ରୋମୀୟ 10:18 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁸ ଇତ୍‍କେ ନାନ୍ ପାଚ୍ରା ମାଡ଼ିତାନ୍, ଅଡ଼୍‌ ବାଆତେ ଆଦ୍ କାବୁର୍ କେଞ୍ଜଡ଼୍ ? ନିଜାମ୍ କେଞ୍ଜ୍‍ତଡ଼୍, ବାତେଙ୍କ୍ଇତ୍‍କେ ଶାସ୍ତ୍ରତାଗ୍ ଲେକାମିନ୍ଦେ, “ଅଡ଼ାଦ୍‌ ଲେଙ୍ଗ୍ ସାରେ ଜଗତ୍‍ତାଗ୍ ଏକାମ୍ ଆତ୍‍ତେ, ଅଡ଼ାଦ୍‌ ଗଟ୍ ପୃତିବିତେ ସାର୍ରେଏକାମ୍ କେଞ୍ଜ୍‍ତଡ଼୍ ।”

ରୋମୀୟ 10:18 ပူးပေါင်းရင်းမြစ်များ

ମାତିଉ 24:14

ଇଶ୍ୱର୍‌ତେ ରାଜ୍ୟ ବିଷୟ୍ ସାୟେତ୍ ଗଟ୍ ସାରେ ନାରୁଡ଼୍ ଜାତିଡ଼୍ ମାଇଦିଙ୍କ୍ ସତ୍ କାଇଲ୍‍ତେ ଲେକାମ୍ ସାରା ଜଗତ୍‍ତାଗେ ପ୍ରଚାର୍ ଆଦ୍‍ତେ । ତାନ୍‍ପେର୍କେ ଯୁଗ୍ ଶେଷ ଆଦ୍‍ତେ ।”

ମାତିଉ 26:13

ନାନ୍‍ନେ ମିକିଂଙ୍କ୍ ନିଜାମ୍‍ କେତୁତାନ୍, ସାରେ ଜଗତ୍‍ତାଗେ ଯେ ବେନ୍‌ଆଇ ପଡ଼ିୟେତାଗ୍, ଇ ସୁସମାଚାର୍ ପ୍ରଚାର୍ ଆଦ୍‍ତେ, ଇ ମୁତ୍‍ତେ ବାତେଏ ମାଡ଼ିତେ, ତାଙ୍କ୍ ହେର୍କା ମାଡ଼ି ଆଦିଙ୍କ୍ ଆନ୍‌‍ତେ ଲେକେ ୱେୟିତିତ୍ ।

ମାତିଉ 28:19

ମେଣ୍ଡେ ମିଡ଼୍‍ଆଞ୍ଜ୍ ସାରେ ଜାତିତ୍‍ ନାରୁଡ଼୍ ଆଞ୍ଜ୍ ଅଡ଼୍‌‍କିଂଙ୍କ୍ ନା ଶିଷ୍ୟ ମାଡ଼ାଟ୍ । ବାବାଲ୍, ମାର୍‍ ନୁ ପବିତ୍ର ଆତ୍ମା ପେଦେର୍‍ତେ ଅଡ଼୍‌‍କିଂଙ୍କ୍ ବାପ୍ତିସ୍ମ ହିମୁଟ୍

ମାତିଉ 4:8

ତାନ୍ ପେର୍କେ ଶୟ୍‍ତାନ୍‍ ଅଣ୍ଡୟ୍‌‍ ବେଡ଼୍‍ୟାଦ୍‍ ମେଟେତ୍ ଜୁଟିନାଗ୍ ଅତ୍‍ତେ ନୁ ଅଂକିଙ୍କ୍‌ ଜଗତ୍‍ତାଦ୍ ସାରେ ରାଜ୍ୟତାଦ୍ ସମ୍ପତି ତଅସ୍ କେତ୍‍ତଣ୍ଡ୍,

ମାର୍କ 16:15

ମେଣ୍ଡେ ଅଣ୍ଡ୍‌ କେତ୍‍ତଣ୍ଡ୍, “ସମଗ୍ର ଜଗତ୍‍ତାଗ୍‍ ଆଞ୍ଜ୍‍ ନାୟାଦ୍‍ ଇଦ୍‍ ସାଏତ୍‍ କାବୁର୍‍ ସାରେତଡ଼୍ ଗାରେ ଆଞ୍ଜ୍‍ କେଲ୍‍ମୁଟୁ ।

ମାର୍କ 16:20

ଶିଷ୍ୟଡ଼୍ ଆଞ୍ଜ୍‍ ସାର୍ର ଏକାମ୍‍ ପ୍ରଚାର୍ ମାଡ଼୍‍ତଡ଼୍‍ । ଅଡ଼୍‌ କେତାନାଦ୍‍ ସତ୍‍ ପ୍ରମାଣ ମାଡ଼ାନଙ୍କ୍‍ ପ୍ରବୁ ଅଡ଼୍‌ ତଡ଼୍ ମାଞ୍ଜ୍‍ ବାକ୍‌ୱା ପାଡ଼୍‍ୟି ମାଡ଼ାନଙ୍କ୍‍ ଅଡ଼୍‌‍କିଂଙ୍କ୍‌ ଶକ୍ତି ଇତ୍‌ତନ୍‌ ।

ପ୍ରେରିତ 1:8

ବାତେଙ୍କ୍ ଇତ୍‍କେ ମିଇ ପର୍‍ର ପବିତ୍ର ଆତ୍ମା ଡିଗ୍‍କେ, ମିଡ଼୍ ଶକ୍ତିଶାଲୀ ଆଦ୍‍ତିଡ଼୍ ନୁ ଜିସୁ, ପୁରା ଯିରୁଶାଲେମ୍‍ ଯିହୁଦା ନୁ ଶମିରୋମ୍ ନୁ ପୃତିବିତାଗ୍ ଶେଷସୀମା ଏୱୁନା ନା ସେଙ୍ଗେ ମିଡ଼୍ ସାକ୍ଷି ଆଦ୍‍ତିଡ଼୍ ।”

ପ୍ରେରିତ 26:20

ନାନ୍ ମୁନେନ୍ ଦାମାସ୍‍କସ୍‍ ଯିରୁଶାଲେମ୍‍ତାଗ୍ ନୁ ତାନ୍‍ପେର୍କେ ଯିହୁଦା ପ୍ରଦେଶ୍‍ତେ ସାରେ ଏକାମ୍ ନୁ ଅଣଇହୁଦୀଡ଼୍ ଲୋପେ ପ୍ରଚାର୍ ମାଡ଼୍‍ତାନ୍, ବେଲାକି ଅଡ଼୍‌ ପାପାମ୍‍ତାଗାଙ୍କ୍ ମାଲ୍‍ସ୍ ଇଶ୍ୱର୍ ଗାର୍‍ରେ ୱାଦ୍‍ତଡ଼୍‍ ନୁ ଅଡ଼୍‌ ବାତ୍ ଅନୁତାପ୍ ମାଡ଼୍‍ତଡ଼୍, ଆଦ୍ ପାଡ଼୍‍ୟିତାଗ୍ ତଅତିତଡ଼୍ ।

ପ୍ରେରିତ 28:23

ଅଡ଼୍‌ ଅଣ୍ଡୟ୍‌ ଦିନ୍‍ ଟିକ୍ ମାଡ଼୍‍ତଡ଼୍ ନୁ ଅଡ଼୍‌ଆଗାଙ୍କ୍‌ ନାର୍‍ଗେ ଆଦ୍ ନାଣ୍ଡ୍ ପାଉଲ୍ ମାନ୍ଦାନ୍ ପଡ଼୍‍ୟେତାଗ୍ ୱାତ୍‍ତଡ଼୍ । ନାର୍କ କନ୍‍ସ୍ ନାର୍‍କେତ୍ ଯାକ ପାଉଲ୍ ଅଡ଼୍‌‍କିଂଙ୍କ୍ ଇଶ୍ୱର୍‌ତେ ରାଜ୍ୟ ବିଷୟ୍ କେତ୍‍ତାନ୍ ନୁ ମୋଶାନ୍‌‌ ନିୟମ୍‍ ନୁ ବାବବାଦୀଡ଼୍ ଲେକାତାଗାଙ୍କ୍ ବାକ୍ୟ କେସ୍ ଜିସୁନାଗ୍ ଅଡ଼୍‌‍କିଂଙ୍କ୍‍ ବିଶ୍ୱାସ୍ ମାଡ଼ାନଙ୍କ୍‍ ଚେଷ୍ଟା ମାଡ଼୍‍ତଣ୍ଡ୍ ।

ରୋମୀୟ 1:8

ମୁନେନ୍‍, ନାନ୍ ମିଡ଼୍ ସାର୍ରେତଡ଼୍‍ତେ ମାୟ୍‍ଦିଙ୍କ୍ ଜିସୁ କ୍ରିଷ୍ଟନ୍ ତଡ଼୍ ନା ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦୁତାନ୍, ବାତେଙ୍କ୍‍ ଇତ୍କେ ମିୟାଦ୍ ବିଶ୍ୱାସ୍‍ତାଦ୍ ସାୟେତ୍ କାବୁର୍ ଯେ ସାରେ ଜଗତ୍‍ତାଗ୍ କେଞ୍ଜାନଙ୍କ୍ ଆଦୁତ୍‍ତେ ।

ରୋମୀୟ 15:19

ଇଦ୍ ଅଣ୍ଡ୍‌ ମାଡ଼୍‍ତଣ୍ଡ୍, ବାକ୍ୟ ନୁ ପାଡ଼୍‍ୟି ତଡ଼୍ ନୁ ଇଶ୍ୱର୍‌ତେ ଆତ୍ମାତେ ଶକ୍ତିତେ । ଆଦିଙ୍କ୍ ନାନ୍ ଯିରୁଶାଲମ୍‍ତାଗାଙ୍କ୍ ଇଲିରିକମତାଗ୍ ଆଦାନ୍ ୱେଲେ ଆର୍ର୍‍ଦାଗ୍ କ୍ରିଷ୍ଟନାଦ୍ ସାୟେତ୍ କାବୁର୍ ସାୟେ ପ୍ରଚାର୍ ମାଡ଼୍‍ତାନ୍ ।

କଲସୀୟ 1:23

ମିଡ଼୍ ଅଣ୍ଡୟ୍‌ ଡ଼ୁଟାଙ୍ଗ୍ ନୁ ନିଜାମ୍ ମୂଲଦୁଆ ପରୁ ତିଆତ୍‍ଆସ୍ ମାନୁଟ୍ ନୁ ସୁସମାଚାର୍ କେଞ୍ଜାନ୍ ୱେଲେ ବେନେ ଆଶେ ଦର୍‍କି ମାତ୍‍ତେ, ଆଗେଙ୍କ୍‍ ଦାନ୍ଦେ ଆଦାନଙ୍କ୍ ନିଜେତିଙ୍କ୍ ପଡ଼୍‍ୟି ଇମାଟ୍ । ଆଦ୍ ସୁସମାଚାର୍ କେ ପୃତିବିତେ ସାରେତଡ଼୍ ଗାରେ ପ୍ରଚାର୍ ଅଦୁତ୍ ନୁ ନାନ୍ ପାଉଲ୍, ଅନ୍‌‍ୱାଦ୍ ୱେରନ୍ ବିଶ୍ୱାସ୍ତେ ଦାସନ୍ ।

କଲସୀୟ 1:6

ବେନ୍ ସୁସମାଚାର୍ ପ୍ରଚାର୍‍ତେ ସେଙ୍ଗେ ମିଡ଼୍ ମୁନେ ଇଶ୍ୱର୍‌ତେ ଅନୁଗ୍ରହ ବିଷୟ କେଞ୍ଜ୍‍ତିଡ଼୍ ନୁ ଇଦିନ୍ ସତ୍‍ ଏର୍କା ମାଡ଼୍‍ତିଡ଼୍, ଆଦ୍ ସୁସମାଚାର୍ ଇଞ୍ଜେ ସାରେ ଜଗତ୍‍ତାଗ୍ ଏକାମ୍‍ ଆଦୁତ୍‍ ନୁ ଆର୍ଶିବାଦ୍‌ ତାତୁତେ ।

୧ ଥେସଲନିୟ 1:8

ମିୟାଗାଙ୍କ୍ ଯେ ମାତର୍ ପ୍ରବୁନ୍ କେତ୍‍ତେ ଗଟ୍ ମାସିଦୋନିଆ ନୁ ଆକାୟାତେ ସାରେପାକେ ଆସ୍‍ମାତ୍‍ତେ, ଆଦ୍ ଆୟ୍‍ୟ, ମାତର୍ ଇଶ୍ୱର୍‌ତେ ସେଙ୍ଗେ ମିୟାଦ୍ ବିଶ୍ୱାସ୍‍ତେ ବିଷୟ ସାରେପାକେ ଇଦ୍‍ଲେକାମ୍ ଆସ୍‍ମିନ୍ଦେ, ତାନ୍ ମୁନେ ବାତ୍ କେତାନାଦ୍ ଇଲ୍‍ଲେ ।