ପ୍ରକାଶିତ୍‌ ବାକ୍ୟ 22:18 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁸ ନାନେ ଯୋହନ । ବେନଡ଼୍ ଇଦ୍‍ ବଇତେ ବବିଷ୍ୟତ୍‍ବାଣି ସାରେ କେଞ୍ଜିତଡ଼୍, ଅଡ଼୍‌‍କିଂଙ୍କ୍ ନାନେ ସତର୍କ ମାଡ଼ିଦୁତାନ୍, ଯଦି ଇଗେ ବେନ ବାତେ କାଇଲ୍‍କେ, ଆଲେକ୍ ଇଦ୍‍ ବଇତାଗ୍ ଲେକ୍‍ତାଉ ମଆମାରିତେ ଇଶ୍ୱର ଅଙ୍କ୍‌ ଶାସ୍ତି ଇଦ୍‍ତନ୍,

ପ୍ରକାଶିତ୍‌ ବାକ୍ୟ 22:18 ပူးပေါင်းရင်းမြစ်များ

ମାତିଉ 15:13

ବାତେଙ୍କ୍ ଇତ୍‍କେ ଜିସୁ ଉତ୍ତର୍ କେତ୍‍ତାନ୍, “ନା ସ୍ୱର୍ଗ ବାବାଲ୍ ବେନ୍ ସାରେ ମାଡ଼ାକ୍ ଉର୍‍ସ୍କନ୍, ହାଉସାରେ ଗାଜ୍‍ଜେ ଆଦ୍‍ତା ।”

ଏଫିସିୟ 4:17

ଆଦ୍‍ଦିଙ୍କ୍ ପ୍ରବୁନ୍ ପେଦେର୍‍ତେ ନାନ୍ ମିକିଂଙ୍କ୍ ସତର୍କ ମାଡ଼ୁତାନ୍ । ଅଣଯିହୁଦି ନାରୁଡ଼୍ ଲେକାମ୍ ମେଣ୍ଡେ ବାଦ୍‍କ୍‍ମାଟ୍ । ଅଡ଼ାଦ୍‌ ଚିନ୍ତେ ବୁସାତାଗ୍

୧ ଥେସଲନିୟ 4:6

ବେନ୍ କ୍ରିଷ୍ଟିୟାନ୍ ବିଶ୍ୱାସୀ ଦାଦାନ୍ ସେଙ୍ଗେ କାରାପ୍ କାମ୍ ମାଡ଼୍‍ମାଟ୍, ବା ଅଂକିଙ୍କ୍‌ ପାସ୍କ୍‍ମାଟ୍, ଇଦ୍ ଗଟ୍ ମାମ୍‍ମେ ମୁନେଙ୍କ୍ କେସ୍‍ମିନ୍ତେମ୍ ନୁ ଡୁଟାଙ୍ଗ୍‍ତେ ସାବ୍‍ଦାନ୍ ମାଡ଼ିତ୍‍ତମ୍ ଜେ, ବେନଡ଼୍ ଆଦ୍‍ଲେକାମ୍ ମାଡ଼ିତଡ଼୍, ପ୍ରବୁ ଅଡ଼୍‌‍କିଂଙ୍କ୍ ଦଣ୍ଡ ହିଦ୍‍ତନ୍ ।

ପ୍ରକାଶିତ୍‌ ବାକ୍ୟ 1:3

ବେନ୍ ନାରୁଣ୍ଡ୍ ଇଦ୍ ବଇ କାର୍‍ତିତନ୍ ନୁ ବେନଡ଼୍ ଇଗେ ପ୍ରକାସିତ୍ ବବିଷ୍ୟତ୍‌ ଗଟି କେଞ୍ଜି ଆଦ୍ କେତ୍‍ତେ ଲେକାମ୍ ପାଲନ୍ ମାଡ଼ିତନ୍, ଅଡ଼୍‌ ବାସ୍ତବିକ୍ ବାଗ୍ୟବାନ, ଇତ୍କେ ଆଦ୍‍ ସାରେ ଗଟେମ୍ଆଦାନ୍ ସମୟ ଏୱୁତେ ।

ପ୍ରକାଶିତ୍‌ ବାକ୍ୟ 15:1

ତାନ୍‍ପେର୍କେ ନାନେ ମୟଲତାଗ୍ ମେଣ୍ଡନ୍ ଅରଟ୍ ରଅସ୍ୟ ଉଡ଼୍‍ତାନ୍‍ । ସାତ୍‍ଟାନ୍ ସ୍ୱର୍ଗ ଦୂତକ୍‍ ସାରେ ଅଣ୍ଡ୍‌ ଅଣ୍ଡ୍‌‍ ମଆମାରି ପଇସ୍‍ ୱାତା । ଇଦ୍‍ମଆମାରି ମାତ୍‍ତା, ଇଶ୍ୱରତେ କପାମ୍‍ତେ ମାଡ଼େଙ୍କ୍‌ତାଦ୍‍ ପ୍ରକାଶନ ।

ପ୍ରକାଶିତ୍‌ ବାକ୍ୟ 15:6

ସାତ୍‍ଟାନ୍ ମଆମାରି ପଇସ୍‍ମାନ୍ଦାନ୍‍ ସାତ୍‍ଟାନ୍ ଦୂତ ସ୍ୱର୍ଗ ମନ୍ଦିର୍‍ତେ ଲୋପେଙ୍କ୍ ପେଇସ୍‍ ୱାତ୍‍ତା; ଆୱୁ ନିର୍ମଲ୍ ପାଣ୍ଡେଲାୱୁ ସିଲେ କେର୍‍ସ୍‍ ମାତ୍‍ତା ନୁ ଗୁଣ୍ଡେତାଗ୍‍ ସୁନା ପଟୁକା ତହଃସ୍‍ ମାତ୍‍ତା ।

ପ୍ରକାଶିତ୍‌ ବାକ୍ୟ 19:20

ଆଦ୍ ଯୁଦ୍‍ତାଗ୍ ପଶୁ ନୁ ତାନ୍ ମୁନେ ଆଶର୍ଯ୍ୟ କାମ୍‍ ମାଡ଼ିମାନ୍ଦାନ୍ ଅଡ଼୍‌ ବଣ୍ଡବାବବାଦିଡ଼୍ ଦର୍‍କି ମିକା ବନ୍ଦି ଆତ୍‍ତଡ଼୍ । ବେନଡ଼ାଗ୍ ପଶୁ ଚିଇନେ ମାତ୍‍ତେ ନୁ ବେନଡ଼୍ ତାନ୍ ଆଶର୍ଯ୍ୟ କାମ୍ ତଡ଼୍ ଅଡ଼୍‌‍କିଂଙ୍କ୍ ପ୍ରେରିତ ମାଡ଼ିମାତ୍‍ତେ । ପଶୁ ନୁ ଆ ବଣ୍ଡବାବବାଦିଡ଼୍ ଗନ୍ଦକ ନିଡ଼୍‍ତାନ୍ କିସ୍ ସାୱୁଡ଼େତାଗ୍‍ ଜିୱେ ଏସିତ୍‍ତଡ଼୍ ।

ପ୍ରକାଶିତ୍‌ ବାକ୍ୟ 20:10

ବେନ୍‍ ଦାଡ୍‍ମିନି କିସ୍ ନିଡ଼୍‍ସମାତେ ଆ ଇକେତାଗେ ପଶୁ ନୁ ବଣ୍ଡବାବବାଦି ରାଲିମାତଡ଼୍, ଅଇରାନ୍‍ ମାଡ଼ାନ୍‍ ସୟତାନ୍ତିଙ୍କି ଆଗେ ରାପିତଡ଼୍ । ଆଗେ ନାକ୍ରାପାୟଲ୍‍ ସାର୍ ଦିନା ଦାଡ଼ମିନି କିସ୍‍ତାଗେ ଦଣ୍ଡପାଏମ୍ ଆତଡ୍ ।

ପ୍ରକାଶିତ୍‌ ବାକ୍ୟ 20:15

ବେନଡ଼ାଉ ପେଦେରି ଜୀୱେ ବଇତାଗ୍ ଲେକାଇଲ୍‍ୱେ ମାତ୍‍ତେ, ଅଡ଼୍‌‍ମିକା ସାରେତଡ଼୍ କିସ୍‍ତେ ସାୱୁଡ଼େତାଗ୍‍ ରାଲ୍‍ତଡ଼୍ ।

ପ୍ରକାଶିତ୍‌ ବାକ୍ୟ 22:10

ଅଣ୍ଡ୍‌ ମେଣ୍ଡେ ନାକିଙ୍କ୍ କେତ୍‍ତନ୍, “ହିଦ୍‍ ବଇକି ବବିଷ୍ୟଦ୍‍ ଗଟୀକି ମିଞ୍ଜିପି ନେହେମାଟ୍, ବାତ୍‍ତେଙ୍କ୍ଇତ୍କେ ଇୱ ଗାରେ ଗଟେମ୍‍ ଆଦାନାଦ୍ ସମୟ ଆରେ ୱାସ୍‍ଏଉଦୁତ୍ ।

ପ୍ରକାଶିତ୍‌ ବାକ୍ୟ 22:16

“ନାନେ ଜିସୁ । ମଣ୍ଡଲିନାଗେ ମିୟାଦ୍ ଉପକାର୍‍ତେ ଇୱୁସାରେ ବିଷୟ କେତାନ୍ ସେଙ୍ଗେ ନାୟାଦ୍ ଦୂତତିଙ୍କ୍ ରତ୍‍ତାନ୍ । ନାନେ ଦାଉଦ୍‍ତେ ବଂଶତନ୍ । ନାନେ ଆଦ୍ ୱିୟ୍‍ ଉକାମ୍ ।”

ପ୍ରକାଶିତ୍‌ ବାକ୍ୟ 22:7

ଜିସୁ କେତିତନ୍, “କେଞ୍ଜାଟ୍ ! ନାନେ ଜାପ୍‍ପେ ୱାଦ୍‍ତାନ୍ ! ବେନଡ଼୍ ଇଦ୍‍ ବଇତଡ଼୍ କେସ୍‍ମାନ୍ଦାନ୍ ବାବବାଣି ସେଙ୍ଗେ ମନ୍ ଇସ୍‍ମିକା ଗଟି କେଞ୍ଜିତନ୍, ଅଡ଼୍‌‍ ବାଗ୍ୟବାନ୍ !”

ପ୍ରକାଶିତ୍‌ ବାକ୍ୟ 22:9

କିନ୍ତୁ ଆଦ୍ ନାକିଙ୍କ୍ କେତ୍‍ତେ, “ଆଦ୍‍ ଲେକାମ୍ ମାଡ଼ାମାଟ୍, ବାତେଙ୍କ୍‍ଇତ୍‍କେ ନାନେ ମିକା ମିଇ ଲେକାମ୍ ୱେରନ୍ । ମିୟାଦ୍ ବେନ୍ ବାବବାଦି ଦାଦାନଡ଼୍ ନୁ ବେନ୍‍ ସାରେତଡ଼୍ ଇଦ୍‍ ବଇ ଲେକାମ୍ ପାଲନ୍ ମାଡ଼ିତନ୍, ଅଡ଼୍‌‍ଲେକାମ୍ ନାନେ ମିକା ୱେରନ୍ ସେବକ୍‍ ଲେକାମ୍ । ଇଶ୍ୱର୍‌ତେ ଆରାଦାନା ମାଡ଼ାଟ୍ ।”

ପ୍ରକାଶିତ୍‌ ବାକ୍ୟ 3:14

“ଲାଉଦିକିଆତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବିଶ୍ୱାସ୍‍ ନୁ ସତ୍ ସାକ୍ଷି ମେଣ୍ଡେ ଇଶ୍ୱର୍‌ତେ ସାରେ ସୃଷ୍ଟିତେ ଆରାମ୍‍ ଅଣ୍ଡ୍‌‍ ‘ଆମେନ୍‍ତେ’ ଇଦ୍ ଗଟ୍,”