ରୋମୀୟ 5:10 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁰ ମାନାଡ଼୍ ଇଶ୍ୱର୍‌ତେ ଶତ୍ରୁଡ଼୍ ମାନ୍ଦାନ୍‍ୱେଲେ ଅନ୍‌ ମାର୍‌ ମାନ୍‍ ସେଙ୍ଗେ ଜିୱୁଣ୍ଡ୍ ଇତ୍‍ତନ୍, ଆଦିଙ୍କ୍ ଇଶ୍ୱର୍ ତଡ଼୍ ମାନାଡ଼୍ ମେଣ୍ଡଅନ୍‌‍ଦାମ୍ କାୟ୍‍ଲ୍‍ତାଡ଼୍ । ଇଶ୍ୱର୍ ତଡ଼୍ କାୟ୍‍ଲ୍‍ତେ ପେର୍‍କେ ଇଞ୍ଜେ କ୍ରିଷ୍ଟନ୍ ଜିୱୁଣ୍ଡ୍ ତଡ଼୍ ପରିତ୍ରାଣ୍ ପାଏମ୍ ଆଦ୍‍ଦାନ୍ ସେଙ୍ଗେ ମାନାଡ଼୍ ବେସର୍ ନାର୍‍ଗେ ସୁଯୋଗ୍ ପାଏମ୍ ଆୟ୍‍ୱାଡ଼୍ ?

ରୋମୀୟ 5:10 ပူးပေါင်းရင်းမြစ်များ

ଯୋହନ୍‌‌ 14:19

ସୁଦୁଟ୍ ମାତର୍ ଦିନାମ୍ ମିନ୍ଦେ, ଜଗତ୍ ନାକିଂଙ୍କ୍ ମେଣ୍ଡେ ଉଡ଼; ମାତର୍ ମିଡ଼୍ ନାକିଂଙ୍କ୍ ଉଡ଼ିତିଡ଼୍, ବାତେଙ୍କ୍ ଇତ୍‍କେ ନାନ୍ ଜିୱେ, ମେଣ୍ଡେ ମିଡ଼୍ ଆନ୍‌‍ତେ ଜିୱେ ମାନ୍ଦ୍‍ତିଡ଼୍ ।

ଯୋହନ୍‌‌ 5:26

ବାତେଙ୍କ୍ ଇତ୍‍କେ ବାବାଲ୍ ବେଦ୍‍ପୁଟୁଙ୍କ୍ ଜିୱୁଣ୍ଡ୍‍ତାଦ୍ ୱେଡ଼୍‍କେ, ଆଦେପୁଟୁଙ୍କ୍ ମାର୍‍ଦିଙ୍କ୍ ଆନ୍‌‍ତେ ଜିୱୁଣ୍ଡ୍‍ତାଦ୍ ୱେଡ଼୍‍କେ ଆତ୍‍ତାଙ୍କ୍ ହିଦ୍‍ତଣ୍ଡ୍ ।

ଯୋହନ୍‌‌ 6:40

ବାତ୍‍ତେଙ୍କ୍ ଇତ୍‍କେ ବାବାଲ୍ ଇଚ୍ଛା ମାଡ଼ିତନ୍ ବେନଆଇ ମାର୍‍ଦିଙ୍କ୍ ଦର୍ଶନ୍ ମାଡ଼ି ଅନ୍‌‍ଆଗେ ବିଶ୍ୱାସ୍ ମାଡ଼ିତନ୍, ଅଡ଼୍‌ ସାରେଦିନାତ୍ ଜିୱୁନ୍‍ ଦର୍‍କିତ୍‍, ଆଦିନ୍ ମାଇଦିଙ୍କ୍ ଶେଷ ଦିନ୍‍ତେ ନାନ୍ ସାରେତଡ଼୍‌କିଂଙ୍କ୍ ମେଣ୍ଡଅନ୍‌‍ଦାମ୍ ଜିୱୁଣ୍ଡ୍ ମାଡ଼ିତାନ୍ ।”

ଯୋହନ୍‌‌ 6:57

ଜିୱୁତେ ବାବାଲ୍ ବେଦ୍‍ପୁଟୁଙ୍କ୍ ନାକିଂଙ୍କ୍ ରହ୍‍ତଣ୍ଡ୍ ନୁ ନାନ୍ ବାବାନ୍ ସେଙ୍ଗେ ଜିୱୁ ମିନ୍ଦେନ୍, ଆଦିନ୍‌ ରକମ୍ ବେନ ନାକିଂଙ୍କ୍ ତିନ୍‍ତଣ୍ଡ୍, ଅଣ୍ଡ୍‌ ଆନ୍‌‍ତେ ନା ମାଇଦିଙ୍କ୍ ଜିୱୁନ୍ ମାନ୍‍ତଣ୍ଡ୍ ।

ରୋମୀୟ 11:28

ମିୟାଦ୍ ଲେକେତ୍‍ ସେଙ୍ଗେ ଇହୁଦୀଡ଼୍ ସୁସମାଚାର୍‍ତିଙ୍କ୍ ପାସ୍‍କି ଇଶ୍ୱର୍‌ତେ ଶତ୍ରୁ ଆତ୍‍ତଡ଼୍ । ଇତ୍‍କେ ଇଶ୍ୱର୍ ତଡ଼୍ ଏଞ୍ଚିମାନ୍ଦାନ୍‍ ସେଙ୍ଗେ ନୁ ତାମ୍ ଆନିଦାଦିଡ଼୍ ସେଙ୍ଗେ ଅଡ଼୍‌ ଇଶ୍ୱର୍‌ତେ ପ୍ରିୟ ଆସ୍‍ମିନ୍ଦେଡ଼୍ ।

ରୋମୀୟ 5:11

ମାତର୍ ଆସରେ ଆୟ୍‍ୟ, ପ୍ରବୁ ଜିସୁ କ୍ରିଷ୍ଟନ୍‍ ତଡ଼୍ ଇଶ୍ୱର୍ ବେନ୍ ସାର୍‍ରେ ପାଡ଼୍‍ୟି ମାଡ଼୍‍ତଣ୍ଡ୍, ଆଦିନ୍ ସେଙ୍ଗେ ମାନ୍‍ ଜିୱୁଣ୍ଡ୍ ଗାଟି ୱେଡ଼୍‍କେତେ ବର୍ତ୍ତି ଆତ୍‍ତେ । ଅଣ୍ଡ୍‌ ଜିସୁ ମାନାଙ୍କ୍‍ ଇଶ୍ୱର୍ ତଡ଼୍ ମେଣ୍ଡଅନ୍‌‍ଦାମ୍ କାଲ୍‍ପ୍‍ତଣ୍ଡ୍ ।

ରୋମୀୟ 5:6

ମାନାଙ୍କ୍‍ ବେନ ସାହାଯ୍ୟମାଡ଼ାଙ୍କ୍‍ ଇଲ୍‍ୱେୱେଲେ ଇଶ୍ୱର୍ ଟିକ୍‍ମାଡ଼୍‍ତେ ସମୟ୍‍ତେ କ୍ରିଷ୍ଟ ପାପୀଡ଼୍ ସେଙ୍ଗେ ଡଲ୍‍ତଣ୍ଡ୍ ।

ରୋମୀୟ 8:32

ଇଶ୍ୱର୍ ବେସୁଟ୍‍ବା ମାନ୍‍ ବିରୁଦ୍ ଆୟ୍‍ୟଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ନିଜେତ୍ ମାରିଙ୍କ୍ ମିକା ରକ୍ଷା ମାଡ଼କଟ୍ ମାନ୍‍ ସେଙ୍ଗେ ଦାନ ମାଡ଼୍‍ତଣ୍ଡ୍ । ଆଲାଇତ୍‍କେ, ଅଣ୍ଡ୍‌ ବାତ୍ ମାନାଙ୍କ୍‍ ସାର୍‍ରେ ବିଷୟ୍ ଦାନ ମାଡ଼ଣ୍ଡ୍ ?

ରୋମୀୟ 8:34

ଆଲେକେ ବେନ ଅଡ଼୍‌‍କିଂଙ୍କ୍ ମେଣ୍ଡେ ଦଷି ମାଡ଼େପାର୍‍ଦ୍‍ତଣ୍ଡ୍ ? କ୍ରିଷ୍ଟ ଜିସୁ ଆଦ୍ ବେସୁଟ୍‌ ମାଡ଼ଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ଡଲ୍‍ତାଗାଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ଆସ୍ ଇଶ୍ୱର୍‌ତେ ତିନ୍ଦେପାକ୍ କୁଦିମିନ୍ଦେଣ୍ଡ୍ । ଅଣ୍ଡ୍‌‍ ଆନ୍‌ତେ ମାନ୍‍ ସେଙ୍ଗେ ନାଡ଼୍‍ମେ ପ୍ରାର୍ତନା ମାଡ଼ୁତଣ୍ଡ୍‍ ।

ରୋମୀୟ 8:7

ମାନେୟ୍‍ତେ ଲେକାମ୍ ଆତ୍‍କେ ନାରୁଡ଼୍ ଇଶ୍ୱର୍‌ତାଦ୍ ଶତ୍ରୁଡ଼୍ ଆଦ୍‍ତନ୍; ବାତେଙ୍କ୍ଇତ୍‍କେ ଅଣ୍ଡ୍‌ ଇଶ୍ୱର୍‌ତାଦ୍ ନିୟମ୍ ପାଲନ୍ ମାଡ଼ଣ୍ଡ୍, ଅଣ୍ଡ୍‌ ଆଦ୍ ମାଡ଼ାନଙ୍କ୍ ପାର୍‍ୱଣ୍ଡ୍ ।

୨ କରନ୍ତିୟ 5:20

ମାମ୍‍ମେ କ୍ରିଷ୍ଟନ୍ ପାକେଙ୍କ୍ ଇଦ୍ ଗଟ୍ କେତୁତମ୍ । ସ୍ୱୟଂ ଇଶ୍ୱର୍‌ ମା ତଡ଼୍ ଇଦ୍ ଗଟ୍ ଇତ୍‍ତନ୍ ଇଞ୍ଜ ଏର୍କା ମାଡ଼ଙ୍କ୍ ଆଦ୍‍ତେ । କ୍ରିଷ୍ଟନ୍ ପାକେଙ୍କ୍ ମାମ୍‍ମେ ବିନତି ମାଡ଼ୁତମ୍, ଶତ୍ରୁତାଗାଙ୍କ୍ ସାଙ୍ଗ ଆୟ୍‍ମୁଟ୍ ।

୨ କରନ୍ତିୟ 5:21

ବାତେଙ୍କ୍ ଇତ୍‍କେ ବେନନାଗେ ପାପ୍‌ ଇସୁର୍‍ ମିକା ଇଲ୍‍ୱେ ମାତ୍‍କେ, ଅଂକିଙ୍କ୍‌ ଅଣ୍ଡ୍‌ ମାନ୍‍ ସେଙ୍ଗେ ପାପ୍‌ ବଲି ଲେକାମ୍ ମାଡ଼୍‍ତଣ୍ଡ୍, ବେଲାନ୍ ମାନାଡ଼୍ ଅନ୍‌‍ତଡ଼୍ ଇଶ୍ୱର୍‌ତେ ଦାର୍ମାମ୍ ଲେକାମ୍ ଆଦିକାଡ଼୍‍ ।

ଏଫିସିୟ 2:16

କ୍ରୁଶତାଗ୍ ଅନାଦ୍‌ ଡଲ୍‍ତେ ସେଙ୍ଗେ କ୍ରିଷ୍ଟ ଆ ଯିହୁଦିଡ଼୍‍ ନୁ ଯିହୁଦିଡ଼ାଗ୍‍ ମାନ୍ଦାନାଦ୍ ଶତ୍ରୁତିଙ୍କ୍ ମାପିମିନ୍ଦେନ୍; କ୍ରୁଶତଡ଼୍ ଅଣ୍ଡ୍‌ ୱେରେ ଜାତିତିଙ୍କ୍ ସମ୍ମିଲତ ମାଡ଼ି, ୱେରଡ଼୍ ମେନ୍ଦୁଲ୍ ଲେକାମ୍ ମାଡ଼୍‍ତଣ୍ଡ୍ ନୁ ଇଶ୍ୱର୍‌ତେ ପାକେ ଅଡ଼୍‌‍କିଂଙ୍କ୍ ମାଲ୍‍ପି ତାତ୍‍ତନ୍ ।

ଏଫିସିୟ 2:3

ଆଦ୍‍ଲେକାମ୍ ମାମ୍‍ମେ ସାରେତମ୍ ଅଡ଼୍‌‍ପୁଟୁଙ୍କ୍ ମାତ୍‍ତମ୍ ନୁ ମେନ୍ଦୁଲ୍ ନୁ ମନ୍‍ଦେ ଅବିଲାଷତିଙ୍କ୍ ବ୍ୟବହାର୍‌ ମାଡ଼ି ବାଦ୍‍କମାତ୍‍ତମ୍ । ସମ୍ଭବତଃ, ବାଗାତଡ଼୍ ଲେକାମ୍ ମାମ୍‍ମେ ମିକା ଇଶ୍ୱର୍‌ତେ କପାମ୍‍ତେ ପରିମାଣ ବୋଗ୍ ମାଡ଼ାନଙ୍କ୍ ଆଞ୍ଜମାତ୍‍ତମ୍ ।

ଏବ୍ରୀ 2:17

ଆଦିଙ୍କ୍‍, ସାରେ ବିଷୟତେ ତାନ୍‌ ଏଲାଡ଼୍‍ତାମୁଣ୍ଡ୍‍ ଲେକେମ୍‍ ଆଦାନଙ୍କ୍‌ ଅଙ୍କ୍‌ ଦାର୍‌କାର୍‌ ମାତ୍‌ତା, ବେଲାକି ଅଣ୍ଡ୍‌‌ ଅଡ଼ାଦ୍‌‌ ବିଶ୍ୱସ୍ତ ନୁ ଦୟାବାନ୍ ମାଡ଼ାନଣ୍ଡ୍‍ ବେଡ଼୍‍ୟା ପୁଜାରି ଆସ୍‌ ଇଶ୍ୱରନ୍‌ ସେବା ମାଡ଼େପାର୍ଦିତଡ଼୍‍ ମେଣ୍ଡେ ନାରୁଡ଼୍‍ ପାପାମ୍‌ନୁଞ୍ଚ୍‌ କ୍ଷମା ଆଦ୍‌ତଡ଼୍‍ ।

ଏବ୍ରୀ 7:25

ଆଦିନ୍ ବେନଡ଼୍‍ ଅଙ୍କ୍‌‌ ଆସ୍‌ ଇଶ୍ୱରନ୍‌ ଗାର୍ରେ ଅନ୍‌ତଡ୍, ଅଡ଼୍‌କିଂଙ୍କ୍‌ ଅଣ୍ଡ୍‌‌ ଇଞ୍ଜେ ମେଣ୍ଡେ ସାର୍ରେଦିନା ଗେଲ୍‌ସ୍ପା ପାର୍ଦେତଣ୍ଡ୍, ବାତାଙ୍କ୍‌ଇତ୍‌କେ ଅଡ୍‌ ମାଇଦିଙ୍କ୍ ଇଶ୍ୱରନ୍‌ ମୁନେ କେତାନଙ୍କ୍‌ ଅଣ୍ଡ୍‌‌ ସାରେଦିନେ ଜିୱୁ ମିନ୍ଦେଣ୍ଡ୍‌ ।

୧ ଯୋହନ୍‌‌ 2:1

ଆ ନା ପିଲାନଡ଼ି, ମିକିଙ୍କ୍ ନାୟାଦ୍ ଇଦ୍ ଚିଟି ଲେକେନାଦ୍ କାମ୍, ଇଦ୍ କାର୍‍ସ୍ ବେଲାନ୍ କି ମେଣ୍ଡେ ପାପ୍ ମାଡ଼୍‍ମାଟ୍ । ମେଣ୍ଡେ ମିଡ଼୍ ବେଲାନ୍ ପୁନ୍‍ତିଡ଼୍, ବେନ ଯଦି ପାପ୍‍ ମାଡ଼ିତନ୍, ମାନ୍‍ ସେଙ୍ଗେ ବାବାଲ୍ ଇଶ୍ୱର୍‌ତାଗେ କୃପାବିକ୍ଷା ମାଡ଼ାନଙ୍କ୍ ୱେରଣ୍ଡ୍ ଗାଟି ଦାର୍ମାମ୍‌ ନାରୁଣ୍ଡ୍ ମିନ୍ଦେଣ୍ଡ୍ ଅଣ୍ଡ୍‌‍ ପ୍ରବୁ ଜିସୁକ୍ରିଷ୍ଟ ।

୧ ଯୋହନ୍‌‌ 4:10

ଇଦ୍‍ କେ ନିଜାତାଦ୍‍ ପ୍ରେମ, ମାନାଡ଼୍ ଇଶ୍ୱର୍‌ତିଙ୍କ୍ ପ୍ରେମ ମାଡ଼୍‍ୱାଡ଼୍‍, ଅଣ୍ଡ୍‌ ମାନାଙ୍କ୍ ପ୍ରେମ ମାଡ଼ି, ମାନ୍‍ ପାପାମ୍‍ କାଞ୍ଜି ଆଦାନ୍ ସେଙ୍ଗେ ତାନ୍ ମାରିଙ୍କ୍‍ ରଅତଣ୍ଡ୍‍ ।

ପ୍ରକାଶିତ୍‌ ବାକ୍ୟ 1:18

ନାନେ ଜିୱୁଣ୍ଡ୍‍ ମାନ୍ଦାନଣ୍ଡ୍‍; ଡଲିମାତ୍‍ତାନ୍, ଇତ୍‍କେ ନାନେ ଇଞ୍ଜେ ଜିୱେ ମିନ୍ଦେନ୍‍, ଅନନ୍ତ କାଲ ଜିୱେ ମାନ୍‍ତାନ୍ । ଡଲାନାଦ୍ ନୁ ନର୍କତାଦ୍‍ କୁଚ୍‍କାଇ ନା କାୟ୍‍ଦାଗ୍‍ ମିନ୍ଦେ ।