ରୋମୀୟ 11:6 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁶ ଇଶ୍ୱର୍ ଅଡ଼୍‌‍କିଂଙ୍କ୍ ନିଜେତ୍ ଅନୁଗ୍ରହ୍ ସେଙ୍ଗେ ଏଞ୍ଚ୍‍ତଣ୍ଡ୍ । ଯଦି ଅଡ଼ାଦ୍‌ ନିଜାତେ ପାଡ଼୍‍ୟି ମାୟ୍‍ଦିଂଙ୍କ୍ ଇଶ୍ୱର୍ ଅଡ଼୍‌‍କିଂଙ୍କ୍ ଏଞ୍ଚିମାନେଣ୍ଡ୍, ଅନାଦ୍‌ ଅନୁଗ୍ରହ୍ ନିଜାତେ ଅନୁଗ୍ରହ୍ ଆୟଆୟେଡ଼୍ ।

ରୋମୀୟ 11:6 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 6:13

ନାର୍‍କୁକ୍, ଜିସୁ ତାନ୍ ପ୍ରେରିତ୍‍ ଶିଷ୍ୟଡ଼୍ ଗାର୍‍ରେ କାର୍‍ଙ୍ଗି ଅଡ଼୍‌‍ ଲୋପେ ବାରଜାନ୍‍ତିଙ୍କ୍ ଏଞ୍ଚତଣ୍ଡ୍; ଅଣ୍ଡ୍‌ ଅଡ଼୍‌‍କିଂଙ୍କ୍ ମିକା ପ୍ରେରିତ୍ ପେଦେର୍ ହିତ୍‍ତଣ୍ଡ୍;

୧ କରନ୍ତିୟ 15:10

ଇତ୍‍କେ ଇଞ୍ଜେ ନାନ୍ ବାତ୍ ଆତ୍‍ତାନ୍, ଆଦ୍ ଇଶ୍ୱର୍‌ତେ ଅନୁଗ୍ରହ୍ ମାୟ୍‍ଦିଙ୍କ୍ ଆତ୍‍ତେ ନୁ ନା ସେଙ୍ଗେ ଅନାଦ୍‌ ଅନୁଗ୍ରହ୍ ଆସାମ୍ ଆୟ୍‍ୟ । ଇତ୍‍କେ ମେଣ୍ଡେବାଗାତ୍ ପ୍ରେରିତ୍ ଶିଷ୍ୟଡ଼ାଗାଙ୍କ୍ ନାନ୍ ଗାଟି ପାଡ଼୍‍ୟି ମାଡ଼୍‍ତାନ୍ । ନିଜାତେ ଇୱୁସାର୍ରେ ନାନ୍ ମାଡ଼ନ୍, ଇତ୍‍କେ ନା ସେଙ୍ଗେ ଇଶ୍ୱର୍‌ତାଦ୍ ଅନୁଗ୍ରହ୍ ମାନ୍ଦାନ୍ ମାୟ୍‍ଦିଙ୍କ୍ ଇଦ୍ ସମ୍ଭବ୍ ଆତ୍‍ତେ ।

ଗାଲାତୀୟ 2:21

ତିନ୍‍ସେଙ୍ଗେ ଇଶ୍ୱର୍‌ତେ ଅନୁଗ୍ରହତିଙ୍କ୍ ନାନ୍ ବେସୁଟ୍‌ ଅସ୍ୱିକାର୍ ମାଡ଼ନ୍ । ବାତେଙ୍କ୍‍ଇତ୍‍କେ ନିୟମ୍ ପାଲନ୍ ମାଡ଼ି ଯଦି ବେନ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆଦ୍‍ତଣ୍ଡ୍, ଆଲେକେ କ୍ରିଷ୍ଟ ଡଲ୍‍ତାଦ୍ ଆଙ୍ଗ୍‍ଡ଼ାମ୍ ଇଞ୍ଜ କେତାନଙ୍କ୍ ଆଦ୍‍ତେ ।

ଗାଲାତୀୟ 5:4

ମିଇ ଲୋପେଙ୍କ୍‍ ବେସ୍‍କ୍‍ତୁଡ଼୍‍ ନିୟମ୍ ତଡ଼୍ ଦାର୍ମାମ୍ ଆଦାନଙ୍କ୍ ଆଲ୍‍ସୁତିଡ଼୍, ମିଡ଼୍ କ୍ରିଷ୍ଟନାଗାଙ୍କ୍ ୱେରେ ଆତ୍‍ତିଡ଼୍, ମିଡ଼୍ ଇଶ୍ୱରତେ ଅନୁଗ୍ରହ ତାଗାଙ୍କ୍ ୱେରେ ଆତ୍‍ତିଡ଼୍ ।

୨ ତୀମତି 1:9

ଅଣ୍ଡ୍‌ ମାନ୍‍ ସତ୍ କାମ୍‍ଦେ ପୁରସ୍କାର୍ ଲେକାମ୍ ଅଣ୍ଡ୍‌ ମାନାଙ୍କ୍ ଆହ୍ୱାନ୍ ମାଡ଼ଣ୍ଡ୍ ମାତର୍ ଅନ୍‌ ଅନୁଗ୍ରହତେ ଅନ୍‌ ହେର୍କେତେ ତିଆର୍‌ ମାଡ଼ାଙ୍କ୍‌ ମାନାଙ୍କ୍ ତାନ୍ ପ୍ରିୟଦାସ ଆଦାନ୍ ସେଙ୍ଗେ ହେଞ୍ଚିମିନ୍ଦେନ୍ । କ୍ରିଷ୍ଟ ଜିସୁନ୍ ଶାସନ୍‍ ନାର୍ଗ ୱାଡ଼୍‍ଷାତାଗାଙ୍କ୍ ଇଶ୍ୱର୍ ମାନାଙ୍କ୍ ଇଦ୍ ଅନୁଗ୍ରହତେ ପାତ୍ର ଇନା ମାଡ଼ି ନେହେସ୍‍ମିନ୍ଦେନ୍;

ତୀତସ୍‌ 3:5

ଆସୁଟେ ଅଣ୍ଡ୍‌ ମାମ୍ ମାଡ଼୍‍ତେ ସାୟେତ୍ ପାଡ଼୍‍ୟି ସେଙ୍ଗେ ଆୟ୍‍ୟ, ମାତ୍ର ତାନ୍ ଦୟା ଲେକାମ୍ ମେଣ୍ଡନ୍‍ ଜନମ୍‍ତେ ସେଙ୍ଗେ ବାପ୍ତିସ୍ମ ନୁ ପବିତ୍ର ଆତ୍ମାତେ ନେଲେତାଦ୍ ଜିୱୁଣ୍ଡ୍ ତଡ଼୍ ମାନ୍‍ ମୁକ୍ତି ମାଡ଼ିମିନ୍ଦେଣ୍ଡ୍;