ପ୍ରକାଶିତ୍‌ ବାକ୍ୟ 14:12 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹² ବେନଡ଼୍ ଇଶ୍ୱର୍‌ତେ ଆଦେଶ୍‍ ପାଲନ୍‍ ମାଡ଼ୁତନ୍ ନୁ ଜିସୁନ୍ ପରୁ ବିଶ୍ୱାସ୍‍ତଣ୍ଡ୍, ଇଶ୍ୱର୍‌ତେ ଆ ନାରିଡ଼୍‍ ପାକେ ସହିଷ୍ଣତା ନିଜାମ୍‌ ଦର୍‍କାର୍‍ ।

ପ୍ରକାଶିତ୍‌ ବାକ୍ୟ 14:12 ပူးပေါင်းရင်းမြစ်များ

୨ ତୀମତି 4:7

ନାନେ ସାୟେ ଯୁଦ୍‌ତାଗେ ପ୍ରାଣପନ୍ ମାଡ଼୍‍ତାନ୍ । ଜିୱେତ୍ ମିରାନାଗ୍ ନାନେ ନିରୂପିତ ଆର୍ ଅଦିକ୍‌ ଲେକେତ୍‍ ମାଡ଼ିମିନ୍ଦେନ୍; ନାୟାଦ୍ ବିଶ୍ୱାସ୍‍ତେ ନାନେ ଦୃଡ଼ ମାତ୍‍ତାନ୍ ।

୧ ଯୋହନ୍‌‌ 2:3

ଇଶ୍ୱର୍‍ ଗଟ୍‍ତେ ଲେକାମ୍ ଆଦାନ୍ ସେଙ୍ଗେ ମାମେ ନିଜାମ୍ ଅଙ୍କ୍‌ ପୁନ୍‍ତମ୍‍ ।

ପ୍ରକାଶିତ୍‌ ବାକ୍ୟ 12:17

ଆଗାଙ୍କ୍ ତାଡ଼ାମ୍ ନାଟାକିଙ୍କ୍ ପରୁ ଗାଟି କପାମ୍ ଆସ୍, ଆଦ୍‍ ନାଟାଡ଼୍‍ ପର ପ୍ରତିଶୋଦ୍‍ ଆଦାନ୍‍ ସେଙ୍ଗେ ତାନ୍ ଜାମେତ୍ ବେନ୍‍ ନାରୁଡ଼୍‍ ଇଶ୍ୱର୍‌ତେ ଗଟ୍ ପାଲନ୍ ମାଡ଼ିତଡ଼୍ ନୁ ଜିସୁନ୍ ବିଷୟତେ ସାକ୍ଷ୍ୟ ଦାନ ମାଡ଼ିତଡ଼୍, ଅଡ଼୍‌‍ତଡ଼୍ ଯୁଦ୍‌ ମାଡ଼ାନଙ୍କ୍ ଆତ୍‍ତନ୍ ।

ପ୍ରକାଶିତ୍‌ ବାକ୍ୟ 13:10

ଇଶ୍ୱର୍‌ତେ ଇଚ୍ଛା ଲେକାମ୍‌ ବେନ ବନ୍ଦି ଆଦାନ୍‍ ମିନ୍ଦେ, ଅଣ୍ଡ୍‌‍ ନିଶ୍ଚିତ୍‍ ବନ୍ଦି ଆଦ୍‍ତଣ୍ଡ୍‍ । ବେନ ମେଣ୍ଡେ ୱେରେତଙ୍କ୍‌ କଡ୍‌ଗତଡ଼୍‌ ଆୱୁକିତଣ୍ଡ୍‍, ଅଣ୍ଡ୍‌‍ ନିଜେ ଚୁର୍‌ ତଡ଼୍‍ ଡଲିତଣ୍ଡ୍‍ । ଇଶ୍ୱର୍‌ତେ ନାରୁଡ଼୍ ସେଙ୍ଗେ ଦୈର୍ଯ୍ୟ ନୁ ବିଶ୍ୱାସ୍ ଅଣ୍ଡୟ୍‌‍ତାଗ୍ ମାନ୍ଦ୍‍ତେ ।

ପ୍ରକାଶିତ୍‌ ବାକ୍ୟ 2:13

ନାନେ ପୁତ୍‍ତାନ୍, ମିଇ ଶୟତାନ୍‍ତେ ସିଂହାସନ୍ ଗାର୍ରେ ମିନ୍ଦେଡ଼ି । ଇତ୍‍କେ ମିଡ଼୍ ନା ପରୁ ବିଶ୍ୱସ୍ତ, ଇଦ୍‍ଲେକାମ୍ କି ଶୟତାନ୍‍ ମାନ୍ଦାନ୍ ପଡ଼ିୟେତାଗ୍ ବେସୁଙ୍କ୍‍ ନାୟାଦ୍ ୱେରଣ୍ଡ୍ ବିଶ୍ୱସ୍ତ ଦାସ ଆଣ୍ଟିପାସ୍‍ଙ୍କ୍ ଆୱୁକ୍‍ତନ୍, ଆସୁଙ୍ଗ୍‍ ମିକା ମିୟାଦ୍ ବିଶ୍ୱାସ୍ ୱିଡ଼୍‍ସ୍‍ୱେ ମାତ୍‍ତିଡ଼୍ ।

ପ୍ରକାଶିତ୍‌ ବାକ୍ୟ 3:10

ନାୟାଦ୍ ଆଦେଶ୍‍ ଲେକାମ୍ ମିଡ଼୍ ଦର୍ଯ୍ୟତେ ମିନ୍ଦେଡ଼ି, ଆଦିଙ୍କ୍ ପୃତିବିତେ ନାରୁଡ଼୍ ପରିକ୍ଷା ମାଡ଼ାନଙ୍କ୍ ପୁରା ଜଗତ୍‍ତାଗ୍‍ ବେନ୍ ଦୁର୍ଦ୍ଦଶା ଆଦାନଙ୍କ୍ ଅଦୁତ୍, ଆଗାଙ୍କ୍ ନାନେ ମିକିଙ୍କ୍ ନିରାପଦ୍‍ ନେଃଏତିତାନ୍‍ ।

ପ୍ରକାଶିତ୍‌ ବାକ୍ୟ 3:8

ମିୟାଦ୍ କାମ୍ ସାରେ ନାନେ ପୁତ୍‍ତାନ୍; ଇଞ୍ଜେକ୍ ଆନା ନିୟାଦ୍ ବେସର୍‍ ଶକ୍ତି ମିନ୍ଦେ, ଇଦ୍ ମିକା ପୁତ୍‍ତାନ୍; ନିମେ ନା ଶିକ୍ଷା ପାଲନ୍ ମାଡ଼ଡ଼୍‍ ୱାସମିନ୍ଦେନି ନୁ ନା ସେଙ୍ଗେ ବିଶ୍ୱସ୍ତ ମିନ୍ଦେନି । ଆଦିଙ୍କ୍ ନାନେ ନିଇ ମୁନେ ୱେରଡ଼୍ ମାର୍ ‍ଟେଣ୍ଡ୍‍ତାନ୍ । ଆଦ୍ ବେନ ବନ୍ଦ ମାଡ଼େ ପାର୍‍ୱାଣ୍ଡ୍‍ ।