ରୋମୀୟ 8:7 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁷ ମାନେୟ୍‍ତେ ଲେକାମ୍ ଆତ୍‍କେ ନାରୁଡ଼୍ ଇଶ୍ୱର୍‌ତାଦ୍ ଶତ୍ରୁଡ଼୍ ଆଦ୍‍ତନ୍; ବାତେଙ୍କ୍ଇତ୍‍କେ ଅଣ୍ଡ୍‌ ଇଶ୍ୱର୍‌ତାଦ୍ ନିୟମ୍ ପାଲନ୍ ମାଡ଼ଣ୍ଡ୍, ଅଣ୍ଡ୍‌ ଆଦ୍ ମାଡ଼ାନଙ୍କ୍ ପାର୍‍ୱଣ୍ଡ୍ ।

ରୋମୀୟ 8:7 ပူးပေါင်းရင်းမြစ်များ

ମାତିଉ 12:34

ଆରେ ତାଡ଼ାମ୍ ବଂଶତ୍‍ କପାତ୍‍ ନାରୁଡ଼ି ! ନିଜେ କପାମ୍ ଆସ୍ ମିଡ଼୍ ବାତେଏ ସାୟେ ଗଟ୍ କେତ୍‍ପାର୍‍ତିଡ଼୍ ? ହୃଦୟ୍‍ତେ ହେର୍କା ମକମ୍ ଇସ୍‌ ପେହିତିତ୍ ।

ମାତିଉ 5:19

ଆଦିଙ୍କ୍ ବେନ ଆୟି ନିୟମ୍‍ତାଦ୍ ସାରେତିଙ୍କ୍ ସୁଦୁରାଦ୍ ଗଟ୍‍ତିଙ୍କ୍ ପାଲନ୍ ମାଡ଼ନ୍ ମେଣ୍ଡେ ଆଦେପୁଟୁଙ୍କ୍ ମାଡ଼ାନଙ୍କ୍ ବାଗାତଡ଼୍‍କ୍ ଶିକ୍ଷା ହିଦ୍‍ତଣ୍ଡ୍, ଅଣ୍ଡ୍‌ ସ୍ୱର୍ଗରାଜ୍ୟତାଗ୍ ସାରେତିଙ୍କ୍ ସୁଦୁନଣ୍ଡ୍ ଇଞ୍ଜ କ୍ୟାତି ଆଦ୍‍ତନ୍ ।

ଯୋହନ୍‌‌ 7:7

ଜଗତ୍ ମିକିଂଙ୍କ୍ ପାସ୍‍କ, ବାତେଙ୍କ୍ ଇତ୍‍କେ ନାକିଂଙ୍କ୍ ପାସ୍‍କିତ୍‍ତେ, ବାତେଙ୍କ୍ ଇତ୍‍କେ ତାନାଦ୍ ପାଡ଼୍‍ୟି କାରାପ୍, ନାନ୍ ତାନ୍ ବିଷୟ୍‍ତେ ହି ସାକ୍ଷ୍ୟ ଇସ୍‌ ୱାଦୁତାନ୍ ।

ରୋମୀୟ 1:28

ମେଣ୍ଡେ ଅଡ଼୍‌ ଇଶ୍ୱର୍‌ତେ ବିଷୟ୍‍ତାଦ୍ ବୁଦ୍‍ ଗ୍ରହଣ୍‍ ମାଡ଼ାନଙ୍କ୍ ପାର୍‍ୱଡ଼୍, ଆଦେରକମ୍ ଇଶ୍ୱର୍ କାରାପ୍ ପାଡ଼୍‍ୟି ମାଡ଼ାନ୍ ସେଙ୍ଗେ ଅଡ଼୍‌‍କିଂଙ୍କ୍ କାରାପ୍ ବୁଦ୍‍ ଇତ୍‍ତନ୍ ।

ରୋମୀୟ 1:30

ଅଡ଼୍‌ ପେର୍‍ଲେ, ନିନ୍ଦ୍ ମାଡ଼ିତଡ଼୍‍, ଇଶ୍ୱର୍‌ତିଙ୍କ୍‍ ପାସ୍‍କିତଡ଼୍‍, ଅତ୍ୟାଚାର୍, ଅହଂକାରି, କାରାପ୍ ପାଡ଼୍‍ୟି ତିୟାର୍ ମାଡ଼ାନଡ଼ି, ୟାୟବାବାନ୍ ଗଟି କେଞ୍ଜଡ଼୍,

ରୋମୀୟ 3:31

ଆଲେକେ ମାମ୍‍ମେ ବାତ୍ ବିଶ୍ୱାସ୍ ତଡ଼୍ ନିୟମ୍‍ତିଙ୍କ୍ ଲପ୍ ମାଡ଼ୁତାଡ଼୍ ? ଆଦ୍ ବେସୁଟ୍‌ ବା ଆୟ୍‍ମାକି, ବିଶ୍ୱାସ୍‍ ତଡ଼୍‍ ମାନାଡ଼୍ ନିୟମ୍‍ତିଙ୍କ୍ ସାୟେ ତିଆର୍ ମାଡ଼ୁତାଡ଼୍ ।

ରୋମୀୟ 5:10

ମାନାଡ଼୍ ଇଶ୍ୱର୍‌ତେ ଶତ୍ରୁଡ଼୍ ମାନ୍ଦାନ୍‍ୱେଲେ ଅନ୍‌ ମାର୍‌ ମାନ୍‍ ସେଙ୍ଗେ ଜିୱୁଣ୍ଡ୍ ଇତ୍‍ତନ୍, ଆଦିଙ୍କ୍ ଇଶ୍ୱର୍ ତଡ଼୍ ମାନାଡ଼୍ ମେଣ୍ଡଅନ୍‌‍ଦାମ୍ କାୟ୍‍ଲ୍‍ତାଡ଼୍ । ଇଶ୍ୱର୍ ତଡ଼୍ କାୟ୍‍ଲ୍‍ତେ ପେର୍‍କେ ଇଞ୍ଜେ କ୍ରିଷ୍ଟନ୍ ଜିୱୁଣ୍ଡ୍ ତଡ଼୍ ପରିତ୍ରାଣ୍ ପାଏମ୍ ଆଦ୍‍ଦାନ୍ ସେଙ୍ଗେ ମାନାଡ଼୍ ବେସର୍ ନାର୍‍ଗେ ସୁଯୋଗ୍ ପାଏମ୍ ଆୟ୍‍ୱାଡ଼୍ ?

ରୋମୀୟ 7:22

ବାତେଙ୍କ୍ଇତ୍‍କେ ଲୋପେତଣ୍ଡ୍ ମାନେୟ୍‍ତାଦ୍ ଆଲ୍‍ସାନାଦ୍ ଲେକାମ୍ ନାନ୍ ଇଶ୍ୱର୍‌ତାଦ୍ ନିୟମ୍‍ତାଗ୍ ୱେଡ଼୍‍କ୍‍ ମାଡ଼ିତାନ୍,

ରୋମୀୟ 8:4

ବେଲାକି ମେନ୍ଦୁଲ୍ ଆଲ୍‍ସାନ୍‍ ଇସାପ୍‍ତେ ବ୍ୟବହାର୍‌ ମାଡ଼କଟ୍ ଆତ୍ମାତାଦ୍ ଆଲ୍‍ସାନ୍ ଇସାପ୍‍ତେ ମାନାଡ଼୍ ବ୍ୟବହାର୍‌ ମାଡ଼ିତାଡ଼୍, ମାୟାଗେନେ ନିୟମ୍‍ତାଦ୍ ଦାର୍ମାମ୍‌ନିତି ତିୟାର୍ ଆଦ୍‍ତେ ।

୧ କରନ୍ତିୟ 2:14

ବେନ୍‍ ନାରୁଡ଼୍ ମେଲ୍‍ତେ ଇସାପ୍‍ତେ ଇଲଣ୍ଡ୍‌, ଅଣ୍ଡ୍‌ ପରମେଶ୍ୱରତାଦ୍‌ ଆତ୍ମିକ ସାୟାତାୱ୍‌ ଆଦା ପାର୍‍ୱଣ୍ଡ୍ । ଅଣ୍ଡ୍‌ ଆତ୍ମାତ୍ ସାତ୍ ସାର୍‍ରେ ବୁଜେମ୍ ଆୟା ପାର୍ୱଣ୍ଡ୍‌ । ଆୱୁସାର୍ରେ ଅନ୍‌ ସେଙ୍ଗେ ପୁନ୍‍ୱାଦ୍; ବାତେଙ୍କ୍ ଇତ୍‍କେ ଆୱ୍‌ ସାର୍‍ରେ ଆଦ୍ୟାତ୍ମିକ ଇସାବ୍‌ତେ ବିଚାର୍‌ କିଦାନଙ୍କ୍‌ ଆତା ।

୧ କରନ୍ତିୟ 9:21

ଆଦେରକମ୍ ଅଣଇହୁଦୀଡ଼୍ ପାଏମ୍ ଆଦାନ୍ ସେଙ୍ଗେ ନାନ୍ ଅଡ଼୍‌ ଲୋପେ ପାଡ଼୍‍ୟି ମାଡ଼ାନ୍‍ୱେଲେ ଅଣଇହୁଦୀଡ଼୍ ଲେକାମ୍ ନିୟମ୍‍ତେ ବାୟିଦେ ବ୍ୟବହାର୍‌ ମାଡ଼ୁତାନ୍ । ଇଦିନାଦ୍ ଇତ୍‍କେ ଆୟ୍‍ୟ ଜେ, ନାନ୍ ଇଶ୍ୱର୍‌ତେ ନିତୀନିୟମ୍ ପାଲନ୍ ମାଡ଼ନ୍ । ନିଜାମ୍‍ତେ ନାନ୍ କ୍ରିଷ୍ଟନ୍ ନିୟମ୍‍ତାଗ୍ ମିନ୍ଦେନ୍ ।

କଲସୀୟ 1:21

ଅଣ୍ଡୟ୍‌‍ ସମୟତେ କାରାପ୍ ଚିନ୍ତା ନୁ କାରାପ୍ କାମ୍ ମାଡ଼ମାନ୍‍ନାକ୍ ମିଡ଼୍ ଇଶ୍ୱର୍‌ତାଗାଙ୍କ୍ ଯେକା ମାତ୍‍ତିଡ଼୍ ନୁ ଅନ୍‌ ଶତ୍ରୁ ମାତ୍‍ତିଡ଼୍ ।

କଲସୀୟ 2:18

ବେନଡ଼୍ ବିଶେଷ୍‍ ଦର୍ଶନ୍, ବାୟ୍‍ଦେ ସାୟେତଣ୍ଡ୍‍ ନୁ ଦୂତ ପୂଜା ପରୁ ଗୁରୁତ୍ୱ ଇସ୍ ଗର୍ବ ମାଡ଼ିତଡ଼୍, ଅଡ଼୍‌‍କିଂଙ୍କ୍ ଉଡ଼ି ମିଡ଼୍ ନିଜେତିଙ୍କ୍ ସୁଦୁର୍‍ ଏର୍କା ମାଡ଼୍‍ମାଟ୍ । ଇଦ୍‍ଲେକାମ୍ ନାରୁଡ଼୍ ନିଜେତିଙ୍କ୍‍ ନାରୁଡ଼୍‍ ଚିନ୍ତାତଡ଼୍ ଆଙ୍ଗ୍‍ଡ଼ାତ୍‍ ଗର୍ବତାଗ୍‍ ଗର୍ବୀଆସ୍‍ ମାନ୍‍ତଡ଼୍‍ ।

୨ ତୀମତି 3:4

ଅଡ଼୍‌ ଆଶେତେ ସ୍ପୀତ ଆସ୍ ବିଶ୍ୱାସଗାତକ ନୁ ବିଚାର୍‌ ଆଦ୍‍ତଡ଼୍; ଅଡ଼୍‌‍ ଇଶ୍ୱର୍‌ତେ ବକ୍ତିତାଗାଙ୍କ୍ ଆମଦ୍ ପ୍ରମଦ୍‍ତିଙ୍ଗ୍ ସାରେଦାମ୍ ହେର୍କା ମାଡ଼ିତଡ଼୍ ।

ଏବ୍ରୀ 8:10

ପ୍ରବୁ କେତ୍‌ତଣ୍ଡ୍‍, ନାନ୍ ୱାଇନାଦ୍‌ କାଲାତେ ଇସ୍ରାଏଲ ନାରୁଡ୍‌ ସାଙ୍ଗ୍ ଇଦ୍‌ ନିୟମ୍‌ ମାଡ଼ିତାନ୍ । ନାନ୍‍ ନାୟାଦ୍‌ ନିୟମ ଅଡ଼୍‌‍ ଏରକେତେ ୱାଟିତାନ୍ ନୁ ତାମ୍ ଜିୱୁନ୍‌ତାଗ୍‌ ଲେକିତ୍‌ତାନ୍, ନାନ୍‌ ତାମ୍‌ ଇଶ୍ୱର୍ ଆଦ୍‍ତାନ୍, ମେଣ୍ଡେ ଅଡ୍‌ ନା ନାରୁଡ୍‌ ଆଦ୍‍ତଡ୍‌ ।

ଯାକୁବ 4:4

ବିଶ୍ୱାସ୍‍ତିଙ୍କ୍‍ ଉଃତାନଡ଼ି, ଜଗତ୍‍ତିଙ୍କ୍ ସାଙ୍ଗ ମାଡ଼୍‍କେ ଇଶ୍ୱର୍‌ତେ ଶତ୍ରୁଡ଼୍ ଆଦ୍‍ତିଡ଼୍, ଇଦ୍ ବାତ୍ ପୁନ୍‍ୱିଡ଼୍ ? ଆଦିଙ୍କ୍ ବେନ ଜଗତ୍‍ତିଙ୍କ୍ ସାଙ୍ଗ ମାଡ଼ାନଙ୍କ୍ ଆଲ୍‍ସିତିଡ଼୍; ଅଣ୍ଡ୍‌ ଇଶ୍ୱର୍‌ତେ ବିରୁଦ୍ଦି ଆଦ୍‍ତନ୍ ।

୨ ପିତର୍‌ 2:14

ଅଡ଼୍‌ ମିକିଙ୍କ୍ ସିଗ୍ ନୁ କାର୍‍କେ ପୟ୍‍ତେ ଲେକାମ୍ । ଅଡ଼ାୱୁ କଣ୍ଡା କାରାପ୍ କାମ୍‍ତେ ନିଣ୍ଡ୍‍ତେ । ଅଡ଼ାଦ୍‌ ପାପ୍ ବେସୁଙ୍କ୍‍ ପୁରା ଆୟ୍‍ୟ । ଅଡ଼ାଦ୍‌ ଦୁର୍ବଲ୍‍ତେ ମନ୍‍ତେ ନାରୁଡ଼୍‍କ୍ ଉଡ଼ିଇଦାଗ୍ ୱାଟିତଡ଼୍ । ଲବି ଆଦାନଙ୍କ୍‍ ଅଡ଼୍‌‍ୱାଦ୍‍ ଅବ୍ୟାସ୍ । ଅଡ଼୍‌ ଇଶ୍ୱର୍‌ତେ ଅବିଶାପ୍‌‍ତେ ନାରୁଡ଼୍‍ ଆଦ୍‍ତଡ଼୍‍ ।