ପ୍ରକାଶିତ୍‌ ବାକ୍ୟ 16:15 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁵ “କେଞ୍ଜା ! ନାନେ ଡଙ୍ଗାଲ୍ ଲେକାମ୍ ୱାଦ୍‍ତାନ୍ । ବେନ୍ ନାରୁଣ୍ଡ୍ ଜାଗ୍ରତ୍‍ତେ ମାଞ୍ଜ୍ ଡଙ୍ଗାନାଗାଙ୍କ୍ ନିଜେତ୍‍ ସିଲେ ଚକା ରକ୍ଷା ମାଡ଼ିତଣ୍ଡ୍, ଅଣ୍ଡ୍‌ ବାଗ୍ୟବାନ୍ । ଆଲେକ୍ ଅଣ୍ଡ୍‌ ବାଣ୍ଡାଲ୍‍ ଆସ୍ ବିଚରଣ ମାଡ଼ାନ୍ ସେଙ୍ଗେ ଅଙ୍କ୍‌ ସିଗ୍‍ ଆଦେ ୱେଇୟ ।”

ପ୍ରକାଶିତ୍‌ ବାକ୍ୟ 16:15 ပူးပေါင်းရင်းမြစ်များ

ମାତିଉ 25:13

ଗଟ୍ କେତାନାଦ୍ ତେର୍‍ସ୍‍ପି ଜିସୁ କେତ୍‍ତଣ୍ଡ୍, “ସତର୍କ ମାନୁଟ୍ । ଆଦ୍ ଦିନ୍ ବା ଆଦ୍ ଦିନାମ୍ ବେନ ବା ପୁନଡ଼୍ ।”

ମାତିଉ 26:41

ପରିକ୍ଷାତେ ବେଦ୍‍ପୁଟୁଙ୍କ୍ ଆଗ୍ ଆୟ୍‍ୱିଡ଼୍‍, ଆଦିନ୍ ମାଇଦିଙ୍କ୍ କେପିମେଣ୍ଡେ ପ୍ରାର୍ତନା ମାଡ଼ାଟ୍ । ମିୟାଦ୍ ଆତ୍ମା ଉଦ୍‍ଯଗ, ବାତେଙ୍କ୍ ଇତ୍‍କେ ମେନ୍ଦୁଲ୍ ଦୁର୍ବଲ୍ ।”

ମାର୍କ 14:38

ଜିସୁ ଅଡ଼୍‌‍କିଂଙ୍କ୍‌ ମେଣ୍ଡେ କେତଣ୍ଡ୍, “କେପି ମାନୁଟୁ ବେଲା ପରିକ୍ଷାତାଗେ ପଡ଼େମ୍‍ ଆୱିଡ଼୍, ଆଦି ମାଇଦିଙ୍କ୍‍ ପ୍ରାର୍ତନା ମାଡ଼ାଟ୍ । ଆତ୍ମା ଇଚ୍ଛା, କିନ୍ତୁ ମେନ୍ଦୁଲ୍‍ ଦୁର୍ବଲ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 21:36

ତିଆର୍‍ତେ ମାନୁଟ୍ ନୁ ତିପାଲ୍‍ତେ ଆଦାନଙ୍କ୍ ଶକ୍ତି ଆଦାନ୍ ସେଙ୍ଗେ ନୁ ନାରୁଡ଼୍ ପିଲାତନ୍ ମୁନେ ନିତାନ୍ ମାଇଦିଙ୍କ୍ ସାରେଦାମ୍ ପ୍ରାର୍ତନା ମାଡ଼ାଟ୍ ।”

ପ୍ରେରିତ 20:31

ଆସୁଟ୍‍ ସତର୍କ ମାନୁଟ୍, ନାନ୍ ଯେ ନାର୍‍କେ ପାୟାଲ୍ ନିଜର୍‍ କାଣ୍ଡେଡ଼ି ରାପି ମୁଣ୍ଡ୍ ହେଣ୍ଡ୍‍କ୍ ଯାକ ଶିକ୍ଷା ହିତ୍‍ତାନ୍, ଇଦ୍ ହେର୍କା ମାଡ଼ାଟ୍ ।”

୨ କରନ୍ତିୟ 5:3

ବାତେଙ୍କ୍ ଇତ୍‍କେ ଆଦ୍ ସ୍ୱର୍ଗତେ ଲୋତ୍‍ତାଗ୍ ନେଙ୍ଗ୍‍କେ, ମାନାଡ଼୍ ବାଣ୍ଡା ତନ୍ଦୱାଡ଼୍ ।

୧ ଥେସଲନିୟ 5:4

ଦାଦାନଡ଼ି ନୁ ଏଲାସ୍କ୍, ମିଡ଼୍ ଇକାଡ଼୍ ତାଗ୍ ମାନ୍‍ୱିଡ଼୍‍, ଆଦ୍ ଦିନାମ୍ ମିଇୟାଗେ ଦାଦ୍‍ରେଲାନ୍ ଲେକାମ୍ ନାନେ ଡଙ୍ଗାନ୍ ଲେକାମ୍ ୱାସ୍ ଏୱ ।

୧ ଥେସଲନିୟ 5:6

ଆଦିଙ୍କ୍ ମାନାଡ଼୍ ବାଗାତଡ଼୍ ଲେକାମ୍ ଉସ୍‍କାତେ ମାନ୍‍ୱେ କେପି ନୁ ସେତ୍‍ତେ ମାନ୍ଦିକାଡ଼ାଡ଼୍ ।

୧ ପିତର୍‍ 4:7

ସାରେ ବିଷୟତାଦ୍‍ ତେରାନ୍‍ ଦିନାମ୍‍ ଏୱୁତେ । ମିଡ଼୍ ପ୍ରାର୍ତନା ତାଗ୍ ମାନ୍‍ଇସ୍‍ ମାନ୍ଦାନ୍ ସେଙ୍ଗେ ନିଜର୍‍ ପର ଆଶେ ୱାଟି ତିଆର୍‍ଆସ୍‍ ମାନୁଟ୍ ।

୨ ପିତର୍‌ 3:10

ଇତ୍‍କେ ପ୍ରବୁନ୍ ଦିନାମ୍ ଡଙ୍ଗାଲ୍ ଲେକାମ୍ ୱାଦ୍‍ତେ । ଆଦ୍‍ ଦିନେ ଅଣ୍ଡୟ୍‌ ଗାଟି ଲେଙ୍ଗ୍‍ଦେ ଲୋପେ ମୟଲ୍ ମାୟିଆଦ୍‍ତେ । ମୟଲ୍‍ତାଗ୍‍ ମାନ୍ଦାନ୍‍ ଗ୍ରହ ନୁ ଉକାକ୍‍ କାର୍‍ୱି ଦ୍ୱଂସ ଆଦ୍‍ତା । ପୃତିବିତଡ଼୍‍ ତାନାଗ୍‍ ମାନ୍ଦାନ୍‍ ସାରେ ବିଷୟ୍‍ତଡ଼୍‍ ବିନଷ୍ଟ ଆଦ୍‍ତେ ।

ପ୍ରକାଶିତ୍‌ ବାକ୍ୟ 22:7

ଜିସୁ କେତିତନ୍, “କେଞ୍ଜାଟ୍ ! ନାନେ ଜାପ୍‍ପେ ୱାଦ୍‍ତାନ୍ ! ବେନଡ଼୍ ଇଦ୍‍ ବଇତଡ଼୍ କେସ୍‍ମାନ୍ଦାନ୍ ବାବବାଣି ସେଙ୍ଗେ ମନ୍ ଇସ୍‍ମିକା ଗଟି କେଞ୍ଜିତନ୍, ଅଡ଼୍‌‍ ବାଗ୍ୟବାନ୍ !”

ପ୍ରକାଶିତ୍‌ ବାକ୍ୟ 3:11

ନାନେ ଯାପେ ୱାଦୁତାନ୍, ମିୟାଦ୍ ବାତେ ମିନ୍ଦେ, ଆଦ୍ ସୁରକ୍ଷା ମାଡ଼ାଟ୍, ବେଲାନ୍ ବେନ ମିୟାଗାଙ୍କ୍, ମିୟାଦ୍ ଜିଡ଼୍‍ତେ ପୁରସ୍କାର୍ ଡଙ୍ଗି ଅୟ୍‍ମାକିଡ଼୍‍ ।

ପ୍ରକାଶିତ୍‌ ବାକ୍ୟ 3:18

ଆଦିଙ୍କ୍ ନାନେ ନିକିଙ୍କ୍ ଆଦେଶ୍‍ ଇଦୁତାନ୍, ସାଉକାର୍ ଆଦାନ୍ ସେଙ୍ଗେ ନାୟାଗାକଞ୍ଚ୍‍ କାଣ୍ଟି ସୁନା ଆସେ, ମିୟାଦ୍ ସିଗ୍ ବାଣ୍ଡାଙ୍କ୍ କେର୍‍ଦାନ୍ ସେଙ୍ଗେ ନାୟାଗ୍‍କଞ୍ଜ୍ ପାଲ୍‍ସେଲାଦ୍ ସିଲେ ଆସେ । ମେଣ୍ଡେ ଉଡ଼ାନ୍‍ ଶକ୍ତି କିଲେର୍ ମାଡ଼ାନଙ୍କ୍ ବେସ୍‍କେ ଆଞ୍ଜନ୍ ଆସି କଣ୍ଡାନାଗେ ୱାଟେ ।