ରୋମୀୟ 9:23 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²³ ମେଣ୍ଡେ ଅଣ୍ଡ୍‌ ତାନ୍ ଗୌରବ୍ ତଅତାନ୍ ସେଙ୍ଗେ ମାନାଙ୍କ୍‍ ଗାଟି ଅନୁଗ୍ରହ ତଡ଼୍ ମୁନେନ୍ ଏଞ୍ଚିମାତ୍‍ତଣ୍ଡ୍ ।

ରୋମୀୟ 9:23 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 1:17

ୟାୟବାବାନ୍ ହୃଦୟ୍ ପିଲାନ୍ ସେଙ୍ଗେ ନୁ ପୁନ୍‍ୱେ ନାରୁଡ଼୍ ଦାର୍ମିକ୍ ନାରୁଡ଼୍‍ତେ ବୁଦ୍‍ତେ କାମ୍ ମାଡ଼ାନ୍ ସେଙ୍ଗେ ମାଲ୍‍ପାନଙ୍କ୍ ମେଣ୍ଡେ ପ୍ରବୁନ୍ ସେଙ୍ଗେ ସାଏତ୍‍ ଦଣ୍ଡଆତ୍‍ତେ ୱେରନ୍ ନାରୁଡ଼୍‌ମଣ୍ଡଲି ତିଆର୍ ମାଡ଼ାଙ୍କ୍ ଅଣ୍ଡ୍‌ ଏଲିୟତେ ଆତ୍ମା ନୁ ଶକ୍ତିତେ ଅନ୍‌ ମୁନ୍‍ନେ ତାକି ଆଦ୍‍ତନ୍ ।”

ପ୍ରେରିତ 9:15

ପ୍ରବୁ ଅଂକିଙ୍କ୍‌ କେତ୍‍ତଣ୍ଡ୍, “ଅନ୍‌, ଇସ୍ରାଏଲ୍‍ ନାରୁଡ଼୍ ନୁ ଅଣଇହୁଦୀ ନୁ ରାଜାଲଡ଼୍ ମୁନ୍‍ନେ, ନା ପେଦେର୍ କେତାନଙ୍କ୍ ନୁ ନାୱାଦ୍ ସେବା ମାଡ଼ାନଙ୍କ୍ ନାନ୍ ଅଂକିଙ୍କ୍‌ ହେଞ୍ଚ୍‍ତାନ୍ ।

ରୋମୀୟ 2:4

ଆଦ୍‍ପାର୍‍ଦ୍‍ତେ, ଇଶ୍ୱର୍‌ତେ କୃପା, ଗାଡ଼୍‍ସ୍ ନୁ ସାରେ ଲେକାମ୍ ଦନ୍‍ତିଙ୍କ୍ ଆଙ୍ଗ୍‍ଡ଼ାମ୍ ମାଡ଼ୁତିଡ଼୍ । ଆଗେକ୍‍ବା ମିଡ଼୍‍ ପୁତ୍‍ତିଡ଼୍‍ ଯେ ଇଶ୍ୱର୍ ଦୟାବାନ୍‍, ବାତେଙ୍କ୍‍ଇତ୍‍କେ ଅଣ୍ଡ୍‌‍ ମିକିଂଙ୍କ୍ ମନ୍ ବାଦ୍‍ଲା ମାଡ଼ାନଙ୍କ୍ ତିୟାର୍ ଆଦୁତନ୍ ।

ରୋମୀୟ 8:29

ବେନଡ଼୍‍କିଂଙ୍କ୍ ଇଶ୍ୱର୍ ଏଞ୍ଚିମିନ୍ଦେଣ୍ଡ୍, ଅଡ଼୍‌‍କିଂଙ୍କ୍ ତାମ୍ ମାର୍‍କିନ୍ ଲେକାମ୍ ଆଦାନଙ୍କ୍ ମୁନେତ୍‍କେ ତିୟାର୍ ମାଡ଼ିମିନ୍ଦେଣ୍ଡ୍ । ଆଲେକେ ଇଶ୍ୱର୍‌ତେ ମାର୍‍କ୍ ଅଡ଼୍‌‍କିଂଙ୍କ୍ ମୁନେଙ୍କ୍‍ ପୁଟ୍‍ତେନଡ଼୍‍ ଆଦ୍‍ତଡ଼୍‍ ।

ରୋମୀୟ 8:30

ବେନଡ଼୍ ଇଦ୍‍ରକମ୍ ଏଞ୍ଚି ୱାସ୍‍ମିନ୍ଦେଡ଼୍, ଅଡ଼୍‌ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆସ୍ ଗୌରବ୍‍ ପାଏମ୍ ଆଦ୍‍ତଡ଼୍ ।

ଏଫିସିୟ 1:18

ନାନ୍‍ନେ ଦନ୍ୟବାଦ୍ ମାଡ଼ିତାନ୍, ବେଲାନ୍ ଅନାଦ୍‌ ୱେସ୍ ଉଡ଼ାନ୍ ସେଙ୍ଗେ ମିୟାଦ୍‍ ଲୋପେତ୍‍ ଇଚ୍ଛା ଦାନ୍ଦେ ଆଦ୍‍ତେ । ଆଦିଙ୍କ୍‍ ବେନ୍ ଆଶେତ୍ ମାୟ୍‍ଦିଙ୍କ୍‍ ମିଡ଼୍ ଅନ୍‌‍ ତଡ଼୍ କାର୍‍ଙ୍ଗିଆସ୍‍ ୱାତ୍‍ତିଡ଼୍ ।

ଏଫିସିୟ 2:10

ମାମ୍‍ମେ ବାତେଏ ଆଦ୍‍ପାର୍‍ୱମ୍, ମାତର୍ ଇଶ୍ୱର୍‍କେ ଆଦ୍‍ ମାଡ଼୍‍ତେ; ବେନ୍ ସାରେ ସାୟେ ପାଡ଼୍‍ୟି ମାମ୍‍ମେ ମାଡ଼ିତମ୍ ଇଞ୍ଜ ଇଶ୍ୱର୍ ମୁନେଙ୍କ୍ ତିଆର୍ କିସ୍ ମାତ୍‍ତନ୍, ମାମ୍‍ମେ କ୍ରିଷ୍ଟ ଜିସୁନ୍ ତଡ଼୍ କାଇଲି ମାନ୍ଦାନ୍ ସେଙ୍ଗେ ମା ଜିୱେତାଗ୍ ଆଦ୍ ସାରେ ଆତ୍‍ତେ ।

ଏଫିସିୟ 2:7

ଜିସୁ କ୍ରିଷ୍ଟନାଗେ ଇସ୍‍ମାନ୍ଦାନ୍ ପ୍ରେମତେ ଅନାଦ୍‌ ଅନୁଗ୍ରହତେ ଶାନ୍ତି ମହତ୍ୱ ଯୁଗ୍‍ଯୁଗ୍ ସାରେଦିନା ମାଡ଼ାନ୍ ସେଙ୍ଗେ ଇଶ୍ୱର୍ ଇଦ୍‍ ମାଡ଼୍‍ତଣ୍ଡ୍ ।

ଏଫିସିୟ 3:16

ନାନ୍ ପ୍ରାର୍ତନା ମାଡ଼ୁତାନ୍ ଅଣ୍ଡ୍‌ ଅନାଦ୍‌ ଆତ୍ମାତେ ଶାସକ, ଅନାଦ୍‌ ଗୌରବ୍‍ତେ ଗୁଦାମ୍‍ତାଗାଙ୍କ୍ ମିଇ ହୃଦୟତାଗାଙ୍କ୍ ପୁଜାନ୍ ମାୟ୍‍ଦିଙ୍କ୍ ଶକ୍ତି ଇଦ୍‍ତଣ୍ଡ୍ ।

ଏଫିସିୟ 3:8

ନାନ୍ ଇଶ୍ୱର୍‌ତେ ନାରୁଡ଼୍ ଲୋପେଙ୍କ୍ ସାରେତଡ଼୍‌କିଂଙ୍କ୍ ସୁଦୁନଣ୍ଡ୍, ଆଗେକ୍‍ବା ଅଣଯିହୁଦିଡ଼୍ ଗାର୍‍ରେ କ୍ରିଷ୍ଟନ୍ ନାର୍‍ଗେ ସମ୍ପଦ୍‍ତେ ଗଟ୍ ପୟ୍‍ସ୍ ଆଦାନ୍ ମାୟ୍‍ଦିଙ୍କ୍ ନାକିଂଙ୍କ୍ ଇଶ୍ୱର୍ ସୁଯୋଗ୍ ଇସ୍‍ମିନ୍ଦେଣ୍ଡ୍ ।

କଲସୀୟ 1:12

ବାବାଲ୍ ଇଶ୍ୱର ୱେସିନ୍‍ ରାଜ୍ୟତାଗ୍ ତାନ୍‍ ନାରୁଡ଼୍‍ ସେଙ୍ଗେ ବାତ୍‍ ଲେକେତ୍ ନେଃଏତଣ୍ଡ୍, ଆଦିନ୍ ବାଗିଦାର୍‍ ଆଦାନ୍ ସେଙ୍ଗେ ଅଣ୍ଡ୍‌ ଯେ ମିକିଙ୍କ୍ ଯୋଗ୍ୟ ମାଡ଼୍‍ତନ୍, ଅଦିନ୍‌ ସେଙ୍ଗେ ୱେଡ଼୍‍କେତେ ଅଙ୍କ୍‌ ଦନ୍ୟବାଦ୍ ଇମୁଟ୍ ।

କଲସୀୟ 1:27

ତାନ୍ ନାରୁଡ଼୍‍କିଙ୍କ୍ ଆଦ୍ ମିଞ୍ଜ୍‍ତେ ଗଟ୍ କେଞ୍ଜ୍‍ପାନଙ୍କ୍ ଇଶ୍ୱର୍‌ତେ ଇଚ୍ଛା ମାତ୍‍ତେ । ଅନାଦ୍‌ ଇଦ୍ ନାର୍ଗେ ମୁଲ୍ୟ ନୁ ଗୌରବ୍ ଲେକେତ୍ ଗଟ୍ ସାରେ ନାରୁଡ଼୍ ଜାତିତେ ସେଙ୍ଗେ ଦର୍‍କାର୍ । ଇଦ୍ ଗଟ୍ ଅଦୁତ୍, କ୍ରିଷ୍ଟ ମୀଇ ଲୋପେ ମିକା ମିନ୍ଦେନ୍ । ଇଦିନ୍ ଅର୍ତ, ମିଡ଼୍ ଇଶ୍ୱର୍‌ତେ ଗୌରବ୍‍ତଡ଼ି ।

୧ ଥେସଲନିୟ 5:9

ଇଶ୍ୱର୍ ମାନ୍‍ ଅନ୍‌ କପାମ୍‍ତେ ନାରୁଡ଼୍ ଆଦାନଙ୍କ୍ ହେଞ୍ଜନ୍; ପ୍ରବୁ ଜିସୁ କ୍ରିଷ୍ଟନ୍ ନାଡ଼୍‍ମେ ମାନ୍‍ ପରିତ୍ରାଣ୍ ମାଡ଼୍‍ତନ୍‍ ସେଙ୍ଗେ ତିଆର୍ ମାଡ଼୍‍ତଣ୍ଡ୍ ।

୨ ତୀମତି 2:21

ବେନଆଇ ସାରେ ପାପ କାରାପ୍ ତାଗାଙ୍କ୍ ନିଜେତିଙ୍ଗ୍ ଶୁଚି ନେହେତିତନ୍, ଅଣ୍ଡ୍‌ ପ୍ରବୁନ୍ କାମ୍‍ଦାଗ୍ ବ୍ୟବହୃତ୍ ଆଦ୍‍ତେ, ଅଣ୍ଡ୍‌ ପ୍ରବୁନାଗେ ଅନୁରକ୍ତ, ଅନ୍‌ ସେଙ୍ଗେ ଆଦ୍ ଦର୍‍କାର୍ । ବେନ ବାତେଆଇ ଲେକେତ୍‍ କାମ୍‍ତାଗ୍ ବିନିଯୁକ୍ତ ଆଦାନ୍ ଅଣ୍ଡ୍‌ ତିଆର୍‍ ।