ରୋମୀୟ 11:13 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹³ ଅଣଇହୁଦୀ ନାରୁଡ଼୍‍କିଂଙ୍କ୍ ନାନ୍ କେତୁତାନ୍, ମିଇ ସେଙ୍ଗେ ପ୍ରେରିତ ଶିଷ୍ୟ ଇନା ପାଡ଼୍‍ୟି ମାଡ଼ାନଙ୍କ୍ ନାନ୍ ଗର୍ବ ଏର୍କା ମାଡ଼ୁତାନ୍ ।

ରୋମୀୟ 11:13 ပူးပေါင်းရင်းမြစ်များ

ପ୍ରେରିତ 9:15

ପ୍ରବୁ ଅଂକିଙ୍କ୍‌ କେତ୍‍ତଣ୍ଡ୍, “ଅନ୍‌, ଇସ୍ରାଏଲ୍‍ ନାରୁଡ଼୍ ନୁ ଅଣଇହୁଦୀ ନୁ ରାଜାଲଡ଼୍ ମୁନ୍‍ନେ, ନା ପେଦେର୍ କେତାନଙ୍କ୍ ନୁ ନାୱାଦ୍ ସେବା ମାଡ଼ାନଙ୍କ୍ ନାନ୍ ଅଂକିଙ୍କ୍‌ ହେଞ୍ଚ୍‍ତାନ୍ ।

୧ ତୀମତି 2:7

ଆଦ୍ ସତ୍ୟ ନୁ ବିଶ୍ୱାସ୍‍ ଗଟ୍ ଅଣଯିହୁଦୀଡ଼୍‍ ପାକେ ଗୋଷନା ମାଡ଼ାନ୍ ସେଙ୍ଗେ ନାନେ ୱେରନ୍ ପ୍ରେରିତଶିଷ୍ୟ ନୁ ଗୁରୁ ଲେକାମ୍ ୱାସ୍‍ମିନ୍ଦେନ୍, ନାନେ ମିତ୍ୟା କେଲନ୍ ବାତ୍‍ କେତୁତାନ୍, ଆଦ୍‍ ସାରେ ସତ୍ ।

ଏଫିସିୟ 3:8

ନାନ୍ ଇଶ୍ୱର୍‌ତେ ନାରୁଡ଼୍ ଲୋପେଙ୍କ୍ ସାରେତଡ଼୍‌କିଂଙ୍କ୍ ସୁଦୁନଣ୍ଡ୍, ଆଗେକ୍‍ବା ଅଣଯିହୁଦିଡ଼୍ ଗାର୍‍ରେ କ୍ରିଷ୍ଟନ୍ ନାର୍‍ଗେ ସମ୍ପଦ୍‍ତେ ଗଟ୍ ପୟ୍‍ସ୍ ଆଦାନ୍ ମାୟ୍‍ଦିଙ୍କ୍ ନାକିଂଙ୍କ୍ ଇଶ୍ୱର୍ ସୁଯୋଗ୍ ଇସ୍‍ମିନ୍ଦେଣ୍ଡ୍ ।

ଗାଲାତୀୟ 1:16

ଅଣଇହୁଦୀଡ଼୍ ବକେତ୍ ମେଲ୍‍ତା କାବୁର୍ ପ୍ରଚାର୍ ମାଡ଼ାନ୍ ସେଙ୍ଗେ ବେସୁଟ୍‌ ନା ବକେତ୍ ଅଣ୍ଡ୍‌ ତାନ୍ ମାର୍‍ଦିଙ୍କ୍ କେତ୍‍ତଣ୍ଡ୍, ଇଦ୍ ବିଷୟ୍ କେତାନ୍ ସେଙ୍ଗେ ନାନ୍ ମେଣ୍ଡେ ବେନନ୍ ବକେତ୍ ଅନ୍‌‍ୱେ ମାତ୍‍ତାନ୍ ।

ଗାଲାତୀୟ 2:2

ଆଗ୍ ଆଦାନଙ୍କ୍ ଆଦ୍‍ତେ ଇଞ୍ଜ ଇଶ୍ୱର୍‌ତାଦ୍‍ ଆଦେଶ୍‍ ସେଙ୍ଗେ ନାନ୍ ଆଞ୍ଜ୍‍ ମାତ୍‍ତାନ୍ । ଅଣଇହୁଦୀଡ଼୍ ବକେତ୍ ନାନ୍ ବେନ୍ କାବୁର୍ ପ୍ରଚାର୍ ମାଡ଼୍‍ତାନ୍, ଯିରୁଶାଲେମ୍‍ତେ ନେତାଲଡ଼୍‍କ୍ ଅଣ୍ଡୟ୍‌ ପ୍ରାଇବେଟ୍ ମିଟିଙ୍ଗ୍ ମାଡ଼ି ବୁଜା ମାଡ଼୍‍ତାନ୍ । ନାୟାଦ୍‍ ମୁନେତାଦ୍ ନୁ ଇଞ୍ଜେତାଦ୍ ପାଡ଼୍‍ୟି ବେଲା ଆସାମ୍ ଆନ୍‌‍ମାକି ଆଦିନ୍‌ମାଇଦିଙ୍କ୍ ନାନ୍ ଉଡ଼ମାତ୍‍ତାନ୍ ।

ପ୍ରେରିତ 22:21

ପ୍ରବୁ ନାକିଂଙ୍କ୍ କେତ୍‍ତଣ୍ଡ୍, ‘ଅନ୍‌, ନାନ୍ ନିକିଂଙ୍କ୍ ଗାଟି ଜେକେ ଅଣଇହୁଦୀଡ଼୍ ବକେତ୍ ରହତିତାନ୍ ।’”

ପ୍ରେରିତ 13:2

ଅଡ଼୍‌ ପ୍ରବୁନାଦ୍ ସେବା ନୁ ଉପାସନା ମାଡ଼ାନ୍ ୱେଲେ, ପବିତ୍ର ଆତ୍ମା ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ନାନ୍ ବେନ୍ ପାଡ଼୍‍ୟି ସେଙ୍ଗେ ବର୍ଣ୍ଣବା ନୁ ଶାଉଲ୍‍ତିଙ୍କ୍ କାର୍‍ଙ୍ଗ୍‍ତାନ୍, ଆଦିନ୍ ମାଇଦିଙ୍କ୍ ଅଡ଼୍‌‍କିଂଙ୍କ୍ ନା ସେଙ୍ଗେ ୱେରେ ମାଡ଼ାଟ୍ ।”