ରୋମୀୟ 14:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ବାତେଙ୍କ୍‍ଇତ୍‍କେ କ୍ରିଷ୍ଟ ଡଲି ମେଣ୍ଡନ୍‍ନ୍ଦାମ୍ ତେଏଦ୍‍ତାଙ୍କ୍ ଇଡ଼୍‍ୱୁଡ଼୍ ଜିୱୁଣ୍ଡ୍ ମାନ୍ଦାନଡ଼୍ ନୁ ଡଲ୍‍ତଡ଼୍ ସାର୍ରେତଡ଼୍‍ୱାଦ୍ ଅଣ୍ଡ୍‌ ପ୍ରବୁ ଆତ୍‍ତଣ୍ଡ୍ ।

ରୋମୀୟ 14:9 ပူးပေါင်းရင်းမြစ်များ

ମାତିଉ 28:18

ଜିସୁ ଅଡ଼୍‌ ଗାର୍‍ରେ ୱାସ୍ କେତ୍‍ତଣ୍ଡ୍, “ସ୍ୱର୍ଗ ନୁ ପୃତିବି ସାରେ ଅଦିକାର୍‌ ନାକିଂଙ୍କ୍ ଇସ୍‌‍ମିନ୍ଦେନ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 24:26

ଇଦ୍ ସାରେ ଦୁଃକାମ୍ ତେ କଷ୍ଟ ଆସ୍ ତାନ୍ ମଇମାତାଗ୍ ଆସାନଙ୍କ୍ ବାତେଏ କ୍ରିଷ୍ଟନାଦ୍ ଦର୍‍କାର୍ ଇଲ୍‍ୱେମାତ୍‍ତେ ?”

ଯୋହନ୍‌‌ 12:24

ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ଗଅମ୍ ପେଡ଼େମ୍ ଯଦି ବୂମ୍‌ଦାଗେ ରାଲୀ ଡ଼ଲ୍‍ୱେ ମାନ୍‍ତେ, ଆଲେକେ ଆଦ୍ ଅଣ୍ଡୟ୍‌ ମାନ୍‍ତେ, ବାତେଙ୍କ୍ ଇତ୍‍କେ ଡଲିତ୍, ଆଲେକେ ନାର୍‍ଗେ କାୟା ଆଦିତେ ।

ପ୍ରେରିତ 10:36

ମିଡ଼୍ ପୁତ୍‍ତିଡ଼୍ ଯେ ଇଶ୍ୱର୍ ଇସ୍ରାଏଲ୍‍ ନାରୁଡ଼୍‍କ୍ ଗାରେ ବେନ୍ କାବୁର୍ ରହସ୍‍ମାତ୍‍ତଣ୍ଡ୍, ଆଦେ ଜିସୁ ଦ୍ୱାରା ଗଷଣା ମାଡ଼୍‍ତାଦ୍ ଶାନ୍ତି ସୁସମାଚାର୍‍ । ହି ଜିସୁ କ୍ରିଷ୍ଟ ସାରେ ତଡ଼୍‍ ପ୍ରବୁ ।

ପ୍ରେରିତ 10:42

ନାରୁଡ଼୍ ଗାର୍‍ରେ ସୁସମାଚାର୍ ପ୍ରଚାର୍ ମାଇଦିଙ୍କ୍ ନୁ ଇଶ୍ୱର୍ ଯେ ଅଂକିଙ୍କ୍‌ ଜିୱେ ମାନ୍ଦାନଡ଼୍‍କିଙ୍କ୍ ନୁ ଡଲ୍‍ତେ ନାରିଡ଼୍‍ ବିଚାର୍ କର୍ତ୍ତାଲ୍ ଲେକାମ୍ ନିଯୁକ୍ତି ମାଡ଼୍‍ତଣ୍ଡ୍, ଇଦ୍ ଗଟ୍‍ତାଦ୍ ସାକ୍ଷ୍ୟ କେତାନ୍ ସେଙ୍ଗେ ଅଣ୍ଡ୍‌ ମାକିଂଙ୍କ୍ ଆଜ୍ଞା ହିତ୍‍ତଣ୍ଡ୍ ।

ରୋମୀୟ 10:9

ଯଦି ଜିସୁଙ୍କ୍ ପ୍ରବୁ ଇଞ୍ଜ ପାୟୁର୍‍ତାଗ୍ କେତିତିଡ଼୍ ନୁ ଇଶ୍ୱର୍ ଅଂକିଙ୍କ୍‌ ଡଲ୍‍ତାଗାଙ୍କ୍ ତେଏତଣ୍ଡ୍ ଇଞ୍ଜ ଜିୱୁଣ୍ଡ୍‍ତାଗ୍ ବିଶ୍ୱାସ୍ ମାଡ଼ିତିଡ଼୍, ଆଲାଇତ୍‍କେ ମିଡ଼୍ ମୁକ୍ତି ପାଏମ୍ ଆଦ୍‍ତିଡ଼୍ ।

୨ କରନ୍ତିୟ 5:14

କ୍ରିଷ୍ଟନ୍ ପ୍ରେମ ତଡ଼୍ ମାମ୍‍ମେ ମିନ୍ଦେମ୍ । ମାମ୍‍ମେ ବୁଜେମ୍ ଆତ୍‍ତମ୍ ଯେ, ୱେରଣ୍ଡ୍ ସାରେତଡ଼୍ ସେଙ୍ଗେ ଡଲିମାନ୍‍ନାଙ୍କ୍ ସାରେତଡ଼୍ ଅନାଦ୍‌ ଡଲ୍‍ତାଗ୍ କାଇଲ୍‍ତଡ଼୍ ।

୧ ଥେସଲନିୟ 4:14

ବେଲାନ୍ କି ମାମ୍‍ମେ ବିଶ୍ୱାସ୍ ମାଡ଼ିକାଡ଼୍ ଯେ ଜିସୁ ଡଲିମିକା ମେଣ୍ଡେ ତେଦ୍‍ତନ୍, ଆଦିଙ୍କ୍ ମାନାଡ଼୍ ଲେକାମ୍ ଗାଟି ବିଶ୍ୱାସତେ, ଜିସୁନାଗ୍ ବିଶ୍ୱାସ୍ ମାଡ଼ି ବେନଡ଼୍ ଡଲିତଡ଼୍, ଜିସୁ ମେଣ୍ଡେ ୱାଦାନ୍ ୱେଲେ ଇଶ୍ୱର୍ ଅଡ଼୍‌‍କିଂଙ୍କ୍ ଜିସୁନ୍ ତଡ଼୍ ଆଦ୍‍ତଡ଼୍ ।

୧ ଥେସଲନିୟ 5:10

କ୍ରିଷ୍ଟନାଦ୍ ମେଣ୍ଡନ୍‍ଦାମ୍ ୱାଦାନ୍ ସମୟ୍‍ତେ ମାମ୍‍ମେ ଇଦ୍ ଜିୱୁତେ ମାନ୍‍ତମ୍ ବା ମାନମ୍, ଅନ୍‌ ତଡ଼୍ ବେଲାନ୍ କାୟ୍‍ଲି ମିକା ମାନ୍‍ତମ୍, ଆଦିନ୍ ସେଙ୍ଗେ ଅଣ୍ଡ୍‌ ମାନ୍‍ ସେଙ୍ଗେ ଡଲ୍‍ତଣ୍ଡ୍ ।

୨ ତୀମତି 4:1

ଇଶ୍ୱର୍‌ତେ ମୁନେ ନୁ ସାରେତଡ଼୍ ଜିୱେ ଡଲ୍‍ତେ ନାରିଡ଼୍ ବିଚାର୍ ମାଡ଼ାନଙ୍କ୍ ନୁ ରାଜ୍‍ ମାଡ଼ାନଙ୍କ୍ ୱାସମାନ୍ଦାନ୍ କ୍ରିଷ୍ଟ ଜିସୁ ୱାଦାନ୍ ଦିନେ, ତାନ୍ ରାଜ୍ୟତିଙ୍କ୍ ଲେକେତ୍‍ ମାଡ଼ନ୍ ସେଙ୍ଗେ ନାନେ ମିକିଙ୍କ୍ ଇଦ୍ ଦୃଡ଼ ଆହ୍ୱାନ୍ ଇଦୁତାନ୍ ।

ଏବ୍ରୀ 12:2

ବେନନ୍ ପର୍ର ମାନାଦ୍‌ ଆରାମ୍‍ ନୁଞ୍ଚ୍‍ ତେରାନ୍‍ ବିଶ୍ୱାସ୍ ଆଶା ମାଡ଼ମିନ୍ଦେ, ଆରାମ୍‌ ନୁଞ୍ଚ ମାଡେଙ୍ଗ୍‌ ଆନା ବେନଙ୍କ୍ ମାନାଲ୍‌ ବିଶ୍ୱାସ ୱାଟିତାଲ୍‌ ଆ ଜିସୁନ୍‌ ପର୍ର ମାନ୍‍ କାଣ୍ଡ୍‌କ୍‌ ୱାଟିକାଡ୍, ଅଣ୍ଡ୍‌‌ କ୍ରୁଶତେ ୱେରେତେ ତାନାଦ୍‌ ପାଡିୟନୁଞ୍ଚ୍‌ ୱେର୍‍ୟ କଟେମ୍‌ ମାତ୍‍ତଣ୍ଡ୍‌, ବଂର ୱାଦାନ୍ ଦିନାମ୍‌ ଅଣ୍ଡ୍‌‌ ମାଇଦିଙ୍କ୍‌ ନେହ୍‌ସିସ୍‌ ମାନ୍ଦାନ୍‌ ସୁକାମ୍‌ ମାଇଦିଙ୍କ୍‌, ସିଲ୍‌ୱାତାଦ୍‌ ଡଲାନ୍‌ ସିଗ୍‌ତିଙ୍କ୍‌ ଅଣ୍ଡ୍‌‌ ତୁଛଜ୍ଞାନ ମାଡ଼୍‌ତଣ୍ଡ୍; ଇଞ୍ଜ ଅଣ୍ଡ୍‌‌ ଦେଉଡ୍‌ତ୍‌ ସିଂହାସନତ୍‌ ତିନ୍ଦା ପାକା ମିନ୍ଦେଣ୍ଡ୍‌ ।

୧ ପିତର୍‍ 1:21

ଅନ୍‌ ସେଙ୍ଗେ ମୀଇଡ଼୍ ଇଶ୍ୱର୍‌ତେ ବିଶ୍ୱାସି ଆତ୍‍ତିଡ଼୍ । ଅନ୍‌ ମହିମା ସେଙ୍ଗେ ଡଲ୍‍ତାଗାଙ୍କ୍ ତେସ୍‍ ମିକା ଏଞ୍ଚିମାନ୍ଦାନ୍ ଇଶ୍ୱର୍‌ତେ ପରୁ ମୀୟାଦ୍ ବିଶ୍ୱାସ୍ ନୁ ଆସେ ଡୁଟାଙ୍ଗ୍‍ ଆତ୍‍ତେ ।

୧ ପିତର୍‍ 4:5

କିନ୍ତୁ ବେନ୍ ଇଶ୍ୱର୍‍ ଜିୱେ ନୁ ଡଲ୍‍ତେନଡ଼୍ ବିଚାର୍ ମାଡ଼ିତଣ୍ଡ୍‍, ଅନ୍‌‍ ଗାରେ ଅଡ଼୍‌‍କିଂଙ୍କ୍ ଇସାବ୍‍ ଇଦାନଙ୍କ୍ ଆଦ୍‍ତେ ।

ପ୍ରକାଶିତ୍‌ ବାକ୍ୟ 1:18

ନାନେ ଜିୱୁଣ୍ଡ୍‍ ମାନ୍ଦାନଣ୍ଡ୍‍; ଡଲିମାତ୍‍ତାନ୍, ଇତ୍‍କେ ନାନେ ଇଞ୍ଜେ ଜିୱେ ମିନ୍ଦେନ୍‍, ଅନନ୍ତ କାଲ ଜିୱେ ମାନ୍‍ତାନ୍ । ଡଲାନାଦ୍ ନୁ ନର୍କତାଦ୍‍ କୁଚ୍‍କାଇ ନା କାୟ୍‍ଦାଗ୍‍ ମିନ୍ଦେ ।

ପ୍ରକାଶିତ୍‌ ବାକ୍ୟ 2:8

“ସ୍ମର୍ଣ୍ଣାତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବେନ୍ ଆରାମ୍ ନୁ ଶେଷ ମେଣ୍ଡେ ବେନ ଡଲିମିକା ମେଣ୍ଡେ ଜିୱେଆତ୍‍ତନ୍, ଅନ୍‌‍ ଗାର୍ରେ ଇଦ୍ ଗଟ୍;”