ତୀତସ୍‌ 3:14 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁴ ମାନ୍‍ ନାରୁଡ଼୍ ଗାଲା ଦର୍‍କାର୍ ସେଙ୍ଗେତ୍ ଉପ୍‍କାର୍ ମାୟ୍‍ଦିଙ୍କ୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ନାଡ଼୍‍ସିଡ଼୍, ବେଲାକି ଅଡ଼୍‌ ମୁଲ୍ୟହିନ୍ ଆୟ୍‍ମାକିଡ଼୍ ।

ତୀତସ୍‌ 3:14 ပူးပေါင်းရင်းမြစ်များ

ମାତିଉ 21:19

ଆର୍ ଗାର୍‍ରେ ୱେରଡ଼୍ ତୟାମାଡ଼ା ମାତ୍‍ତେ । ଜିସୁ ମାଡ଼େତ୍‍ ଗାର୍‍ରେ ଆଞ୍ଜ୍ ଆଗେ ଅଂକିଙ୍କ୍‌ ୱିଡ଼୍‍ସି ମେଣ୍ଡେ ବାତେଏ ଉଡ଼ନ୍ । ଆଦିଙ୍କ୍ ଅଣ୍ଡ୍‌ ମାଡ଼େତିଙ୍କ୍ କେତ୍‍ତାନ୍, “ନିମ୍‍ ମେଣ୍ଡେ ବେସୁଙ୍କ୍‌ବା କାୟା ଆଦ୍‍ୱିନ୍ ।” ଆସୁଙ୍କ୍ ସାଙ୍ଗେ ସାଙ୍ଗେ ତୟା ମାଡ଼ା ୱାସିଆତ୍‍ତେ ।

ମାତିଉ 7:19

ସାୟେତ୍ କାୟା ଆଦକ୍ ମାଡ଼େତିଙ୍କ୍ ନାଡ଼୍‍କି କିସ୍‍ତାଗ୍ ୱାଟିତଡ଼୍ ।

ଯୋହନ୍‌‌ 15:16

ମିଡ଼୍ ନାକିଂଙ୍କ୍ ହେଞ୍ଚୱିଡ଼୍, ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ ହଞ୍ଚିମିନ୍ଦେନ୍, ମେଣ୍ଡେ ବେଲା ଆଞ୍ଜ୍ କାୟା ଆଦ୍‍ସ୍‍ପିତିଡ଼୍ ନୁ ମିୟାୱୁ କାୟା ସାରେଦିନା ଆଦଡ଼େ ମାନ୍‍ତା, ଇଦିନ୍ ସେଙ୍ଗେ ମିକିଂଙ୍କ୍ ହେଞ୍ଚିମିନ୍ଦେନ୍ । ଆଗାଙ୍କ୍ ମିଡ଼୍ ନା ପେଦେର୍ ତେ ବାବାଙ୍କ୍ ବାତେମିକା ତାଲ୍‍କିତିଡ଼୍, ଅଣ୍ଡ୍‌ ଆଦ୍ ମିକିଂଙ୍କ୍ ହିଦ୍‍ତଣ୍ଡ୍;

ଯୋହନ୍‌‌ 15:8

ମିଡ଼୍ ନାର୍‍ଗେ କାୟା ଆଦ୍‍କେ ନା ବାବାଲ୍ ମହିମାନିତ ଆଦ୍‍ତନ୍, ମେଣ୍ଡେ ମିଡ଼୍ ନା ସାଏତ୍ ଶିଷ୍ୟଡ଼୍ ଆଦ୍‍ତିଡ଼୍ ।

ପ୍ରେରିତ 18:3

ପାଉଲ୍ ଅଂକିଙ୍କ୍‌ ଉଡ଼ାନଙ୍କ୍ ଆଞ୍ଜ୍ ଅଡ଼୍‌ ତଡ଼୍ ବାସେ ମାଡ଼୍‍ତଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ଗାଲା ଅଡ଼୍‌ ଲେକାମ୍ ତମ୍ବୁ ତିଆର୍ ମାଡ଼ି ବାଦ୍‍କମାତ୍‍ତଣ୍ଡ୍‍ ।

ପ୍ରେରିତ 20:35

‘ପାଏମ୍ ଆଦ୍‍ଦାନ୍ ନାଗାଙ୍କ୍ ଦାନ ମାଡ଼ାନାଗ୍ ଅଦିକ୍‌ ୱେଡ଼୍‍କେ ମାନ୍‍ତେ,’ ନିଜେ ପ୍ରବୁ ଜିସୁନାଦ୍ ଇଦ୍ ବାକ୍ୟତିଙ୍କ୍ ହେର୍କା ମାଡ଼ି ଇଦ୍ ରକମ୍ କଷ୍ଟ ପାଡ଼୍‍ୟି ମାଡ଼ି ମାନାଡ଼୍ ଗରିବ୍ ନାରୁଡ଼୍‍କିଂଙ୍କ୍ ସାହାଯ୍ୟ ମାଡ଼ିକାଡ଼୍, ଇଦ୍ ବିଷୟ୍‍ତେ ନାନ୍ ସାରେଦାମ୍ ମିକିଂଙ୍କ୍ ଆଦର୍ଶ ତଅତ୍‍ତାନ୍ ।”

ରୋମୀୟ 12:13

କ୍ରିଷ୍ଟ ବିଶ୍ୱାସୀ ନାରୁଡ଼ାଦ୍ ଅବାବ୍ ପୁନ୍ଦାନଙ୍କ୍ ଆଲ୍‍ସାଟ୍ । କୁଟ୍‍ମାମ୍‍ତିଙ୍କ୍ ସେବା ମାଡ଼ାଟ୍ ।

ରୋମୀୟ 15:28

ଯିରୁଶାଲେମ୍‍ତାଗ୍ ଆୱୁ ଡାବ୍‍କ୍ ଇସ୍ ନାୟାଦ୍ ପାଡ଼୍‍ୟି ତେର୍‍ସ୍ପ୍‍ତେ ପେର୍କେ, ନାନ୍ ସ୍ପେନ୍ ଦେଶ୍‍ ଆଦ୍‍ତାନ୍ ନୁ ଆର୍‍ଦାଗ୍ ମିକିଂଙ୍କ୍ ଉଡ଼ି ୱାଦ୍‍ତାନ୍ ।

ଏଫିସିୟ 4:28

ଡଙ୍ଗାଲ୍ ମେଣ୍ଡେ ଡଙ୍ଗ୍‍ମାକିଣ୍ଡ୍ । ସାୟେତ୍ ଉପାୟ୍‍ତେ ନିଜେତ୍ ଜିବିକା ଗାଡ଼୍‍ସାନ୍ ସେଙ୍ଗେ ନୁ ଗରିବୀଡ଼୍‍କିଙ୍କ୍ ସାହାଯ୍ୟ ମାଡ଼ାନ୍ ସେଙ୍ଗେ ଅଣ୍ଡ୍‌ ପାଡ଼୍‍ୟି ମାଡ଼ିଣ୍ଡ୍ ।

ଫିଲିପିୟ 1:11

ଇଶ୍ୱର୍‌ତାଦ୍ ଗୌରବ୍ ନୁ ପ୍ରସଂଶା ସେଙ୍ଗେ ମିୟାଦ୍ ଜିୱୁଣ୍ଡ୍ ଜିସୁ କ୍ରିଷ୍ଟ ଇସ୍‍ମାନ୍ଦାନ୍ ସାରେଗୁଣତଡ଼୍ ବର୍ତ୍ତି ଆଦ୍‍ତେ ।

ଫିଲିପିୟ 4:16

ନାନ୍ ଥେସଲନିକୀତାଗ୍ ମାନ୍ଦାନ୍ ୱେଲେ ମିଡ଼୍ ନାର୍‍ଗେଦାମ୍ ନା ଗାର୍ରେ ଦର୍‍କାର୍‍ ଆସ୍‍ମାନ୍ଦାନ୍ ସାହାଯ୍ୟ ରହସ୍‍ ମାତ୍‍ତିନ୍ ।

ଫିଲିପିୟ 4:17

ଇତ୍କେ ମିୟାଗାଙ୍କ୍ ମାତର୍ ଦାନ ଗ୍ରହନ୍ ମାଡ଼ାନଙ୍କ୍ ନାନ୍ ଇଚ୍ଛା ମାଡ଼ନ୍; ଇଦିନ୍ ସେଙ୍ଗେ ମିଡ଼୍ ବେଲାନ୍ ଗାଟି ନାର୍ଗେ ଲାବ୍‍ତଡ଼ି ଆୟ୍‍ମୁଟ୍, ଇଦ୍ ନାୟାଦ୍ ଇଚ୍ଛା ।

କଲସୀୟ 1:10

ଆଲେକେ, ମିଡ଼୍ ପ୍ରବୁନ୍‍ ଇଚ୍ଛା ଲେକାମ୍ ବାଦ୍‍କେ ପାର୍‍ଦ୍‍ତିଡ଼୍ ନୁ ଅନାଦ୍‌ ପସନ୍ଦ୍‍ ଲେକେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ । ମୀୟାଦ୍ ଜିୱେତାଗ୍ ସାରେ ଲେକାତ୍ ସାୟେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ ନୁ ଇଶ୍ୱର୍‌ତେ ବିଷୟତେ ମିୟାଦ୍ ଜ୍ଞାନ୍ ନାର୍ଗେ ଆଦ୍‍ତେ ।

୧ ଥେସଲନିୟ 2:9

ହୋ ଦାଦାନଡ଼ି ନୁ ଏଲାସ୍କ୍‍, ମିୟାଦ୍ ନିଜାମ୍ ହେର୍କା ମାନ୍‍ତେ; ମାନାଡ଼୍ ବେଲାନ୍ ଗାଟି ତିପାଲ୍‍ତେ ସ୍ୱୀକାର୍ ମାଡ଼ି ପାଡ଼୍‍ୟି ମାଡ଼ମାତ୍‍ତମ୍; ବେଲାନ୍ ମିଇ ପାକେ ଇଶ୍ୱର୍‌ତେ ସୁସମାଚାର୍ ପ୍ରଚାର୍ ମାଡ଼ାନ୍ ୱେଲେ ମିଇ ପର୍‍ର ବୋଜ୍ ଆୟ୍‍ମାକି ହିଞ୍ଜ ମାମ୍‍ମେ ନାର୍‍କେତ୍ ପାୟାଲ୍ ତିପାଲ୍ ମାଡ଼ିମାତ୍‍ତମ୍ ।

୨ ଥେସଲନିୟ 3:8

ୱିଡ଼୍‍ସି ପଇସାତେ ବେନନାଗାଙ୍କ୍ କାଦି ତିନ୍‍ୱେ ମାତ୍‍ତମ୍ । ବା ବେନ ପୋର ବଜ୍ ଆୟ୍‍ୱେ ସେଙ୍ଗେ ମାମ୍‍ମେ ନାର୍‍କେତ୍ ପାୟାଲ୍ ତିପାଲ୍ ମାଡ଼ିମାତ୍‍ତମ୍ ।

ତୀତସ୍‌ 2:8

ବେଲାକି ବିରୁଦ୍ ନାରୁଡ଼୍ ମାନ୍‍ ବିଷୟ୍‍ତେ ବାତ୍‍ମିକା କାରାପ୍ ଗଟି କେତାନଙ୍କ୍ ପାର୍‍ୱେ କନ୍‍ସ୍ ସିଗ୍ ଆଦ୍‍ତଡ଼୍ ।

ତୀତସ୍‌ 3:8

ଇଦ୍ ୱେରଡ଼୍ ନିଜାମ୍ ଗଟ୍, ମେଣ୍ଡେ ବେଲା ଇଶ୍ୱର୍‌ତିଙ୍କ୍ ବିଶ୍ୱାସ୍ ମାଡ଼ାନଡ଼ି ସାର୍ରେତଡ଼୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ମାନ୍‍ ମାଡ଼ିତଡ଼୍, ଇଦିନ୍ ସେଙ୍ଗେ ଇଦ୍ ସାର୍‍ରେ ବିଷୟ୍‍ତେ ଗାଡ଼୍‍ସ୍ ଆସ୍ ଶିକ୍ଷା ଇମୁଟ୍ ଇଞ୍ଜ ନାୟାଦ୍ ଇଚ୍ଛା । ଇଦ୍ ସାର୍‍ରେ ନାରୁଡ଼୍‍କିଂଙ୍କ୍ ପାଡ଼ିୟିଦାଗ୍ ଆଦ୍‍ତେ ।

୨ ପିତର୍‌ 1:8

ଇୱୁ ସାୟେତ୍‍ ଗୁନାମ୍‍ ମିକିଂଙ୍କ୍‍ ଦର୍‍କାର୍‍ ଆଦ୍‍ତେ; ଇୱୁସାରେ ମିୟାଗ୍‍ ମାତ୍‍କେ, ମିଡ଼୍ ପାଏମ୍‍ ଆତ୍‍ତେ ପ୍ରବୁ ଜିସୁ କ୍ରିଷ୍ଟନ୍ ଜ୍ଞାନ୍ ମିକିଙ୍କ୍ ସକ୍ରିୟ ନୁ ସଫଳ ମାଡ଼ି ନେଃଏତିତନ୍ ।