ରୋମୀୟ 2:24 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁴ ବାତେଙ୍କ୍ଇତ୍‍କେ ବେଲା ଲେକାମିନ୍ଦେ, “ମିଇ ସେଙ୍ଗେ ଅଣଯିହୁଦୀ ନାରୁଡ଼୍ ଲୋପେ ଇଶ୍ୱର୍‌ତେ ପେଦେର୍ ନିନ୍ଦ୍ ଆଦୁତ୍‍ତେ ।”

ରୋମୀୟ 2:24 ပူးပေါင်းရင်းမြစ်များ

ମାତିଉ 18:7

ନାରୁଡ଼ାଦ୍ ବିଶ୍ୱାସ୍‍ତାଗ୍ କଷ୍ଟ ହିଦାନ୍ ସେଙ୍ଗେ ନାର୍‍ଗେ ବିଷୟ ମିନ୍ଦେ । ଆଦିନ୍ ସେଙ୍ଗେ ଇ ଜଗତ୍‍ତେ ଅବସ୍ଥାତେ ଇସର୍ ବୟଙ୍କାର୍ । ସାରେଦାମ୍ ଇଲ୍‍ଲେ ବେଡ଼ିୟ୍ ଆଦ୍‍ତେ, ବାତେଙ୍କ୍ ଇତ୍‍କେ ବେନ୍ ବେଡ଼ିୟ୍ ମାଡ଼ିତନ୍, ଅନ୍‌ ପରିନତି ବେସର୍ ଶଚନିୟ ।”

୧ ତୀମତି 5:14

ସୁତରଂ ନାୟାଦ୍ ମନ୍‍ଦେ ଆଦୁତେ, ସୁଦୁର୍‍ ବୟସତାୱ ରାଣ୍ଡିକି ମେଣ୍ଡନ୍‍ଦାମ୍ ପେଣ୍ଡୁଲ୍‍ଆସ୍ ମାର୍‍ଦେ ମାୟାଡ଼୍‍ଦେ ୟାୟାସ୍ ୱେରଡ଼୍ ୱେର ଲେକେତ୍ ପୁନାଦ୍ ସଂସାର୍ ତିଆର୍‍ମାଡ଼ି । ଆଲାହିକେ, ମା ବିରୁଦ୍ଦ୍‍ତେ ମାନ୍ଦନ୍ ନାରୁଡ଼୍ ଇୱିଙ୍କ୍ ଆସ୍ ସମ୍ପ୍ରଦାୟତେ କାର୍‍ପ ମାଡ଼ାଙ୍କ୍ ଅବକାଶ ପାହେମ୍ ଆୟଡ଼୍ ।

୧ ତୀମତି 6:1

କ୍ରିଷ୍ଟବିଶ୍ୱାସି କ୍ରୀତଦାସନଡ଼୍ କର୍ତ୍ତାଲଡ଼୍‍କ୍ ସାରେକିଚବିଦି ସମ୍ମାନ୍ ଇଦ୍‍ତଡ଼୍ । ଆଲେକ୍, ଇଶ୍ୱର୍‌ତେ ବିରୁଦ୍ଦତେ ବା ମାନ୍‍ ଶିକ୍ଷା ସମ୍ପର୍କତେ ବେନ ବାତେ କାରାପ୍‍ ମାଡ଼େପାର୍‍ୱଡ଼୍ ।

ତୀତସ୍‌ 2:5

ଲେକାମ୍ ମାର୍‍ମାୟାସ୍କ୍ ପୁଟ୍‍ସ୍ପାନଙ୍କ୍, ଲେକାମ୍ ବୁଦି, ସତି, ଲେକାମ୍ କଡ଼୍‍ୟାଡ଼୍, ନିଜେତ୍ ପର୍‍ର ବିଶ୍ୱାସ୍ ନୁ ତାନ୍ ମୁଦ୍‍ପାନ୍‍ତଡ଼୍ ସାୟେ ମାନ୍ଦାନଙ୍କ୍ ଶିକ୍ଷା ଇମୁଟ୍ । ଆଲେକେ, ବେନବା ଇଶ୍ୱର୍‌ତେ ବାକ୍ୟ ବାଗାତ୍ ନାରୁଡ଼୍ ତଡ଼୍ ନିନ୍ଦ୍ ମାଡ଼ାନଙ୍କ୍ ପାର୍‍ୱଡ଼୍ ।

ତୀତସ୍‌ 2:8

ବେଲାକି ବିରୁଦ୍ ନାରୁଡ଼୍ ମାନ୍‍ ବିଷୟ୍‍ତେ ବାତ୍‍ମିକା କାରାପ୍ ଗଟି କେତାନଙ୍କ୍ ପାର୍‍ୱେ କନ୍‍ସ୍ ସିଗ୍ ଆଦ୍‍ତଡ଼୍ ।

୨ ପିତର୍‌ 2:2

ଆଗେକ୍‍ବା ନାର୍ଗେ ଅଡ଼ାଦ୍‌ ଅଦର୍ମ ମାର୍ଗ ଲେକାମ୍‌ ନିଜାମ୍‍ ସତ୍‍ ମାଡ଼ିତଡ଼୍ । ବାଗାତଡ଼୍ ଅଡ଼ାଦ୍‌ କାମ୍‍ମାଡ଼ାନାଦ୍ ଉଡ଼ି ଦର୍ମ ଆର୍‍ଦେ ବିରୁଦ୍ଦତେ ଗଟି କେତିତଡ଼୍ ।