ରୋମୀୟ 11:30 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³⁰ ଆଦିଙ୍କ୍‍ ଅଣଇହୁଦୀଡ଼୍ ମୁନେନ୍ ମୁର୍କ ମାତ୍‍ତଡ଼୍; ଇତ୍‍କେ ଇଞ୍ଜେ ଇହୁଦୀଡ଼୍ ମୁର୍କତ୍ ସେଙ୍ଗେ ଅଣଇହୁଦୀଡ଼୍ ଇଶ୍ୱର୍‌ତେ ଅନୁଗ୍ରହ୍ ପାଏମ୍ ଆତ୍‍ତଡ଼୍ ।

ରୋମୀୟ 11:30 ပူးပေါင်းရင်းမြစ်များ

ରୋମୀୟ 11:29

ଇଶ୍ୱର୍ ବେନଡ଼୍‍କିଂଙ୍କ୍ ଏଞ୍ଚି ଆର୍ଶିବାଦ୍ ମାଡ଼୍‍ତନ୍, ଅଡ଼୍‌ ସେଙ୍ଗେ ତାନ୍ ଦାନ ଇଦାନାଗ୍ ଅଣ୍ଡ୍‌ ଗାଡ଼୍‍ସ୍ ମାନ୍‍ତଣ୍ଡ୍ ।

ରୋମୀୟ 11:31

ଆଦିଙ୍କ୍‍ ଅଣଇହୁଦୀଡ଼୍ ମିକା ଅନୁଗ୍ରହ୍ ପାଏମ୍‍ଆତ୍‍ତଡ଼୍, ଇହୁଦିଡ଼୍ ଇଞ୍ଜେ ଜେକେ ଆଞ୍ଜ୍‍ମାତ୍‍କେ ଗାଲା, ଅନ୍‌‍ଦିନେ ଅଡ଼୍‌ ମାଲ୍‍ସ୍ ୱାସ୍ ଅନୁଗ୍ରହ ଦର୍‍କିତ୍ ।

ରୋମୀୟ 15:9

ଅନ୍‌‍ୱାଦ୍ ଅନୁଗ୍ରହ ସେଙ୍ଗେ ଅଣଇହୁଦୀଡ଼୍ ଗାଲା ଅନ୍‌‍ୱାଦ୍ ପ୍ରସଂଶା ମାଡ଼ିତଡ଼୍ । ଇଦ୍ ବିଷୟ୍‍ତେ ଶାସ୍ତ୍ରତାଗ୍ ଲେକାମିନ୍ଦେ, “ଅଣଇହୁଦୀଡ଼୍ ଲୋପେ ମିୟାଦ୍ ପ୍ରସଂଶା ମାଡ଼ିତାନ୍, ସାର୍ରେଦାମ୍ ମିୟାଦ୍ ସ୍ତୁତିଗାନ୍ ମାଡ଼ିତାନ୍ ।”

୧ କରନ୍ତିୟ 7:25

ମିଡ଼୍ ପେଣ୍ଡୁଲ୍ ଆୟ୍‍ୱା ବିସୟତେ ପୁନ୍ଦାନଙ୍କ୍ ଆଲ୍‍ସ୍‍ତିଡ଼୍, ଇଦ୍ ନାକିନ୍‌ ପ୍ରବୁନୁଞ୍ଚ୍‌ ବାତା ବା ଗଟ୍ ଦର୍କିଲେ; ବାତେଙ୍କ୍ ଇତ୍‍କେ ପ୍ରବୁଙ୍କ୍ ଅନୁଗ୍ରହତେ ବିସ୍‌ୱାସ୍‌ ଆସ୍‌ ନାନ୍‌ କେତୁତାନ୍‌ ।

୨ କରନ୍ତିୟ 4:1

ଇଶ୍ୱର୍ ଅନୁଗ୍ରହ ମାଡ଼ି ମାନ୍‍ ଇଦ୍ ସେବା ପାଡ଼୍‍ୟି ଇସ୍‍ମାନାଙ୍କ୍ ମାନାଡ଼୍ ଆୟ ୱାଡ଼୍ ।

କଲସୀୟ 3:7

ଅଣ୍ଡ୍‌‍ଦିନେ ମିଇଡ଼୍ ଇୱୁ ସାରେ କାରାପ୍‍ ପାଙ୍ଗାନାଗ୍ ମାଞ୍ଜ୍ ଜିୱୁଣ୍ଡ୍ ବାଦ୍‍କ ମାତ୍‍ତିଡ଼୍ ।

୧ ତୀମତି 1:18

ନା ମାର୍‍ ତୀମତି, ନି ବିଷୟ୍‍ତେ ମୁନେକଙ୍କ୍ ପ୍ରକାଶ ପାହେମ୍‍ ଆତ୍‍ତେ ବାବବାଣି ଲେକାମ୍‌ ନାନ୍‍ ନିକିଙ୍କ୍ ହି ଆଜ୍ଞା ହିଦୁତାନ୍‍ । ଆ ବାବବାଣିତିଙ୍କ୍ ଅମଗ ଅସ୍ତ୍ର ଲେକାମ୍‍ ବ୍ୟବହାର ମାଡ଼ି ନିମେ ଜିୱୁନ୍‍ ସଂଗ୍ରାମ୍‍ତେ ଜିଡ଼ି ଲାବ୍ ମାଡ଼ା ।

ଏବ୍ରୀ 3:18

ଇଶ୍ୱର ବେସୁଙ୍କ୍‍ ଶପତ୍‌ ମାଡ଼ି କେସ୍‌ମାତ୍‍ତଣ୍ଡ୍‍ ଯେ, ଅଡ଼୍‌‍ ମାନ୍‍ୱାଦ୍ ରମାନାଗ୍‌ ବେସୁଟ୍‍ବା ନେଙ୍ଗେ ପାର୍ୱଡ଼୍‍, ଆସୁଙ୍କ୍‌ ଅଣ୍ଡ୍‌‌ ବେନ୍‍ ନାରୁଡ଼୍‍ ବିଷୟ୍‌ତେ ଆଦ୍‍ କେସ୍‌ମାତ୍‌ତଣ୍ଡ୍‌ ? ବେନଡ଼୍‍ ବିରୁଦ୍ଦ୍‌ ମାଡ଼ିମାତ୍‌ତଡ଼୍‍, ଅଡ଼୍‌‍ ବିଷୟତେ ଅଣ୍ଡ୍‌‌ ଆଦ୍ କେସ୍‌ମାତ୍‌ତଣ୍ଡ୍‌ ।

୧ ପିତର୍‍ 2:10

ମୁନେଙ୍କ୍ ମୀଇଡ଼୍ ଇଶ୍ୱର୍‌ତେ ନାରୁଡ଼୍ ଆୟିୱେ ମାତ୍‍ତିଡ଼୍, ଇଞ୍ଜେ ଆତ୍‍ତିଡ଼୍ । ମୁନେଙ୍କ୍ ମୀଇଡ଼୍ ଇଶ୍ୱର୍‌ତେ ଦୟା ବିଷୟତେ ଦର୍‍କ୍‍ୱେ ମାତ୍‍ତିଡ଼୍, ଇଞ୍ଜେ ଅନ୍‌ ଦୟାତେ ନାରୁଡ଼ି ଆତ୍‍ତିଡ଼୍‍ ।