ପ୍ରକାଶିତ୍‌ ବାକ୍ୟ 18:24 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁴ ମେଣ୍ଡେ ଇଦ୍ ନାର୍ଦାଗ୍ ପୃତିବିତେ ନାର୍ଗେ ବାବବାଦିଡ଼୍ ନୁ ସାଦୁନଡ଼୍ ନେତୁର୍‍ ଇସ୍‍ମାତ୍‍ତଡ଼୍ । ଇୱୁସାରେ ପାପତ୍‍ ସେଙ୍ଗେ ଅଣ୍ଡ୍‌ ସମାନ୍‍ ଦଣ୍ଡ୍‍ ପାଏମା ଆତ୍‍ତନ୍ ।

ପ୍ରକାଶିତ୍‌ ବାକ୍ୟ 18:24 ပူးပေါင်းရင်းမြစ်များ

ମାତିଉ 23:27

ଆୟ୍‌, ଦଣ୍ଡତେ ନାରୁଡ଼୍ କପଟି ଶାସ୍ତ୍ରୀ ନୁ ପାରୂଶୀଡ଼୍, ବାତ୍‍ତେଙ୍କ୍ ଇତ୍‍କେ ମିଡ଼୍ ଚୂନ୍ ଆକ୍‍ତେ ସମାଦିତ୍‍ ଲେକାମ୍ ଆଦ୍ ବାଇଦେ ସୁନ୍ଦର୍ ଇତ୍‍କେ ଲୋପେ ଡଲ୍‍ତେ ମେନ୍ଦୁଲ୍ ନୁ ଡଲ୍‍ତେ ବୁଲା ।

ମାତିଉ 23:35

ସାରେଲେକେତ୍ ହେବଲ୍‍ତାଗାଙ୍କ୍ ଆରାମ୍ ମାଡ଼ି ମନ୍ଦିର୍ ନୁ ବେଦି ମଦ୍ୟସ୍ଥଳତାଗେ କାୟି ମାନ୍ଦାନ୍ ଜିକରିୟ ବରକିଅନ୍‌‍ତେ ମାର୍‍ ଦେ କଞ୍ଜ୍ ପୃତିବିତେ ସାରେତଡ଼୍ ଦାର୍ମିକ୍ ନାରୁଡ଼ାଦ୍ ଆୱୁକାନ୍‍ ମାଇଦିଙ୍କ୍ ମିଡ଼୍ ଦଣ୍ଡିତ୍ ଆଦ୍‍ତିଡ଼୍ ।

ପ୍ରେରିତ 7:52

ବାବବାଦୀଡ଼୍ ଲୋପେଙ୍କ୍ ବେନଙ୍କ୍ ମିୱଡ଼୍ ଆନିଦାଦିଡ଼୍ ତାଡ଼ନା ମାଡ଼୍‍ୱେ ମାତ୍‍ତଡ଼୍ କି ? ବେନଡ଼୍ ଆଦ୍ ଦାର୍ମିକ୍ ନାରୁଣ୍ଡ୍‍ ୱାଦାନ୍ ବିଷୟ୍ ମୁନେଙ୍କ୍ କେସ୍‍ମାତ୍‍ତଡ଼୍, ଅଡ଼୍‌‍କିଂଙ୍କ୍ ଅଡ଼୍‌ ହାୱ୍‍କ୍‍ତଡ଼୍; ଇଞ୍ଜେ ମିଡ଼୍ ଅଂକିଙ୍କ୍‌ ଶତ୍ରୁଡ଼୍ କାୟିଦେ ସମର୍‍ପନ୍ ମାଡ଼ି ହାୱ୍‍କ୍‍ତିଡ଼୍ ।

୧ ଥେସଲନିୟ 2:15

ଆଦ୍ ଯିହୁଦିନଡ଼୍ ପ୍ରବୁ ଜିସୁଙ୍କ୍ ନୁ ବାବବାଦୀନଡ଼୍‍କ୍ ଆୱୁକି ମାତ୍‍ତଡ଼୍ ନୁ ମାନ୍‍ ମିକା ଆଦେଲେକାମ୍ ତାଡ଼୍‍ନା ମାଡ଼ିତଡ଼୍ । ଅଡ଼୍‌ ସେଙ୍ଗେ ଇଶ୍ୱର୍ ବେସର୍ ଅସନ୍ତୁଷ୍ଟ ! ସାରେ ନାରୁଡ଼୍‍ତେ ଅଡ଼୍‌ ଶତ୍ରୁଡ଼୍ ।

ପ୍ରକାଶିତ୍‌ ବାକ୍ୟ 11:7

ଅଡ଼୍‌‍ ଗଟି କେତାନାଦ୍ ତେର୍‍ସ୍ପାନ୍ ପେର୍କେ ପାତାଲ୍‍ ପୁର୍‍ତାଗାଙ୍କ୍ ୱେରଡ଼୍ ପଶୁ ତେଦି ୱାସ୍ ଅଡ଼୍‌‍ ବିରୁଦ୍ଦତେ ଯୁଦ୍‍ମାଡ଼ିତେ ।

ପ୍ରକାଶିତ୍‌ ବାକ୍ୟ 16:6

ଅଡ଼୍‌ ସାଦୁନଡ଼୍ ନୁ ବାବବାଦିନଡ଼୍ ବେନ୍‍ ନେତୁର୍‌ ଆସ୍‌ମାତ୍‍ତଡ଼୍, ଆଦ୍ ମିଡ଼୍ ଅଡ଼୍‌‍କିଂଙ୍କ୍ ଉସ୍‍ପିତ୍‍ତିଡ଼୍, ତାମ୍‍ୱା ପାଏମ୍‍ ଆଦାନାୱୁ ଅଡ଼୍‌‍ ପାଏମ୍‍ ଆତ୍‍ତଡ଼୍‍ ।”

ପ୍ରକାଶିତ୍‌ ବାକ୍ୟ 17:6

ନାନେ ମେଣ୍ଡେ ଉଡ଼୍‍ତାନ୍, ଆଦ୍ ନାଟାଡ଼୍ ସାଦୁନଡ଼୍ ନୁ ଜିସୁନ୍‍ ସେଙ୍ଗେ ବିଶ୍ୱାସ୍ତେ ମାଞ୍ଜ୍‍ ଡଲିମାନ୍ଦାନ୍ ନାରୁଡ଼୍‍ତେ ନେତୁର୍ ଉଞ୍ଜ୍ ମାତ୍‍ୱାରି ଆସ୍‍ମାତ୍‍ତନ୍ । ଅଙ୍କ୍‌ ଉଡ଼ି ନାନେ କାବାଆସ୍ ନାୟାଦ୍‍ ବୁଦ୍‍ ମାୟି ଆତ୍‍ତେ ।

ପ୍ରକାଶିତ୍‌ ବାକ୍ୟ 19:2

ତାନ୍ ବିଚାର୍ ନିଜାମ୍ ନୁ ନ୍ୟାୟଚିତ୍ । ବ୍ରଷ୍ଟାଚାର୍ତେ ପୃତିବିତିଙ୍କ୍ କାରାପ୍‌ କାମ୍‌ ମାଡ଼ମାନ୍ଦାନ୍ ଦାର୍‍ୟାନଡ଼୍‍, ଅଣ୍ଡ୍‌ ନାର୍ଗେ ଦଣ୍ଡ୍ କଷ୍ଟ ମାଡ଼୍‍ତନ୍ । ଇଶ୍ୱର୍‌ତେ ଦାସନଡ଼୍‍କ୍ ଆୱୁକି ମାନ୍‍ନାଙ୍କ୍ ଅଙ୍କ୍‌ ଅଣ୍ଡ୍‌ ଶାସ୍ତି ଇତ୍‍ତନ୍ ।”