1:20 ပူးပေါင်းရင်းမြစ်များ

Mt 13:22

Saki finn seme dan pikan, li resanble sa dimoun ki tann laparol, me bann problem lavi tou lezour, lamour dibien materyel touf tou e li pa raport okenn fri.

Zn 12:31

Asterla mo pou ziz lemonn e so gran sef pou deor.

Zistwar Bann Zapot 17:18

Detrwa filozof osi ti koz ar li. Ena filozof Epikiryien, e lezot bann Stoik. Ena dir, “Ki sa ninport la pe zaze koumsa?” Lezot ki ti pe tann li anons Zezi ek larezireksion ti fer remark, “Koumadir li pe koz lor bann bondie nou pa kone.”

Let pou Romin 1:20

Depi kreasion lemonn bann kalite invizib Bondie, so pwisans eternel e so divinite, bien vizib letan nou get travay Bondie. Bann imin pena okenn exkiz.

Let pou Romin 1:22

Zot pretann zot saz, me ofet zot finn vinn fou

1 Ko 1:19

Parski finn ekrir, “Lasazes bann dimoun saz, mo pou detrir, konesans bann koneser, mo pou rezete.”

1 Ko 1:26

Frer ek ser, pa bliye kisannla zot ti ete, zot ki finn gagn lapel Bondie. Dapre zizman zom, pena boukou saz parmi zot, ni boukou pwisan, pena parmi zot boukou ki sorti dan gran fami inportan.

1 Ko 1:27

Me pou fer bann saz onte Bondie finn swazir kiksoz ki dapre lizie dimoun pena valer. Li finn swazir saki feb dan lemonn pou fer bann pwisan onte.

1 Ko 1:28

Bondie finn swazir seki pli piti, seki meprize, seki mem pa existe, pou fer seki existe vinn nanye ditou,

1 Ko 11:32

Me kan Lesegner ziz nou, li pe disiplinn nou pouki nou pa kondane ansam ar lemonn.

1 Ko 2:6

Mo bizin dir kanmem, ki nou servi lasazes pou koz ar dimoun ki finn bien grandi dan zot lafwa. Li pa enn sazes ki sorti dan lemonn, ni sazes bann ki pe regne lor sa lemonn la, zot enn bann pwisans ki pe al tegn.

1 Ko 2:8

Okenn pwisans lemonn pa ti konpran sa. Si zot ti konpran, zot pa ti pou krisifie Lesegner laglwar.

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemonn, ki li vinn enn fouka dabor pou lerla li vremem vinn enn saz.

1 Ko 3:19

Lasazes dapre sa lemonn la, li enn foli devan Bondie. Lekritir dir, “Bondie may bann saz dan zot prop riz.”

1 Ko 6:2

Zot pa kone ki lepep Bondie ki pou ziz lemonn? Si zot ki pou ziz lemonn, eski zot pa kapav ziz bann ti problem?

Let Zak 4:4

Bann infidel! Eski zot pa kone ki lamitie pou lemonn vedir zot lennmi Bondie? Dimoun ki swazir kontan lemonn li fer limem vinn lennmi Bondie.