ପ୍ରକାଶିତ୍‌ ବାକ୍ୟ 5:14 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁴ ନାଲୁଲାକା ଜିୱାକ୍‌ ଅଣ୍ଡୟ୍‌‍ତଡ଼୍‍ କେସମାନ୍‍ନୁ, “ଆମେନ୍‍” ନେତାଲଡ଼୍ ପ୍ରଣିପାତ ମାଡ଼ଡ଼୍‍ ତାମାଦ୍ ଆରାଦାନା ମାଡ଼୍‍ତଡ଼୍ ।

ପ୍ରକାଶିତ୍‌ ବାକ୍ୟ 5:14 ပူးပေါင်းရင်းမြစ်များ

୧ କରନ୍ତିୟ 14:16

ଆଲା ଆୟକ୍ ଇଶ୍ୱର୍‌ତିଙ୍କ୍ ମିୟାଦ୍ ଆତ୍ମାତେ ଇଚ୍ଛାତେ ଦନ୍ୟବାଦ୍ ଇଦାନ୍‍ୱେଲେ, ଆଗେ ମାନ୍ଦାନ୍ ୱେରଣ୍ଡ୍ ନାରୁଡ଼୍ ବେଲା ମିଇ ତଡ଼୍ “ଆମେନ୍‍” କେତିତଣ୍ଡ୍ ? ବାତେଙ୍କ୍‍ଇତ୍‍କେ ମିଡ଼୍ ବାତ୍ କେତୁତିଡ଼୍, ଆଦ୍ ଅଣ୍ଡ୍‌ ପୁନ୍ଦାନଙ୍କ୍ ପାର୍‍ୱଣ୍ଡ୍ ।

ପ୍ରକାଶିତ୍‌ ବାକ୍ୟ 19:4

ସିଂହାସନ୍‌ତାଗ୍ ମାନ୍ଦାନ୍ ଇଶ୍ୱର୍‌ତେ ମୁନେ ୨୪ ଜାନ୍ ବୟସ୍ତେ ନେତାଲଡ଼୍ ନୁ ଆୱୁ ନାଲୁ ପଶୁ ମଡ଼୍‍କି ମିକା ଇଶ୍ୱର୍‌ତିଙ୍କ୍ ଆରାଦାନା ମାଡ଼୍‍ତା । ଅଡ଼୍‌ କେତ୍‍ତଡ଼୍, “ଆମେନ୍‍ ! ଇଶ୍ୱର୍‌ତେ ପ୍ରଶଂସା ମାଡ଼ାଟ୍ ।”

ପ୍ରକାଶିତ୍‌ ବାକ୍ୟ 4:4

ମେଣ୍ଡେ ସିଂହାସନ୍‌ତାଗେ ସାରେପାକା ତିଡ଼୍‍ଆସ୍‍ ମାନ୍ଦାନ୍ ମେଣ୍ଡନ୍ ଚବିଶ୍‍ଟାନ୍ ସିଂହାସନ୍‌ତାଗେ‍ ଚବିଶ୍ ଜାନ୍ ବୟସ୍‍ତେ ମଣ୍ଡଲିତେ ନେତା ଆଗେ ମାତ୍‍ତଡ଼୍ । ଅଡ଼୍‌ ପାଣ୍ଡେଲାଉ ସିଲେ କେର୍‍ସ୍‍ ମାନ୍‍ନୁଡ଼୍ ନୁ ଅଡ଼୍‌‍ ତାଲ୍‍ତ୍‍ ପରୁ ସୁବର୍ଣ୍ଣ ମୁକୁଟ୍‍ ।

ପ୍ରକାଶିତ୍‌ ବାକ୍ୟ 4:6

ମେଣ୍ଡେ ସିଂହାସନ୍ ମୁନେ ସ୍ପଟିକ୍ ଲେକାମ୍ ସ୍ୱଚ୍ଛ ସମୁଦ୍ର ତନ୍ଦ ମାତ୍‍ତେ । ସିଂହାସନ୍‌ତିଙ୍କ୍ ରେଣ୍ଡ୍‍ ପାକା ତିଡ଼୍‍ୟ୍‍ପାକେ ନାଲୁ ପଶୁ; ତାମ୍ ମେନ୍ଦୁଲ୍‍ତାଗେ ମୁନେ ନୁ ପେର୍କେ କଣ୍ଡାନ୍‍ ତଡ଼୍‍ ପୁରା ଆସ୍‍ମାତ୍‍ତେ ।

ପ୍ରକାଶିତ୍‌ ବାକ୍ୟ 5:11

ନାନେ ମେଣ୍ଡେ ମାଲ୍‍ସ୍ ଉଡ଼୍‍ତାନ୍, ନାର୍ଗେ ହଜାର୍‌ ନୁ ନାର୍ଗେ ଲକ୍ଷ ସ୍ୱର୍ଗଦୂତ ସିଂହାସନ୍‌ତାଗ୍, ନାଲୁଲାକା ପଶୁ ନୁ ବୟସ୍ତେ ନେତାଲଡ଼୍ ତିଡ଼୍‍ପାକା ନିସ୍‍ମିନ୍ତେ ।

ପ୍ରକାଶିତ୍‌ ବାକ୍ୟ 5:6

ତାନ୍‍ପେର୍କେ ସିଂହାସନ୍‌ତେ ନାଡ଼୍‍ମେ ମୁନେଙ୍କ୍‍ତାୱୁ ନାଲୁଟାନ୍ ପଶୁ ନୁ ବୟସ୍ତେ ନେତାଲଡ଼୍ଆଗାଙ୍କ୍ ୱେରଣ୍ଡ୍ ମେଣ୍ଡେ ନିସ୍‍ ମାନ୍ଦାନାଦ୍ ଉଡ଼୍‍ତାନ୍ । ମେଣ୍ଡେ ଡଲ୍‍ତେ ଲେକାମ୍ ଏର୍କେ ଆୟ୍‍ନୁଡ଼୍ । ଆଦିନାୱୁ ସାତ୍‍ଟାନ୍ କଅକ୍‌ ନୁ ସାତ୍‍ଟାନ୍ କଣ୍ଡା ମାତ୍‍ତା । ଆୱୁ କଣ୍ଡା ପୁରା ପୃତିବିତାଗ୍‍ ରହସ୍‍ ମାନ୍ଦାନ୍ ଇଶ୍ୱର୍‌ତେ ସାତ୍‍ଟାନ୍ ଆତ୍ମା

ପ୍ରକାଶିତ୍‌ ବାକ୍ୟ 5:8

ଅଣ୍ଡ୍‌ ଆଦ୍‍ ମାଡ଼ାନ୍ ପେର୍କେ ନାଲୁଲାକା ପଶୁ ନୁ ଚବିଶ୍‍ ଜାନ୍ ବୟସ୍ତେ ନେତାଲଡ଼୍ ମେକାଗଲାନ୍ ମୁନେ ପ୍ରଣାମ୍ ମାଡ଼୍‍ତଡ଼୍ । ସାରେତଡ଼୍ କାଇକିନାଗ୍ ୱେର ବିଣା ନୁ ଇଶ୍ୱର୍‌ତେ ବକ୍ତନଡ଼୍‍ ପ୍ରାର୍ତନା ଲେକାମ୍ ଦୁପତାଗ୍ ନିଣ୍ଡୁ ୱେରଡ଼୍ ସୁବର୍ଣ୍ଣ ପାତ୍ର ମାତ୍‍ତେ ।

ପ୍ରକାଶିତ୍‌ ବାକ୍ୟ 7:12

କେତ୍‍ତଡ଼୍, “ଆମେନ୍‍ ! ପ୍ରଶଂସା, ଗୌରବ୍‌, ଜ୍ଞାନ୍‍, ଦନ୍ୟବାଦ୍, ସମ୍ଭ୍ରମ, କ୍ଷମତା ନୁ ପରାକ୍ରମ୍ ଯୁଗ୍‍ଯୁଗ୍‍ ଇଶ୍ୱର୍‍ ପାଏମ୍‍ ଆୟିଣ୍ଡ୍‍, ଆମେନ୍ !”