ରୋମୀୟ 8:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ବେନଡ଼୍ ମାନେୟ୍‍ତେ ଲେକାମ୍ ପାଡ଼୍‍ୟି ମାଡ଼ିତଡ଼୍, ଅଡ଼୍‌ ଇଶ୍ୱର୍‌ତିଙ୍କ୍ ଶାନ୍ତି ମାଡ଼ାନଙ୍କ୍ ପାର୍‍ୱଡ଼୍ ।

ରୋମୀୟ 8:8 ပူးပေါင်းရင်းမြစ်များ

ମାତିଉ 3:17

ତାନ୍ ପେର୍କେ ସ୍ୱର୍ଗକନ୍‍ସ ଇଦ୍ ବାଣି ଆତ୍‍ତେ, “ନିମେ ମା ପ୍ରିୟ ମାର୍‍, ନିୟାଗେ ନାନେ ଗାଟି ସନ୍ତୁଷ୍ଟ ।”

ଯୋହନ୍‌‌ 3:3

ଜିସୁ ଅଂକିଙ୍କ୍‌ ଉତ୍ତର୍ ହିତ୍‍ତଣ୍ଡ୍, “ସତ୍ ନାନେ ନିକିଂଙ୍କ୍ କେତୁତାନ୍, ମେଣ୍ଡନ୍‍ଦାମ୍ ଜନମ୍ ଆୟ୍‍ୟକଟ ମାତ୍‍କେ ବେନମେଣ୍ଡେ ଇଶ୍ୱର୍‌ତେ ରାଜ୍ୟ ଉଡ଼୍‍ ପାର୍‍ୱଡ଼୍ ।”

ଯୋହନ୍‌‌ 8:29

ନା ବାବାଲ୍ ନା ସାଙ୍ଗେ ମିନ୍ଦେନ୍; ଅଣ୍ଡ୍‌ ନାକିଂଙ୍କ୍ ୱେରଙ୍କ୍ ରହତଣ୍ଡ୍, ବାତେଙ୍କ୍ ଇତ୍‍କେ ନାନ୍ ସାରେଦାମ୍ ଅନାଦ୍‌ ସାୟେତ୍ ପାଡ଼୍‍ୟି ମାଡ଼ୁତାନ୍ ।”

ରୋମୀୟ 1:21

ବାତେଙ୍କ୍ଇତ୍‍କେ ଅଡ଼୍‌ ଇଶ୍ୱର୍‌ତିଙ୍କ୍ ପୁଞ୍ଜ୍ ଅଂକିଙ୍କ୍‌ ଇଶ୍ୱର୍ ଇଞ୍ଜ ଗୌରବ୍ ମାଡ଼ଡ଼୍‍ କି ଦନ୍ୟବାଦ୍ ଇୱଡ଼୍, ଅଡ଼୍‌ ତାମ୍‍ତାମ୍ ଯୁକ୍ତିତର୍କ ଆଦ୍‍ତଡ଼୍ ନୁ ଅଡ଼ାଦ୍‌ ବୁଦ୍‍ଇଲ୍‍ୱାଦ୍ ମନ୍ ଇକାଡ଼୍ ଆତ୍‍ତେ;

ରୋମୀୟ 7:5

ବାତେଙ୍କ୍ଇତ୍‍କେ ବେସୁଟ୍‌ ମାନାଡ଼୍ ମେନ୍ଦୁଲ୍ ପୟ୍‍ସ୍ ମାତ୍‍ତାଡ଼୍, ଆସୁଟେ ନିୟମ୍ ତଡ଼୍ ପାପ୍‍ଲାଲସା ମାୟାଦ୍‌ ମେନ୍ଦୁଲ୍‍ତାଗ୍ ଡଲାନ୍ ସେଙ୍ଗେ କାୟା ଆଦ୍‍ସ୍ପାନଙ୍କ୍ ପାଡ଼୍‍ୟି ମାଡ଼ମାତ୍‍ତା,

ରୋମୀୟ 8:9

ଯଦି ନିଜାମ୍ ଇଶ୍ୱର୍‌ତାଦ୍ ପବିତ୍ର ଆତ୍ମା ମିୟାଗେ ମିନ୍ଦେ, ମିଡ଼୍ ମେଣ୍ଡେ ମାନେୟ୍‍ ଲେକାମ୍ ଜିୱୁଣ୍ଡ୍ ବାଦ୍‍କ୍‍ୱିଡ଼୍, ଇତ୍‍କେ ଜିୱୁଣ୍ଡ୍‍ତାଗ୍ ପବିତ୍ର ଆତ୍ମାତେ ଗଟ୍ ପାଲନ୍ ମାଡ଼ୁତିଡ଼୍ । କ୍ରିଷ୍ଟନାଦ୍ ଆତ୍ମା ବେନନ୍ ଗାର୍‍ରେ ଇଲ୍‍ଲେ, ଅଣ୍ଡ୍‌ ବେସୁଟ୍‌ ଅନ୍‌ ନାରୁଣ୍ଡ୍‍ ଆଦାନଙ୍କ୍ ପାର୍‍ୱଣ୍ଡ୍ ।

୧ କରନ୍ତିୟ 7:32

ବାତେଙ୍କ୍ ଇତ୍‍କେ ମିଡ଼୍ ବେଲା ଆଲ୍‌ସ୍‌ୱିଡ୍‌, ନାନ୍‌ ଇଲା ଆଲ୍‌ସୁତାନ, ଇଦ୍‌ ନାୟାଦ୍‌ ଇଚ୍ଛା । ବେନ ପେଣ୍ଡୁଲ୍‌ ଆଇୱାନନ୍‌, ଅଣ୍ଡ୍‌‌ ବେଲା ପ୍ରବୁନାଗ୍‌ ନେଲ୍ଲାତଣ୍ଡ୍‌ ଆତଣ୍ଡ୍, ଆଦିନ୍‌ମାଇଦିଙ୍କ୍‌ ପ୍ରବୁନ୍‌ ବିଷୟ ଆସ୍‌ ଆଲସାଟ୍;

ଫିଲିପିୟ 4:18

ମିୟାଗାଙ୍କ୍‍ ନାନ୍ ପାଏମ୍‍ଆସ୍‍ ମାନ୍ଦାନ୍‍ ସାରେ ଦାନ ସେଙ୍ଗେ ପ୍ରାପ୍ତି ସ୍ୱୀକାର୍ ମାଡ଼ୁତାନ୍ । ଏପାପ୍ରଦିତ୍‍ତେ କାୟ୍‍ଦାଗ୍ ମିଡ଼୍ ରହସ୍ ମାନ୍ଦାନ୍ ଦାନ ନାୟାଦ୍ ସାରେ ଅବାବ୍ ପୁରା ମାଡ଼୍‍ତାନ୍ । ଆଦ୍ ଇଶ୍ୱର୍‌ତେ ଉଦ୍ଦେଶ୍ୟତେ ଇତ୍‍ତେ ସାୟେତ୍‍ ଗାବ୍‍ ପୁଜା ସାମାନ୍‍ ନୁ ଅଣ୍ଡ୍‌‍ ଗ୍ରହଣ ମାଡ଼ାନାଦ୍‍ ବା ସାୟେତାଦ୍‍ ବଲିଦାନ୍ ଲେକାମ୍ ।

କଲସୀୟ 1:10

ଆଲେକେ, ମିଡ଼୍ ପ୍ରବୁନ୍‍ ଇଚ୍ଛା ଲେକାମ୍ ବାଦ୍‍କେ ପାର୍‍ଦ୍‍ତିଡ଼୍ ନୁ ଅନାଦ୍‌ ପସନ୍ଦ୍‍ ଲେକେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ । ମୀୟାଦ୍ ଜିୱେତାଗ୍ ସାରେ ଲେକାତ୍ ସାୟେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ ନୁ ଇଶ୍ୱର୍‌ତେ ବିଷୟତେ ମିୟାଦ୍ ଜ୍ଞାନ୍ ନାର୍ଗେ ଆଦ୍‍ତେ ।

କଲସୀୟ 3:20

ପିଲାନଡ଼ି, ସାରେଦାମ୍ ମିଡ଼୍ ମିଇ ୟାୟବାବଡ଼୍ ଗଟି କେଞ୍ଜାଟ୍ । ଇଦ୍ ମିୟାଦ୍ କ୍ରିଷ୍ଟିୟାନ୍ ପାଡ଼୍‌ୟି, ବାତେଙ୍କ୍ ଇତ୍କେ ଇଗେ ଇଶ୍ୱର୍ ୱେଡ଼୍‍କେ ଆଦ୍‍ତନ୍ ।

୧ ଥେସଲନିୟ 4:1

ଆଦେଲେକାମ୍ ଦାଦାନଡ଼ି ନୁ ଏଲାସ୍କ୍‍, ଇଶ୍ୱର୍‌ତିଙ୍କ୍ ଶାନ୍ତି ମାଡ଼ାନ୍ ସେଙ୍ଗେ ବେଦ୍‍ଲେକାମ୍ ବାଦ୍‍କାନଙ୍କ୍ ଆଦ୍‍ତେ, ଆଦ୍ ମାୟାଗାଙ୍କ୍ ଶିକ୍ଷା ମାଡ଼ିମିନ୍ଦେଣ୍ଡ୍ । ଆଦେଲେକାମ୍ ମୀଡ଼୍ ବାଦ୍‍କ ୱାଦୁତିଡ଼୍, ବାତେଙ୍କ୍ ଇତ୍‍କେ ହିଗାଙ୍କ୍ ବାତେଏ ଅଦିକ୍‌ ମାଡ଼ାନଙ୍କ୍ ମିକିଂଙ୍କ୍ ମାମ୍‍ମେ ହିଞ୍ଜେ ପ୍ରବୁ ଜିସୁନ୍ ପେଦେର୍‍ତେ ବିନତି ବା ସାରେଦା ମାଡ଼ୁତମ୍ ।

ଏବ୍ରୀ 13:16

ଅନ୍‌ୟାଇ ନାରୁଡ଼୍‍କ୍ ଉପ୍‍କାର୍ ମାଡ଼ାନାଦ୍ ନୁ ଅଡ଼୍‌‍କିଂଙ୍କ୍ ସାହାଯ୍ୟ ମାଡ଼ାନାଦ୍ ମାର୍‍ଙ୍ଗ୍‍ମାଟ୍, ଇୱୁସାର୍ରେକେ ଇଶ୍ୱର୍‌ତେ ଲେକେତ୍ ବଲି ଲେକାମ୍‍ ।

ଏବ୍ରୀ 13:21

ଶାନ୍ତିଦାତାଲ୍ ଇଶ୍ୱର୍ ତାନ୍ ଇଚ୍ଛା ପାଲନ୍ ମାଡ଼ାନ୍ ସେଙ୍ଗେ ମିୟାଦ୍ ଦର୍‍କାର୍‍ ଇସାବ୍‍ ସାର୍ରେ ଲେକେତ୍ ବିଷୟ ଇୱିଣ୍ଡ୍ ନୁ ଜିସୁ କ୍ରିଷ୍ଟନ୍ ତଡ଼୍ ମାନ୍‍ ଜିୱୁଣ୍ଡ୍‍ତାଗ୍ ଅନାଦ୍‌ ସାୟେ ପାଡ଼୍‍ୟି ମାଡ଼ୁତଣ୍ଡ୍ । ଯୁଗ୍‍ଯୁଗ୍ କ୍ରିଷ୍ଟ ମହିମା ଆୟିଣ୍ଡ୍ । ଆମେନ୍‍ ।

୧ ଯୋହନ୍‌‌ 3:22

ମେଣ୍ଡେ ଅଙ୍କ୍‌ ବାତେ ତାଲ୍‍କିତାଡ଼୍, ଅଣ୍ଡ୍‌ ଆଦ୍‍ ଦାନ ମାଡ଼ିତନ୍, ବାତେଙ୍କ୍ଇତ୍କେ ମାନାଡ଼୍ ଅନ୍‌‍ ଆଦେଶ୍‍ ମାନେମ୍‍ ଅଦୁତାଡ଼୍‍; ମାନାଡ଼୍‍ କାମ୍‍ତଡ଼୍‍ ଅଂକିଙ୍କ୍‌ ସନ୍ତୁଷ୍ଟ ମାଡ଼ୁତାଡ଼୍ ।