ରୋମୀୟ 10:12 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹² ବାତ୍‍ବା ବେଦ୍‍ବାବ୍ ଇଲ୍‍ୱେକଟ, ଇଦ୍ ଗଟ୍ ଇହୁଦୀ, ଅଣଇହୁଦୀ ସାର୍ରେତଡ଼୍ ସେଙ୍ଗେ ଦର୍‍କାର୍ । ଇଶ୍ୱର୍ ସାର୍ରେତଡ଼ାଦ୍ ପ୍ରବୁ । ବେନଡ଼୍ ଅନାଗ୍‍ ସାହାଯ୍ୟ ପ୍ରାର୍ତନା ମାଡ଼ିତଡ଼୍, ଅଡ଼୍‌‍କିଂଙ୍କ୍ ଅଣ୍ଡ୍‌ ନାର୍‍ଗେ ଆର୍ଶିବାଦ୍ ମାଡ଼ିତଣ୍ଡ୍ ।

ରୋମୀୟ 10:12 ပူးပေါင်းရင်းမြစ်များ

ପ୍ରେରିତ 7:59

ଅଡ଼୍‌ ସ୍ତିଫାନ୍‍ତେ ପର୍‍ କାଲ୍‍କ୍ ହେସାନ୍ ୱେଲେ ଅଣ୍ଡ୍‌ ପ୍ରବୁଙ୍କ୍ ପ୍ରାର୍ତନା ମାଡ଼ି କେତ୍‍ତଣ୍ଡ୍, “ପ୍ରବୁ ଜିସୁ, ନାୱାଦ୍ ଆତ୍ମାତିଙ୍କ୍ ଗ୍ରହନ୍ ମାଡ଼େ ।”

ପ୍ରେରିତ 9:14

ମେଣ୍ଡେ ଅଣ୍ଡ୍‌ ମୁକ୍ୟ ଯାଜକ୍‍ତାଗାଙ୍କ୍ ଅଦିକାର୍‌‍ ଚିଟି ଆସ୍, ଦାମାସ୍‍କସ୍‍ ପେଦେର୍‍ତାଗ୍ ନିକିଂଙ୍କ୍ ଉପବାସ୍ ମାଡ଼ାନଡ଼୍‍କିଙ୍କ୍ ପୟ୍‍ସ୍ ଆଦାନ୍ ସେଙ୍ଗେ ୱାତ୍‍ତଣ୍ଡ୍ ।”

ରୋମୀୟ 14:9

ବାତେଙ୍କ୍‍ଇତ୍‍କେ କ୍ରିଷ୍ଟ ଡଲି ମେଣ୍ଡନ୍‍ନ୍ଦାମ୍ ତେଏଦ୍‍ତାଙ୍କ୍ ଇଡ଼୍‍ୱୁଡ଼୍ ଜିୱୁଣ୍ଡ୍ ମାନ୍ଦାନଡ଼୍ ନୁ ଡଲ୍‍ତଡ଼୍ ସାର୍ରେତଡ଼୍‍ୱାଦ୍ ଅଣ୍ଡ୍‌ ପ୍ରବୁ ଆତ୍‍ତଣ୍ଡ୍ ।

ରୋମୀୟ 15:12

ମେଣ୍ଡେ ଯିଶାଇୟ କେତ୍‍ତଣ୍ଡ୍, “ଯେଶୀନ୍ ବଂଶତଣ୍ଡ୍ ୱେରଣ୍ଡ୍ ପୁଟିତଣ୍ଡ୍, ଅଣ୍ଡ୍‌ ଅଣଇହୁଦୀଡ଼୍‌କିଂଙ୍କ୍ ଶାସନ୍‍ ମାଡ଼ିତନ୍ ନୁ ଅଡ଼୍‌ ଅନାଗେ ବରସା ମାଡ଼ିତଡ଼୍ ।”

ରୋମୀୟ 2:4

ଆଦ୍‍ପାର୍‍ଦ୍‍ତେ, ଇଶ୍ୱର୍‌ତେ କୃପା, ଗାଡ଼୍‍ସ୍ ନୁ ସାରେ ଲେକାମ୍ ଦନ୍‍ତିଙ୍କ୍ ଆଙ୍ଗ୍‍ଡ଼ାମ୍ ମାଡ଼ୁତିଡ଼୍ । ଆଗେକ୍‍ବା ମିଡ଼୍‍ ପୁତ୍‍ତିଡ଼୍‍ ଯେ ଇଶ୍ୱର୍ ଦୟାବାନ୍‍, ବାତେଙ୍କ୍‍ଇତ୍‍କେ ଅଣ୍ଡ୍‌‍ ମିକିଂଙ୍କ୍ ମନ୍ ବାଦ୍‍ଲା ମାଡ଼ାନଙ୍କ୍ ତିୟାର୍ ଆଦୁତନ୍ ।

ରୋମୀୟ 3:22

ମାତର୍‍ ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼ାନ୍‍ ତଡ଼୍‍ ମାନାଡ଼୍‍ ଇଶ୍ୱର୍‌ତାଗ୍‍ ଦାର୍ମାମ୍‌‍ ଆତ୍‍ତାଡ଼୍‍, ଇଶ୍ୱର୍‍ ବେନଙ୍କ୍‍ବା ସପଟ୍‍ ମାଡ଼କଟ କ୍ରିଷ୍ଟନାଗ୍‍ ବିଶ୍ୱାସ୍‍ ମାଡ଼ମାନ୍ଦାନ୍‍ ସାରେତଡ଼୍‍କ୍‍ ଇଦ୍‍ ସୁଯୋଗ୍‍ ଇଦ୍‍ତଣ୍ଡ୍‍ ।

୧ କରନ୍ତିୟ 1:2

କରନ୍ତି ଟାୱୁନ୍‍କିନ୍ ଇଶ୍ୱରତେ ମଣ୍ଡଲିକିଙ୍କ୍ ଇଦ୍ ଚିଟି ଲେକୁତଡ଼୍, ବେନ୍‌ମାନେ ଇଶ୍ୱରନ୍ ପବିତ୍ର ନାରୁନ୍ ଆଦାନ୍ ମାଇଦିଙ୍କ୍‌ ଏଞ୍ଚ୍‌ତଡ଼୍‌ ମେଣ୍ଡେ ଜିସୁ କ୍ରିଷ୍ଟନ୍‌ ସାଙ୍ଗ୍‌ କାଇଲ୍‍ତା ସେଙ୍ଗେ ଇଶ୍ୱର୍‌ନଡ଼୍‌ ଆସ୍‌ ମିନ୍ଦେଡ଼୍‌ ନୁ ସାର୍ରେତାଗ୍ ମାନ୍‍ ଜିସୁ କ୍ରିଷ୍ଟନାଦ୍ ପୁଜା କିସମିନ୍ଦେଡ଼୍ ।

୧ କରନ୍ତିୟ 15:47

ମୁନେତ୍ ନାରୁଡ଼୍ ଆଦମ୍ ମାତ୍‍ତଣ୍ଡ୍ ପୃତିବିତଣ୍ଡ୍, ମାଣ୍ଡୁଲ୍‍ତଡ଼୍ ତିୟାର୍‍ ଆତ୍‍ତଣ୍ଡ୍; ଇତ୍‍କେ ଦ୍ୱିତୀୟ୍ ଆଦମ୍ ସ୍ୱର୍ଗତାଗାଙ୍କ୍ ଡିଗ୍‍ତଣ୍ଡ୍ ।

୨ କରନ୍ତିୟ 8:9

ମୀଡ଼୍ ପ୍ରବୁ ଜିସୁ କ୍ରିଷ୍ଟନ୍ ଅନୁଗ୍ରହ ବିଷୟ ପୁନୁଟ୍ । ଅଣ୍ଡ୍‌ ସାଉକାର୍ ଆସ୍‍ମିକା ମିଇ ସେଙ୍ଗେ ଗରିବ୍ ଆତ୍‍ତଣ୍ଡ୍, ଅନ୍‌ ଗରିବ୍ ତଡ଼୍ ମିଡ଼୍ ଗାଲା ବେଲା ସାଉକାର୍ ଆଦ୍ ପାର୍‍ଦ୍‍ତିନ୍ ।

ଗାଲାତୀୟ 3:28

ଆଦିଙ୍କ୍ ଯିହୁଦି ନୁ ଅଣଇହୁଦି, କ୍ରିତଦାସ ନୁ ସ୍ୱାଦିନ୍ ନାରୁଡ଼୍, ମାନେୟ୍ ଆୟି କି ନାଟାଡ଼୍ ଆୟି ତାମ୍ ଲୋପେ ବାତେ ୱେରେ ଇଲ୍‍ଲେ । ମିଡ଼୍ ସାରେତଡ଼ି ଜିସୁ କ୍ରିଷ୍ଟଟନ୍ ତଡ଼୍ କାୟ୍‍ଲି ଅଣ୍ଡୟ୍‌ ଆତ୍‍ତିଡ଼୍ ।

ଏଫିସିୟ 1:7

କ୍ରିଷ୍ଟ ଡଲ୍‍ତାଙ୍କ୍ ମାନାଡ଼୍‍ ମୁକ୍ତି ପାଏମ୍‍ଆତ୍‍ତାଡ଼୍, ଅର୍ତାତ୍‍ ମାନ୍‍ୱାଦ୍‍ ସାର୍ରେ ପାପ୍ କ୍ଷମା ଆତ୍‍ତେ । ଇଶ୍ୱର୍‌ତେ ଅନୁଗ୍ରହ ବେସର୍‍ ମହାନ୍ !

ଏଫିସିୟ 2:4

ଇତ୍‍କେ ଇଦ୍‍ଲେକାମ୍ କାରାପ୍‍ତେ ଡଲ୍‍କେ କେ ଦୟାତଣ୍ଡ୍‍ ଯେ ଇଶ୍ୱର୍, ଅଣ୍ଡ୍‌ ମାନ୍‍ ବେନ୍ ନାର୍‍ଗେ ପ୍ରେମତଡ଼୍‍ ପ୍ରେମ ମାଡ଼୍‍ତଣ୍ଡ୍ ।

ଏଫିସିୟ 2:7

ଜିସୁ କ୍ରିଷ୍ଟନାଗେ ଇସ୍‍ମାନ୍ଦାନ୍ ପ୍ରେମତେ ଅନାଦ୍‌ ଅନୁଗ୍ରହତେ ଶାନ୍ତି ମହତ୍ୱ ଯୁଗ୍‍ଯୁଗ୍ ସାରେଦିନା ମାଡ଼ାନ୍ ସେଙ୍ଗେ ଇଶ୍ୱର୍ ଇଦ୍‍ ମାଡ଼୍‍ତଣ୍ଡ୍ ।

ଏଫିସିୟ 3:16

ନାନ୍ ପ୍ରାର୍ତନା ମାଡ଼ୁତାନ୍ ଅଣ୍ଡ୍‌ ଅନାଦ୍‌ ଆତ୍ମାତେ ଶାସକ, ଅନାଦ୍‌ ଗୌରବ୍‍ତେ ଗୁଦାମ୍‍ତାଗାଙ୍କ୍ ମିଇ ହୃଦୟତାଗାଙ୍କ୍ ପୁଜାନ୍ ମାୟ୍‍ଦିଙ୍କ୍ ଶକ୍ତି ଇଦ୍‍ତଣ୍ଡ୍ ।

ଏଫିସିୟ 3:6

ଆଦ୍ ନିଗୂଡ଼ ତତ୍ତ୍ୱ ଆଦୁତ୍‍ତେ, ସୁସମାଚାର୍‍ତେ ସେଙ୍ଗେ ଯିହୁଦିଡ଼୍ ତଡ଼୍ ଅଣଯିହୁଦୀଡ଼୍ ଆନ୍‌‍ତେ ଇଶ୍ୱର୍‌ତେ ଆର୍ଶିବାଦ୍‍ ପାଏମ୍‍ଆସ୍‍ମିନ୍ଦେଡ଼୍ । ଅଡ଼୍‌ ଆଦ୍ ୱେରଡ଼୍ ମେନ୍ଦୁଲ୍‍ତେ କାଇକ୍‌ ଡ଼େକା ନୁ ଜିସୁ କ୍ରିଷ୍ଟନ୍ ସାହାଯ୍ୟତେ ଇଶ୍ୱର୍ ଇସ୍‍ମାନ୍ଦାନ୍ ପ୍ରତିଜ୍ଞାତେ ପାଏମ୍‍ଆସ୍‍ମାନ୍ଦାନଡ଼୍ ।

ଏଫିସିୟ 3:8

ନାନ୍ ଇଶ୍ୱର୍‌ତେ ନାରୁଡ଼୍ ଲୋପେଙ୍କ୍ ସାରେତଡ଼୍‌କିଂଙ୍କ୍ ସୁଦୁନଣ୍ଡ୍, ଆଗେକ୍‍ବା ଅଣଯିହୁଦିଡ଼୍ ଗାର୍‍ରେ କ୍ରିଷ୍ଟନ୍ ନାର୍‍ଗେ ସମ୍ପଦ୍‍ତେ ଗଟ୍ ପୟ୍‍ସ୍ ଆଦାନ୍ ମାୟ୍‍ଦିଙ୍କ୍ ନାକିଂଙ୍କ୍ ଇଶ୍ୱର୍ ସୁଯୋଗ୍ ଇସ୍‍ମିନ୍ଦେଣ୍ଡ୍ ।

ଫିଲିପିୟ 2:11

ମେଣ୍ଡେ ସାରେ ଜିୱାକ୍ ଜିସୁ କ୍ରିଷ୍ଟକେ ପ୍ରବୁ ଇଞ୍ଜ କେସ୍ ମିକା ବାବାଲ୍ ଇଶ୍ୱର୍‌ତିଙ୍ଗ୍ ଗୌରବ୍ ମାଡ଼ିତିଡ଼୍ ।

ଫିଲିପିୟ 4:19

କ୍ରିଷ୍ଟନ୍ ତଡ଼୍ ନା ଇଶ୍ୱର୍ ଅନାଦ୍‌ ନାର୍ଗେ ଆର୍ଶିବାଦ୍‌ତେ ମିୟାଦ୍ ସାରେ ଆଦାନାଦ୍‌ କେପ୍‌ସିଦ୍‌ତଣ୍ଡ୍‍ ।

କଲସୀୟ 1:27

ତାନ୍ ନାରୁଡ଼୍‍କିଙ୍କ୍ ଆଦ୍ ମିଞ୍ଜ୍‍ତେ ଗଟ୍ କେଞ୍ଜ୍‍ପାନଙ୍କ୍ ଇଶ୍ୱର୍‌ତେ ଇଚ୍ଛା ମାତ୍‍ତେ । ଅନାଦ୍‌ ଇଦ୍ ନାର୍ଗେ ମୁଲ୍ୟ ନୁ ଗୌରବ୍ ଲେକେତ୍ ଗଟ୍ ସାରେ ନାରୁଡ଼୍ ଜାତିତେ ସେଙ୍ଗେ ଦର୍‍କାର୍ । ଇଦ୍ ଗଟ୍ ଅଦୁତ୍, କ୍ରିଷ୍ଟ ମୀଇ ଲୋପେ ମିକା ମିନ୍ଦେନ୍ । ଇଦିନ୍ ଅର୍ତ, ମିଡ଼୍ ଇଶ୍ୱର୍‌ତେ ଗୌରବ୍‍ତଡ଼ି ।

କଲସୀୟ 3:11

ପେର୍କେ, ଇହୁଦିଡ଼୍, ଅଣଇହୁଦୀଡ଼୍, ସୁନ୍ନତ ନୁ ଅସୁନ୍ନତ, ନିଷ୍ଠୁର୍, ବୟଙ୍କକାର୍, କ୍ରିତଦାସ ବା ସ୍ୱାଦିନ୍ ନାରୁଣ୍ଡ୍ ଲପେ ମେଣ୍ଡେ ବାତ୍‍ବା ୱେରେ ଇଲେ । ଇତ୍‍କେ କ୍ରିଷ୍ଟ ସାରେତଡ଼ାଗେ ମିନ୍ଦେନ୍ ନୁ ଅଣ୍ଡ୍‌ ଆଦୁତନ୍ ସାର୍ରେ ।

୧ ତୀମତି 2:5

ୱେରନ୍ ମାତର୍ ଇଶ୍ୱର୍ ମିନ୍ତେନ୍, ମେଣ୍ଡେ ଇଶ୍ୱର୍ ନୁ ନାରିଡ଼ାଗ୍‍ ୱେରନ୍ ନାଡ଼୍‍ମେ ମିନ୍ଦେନ୍, ଅଣ୍ଡ୍‌‍ ଆଦୁତନ୍ କ୍ରିଷ୍ଟ ଜିସୁ, ୱେରନ୍ ନାରୁନ୍ ।

ପ୍ରକାଶିତ୍‌ ବାକ୍ୟ 17:14

ଅଡ଼୍‌ ମେଣ୍ଢାଗଲାଲ୍‍ ବିରୁଦ୍ଦତେ ଯୁଦ୍‌ ମାଡ଼ିତଡ଼୍; କିନ୍ତୁ ମେଣ୍ଢାଗଲାଲ୍‍ ତାମାଦ୍ ଆଉତ, ଏଞ୍ଚିମାନ୍ଦାନ୍, ପେର୍କେୱାଦାନ୍‌ ନୁ ବିଶ୍ୱାସ୍‌ସ୍ତେ ନାରୁଡ଼୍‍ ସାଆଯ୍ୟତେ ଅଡ଼୍‌‍କିଂଙ୍କ୍ ଜିଡ଼ିତଡ଼୍ । ବାତ୍‍ତିଙ୍କ୍ ଇତ୍‍କେ ରାଜାନଡ଼୍ ରାଜାଲ୍ ନୁ ଅଣ୍ଡ୍‌‍ ପ୍ରବୁନଡ଼୍‌ ପ୍ରବୁ ।”

ପ୍ରକାଶିତ୍‌ ବାକ୍ୟ 19:16

ଅନ୍‌ ସକେତ୍ ପରୁ ନୁ ଉରୁ ଦେଶ୍‌ତେ ଲେକା ଆସ୍‍ମାନ୍‍ନୁଡ଼୍, “ରାଜାନଡ଼୍ ରାଜା ନୁ ପ୍ରବୁନଡ଼୍ ପ୍ରବୁ ।”