ରୋମୀୟ 13:11 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹¹ ଇଞ୍ଜେ ଇୱୁ ସାର୍‍ରେ ମିକିଂଙ୍କ୍ ମାଡ଼ାନଙ୍କ୍ ଆଦ୍‍ତେ, ବାତେଙ୍କ୍ଇତ୍‍କେ ଉସ୍କାଡ଼୍‍ତାଗାଙ୍କ୍ ତେଦାନାଦ୍ ଦିନାମ୍ ଏୱୁତ୍‍ତେ । ପରିତ୍ରାଣ ପାଏମ୍ ଆଦାନ୍ ଦିନାମ୍ ମୁନେନ୍‍କନ୍ସ୍ ଇଞ୍ଜେ ଗାଟି ଗାର୍ରେ ଏୱୁତ୍‍ତେ ।

ରୋମୀୟ 13:11 ပူးပေါင်းရင်းမြစ်များ

ମାତିଉ 16:3

ସାରେଦିନା କେସମାନୁଟ୍, ନେଣ୍ଡ୍ ୱାର୍‍ସାମ୍ ଆଦ୍‍ତେ, ବାତେଙ୍କ୍ ଇତ୍‍କେ ମାବ୍‍ଏର୍ ଆସ୍‌ ମିନ୍ଦେ ମାବ୍‍ପଇସ୍ ମିନ୍ଦେ । ମିଡ଼୍ ମାବ୍ ଉଡ଼ିକେ କେତା କେତି ଆସ୍ ପୁନ୍ଦୁତିଡ଼୍, ବାତେଙ୍କ୍ଇତ୍କେ ଦିନାକିଙ୍କ୍ ଉଡ଼ାନାଦ୍ ସାରେ ବୁଜେମ୍ ଆୟୱିଡ଼୍ ?

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 21:28

ବାତେଙ୍କ୍ ଇତ୍କେ ଇଦ୍‍ସାରେ ଗଟ୍‍ନା ଆଦ୍‍ଦାନ୍ ୱେଲେ ମିଡ଼୍ ତେଦି ନିଲ୍‍ମୁଟ୍ ନୁ ପରୁ ଉଡ଼ାଟ୍ ନୁ ତାଲେତିଙ୍କ୍‍ ପରୁ ତେହେମୁଟ୍, ଆସୁଟେ ମିୱାଦ୍ ମୁକ୍ତି ଗାର୍‍ରେ ୱାସ୍ ହେଉଦୁତ୍ ।”

୧ କରନ୍ତିୟ 10:11

ଅଡ଼୍‌ ସେଙ୍ଗେ ଇଦ୍ ସାର୍‍ରେ ଗଟ୍‍ନା ୱେରେନାରୁଡ଼ାଦ୍ ୱେଷଡ଼୍ ଇନା ଆତ୍‍ତେ ନୁ ମାନ୍‍ ସତର୍କ ମାଡ଼ାନ୍ ସେଙ୍ଗେ ଆୱୁ ଲେକାଆତ୍‍ତା । ବାତେଙ୍କ୍‍ଇତ୍‍କେ ମାନାଡ଼୍ ଯୁଗ୍ ତେରାନ୍‍ୱେଲେ ବାଦ୍‍କୁତାଡ଼୍ ।

୧ କରନ୍ତିୟ 15:34

ଆଦିଙ୍କ୍ ସାୟେତ୍‍ ବୁଦ୍‍ତେ ମାନୁଟ୍, ପାପାମ୍ ମାଡ଼୍‍ମାଟ୍ । ମିକିଂଙ୍କ୍ ସିଗିଙ୍କ୍ ସେଙ୍ଗେ ନାନ୍‍ନେ ଇଦ୍ କେତୁତାନ୍, ମିଇ ଲୋପେଙ୍କ୍ ବେସ୍‍କ୍‍ତୁଡ଼୍‍ ଇଶ୍ୱର୍‌ତିଙ୍କ୍ ପୁନଡ଼୍ !

ଏଫିସିୟ 5:14

ବାତେଙ୍କ୍‍ଇତ୍‍କେ ୱେସ୍ ସାର୍‍ରେ ବିଷୟ୍ ପେସ୍ପିତା । ଆଦିନ୍ ମାୟ୍‍ଦିଙ୍କ୍ ଇଲା ଲେକ୍‍ତାଦ୍ ମିନ୍ଦେ, “ହୋ ଉଞ୍ଜ୍‍ତେନଡ଼ି, ତିଆର୍‍ତେ ଆୟ୍‍ମୁଟ୍ ନୁ ଡଲ୍‍ତେନଡ଼ାଗାଙ୍କ୍ ତେଏଦାଟ୍ ! କ୍ରିଷ୍ଟନ୍ ୱେସ୍‍ତାଗ୍ ପେୟ୍‍ମୁଟ୍ ।”

ଯାକୁବ 5:8

ମିଡ଼୍ ଗାଲା ଶକ୍ତିତଡ଼୍ ପୟ୍‍ସ୍ ନିଜେତ୍ ନିଜେତ୍ ଜିୱୁଣ୍ଡ୍‍ତିଙ୍କ୍ କଟ ମାଡ଼ାଟ୍, ବାତେଙ୍କ୍ଇତ୍‍କେ ପ୍ରବୁ ୱାଦାନାଦ୍ ଦିନାମ୍ ଗାର୍ରେ ଏୱୁତ୍‍ତେ ।

୧ ପିତର୍‍ 4:7

ସାରେ ବିଷୟତାଦ୍‍ ତେରାନ୍‍ ଦିନାମ୍‍ ଏୱୁତେ । ମିଡ଼୍ ପ୍ରାର୍ତନା ତାଗ୍ ମାନ୍‍ଇସ୍‍ ମାନ୍ଦାନ୍ ସେଙ୍ଗେ ନିଜର୍‍ ପର ଆଶେ ୱାଟି ତିଆର୍‍ଆସ୍‍ ମାନୁଟ୍ ।

୨ ପିତର୍‌ 3:11

ଯଦି ଇଦ୍‍ଲେକାମ୍ ସାରେ ବିଷୟ ଦସଂ ଆଦ୍‍ତା, ଆଲେକ୍ ଆଲ୍‍ସୁଡ଼ାଟ୍, ମିୟାଦ୍ ବେସତ୍‍ ଜିୱୁଣ୍ଡ୍ ଆଦାନ୍‍ ଦର୍‍କାର୍‍ । ଆଦ୍ ପବିତ୍ର ନୁ ଇଶ୍ୱର୍‌ତେ ମୁନେ ଉତ୍ସର୍ଗ ଆଦାନାଦ୍ ନିୟାତି ଦର୍‍କାର୍‍ ।

୨ ପିତର୍‌ 3:9

ପ୍ରବୁ ତାନ୍ ପ୍ରତିଜ୍ଞା ପୁରା ମାଡ଼ାନଙ୍କ୍ ଲେଟ୍ ମାଡ଼ଣ୍ଡ୍, ଯଦି ବା ବେସ୍‍କ୍‍ତୁଡ଼୍‍ ଇଦିଙ୍କ୍ ଲେଟ୍ ଇଞ୍ଜ ଏର୍କା ମାଡ଼ିତଡ଼୍ ମାତର୍‌ ପ୍ରବୁ ମି ସେଙ୍ଗେ ଗାଟି ସହନଶିଳ । ଅଣ୍ଡ୍‌ ଇଚ୍ଛା ମାଡ଼ନ୍‍, ବେନ ୱେରଣ୍ଡ୍ ବିନଷ୍ଟ ଆଇଣ୍ଡ୍ । ସାରେତଡ଼୍ ନିଜର୍‍ ନିଜର୍‍ ପାପତାଗାଙ୍କ୍ ମାଲ୍‍ୱିଡ଼୍, ଇଦ୍ ଅନାଦ୍‌ ଇଚ୍ଛା ।

୧ ଯୋହନ୍‌‌ 2:18

ପିଲାନଡ଼ି ! ମାଡ଼େଙ୍ଗ୍‍ ଦିନାମ୍‍ ଗାରେ ଏୱୁତେ । କ୍ରିଷ୍ଟନ୍ ଶତ୍ରୁଡ଼୍ ୱାଦାନାଦ୍ ସମୟ ଆତ୍‍ତେ ଇଞ୍ଜ୍ କେଞ୍ଜ୍‍ତିଡ଼୍, କ୍ରିଷ୍ଟନ୍ ନାର୍ଗେ ଶତ୍ରୁଡ଼୍ ଇଞ୍ଜେ ତନ୍ଦୁତଡ଼୍; ଆସୁଙ୍ଗ୍ ମାଡ଼େଙ୍ଗ୍‍ ଦିନାମ୍‍ ଗାରେ ଏୱୁତା ଇଞ୍ଜ୍ ମାମେ ପୁତ୍‍ତମ୍ ।

ପ୍ରକାଶିତ୍‌ ବାକ୍ୟ 1:3

ବେନ୍ ନାରୁଣ୍ଡ୍ ଇଦ୍ ବଇ କାର୍‍ତିତନ୍ ନୁ ବେନଡ଼୍ ଇଗେ ପ୍ରକାସିତ୍ ବବିଷ୍ୟତ୍‌ ଗଟି କେଞ୍ଜି ଆଦ୍ କେତ୍‍ତେ ଲେକାମ୍ ପାଲନ୍ ମାଡ଼ିତନ୍, ଅଡ଼୍‌ ବାସ୍ତବିକ୍ ବାଗ୍ୟବାନ, ଇତ୍କେ ଆଦ୍‍ ସାରେ ଗଟେମ୍ଆଦାନ୍ ସମୟ ଏୱୁତେ ।

ପ୍ରକାଶିତ୍‌ ବାକ୍ୟ 22:10

ଅଣ୍ଡ୍‌ ମେଣ୍ଡେ ନାକିଙ୍କ୍ କେତ୍‍ତନ୍, “ହିଦ୍‍ ବଇକି ବବିଷ୍ୟଦ୍‍ ଗଟୀକି ମିଞ୍ଜିପି ନେହେମାଟ୍, ବାତ୍‍ତେଙ୍କ୍ଇତ୍କେ ଇୱ ଗାରେ ଗଟେମ୍‍ ଆଦାନାଦ୍ ସମୟ ଆରେ ୱାସ୍‍ଏଉଦୁତ୍ ।

ପ୍ରକାଶିତ୍‌ ବାକ୍ୟ 22:12

ଜିସୁ କେତୁତନ୍, “କେଞ୍ଜାଟ୍ ! ନାନେ ଜାପେ ୱାଦୁତାନ୍ ! ସାରେତଡ଼୍‍କିଙ୍କ୍ ନିଜେ ନିଜେତ୍‍ କାମ୍‍ ଲେକାମ୍ ଶାସ୍ତି ଇଦାନ୍ ସେଙ୍ଗେ ନାନେ ପୁରସ୍କାର୍ ତାତିତାନ୍ ।

ପ୍ରକାଶିତ୍‌ ବାକ୍ୟ 22:20

ବେନ ଇଦ୍ ସାରେ ବିଷୟତେ ସାକ୍ଷ୍ୟ ଇଦୁତନ୍, ଅଣ୍ଡ୍‌ କେତୁତନ୍, “ଇଦ୍ ନିଜାମ୍‍ । ନାନେ ଜାପେ ୱାଦୁତାନ୍ ।” ଆଲେକେ ଆୟି । ପ୍ରବୁ ଜିସୁ ୱାଡ଼ିଣ୍ଡ୍‍ !