ରୋମୀୟ 8:34 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³⁴ ଆଲେକେ ବେନ ଅଡ଼୍‌‍କିଂଙ୍କ୍ ମେଣ୍ଡେ ଦଷି ମାଡ଼େପାର୍‍ଦ୍‍ତଣ୍ଡ୍ ? କ୍ରିଷ୍ଟ ଜିସୁ ଆଦ୍ ବେସୁଟ୍‌ ମାଡ଼ଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ଡଲ୍‍ତାଗାଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ଆସ୍ ଇଶ୍ୱର୍‌ତେ ତିନ୍ଦେପାକ୍ କୁଦିମିନ୍ଦେଣ୍ଡ୍ । ଅଣ୍ଡ୍‌‍ ଆନ୍‌ତେ ମାନ୍‍ ସେଙ୍ଗେ ନାଡ଼୍‍ମେ ପ୍ରାର୍ତନା ମାଡ଼ୁତଣ୍ଡ୍‍ ।

ରୋମୀୟ 8:34 ပူးပေါင်းရင်းမြစ်များ

ମାତିଉ 20:28

ବେଦ୍‍ଲେକାମ୍ ନାରିନ୍ ପିଲେ ସେବା ଆଦାନ୍ ସେଙ୍ଗେ ୱାଡ଼ଣ୍ଡ୍ ସେବାମାଡ଼ି ବାଗାତଡ଼ାଉ ମୁକ୍ତି ସେଙ୍ଗେ ନିଜେତ୍ ଜିୱୁନ୍‍ ହିଦାଙ୍କ୍ ୱାତ୍‍ତନ୍ ।”

ମାର୍କ 16:19

ଅଡ଼୍‌‍କିଂଙ୍କ୍‌ ଇ ସାରେ ଗଟି କେସ୍ ତେରି ପ୍ରବୁ ଜିସୁ ସ୍ୱର୍ଗ ଇଶ୍ୱରତେ ତିନ୍ଦେ କାଇଦେ ପାକେ କୁଦ୍‍ତଣ୍ଡ୍ ।

ଯୋହନ୍‌‌ 14:19

ସୁଦୁଟ୍ ମାତର୍ ଦିନାମ୍ ମିନ୍ଦେ, ଜଗତ୍ ନାକିଂଙ୍କ୍ ମେଣ୍ଡେ ଉଡ଼; ମାତର୍ ମିଡ଼୍ ନାକିଂଙ୍କ୍ ଉଡ଼ିତିଡ଼୍, ବାତେଙ୍କ୍ ଇତ୍‍କେ ନାନ୍ ଜିୱେ, ମେଣ୍ଡେ ମିଡ଼୍ ଆନ୍‌‍ତେ ଜିୱେ ମାନ୍ଦ୍‍ତିଡ଼୍ ।

ଯୋହନ୍‌‌ 16:23

“ଆଦ୍ ଦିନ୍ ୱାଦ୍‍ତେ ମିଡ଼୍ ନାକିଂଙ୍କ୍ ବାତେଏ ତାଲ୍‍କାଙ୍କ୍ ୱେୟ୍ । ସତ୍ ନାନ୍ ମିକିଂଙ୍କ୍ କେତୁତାନ୍, ଯଦି ମିଡ଼୍ ବାବାଙ୍କ୍ ବାତ୍ ତାଆଲ୍‍କିତିଡ଼୍, ଆସୁଟେ ନା ପେଦେର୍ ତେ ଅଣ୍ଡ୍‌ ମିକିଂଙ୍କ୍ ଆଦ୍ ହିଦ୍‍ତଣ୍ଡ୍ ।

ପ୍ରେରିତ 2:24

ଇତ୍‍କେ ଇଶ୍ୱର୍ ଅଂକିଙ୍କ୍‌ ଡଲ୍‍ତାଗାଙ୍କ୍ ମୁକ୍ତି ମାଡ଼ି ପୁନର୍‍ଜିବିତ୍‍ ମାଡ଼୍‍ତଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ଜେ ଡଲିମାତ୍‍ତଣ୍ଡ୍ ଆଦ୍ ସମ୍ଭବ୍ ଆୟ୍‍ୟ ।

ରୋମୀୟ 14:13

ଆଦିଙ୍କ୍ ନିଜର୍‍ନିଜର୍ ଲୋପେ ବିଚାର୍ ମାଡ଼୍‍ମାଟ୍ । ଇଦ୍‍ରକମ୍ ମିକା ବାତ୍ ମାଡ଼୍‍ମାଟ୍, ବାତ୍‍ତିଙ୍କ୍ ମିଇ ତାମୁଣ୍ଡ୍ ମଦଲ୍ ରାଲି ପାପାମ୍ ମାଡ଼ିତନ୍ ।

ରୋମୀୟ 14:9

ବାତେଙ୍କ୍‍ଇତ୍‍କେ କ୍ରିଷ୍ଟ ଡଲି ମେଣ୍ଡନ୍‍ନ୍ଦାମ୍ ତେଏଦ୍‍ତାଙ୍କ୍ ଇଡ଼୍‍ୱୁଡ଼୍ ଜିୱୁଣ୍ଡ୍ ମାନ୍ଦାନଡ଼୍ ନୁ ଡଲ୍‍ତଡ଼୍ ସାର୍ରେତଡ଼୍‍ୱାଦ୍ ଅଣ୍ଡ୍‌ ପ୍ରବୁ ଆତ୍‍ତଣ୍ଡ୍ ।

ରୋମୀୟ 4:25

ଅଣ୍ଡ୍‌ ପ୍ରବୁ ଜିସୁ ମାନ୍‍ ପାପ୍ ସେଙ୍ଗେ ଡଲିମାତ୍‍ତଣ୍ଡ୍ ନୁ ଇଶ୍ୱର୍‌ତାଗ୍ ମାକିଂଙ୍କ୍ ନିର୍ଦୋଷ୍‌ ମାଡ଼ାନଙ୍କ୍ ମେଣ୍ଡେଅନ୍‌ଦାମ୍‍ ଜିୱେ ଆସ୍‍ମାତ୍‍ତଣ୍ଡ୍ ।

ରୋମୀୟ 8:1

ତ ବେନଡ଼୍ କ୍ରିଷ୍ଟ ଜିସୁନାଗ୍ ମିନ୍ଦେଡ଼୍‍, ଅଡ଼୍‌ ସେଙ୍ଗେ ବାତ୍ ତିପାଲ୍ ଇଲ୍‍ଲେ ।

ରୋମୀୟ 8:27

ଇଶ୍ୱର୍ ଆଦ୍ ବୁଜେମ୍ ଆଦ୍‍ତନ୍, ବାତେଙ୍କ୍ଇତ୍‍କେ ଅଣ୍ଡ୍‌ ଲୋପେତ୍ ଗଟ୍ ପୁତ୍‍ତଣ୍ଡ୍ ନୁ ପବିତ୍ର ଆତ୍ମା ଇଶ୍ୱର୍‌ତେ ଇଚ୍ଛା ଲେକାମ୍ ତାମ୍ ନାରୁଡ଼୍ ସେଙ୍ଗେ କେତିତଣ୍ଡ୍ ।

କଲସୀୟ 3:1

ମିଡ଼୍‍ କ୍ରିଷ୍ଟନ୍ ତଡ଼୍ ଡଲ୍‍ତାଗାଙ୍କ୍ ତେଏଦ୍‍ତିଡ଼୍ । ଆଦିଙ୍କ୍ ସ୍ୱର୍ଗତେ ବିଷୟ ସେଙ୍ଗେ ମାନ୍‍ମାଡ଼ାଟ୍, ବାତେଙ୍କ୍ଇତ୍କେ କ୍ରିଷ୍ଟ ସ୍ୱର୍ଗତାଗେ ଇଶ୍ୱର୍‌ତେ ତିନ୍ଦେ ପାକେ କୁଦି ମିନ୍ଦେନ୍ ।

ଏବ୍ରୀ 1:3

ଅନାଗା ଇଶ୍ୱରନ୍‌ ମହିମାତାଦ୍‌ ୱେସ୍‌ ପତିତ୍‌ ନୁ ସ୍ୱର୍ଗତାଦ୍‍ ସମ୍ପତି ସାର୍ରେ ମିନ୍ଦେ । ମେଣ୍ଡେ ଅଣ୍ଡ୍‌ ତାନ୍ ଗଟ୍‌ତଡ଼୍‍ ସାର୍ରେ ଜଗତ୍‍ତିଙ୍କ୍‍ ପଇସ୍‌ ମିନ୍ଦେଣ୍ଡ୍‌ । ଅଣ୍ଡ୍‌‌ ନାରୁଡ଼୍‍ ଜାତ୍‌ତେ ମାଇଦିଙ୍କ୍‌ ପାପ୍ କ୍ଷମା ମାଡ଼ି ସ୍ୱର୍ଗତଣ୍ଡ୍‍ ବାଗ୍‌ୱାନ୍‌ତାଗ୍‌ ଲାୱ୍‌ଦେ ଇଶ୍ୱରନ୍‌ ତିନ୍ଦେ ପାକା କୁଦି ମିନ୍ଦେଣ୍ଡ୍ ।

ଏବ୍ରୀ 7:25

ଆଦିନ୍ ବେନଡ଼୍‍ ଅଙ୍କ୍‌‌ ଆସ୍‌ ଇଶ୍ୱରନ୍‌ ଗାର୍ରେ ଅନ୍‌ତଡ୍, ଅଡ଼୍‌କିଂଙ୍କ୍‌ ଅଣ୍ଡ୍‌‌ ଇଞ୍ଜେ ମେଣ୍ଡେ ସାର୍ରେଦିନା ଗେଲ୍‌ସ୍ପା ପାର୍ଦେତଣ୍ଡ୍, ବାତାଙ୍କ୍‌ଇତ୍‌କେ ଅଡ୍‌ ମାଇଦିଙ୍କ୍ ଇଶ୍ୱରନ୍‌ ମୁନେ କେତାନଙ୍କ୍‌ ଅଣ୍ଡ୍‌‌ ସାରେଦିନେ ଜିୱୁ ମିନ୍ଦେଣ୍ଡ୍‌ ।

ଏବ୍ରୀ 9:24

ବାତ୍‍ ନାରୁଡ଼୍‍ ତିଆର୍‍ ମାଡ଼ଡ଼୍‍, ଇଦ୍‍ରକମ୍‍ ଅଣ୍ଡୟ୍‌‍ ପବିତ୍ର ପଡ଼୍‍ୟେତାଗ୍‍ କ୍ରିଷ୍ଟ ଆତ୍‍ତଣ୍ଡ୍‍ । ଆଦ୍‍ ବାତ୍‍ବା ନିଜାତାଦ୍‍ ବିଷୟ୍‍ତେ ଅନୁରୁପ୍‍ ଆୟ । ଅଣ୍ଡ୍‌‍ ସ୍ୱର୍ଗତାଗ୍‍ ଆତ୍‍ତଣ୍ଡ୍‍ । ଆଗେ ଅଣ୍ଡ୍‌ ମାନ୍‍ ପାକେ ଇଞ୍ଜେ ଇଶ୍ୱର୍‌ତେ ମୁନେ ମିନ୍ଦେଣ୍ଡ୍‍ ।

୧ ପିତର୍‍ 3:18

ମିକିଂଙ୍କ୍ ଇଶ୍ୱର୍‌ତେ ପାକେ ତାତାନ୍‍ ସେଙ୍ଗେ କ୍ରିଷ୍ଟ ନିଜେ ଦାର୍ମିକ୍ ଆସ୍ ଅଦାର୍ମିନାରୁଡ଼୍‍ ପାପତେ ପ୍ରାୟଚିତ୍‍ତେ ସେଙ୍ଗେ ନିଜେତ୍ ଜିୱେ ଇତ୍‍ତନ୍ । ଇଦ୍ ପ୍ରାୟଚିତ୍‍ତେ ଅଣ୍ଡ୍‌ ଅଣ୍ଡୟ୍‌‍ଦାମ୍ ସାରେଦିନାତ୍ ସେଙ୍ଗେ ସାଦନ୍ ମାଡ଼୍‍ତନ୍ । ଅଣ୍ଡ୍‌ ମେନ୍ଦୁଲ୍‍ ଇସାପ୍‍ତେ ଡଲ୍‍ତନ୍, ଇତ୍‍କେ ଆତ୍ମାତେ ଜିୱେ ଆତ୍‍ତନ୍,

୧ ପିତର୍‍ 3:22

ଅଣ୍ଡ୍‌ କ୍ରିଷ୍ଟ ଇଞ୍ଜେ ସ୍ୱର୍ଗତାଗ୍ ଇଶ୍ୱର୍‌ତେ ତିନ୍ଦେ ପାକେ କୁଦିମିକା ଦୂତ ନୁ ସାରେ ସ୍ୱର୍ଗତାଉ ଅଦିପତି ନୁ ସାରେ ଶକ୍ତିତିଙ୍କ୍‍ ଶାସନ୍‍ ମାଡ଼ୁତଣ୍ଡ୍‍ ।

ପ୍ରକାଶିତ୍‌ ବାକ୍ୟ 1:18

ନାନେ ଜିୱୁଣ୍ଡ୍‍ ମାନ୍ଦାନଣ୍ଡ୍‍; ଡଲିମାତ୍‍ତାନ୍, ଇତ୍‍କେ ନାନେ ଇଞ୍ଜେ ଜିୱେ ମିନ୍ଦେନ୍‍, ଅନନ୍ତ କାଲ ଜିୱେ ମାନ୍‍ତାନ୍ । ଡଲାନାଦ୍ ନୁ ନର୍କତାଦ୍‍ କୁଚ୍‍କାଇ ନା କାୟ୍‍ଦାଗ୍‍ ମିନ୍ଦେ ।