1 Ko 1:12 - Nouvo Testaman dan Kreol Morisien

¹² Ala seki mo pe rod dir zot: ena pe dir, “Mo swiv Pol”; enn lot dir, “Mo swiv Apolos”; enn lot ki dir, “Mo swiv Kefas”; ankor lezot pe dir, “Mo swiv Lekris.”

Nouvo Testaman Kreol Morisien Harmonisation NTPS KM

¹² Ala seki mo pe rod dir zot: ena pe dir, “Mo swiv Pol”; enn lot dir, “Mo swiv Apolos”; enn lot ki dir, “Mo swiv Kefas”; ankor lezot pe dir, “Mo swiv Lekris.”

1 Ko 1:12 ပူးပေါင်းရင်းမြစ်များ

Mt 23:8

Me zot, fode pa ki zot fer apel zot Rabi, parski zot ena enn sel met e zot tou so zelev.

Zn 1:42

Apre li amenn Simon ar Zezi. Zezi get li fran dan so lizie e li dir li, “Twa, to apel Simon, garson Zan, asterla to pou apel Kefas,” (seki vedir ros).

Zistwar Bann Zapot 18:24

Enn Zwif ki ti apel Apolos, e ki sorti Aleksandri, ti vinn Efez. Li ti enn gran orater, e li ti ena enn gran konesans Lekritir.

Zistwar Bann Zapot 19:1

Letan Apolos ti Korint, Pol ti travers bann provins dan montagn pou al Efez. Laba li ti zwenn detrwa disip.

1 Ko 1:11

Bann pros fami Kloe finn inform mwa ki ena rivalite parmi zot.

1 Ko 15:5

Li finn revel limem ar Kefas, apre ar Ledouz.

1 Ko 15:50

Seki mo pe rod dir, frer ek ser, seki laser ek disan pa kapav ena par dan Rwayom Bondie; seki mortel pa kapav ena par dan imortalite.

1 Ko 16:12

Aster, konsernan nou frer Apolos. Mo finn ankouraz li fer zot enn vizit ansam avek lezot frer, me li pa interese vini asterla. Kouma li gagn enn lokazion li pou vini.

1 Ko 4:6

Bann frer, bann ser, pou zot benefis ki mo finn prezant tousala dan sa fason la, koumadir li aplik ar Apolos ek mwa. Koumsa zot pou aprann ki sa vedir “Pa al andeor limit seki finn ekrir.” Fode pa ki, par lorgey, kikenn parmi zot pran par enn dimoun kont enn lot.

1 Ko 7:29

Seki mo pe rod dir, bann frer ek bann ser, letan ki reste bien tigit. Depi aster bann zom marye bizin viv kouma dir zot pena fam;

1 Ko 9:5

Eski nou pena drwa amenn nou madam Kretienn ar nou, kouma bann lezot apot fer, kouma bann frer Lesegner ek Kefas fer?

2 Ko 10:7

Pa get laparans, get seki devan zot lizie. Si kikenn konsider ki li apartenir ar Lekris, ki li rann limem kont ki nou osi, otan ki li, nou apartenir ar Lekris.

2 Ko 9:6

Mazinn sa bien: seki plant tigit pou rekolte tigit, seki plant boukou pou rekolte boukou.

Ga 2:9

Letan Zak, Pier ek Zan, bann gran pilie legliz, rekonet lagras ki Bondie finn donn mwa, zot ser nou lame, Barnabas ek momem, kouma enn sign lakorite. Nou tom dakor ki nou al kot bann non-Zwif e zot kot bann Zwif.

Ga 3:17

Ala seki mo anvi dir: Bondie finn etablir ek ratifie enn testaman; lalwa ki vinn anviger katsantrant-an apre sa, pa kapav anil lalians la ek siprim promes Bondie.