1 Ko 1:1 - Nouvo Testaman dan Kreol Morisien

¹ Mwa Pol, ki Bondie finn swazire, par so volonte, pou vinn enn apot, ansam avek nou frer Sostenn,

Nouvo Testaman Kreol Morisien Harmonisation NTPS KM

¹ Mwa Pol, ki Bondie finn swazire, par so volonte, pou vinn enn Zapot, ansam avek nou frer Sostenn,

1 Ko 1:1 ပူးပေါင်းရင်းမြစ်များ

Lk 6:13

Letan barlizour leve, li apel so bann disip, e li swazir douz parmi zot, li donn zot nom apot.

Zn 15:16

Pa zot ki finn swazir mwa, me mwa ki finn swazir zot. Mo finn donn zot mision, ale, raport fri e ki zot fri dire. Lerla tou seki zot demann mo Papa lor mo nom, li pou donn zot.

Zn 20:21

Zezi dir zot ankor, “Lape avek zot; parey kouma mo Papa finn avoy mwa, mo osi mo avoy zot.”

Zistwar Bann Zapot 1:15

Detrwa zour apre, Pier debout dan milie bann frer ki ti la; ti ena anviron san-vin e li ti dir,

Zistwar Bann Zapot 1:2

ziska ki li mont dan lesiel. Avan sa, li ti donn instriksion, par Lespri Sin, bann apot ki li ti swazir.

Zistwar Bann Zapot 18:17

Zot tou trap Sostenn, sef sinagog, zot bat li devan lakour. Me Galyon pa ti pran zot kont.

Zistwar Bann Zapot 22:21

Lesegner dir mwa, ‘Ale, mo pou avoy twa lwin, kot bann lezot nasion!’ ”

Let pou Romin 1:1

Mwa Pol, mo enn serviter Zezi Kris, enn apot ki Bondie finn swazire ek apele pou pres so Bonn Nouvel,

Let pou Romin 1:10

Mo demann Bondie, si sa dan so volonte, ki mo gagn lokazion vinn get zot.

Let pou Romin 1:5

Par li Bondie finn fer mwa lagras pou vinn enn apot pou al apel dimoun parmi tou bann nasion pou krwar e pou obeir, e sa glorifie so nom.

1 Ko 15:9

Mo pli tipti parmi bann apot, e mo mem pa merit ki apel mwa apot, parski mo ti persekit legliz Bondie.

1 Ko 3:9

Nou pe travay ansam avek Bondie, e zot, zotmem plantasion Bondie, zotmem konstriksion Bondie.

2 Ko 1:1

Mwa Pol, enn apot Zezi Kris par volonte Bondie, ek Timote nou frer, Mo pe ekrir zot, legliz ki dan Korint, ek tou bann krwayan ki partou dan Akai:

2 Ko 11:5

Mo panse ki mo pa inferyer dan okenn fason ar zot “siper-apot.”

2 Ko 12:12

Bann sign ki prouve ki mo enn apot, finn realize parmi zot, avek enn pasians parfe: bann mirak, bann mervey e bann aksion pwisan.

2 Ko 8:5

Li ti plis ki nou ti espere. Dabor bannla finn donn zotmem Lesegner, apre par volonte Bondie zot finn donn nou zotmem.

Ga 1:1

Mwa Pol, apot, pa par volonte bann imin oubien lotorite zom, me par Zezi Kris ek Bondie Papa ki finn resisit li parmi bann mor,

Ef 1:1

Mwa Pol, enn apot Zezi Kris par volonte Bondie, mo pe ekrir bann krwayan e bann fidel dan Zezi Kris.

Ef 4:11

Limem ki finn fer don; ena li finn fer apot, lezot profet, evanzelis, paster ek ansegnan,

Let pou Kolosien 1:1

Mwa Pol, apot Zezi Kris par volonte Bondie, ek frer Timote.

1 Tim 1:1

Mwa, Pol, mo finn vinn apot Zezi Kris gras ar promes Bondie nou Sover ek Zezi Kris nou lesperans,

1 Tim 2:7

Li finn swazir mwa pou proklam so mesaz e li avoy mwa kouma enn apot pou pran sarz ek pou instrir tou bann ki pa Zwif dan lafwa ek laverite; seki mo pe dir li vre.

2 Tim 1:1

Mwa, Pol, mo enn apot Zezi Kris par volonte Bondie. Mo finn resevwar mision pou proklam promes lavi ki gagne kan nou enn sel avek Lekris Zezi.