ରୋମୀୟ 11:14 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁴ ଇଦିନ୍ ସେଙ୍ଗେ ନାନ୍ ନା ନିଜେତ୍ ଗୋଷ୍ଠୀତ୍‍ ନାରୁଡ଼୍‍କିଂଙ୍କ୍ ଇର୍ଷା ମାଡ଼େପାର୍‍ଦ୍‍ତାନ୍, ଆତ୍‍କେ ଅଡ଼୍‌ ଲୋପେଙ୍କ୍ ବେସ୍‍କ୍‍ତୁଡ଼୍‍କିଂଙ୍କ୍ ରକ୍ଷା ମାଡ଼େପାର୍‍ଦ୍‍ତାନ୍ ।

ରୋମୀୟ 11:14 ပူးပေါင်းရင်းမြစ်များ

୧ କରନ୍ତିୟ 7:16

ହୋ ନାଟାଡ୍‌, ନିମ୍‌ ଯେ ନି ମୁଜାନ୍‌ ପରିତ୍ରାଣ୍ ମାଇଦିଙ୍କ୍ ଆତ୍‍ତି, ଇଦ୍‌ ବାତା ପୁନ୍‌ଦିଇଲେନ୍‌ ? ହୋ ମୁଜାଲ୍‌, ନିମ୍‌ ଯେ ନି ମୁତେନ୍ ପରିତ୍ରାଣତ୍‌ ବାତେଙ୍କ୍ ଇତ୍‍କେ ଆତିନ୍ ଇଦ୍‌ ବାତା ପୁନ୍‌ଦିଲିନ୍‌ ?

୧ ତୀମତି 4:16

ଆଲାହିକେ, ମିଡ଼୍ ନିଜେ ପରିତ୍ରାନ ପାହେମ୍ ଆଦ୍‍ତିଡ଼୍ ନୁ ୱେର୍ ଅର୍‍ତୁଡ଼୍ ପରିତ୍ରାନ୍ ପ୍ରାପ୍ତିତେ ସହାୟକ ଆଦ୍‍ତିଡ଼୍ ।

ତୀତସ୍‌ 3:5

ଆସୁଟେ ଅଣ୍ଡ୍‌ ମାମ୍ ମାଡ଼୍‍ତେ ସାୟେତ୍ ପାଡ଼୍‍ୟି ସେଙ୍ଗେ ଆୟ୍‍ୟ, ମାତ୍ର ତାନ୍ ଦୟା ଲେକାମ୍ ମେଣ୍ଡନ୍‍ ଜନମ୍‍ତେ ସେଙ୍ଗେ ବାପ୍ତିସ୍ମ ନୁ ପବିତ୍ର ଆତ୍ମାତେ ନେଲେତାଦ୍ ଜିୱୁଣ୍ଡ୍ ତଡ଼୍ ମାନ୍‍ ମୁକ୍ତି ମାଡ଼ିମିନ୍ଦେଣ୍ଡ୍;

୨ ତୀମତି 2:10

ଇଶ୍ୱର୍‌ତେ ହେଞ୍ଚିମାନ୍ଦାନ୍ ନାରିଡ଼୍ କ୍ରିଷ୍ଟ ଜିସୁନାଗେ ନାର୍ଗେ ପରିତ୍ରାଣ ନୁ ଅନନ୍ତ ଗୌରବ୍ ଲାବ୍ ମାଡ଼ାଟ୍, ଇଦ୍ ଲେକାମ୍ ନାନେ ସାରେ କଷ୍ଟ ମାଡ଼ୁତାନ୍ ।

୧ ତୀମତି 2:4

ସାରେତଡ଼୍ ପାପତାଗାଙ୍କ୍ ଉଦ୍ଦାର୍ ଆସ୍ ସତ୍‍ତିଙ୍କ୍‍ ପୁନିଡ଼୍‍, ଇଦ୍ ଅନ୍‌ ଇଚ୍ଛା ।

୧ କରନ୍ତିୟ 1:21

ଇଶ୍ୱର୍ ତାନାଦ୍‌ ବେଡ଼ିୟଡ଼୍ ବୁଦ୍‍ତେ ଆଲ୍‌ସି ମାତ୍‌ତଣ୍ଡ୍ ଯେ ନାରୁଡ଼୍ ତାମ୍ ବୁଦ୍ ତଡ଼୍ ଇଶ୍ୱରତିଙ୍କ୍ ପୁନ୍ଦେପାର୍ୱଡ଼୍ । ମେଣ୍ଡେଅଣ୍ଡ୍‌‍ପାକା, ମାମ୍‍ମେ ପ୍ରଚାର୍ ମାଡ଼ାନାଦ୍ ଗଟ୍‍ତାଗ୍ ମାନ୍ଦାନ୍ ପିନ୍ଦ କାବୁର୍‌ତିଙ୍କ୍ ବିଶ୍ୱାସ୍ ମାଡ଼ାନ୍‌ ନାରୁଡ଼୍‌କିଙ୍ଗ୍ ଗେଲ୍‌ସ୍ପାନ୍‌ ମାଇଦିଙ୍କ୍ ଇଶ୍ୱର୍ ଆଲ୍‌ସି ମିନ୍ଦେଣ୍ଡ୍ ।

ରୋମୀୟ 11:11

ନାନ୍ ପାଚ୍ରା ମାଡ଼ିତାନ୍, ଇହୁଦୀଡ଼୍ ମଦଲ୍ ଆଡ଼୍‌‍କ୍‍ତାଙ୍କ୍ ବାତ୍ ଦଂସ ଆତ୍‍ତଡ଼୍ ? ବେସୁଟ୍‌ ଆୟ୍‍ୟ । ଅଡ଼୍‌ ପାପାମ୍ ମାଡ଼୍‍ତାଙ୍କ୍, ଅଡ଼୍‌‍କିଂଙ୍କ୍ ଇର୍ଷା ମାଡ଼ାନ୍ ସେଙ୍ଗେ ଅଣଇହୁଦୀଡ଼୍‍କ୍ ମୁକ୍ତିତେ ଅଦିକାରି ମାଡ଼୍‍ତଡ଼୍ ।

ଯାକୁବ 5:20

ଆଲେକେ ଅଣ୍ଡ୍‌ ପାପି ନାରୁଙ୍କ୍ ବୁଲ୍‍କା ହାର୍‍ଦାଗାଙ୍କ୍ ମାଲ୍‍ପି ତାତ୍‍ତଣ୍ଡ୍, ଅଣ୍ଡ୍‌ ଯେ ତାନ୍ ଆତ୍ମାତିଙ୍କ୍ ଡଲାନାଗାଙ୍କ୍ ରକ୍ଷା ମାଡ଼୍‍ତଣ୍ଡ୍ ନୁ ନାର୍‍ଗେ ପାପ୍‍ତିଙ୍କ୍ ୱିଡ଼୍‍ସିଦ୍‍ତଣ୍ଡ୍, ଇଦ୍ ପୁତ୍‍ତିଡ଼୍ ।

ରୋମୀୟ 9:3

ନା ନିଜେତ୍ ଜାତିଡ଼୍ ଦାଦାଲଡ଼୍ ନୁ ଏଲାସ୍କ୍‍କିନ୍‍ ସେଙ୍ଗେ ନାନ୍ ନିଜେ କ୍ରିଷ୍ଟନାଗାଙ୍କ୍ ୱେରେ ଆସ୍ ଇଶ୍ୱର୍ ତଡ଼୍ ଅବିଶାପ୍‌ ପାଏମ୍‍ ଆଦାନଙ୍କ୍ ନାନ୍ ରାଜି,

ଫିଲିମୋନ୍‌ 1:12

ଅଣ୍ଡ୍‌ ନା ଜିୱୁଣ୍ଡ୍ ଲେକାମ୍ ନାନ୍ ଅଂକିଙ୍କ୍‌ ମିଇ ବକେତ୍ ନୁ ମାଲ୍‍ପି ରଅତୁତାନ୍ ।

ରୋମୀୟ 10:19

ମେଣ୍ଡଅନ୍‌‍ଦାମ୍ ନାନ୍ ପାଚ୍ରା ମାଡ଼ିତାନ୍, ଇଶ୍ରାଏଲୀୟ ନାରୁଡ଼୍ ବାଆତେ ଆଦ୍ ବୁଜେମ୍ ଆୟ୍‍ୟଡ଼୍ ? ନିଜାମ୍‍ ବୁଜେମ୍‍ ଆତ୍‍ତଡ଼୍‍, ନାର୍‍ଗେ ଦିନାମ୍ ମୁନେଙ୍କ୍ ମୋଶାନ୍‌‌ ୱେଲେ ଇଶ୍ୱର୍ କେତ୍‍ତଣ୍ଡ୍‍, “ମାନ୍‍ ନାରୁଡ଼୍‍କିଂଙ୍କ୍ ଇର୍ଷା ମାଡ଼ାନ୍ ସେଙ୍ଗେ ଅଣ୍ଡୟ୍‌ ପୁନ୍‍ୱାଦ୍ ଗୋଷ୍ଠୀତିଙ୍କ୍ ବ୍ୟବହାର୍‌ ମାଡ଼ିତାନ୍‍ । ଆଦେରକମ୍ ଅଣ୍ଡୟ୍‌ ମୁର୍କ ଗୋଷ୍ଠୀତଡ଼୍ ନା ନାରୁଡ଼୍‍କିଙ୍କ୍‍ କପାମ୍ ମାଡ଼ିତାନ୍‍ ।”

୧ କରନ୍ତିୟ 10:33

ମିଡ଼୍ ନା ଲେକାମ୍ ବ୍ୟବହାର୍‌ ମାଡ଼ାଟ୍ । ନାନ୍ ସାର୍‍ରେ ବିଷୟ୍‍ତେ ସାର୍ରେତଡ଼୍‍କିଙ୍କ୍ ଶାନ୍ତି ମାଡ଼ାନଙ୍କ୍ ଆଲ୍‍ସି ମାଡ଼ୁତାନ୍ । ନିଜେତାଦ୍ ଚିନ୍ତେ ମାଡ଼୍‍ୱେକନ୍ସ୍, ମେଣ୍ଡେଅଡ଼୍‌‍ତିଡ଼୍ ପରିତ୍ରାଣ୍ ସେଙ୍ଗେ ସାର୍ରେତଡ଼୍‍ୱାଦ୍ ଲେକେତ୍‍ ମାଡ଼ୁତାନ୍ ।

୧ ତୀମତି 1:15

ପାପିଡ଼୍‍କ୍‍ ଉଦାର୍‍ ମାଡ଼ାନ୍‍ ମାଇଦିଙ୍କ୍ କ୍ରିଷ୍ଟ ଜିସୁ ପୃତିବିତାଗ୍‍ ୱାସ୍‍ମାତ୍‍ତଣ୍ଡ୍‍, ହିଦ୍‍ ଅଣ୍ଡୟ୍‌‍ ନିଜାମ୍ ସତ୍‍ ସାରେତଡ଼୍‍ ହିଦିଙ୍କ୍ ପୁନ୍ଦାନ୍‍ ଦର୍‍କାର୍‍ । ଆ ପାପୀଡ଼ି ଲୋପେ ନାନ୍‍ ସାରେତଡ଼୍‍କିଙ୍କ୍ ଅନ୍‌‍ ବାଡ଼୍‍ୟଣ୍ଡ୍ ।

୨ ତୀମତି 1:9

ଅଣ୍ଡ୍‌ ମାନ୍‍ ସତ୍ କାମ୍‍ଦେ ପୁରସ୍କାର୍ ଲେକାମ୍ ଅଣ୍ଡ୍‌ ମାନାଙ୍କ୍ ଆହ୍ୱାନ୍ ମାଡ଼ଣ୍ଡ୍ ମାତର୍ ଅନ୍‌ ଅନୁଗ୍ରହତେ ଅନ୍‌ ହେର୍କେତେ ତିଆର୍‌ ମାଡ଼ାଙ୍କ୍‌ ମାନାଙ୍କ୍ ତାନ୍ ପ୍ରିୟଦାସ ଆଦାନ୍ ସେଙ୍ଗେ ହେଞ୍ଚିମିନ୍ଦେନ୍ । କ୍ରିଷ୍ଟ ଜିସୁନ୍ ଶାସନ୍‍ ନାର୍ଗ ୱାଡ଼୍‍ଷାତାଗାଙ୍କ୍ ଇଶ୍ୱର୍ ମାନାଙ୍କ୍ ଇଦ୍ ଅନୁଗ୍ରହତେ ପାତ୍ର ଇନା ମାଡ଼ି ନେହେସ୍‍ମିନ୍ଦେନ୍;

ଏବ୍ରୀ 1:14

ଆଲେକେ ସ୍ୱର୍ଗଦୂତଡ଼୍‍ ବେନ ? ଅଡ଼୍‌‍ ଆଦୁତଡ଼୍‍ ଇଶ୍ୱର୍‌ତେ ସେବକିଡ଼୍‍, ପରିତ୍ରାଣ୍‍ ପାଏମ୍‍ ଆଦାନ୍‍ ନାରୁଡ଼୍‍ତେ ସାହାଯ୍ୟ ସେଙ୍ଗେ ଇଶ୍ୱର୍ ରଅତେ ଆତ୍ମାକି ।

ଏବ୍ରୀ 2:3

ଆଲେଇତ୍‌କେ, ଇଦ୍‌ ବାଡ଼୍‍ୟେ ପରିତ୍ରାଣତିଙ୍କ୍‍ କେପ୍‍ତଡ଼୍‍, ମାନାଡ଼୍‍ ବେଲା ଗେଲ୍‌ସିତାଡ଼୍‍ ? ଇଦ୍‌ ପରିତ୍ରାଣ ପ୍ରବୁ ନିଜେ ମୁନେନ୍ କେତ୍‌ତଣ୍ଡ୍‌ ମେଣ୍ଡେ ଅନାଗ୍‍କଞ୍ଚ୍ କେଞ୍ଜୀମାତ୍‌ତେ ନାରୁଡ୍‌ ଅନାଦ୍‌‌ ବେଡ଼ିୟାଦ୍ ସତ୍‌ ମାୟାଗ୍‌ ନିଜାମ୍‌ ଇଞ୍ଜ କେସ୍‌ମିନ୍ଦେଡ଼୍‍ ।