ରୋମୀୟ 12:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ପ୍ରେମ ଲୋପେକସ୍ ଆଦାନାଦ୍ ଲେକେତ୍‍ । ବାତ୍ ସାର୍‍ରେ ସତ୍ ଆୟ; ଆୱିଙ୍କ୍ ପାସ୍‍କାଟ୍, ସାର୍ରେତଡ଼୍ ସତ୍ ପାଡ଼୍‍ୟି ମାଡ଼ାଟ୍ ।

ରୋମୀୟ 12:9 ပူးပေါင်းရင်းမြစ်များ

ମାତିଉ 26:49

ଯିହୁଦାଲ୍‍ ଆଞ୍ଜଡ଼େ ଜିସୁନ୍ ଗାର୍‍ରେ ଆଞ୍ଜ୍ ଅଂକିଙ୍କ୍‌ ନମସ୍କାର୍ ମାଡ଼ି ସୁମା ହିତ୍‍ତଣ୍ଡ୍ ।

ଯୋହନ୍‌‌ 12:6

ଅଣ୍ଡ୍‌ ଯେ ଦରିଦ୍ର ନାରୁଡ଼୍ ସେଙ୍ଗେ ଚିନ୍ତେ ମାଡ଼ମାତ୍‍ତନ୍ ଇଞ୍ଜ ଇଦ୍ କେତ୍‍ତେ, ଆଦ୍ ଆୟ୍‍ୟ, ବାତେଙ୍କ୍ ଇତ୍‍କେ ଅଣ୍ଡ୍‌ ୱେରଣ୍ଡ୍ ଡଙ୍ଗାଲ୍, ମେଣ୍ଡେ ଅନାଗାଙ୍କ୍ ଡାବ୍‍ ମୁନେ ମାନ୍‍ନାଙ୍କ୍, ଆଗେ ବାତା ୱାଟି ମାତ୍‍ତଡ଼୍, ହାଉସାରେ ଡଙ୍ଗି ମିକା ଆସମାତ୍‍ତନ୍ ।

ପ୍ରେରିତ 11:23

ଅଣ୍ଡ୍‌ ଆଗେ ହେୱୁସ୍‍ ଇଶ୍ୱର୍ ଆ ନାରୁଡ଼୍‍କିଂଙ୍କ୍ ବେଲା ଅନୁଗ୍ରହ ମାଡ଼୍‍ତଣ୍ଡ୍ ଆଦ୍‍ ଉଡ଼ି ୱେଡ଼୍‍କେ ଆତ୍‍ତଣ୍ଡ୍‍ ନୁ ସାରେତଡ଼୍‍ତେ ହୃଦୟ୍‍ତାଗ୍ ପ୍ରବୁନ୍ ସେଙ୍ଗେ ବିଶ୍ୱାସ୍ ମାଡ଼ି ଅନୁରଦ୍‌‍ ମାଡ଼ାନ୍ ମାଇଦିଙ୍କ୍ ଅଡ଼୍‌‍କିଂଙ୍କ୍ ସାର୍‍ଦେ ମାଡ଼୍‍ତଣ୍ଡ୍ ।

୨ କରନ୍ତିୟ 6:6

ମାୟାଦ୍‌ ପବିତ୍ରତା, ବୁଦ୍‍ତେ, ଗାଡ଼୍‍ସ୍, ଦୟା, ସାୟେତାଦ୍ ପ୍ରେମ ନୁ ସତ୍ୟତେ କାବୁର୍ ସେଙ୍ଗେ ପବିତ୍ର ଇଶ୍ୱର୍‌ତେ ଶକ୍ତି ତଡ଼୍ । ମାମ୍‍ମେ ଇଶ୍ୱର୍‌ତେ ଦାସ ଇଞ୍ଜ ପରିଚୟ ଇତ୍‍ତମ୍,

୨ କରନ୍ତିୟ 8:8

ଇଦ୍ ବିଷୟ୍‍ତେ ମିଇ ସେଙ୍ଗେ ନାନ୍ ବାତେବା ମିଚ୍‌ ତିଆର୍ ମାଡ଼ନ୍ । ମାତର୍ ସେବାକାମ୍‍ଦାଗ୍ ବାଗାତଡ଼୍ ଇଚ୍ଛାତେ ୱେଷଡ଼୍‍ଇସ୍ ମିଇ ପ୍ରେମତେ ପାଡ଼୍‍ୟି ପୁନ୍ଦାନଙ୍କ୍ ନାନ୍ ଆଲ୍‍ସି ମାଡ଼ୁତାନ୍ ।

୧ ଥେସଲନିୟ 2:3

ବାତେବା କାରାପ୍ ବା ପିନ୍ଦ ଲେକାମ୍ ଆସ୍ ମାମ୍‍ମେ ମିଇ ପାକେ ମାୟାଦ୍‌ ମାଟେ କେଲ୍‍ୱେ ମାତ୍‍ତମ୍, ମିକିଂଙ୍କ୍ ଟକାମାଡ଼ାଙ୍କ୍ ବାତେବା କାରାପ୍ ଚିନ୍ତେ ମାଡ଼ମ୍ ।

୧ ଥେସଲନିୟ 5:15

ବେନ ବେନନାଦ୍ କାରାପ୍ ସେଙ୍ଗେ କାରାପ୍ ମାଡ଼୍‍ମାଟ୍, ମାତର୍ ମିଡ଼୍ ସାରେଦାମ୍ ନିଜେ ନିଜେତ୍ ନୁ ସାରେତଡ଼୍ ସେଙ୍ଗେ ସାୟେ ପାଡ଼୍‍ୟି ଆୟ୍‍ମୁଟ୍ ।

୧ ଥେସଲନିୟ 5:21

ସାରେତଡ଼୍ ଗୋଟିଙ୍କ୍ ପରିକ୍ଷା ମାଡ଼ାଟ୍, ବାତ୍ ସତ୍, ଆଦିଙ୍କ୍ ହେର୍କାନେହେସ୍‍ ମାନୁଟ୍,

୧ ତୀମତି 1:5

ସାୟେତ୍‍ ହୃଦୟ୍‍, ନିର୍ମଲ ବିବେକ୍‍ ନୁ ପ୍ରକୃତ ବିଶ୍ୱାସ୍‍ତେ ବେନ୍‍ ପ୍ରେମ ଡାଟୁମ୍‍ ଆଦ୍‍ତେ, ଆଦିଙ୍କ୍‍ ଜାଗ୍ରତ୍‍ ମାଡ଼ାନ୍‍ ମାଇଦିଙ୍କ୍ ନେଣ୍ଡ୍‍ ନାନ୍‍ ଇଦ୍‍ ଆଦେଶ୍‍ ଇଦୁତାନ୍‍ ।

ଏବ୍ରୀ 1:9

ନିମ୍‌ ଦର୍ମାମ୍‌ତିଙ୍କ୍‍ ସାୟେ କେତିତି ନୁ ଅଦାର୍ମିକ୍‍ ଇଲ୍‌ୱାଦ୍ ନିକିଙ୍କ୍‍ ଅପ । ଆଦିଙ୍କ୍‍ ଇଶ୍ୱର୍ ନି ଇଶ୍ୱର ନିକିଙ୍କ୍‍ ନିୟ୍‍ ଆକି ଏଞ୍ଚିମିନ୍ଦେଣ୍ଡ୍‍ ମେଣ୍ଡେ ମିୱଡ଼୍‍ ସାଙ୍ଗଡ଼୍‍ ଲୋପେଙ୍କ୍‍ ନିକିଙ୍କ୍‍ ଗାଟି ପ୍ରେମ ଇସ୍‍ ୱେଡ଼୍‍କେ ମାଡ଼୍‍ତଣ୍ଡ୍‍ ।”

ଏବ୍ରୀ 12:14

ସାର୍ରେତର୍ ସାଙ୍ଗ୍‌ ଶାନ୍ତିତେ ବାଦ୍‌କାନଙ୍କ୍‌ ନୁ ପବିତ୍ର ଜିୱା ବାଦ୍‌କାନଙ୍କ୍‌ ଉଦ୍ୟମ୍‌ ମାଡ଼ାଟ୍, ବାତାଙ୍କ୍‌ଇତ୍‌କେ ଆଦିଙ୍କ୍‌ ୱିଡ୍‌ସିତ୍‌କେ ବେନବା ପ୍ରବୁଙ୍କ୍‍ ଉଡ଼େପାର୍‌ଣ୍ଡ୍‌ ।

ଯାକୁବ 3:17

ଇତ୍‍କେ ପର୍‍ର କନ୍‍ସ୍ ୱାତ୍‍ତେ ବୁଦ୍ଦ୍‌ ପବିତ୍ର, ଶାନ୍ତି, ସାୟେ, ମାଡ଼ାଙ୍କ୍‍ ୱେୟ୍‍ତିତ୍‍, ଦୟା ନୁ ଲେକେତ୍‍ ଆସ୍‍ମାନ୍‍ତେ, ଡାୱୁଟ୍‍ ଇଲ୍‍ଲେ ନୁ ଆଦ୍ ଚଲନା ଇଲ୍‍ଲେ ।

୧ ପିତର୍‍ 1:22

ଇଞ୍ଜେ ମିଡ଼୍ ସତ୍‍ତେ ପେର୍କେ ଆନ୍‌‍ନାଙ୍କ୍ ନିଜେ ନିଜେତିଙ୍କ୍ ଶୁଚି ମାଡ଼୍‍ତିଡ଼୍ ନୁ ବିଶ୍ୱାସ୍‍ତେ ଦାଦାନଡ଼କ୍ ପ୍ରେମ ମାଡ଼ାନଙ୍କ୍ ତିଆର୍ତେ ମିନ୍ଦେଡ଼ି । ନିଜେ ନିଜେତିଙ୍କ୍ ହୃଦୟତେ ପ୍ରେମ ମାଡ଼ାଟ୍ ।

୧ ପିତର୍‍ 4:8

ନାର୍ଗେ ପ୍ରେମତଡ଼୍‍ ନିଜର୍‍ ନିଜର୍‍ ଲୋପେ ପ୍ରେମ ମାଡ଼ାଟ୍, ବାତେଙ୍କ୍ଇତ୍କେ ପ୍ରେମ ନାର୍ଗେ ପାପାମ୍‍ତିଙ୍କ୍‍ ମୁସିତେ ।