ପ୍ରକାଶିତ୍‌ ବାକ୍ୟ 1:11 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹¹ ବେନମାତି ନାକ୍ କେତ୍‍ତନ୍, “ମିଡ଼୍ ବାତ୍ ଉଡ଼ୁତିଡ଼୍, ଆଦ୍ ୱେରଡ଼୍ ବଇତାଗ୍ ଲେକିୱାଟେ ନୁ ଏପିସସ୍‍, ସ୍ମର୍ଣ୍ଣା, ପର୍ଗାମମ୍‍, ତୁୟଟୀରା, ସାର୍ଦ୍ଦିସ୍‍, ପିଲାଦେଲ୍‍ଫିଆ ନୁ ଲାଉଦିକିଆତାଗ୍ ମାନ୍ଦାନ୍ ମଣ୍ଡଲିକିଙ୍କ୍ ବଇତିଙ୍କ୍‍ ରହସିମୁଟ୍ ।”

ପ୍ରକାଶିତ୍‌ ବାକ୍ୟ 1:11 ပူးပေါင်းရင်းမြစ်များ

ପ୍ରେରିତ 16:14

ଆୱିନ୍‍ ଲୋପେଙ୍କ୍ ତୁୟଟୀରା ଟାୱୁନ୍‍ତେ ଆପାକଲର୍ ତାୱ୍ ସିଲେ ୱାମ ମାନ୍ଦାନ୍ ଲୁଦିଆ ପେଦେର୍‍ତେ ଅଣ୍ଡୟ୍‌ ନାଟାଡ଼୍ ମାତ୍‍ତେ । ଆଦ୍ ଇଶ୍ୱର୍‌ତିଙ୍କ୍ ଉପାସନା ମାଡ଼ମାତ୍‍ତେ ନୁ ପାଉଲ୍ ବାତ୍ କେସମାତ୍‍ତନ୍, ଆଦ୍ ମନ୍‍ଇସ୍‌‍ କେଞ୍ଜି ଗ୍ରହନ୍ ମାଡ଼ାନ୍ ସେଙ୍ଗେ ପ୍ରବୁ ଆଦିଙ୍କ୍ ହୃଦୟ୍‍ତାଗ୍‍ ସୁଯୋଗ୍ ହିତ୍‍ତଣ୍ଡ୍ ।

ପ୍ରେରିତ 18:24

ଆଦ୍ ସମୟ୍‍ତେ ଆଲେକ୍‍ଜାଣ୍ଡ୍ରିୟାଲ୍‍ତାଗ୍ ଜନମ୍ ଆତ୍‍ତେ ଆପୋଲ୍ଲୋ ପେଦେର୍‍ତଣ୍ଡ୍ ୱେରଣ୍ଡ୍ ଇହୁଦୀ ଏପିସସ୍‍ତାଗ୍ ୱାତ୍‍ତଣ୍ଡ୍ । ଅଣ୍ଡ୍‌ ୱେରଣ୍ଡ୍ ସାୟେତ୍ ନାରୁଣ୍ଡ୍‍ ନୁ ଦର୍ମଶାସ୍ତ୍ରତାଗ୍ ଅନାଦ୍‌ ନାର୍‍ଗେ ବୁଦ୍ ମାତ୍‍ତେ ।

ପ୍ରେରିତ 20:17

ଏପିସସ୍‍ ମଣ୍ଡଲିତେ ବୟସ୍କା ନେତାଲଡ଼୍‍କ୍ ମିଲୀଟସ୍‍ ତଡ଼୍ କାଇଲାନଙ୍କ୍ ପାଉଲ୍ କାର୍‍ଙ୍ଗ୍‍ତଣ୍ଡ୍ ।

୧ କରନ୍ତିୟ 15:32

ଯଦି ନାନ୍ ମାତର୍ ନାରୁଡ଼୍ ଲକ୍ଷ ଅସ୍ ଏଫିସିୟତାଗ୍ ଇଂସା ଜୀୱାକିନ୍ ଲେକାମ୍ ନାରୁଡ଼୍‍ତଡ଼୍ ଲଡ଼େମ୍ ଆସ୍ ମାତ୍‍ତାନ୍, ଆଲେକେ ନାୟାଦ୍ ବାତ୍ ଲାବ୍ ଆତ୍‍ତେ ? ଯଦି ଡଲ୍‍ତଡ଼୍ ପୁନରୁତ୍‍ତିତ୍ ଆୟ୍‍ୟଡ଼୍, ଆଲେକେ ଶିକ୍ଷା ଲେକାମ୍, “ୱାଡ଼ାଟ୍, ତିଞ୍ଜ୍ଉଞ୍ଜ୍ ଦିନାମ୍ ତେର୍‍ସ୍ପିତାଡ଼୍, ବାତେଙ୍କ୍‍ଇତ୍‍କେ ନାଡ଼୍ ତ ମାନ୍‍ ଡଲାନଙ୍କ୍ ଆଦ୍‍ତେ ।”

୧ କରନ୍ତିୟ 16:8

ଇତ୍‍କେ ପେଣ୍ଟିକଷ୍ଟ୍ ପାଣ୍ଡୁମ୍‍ଦିନେ ଏୱୁନା ନାନ୍ ଇଗେ ଏପିସୀତାଗ୍ ମାନ୍‍ତାନ୍ ।

ଏଫିସିୟ 1:1

ଇଶ୍ୱର୍‌ତେ ଇଚ୍ଛା ଲେକାମ୍ କ୍ରିଷ୍ଟ ଜିସୁନ୍ ୱେରଣ୍ଡ୍ ପ୍ରେରିତ୍ ଶିଷ୍ୟ ଲେକାମ୍ ନିଯୁକ୍ତି ଆସ୍‍ମାନ୍ଦାନ୍ ପାଉଲ୍, ଜିସୁ କ୍ରିଷ୍ଟନ୍ ତଡ଼୍ କାଇଲି ମିକା ବିଶ୍ୱାସ୍‍ତେ ବାଦ୍‍କମାନ୍ଦାନ୍ ଏଫିସିତେ ଇଶ୍ୱର୍‌ତେ ନାରୁଡ଼୍ ପାକେ ଲେକିମାନ୍ଦାନ୍ ଇଦ୍ ଚିଟି,

କଲସୀୟ 2:1

ମିଇ ସେଙ୍ଗେ, ଲାଉଦିକିଆତଡ଼୍ ନାରୁଡ଼୍‍ ନୁ ନାକିଙ୍କ୍ ବ୍ୟକ୍ତିଗତ ଲେକାମ୍‌ ପୁନ୍‍ୱେ ମାନ୍ଦାନ୍ ସାରେତଡ଼୍ ନାରୁଡ଼୍ ସେଙ୍ଗେ ନାନେ ଯେ ବେସର୍ ନାର୍ଗେ ତିପାଲ୍ ପାଡ଼୍‍ୟି ମାଡ଼ୁତାନ୍, ଆଦ୍ ମିଡ଼୍ ପୁନୁଟ୍ ଇଞ୍ଜ ନାନ୍ ଚାହେମ୍ ଆଦୁତାନ୍ ।

୧ ତୀମତି 1:3

ନାନ୍‍ ମାସିଦୋନିଆତା ଆଦାନ୍‍ୱେୟ୍ ମିକିଙ୍କ୍ କେସ୍‍ମାନ୍ଦାନ୍‍ ଲେକାମ୍‌ ମିଡ଼୍‍ ଏଫିସିତାଗ୍ ମାନୁଟ୍‍ । ଆଗେ ବେସ୍କ୍‍ତୁଡ଼୍‍ ବୁଲ୍‍ ଶିକ୍ଷାସାରେ ଇଦୁତଡ଼୍‍, ଅଡ଼୍‌‍କିଂଙ୍କ୍ ଆଗାଙ୍କ୍ ବନ୍ଦ୍‍ ମାଡ଼ାନଙ୍କ୍ ଆଦେଶ୍‍ ଇମୁଟ୍‍ ।

ପ୍ରକାଶିତ୍‌ ବାକ୍ୟ 1:17

ଅଙ୍କ୍‌ ଉଡ଼୍‍ତେ ସାଙ୍ଗେ ସାଙ୍ଗେ ନାନେ ଚିମ୍‍କାସ୍‍ ଅନ୍‌ ଡ଼େକାନ୍ ମଦଲ୍ ରାଲ୍‍ତାନ୍ । ଅଣ୍ଡ୍‌ ତାନ୍ ଡ଼େବେକାଇ ନା ପରୁ ୱାଟି କେତ୍‍ତନ୍, “ୱେର୍‍ମା, ନାନେ ଆରାମ୍ ନୁ ମାଡ଼େଙ୍ଗ୍‍ ।”

ପ୍ରକାଶିତ୍‌ ବାକ୍ୟ 1:19

ଆଦିଙ୍କ୍ ନିମେ ବେନ୍‍ସାରେ ବିଷୟ ଉଡ଼ୁତିନ୍, ବେନ୍ ସାରେ ବିଷୟ ଇଞ୍ଜେ ଗଟେମ୍ ଆଦ୍‍ତା ନୁ ବାତ୍‍ ସାରେ ବବିଷ୍ୟତ୍‌ତେ ଗଟେମ୍‍ ଆଦ୍‍ତା, ଆଦ୍ ଲେକି ୱାଟାଟ୍‍ ।

ପ୍ରକାଶିତ୍‌ ବାକ୍ୟ 1:2

ମେଣ୍ଡେ ଯୋହନ୍‌‌ ନିଜେ ବାତ୍ ସାରେ ଉଡ଼୍‍ତନ୍, ଆଦ୍ ଇଗେ କେସ୍‍ମିନ୍ଦେନ୍ । ଇଦ୍ ବଇତାଗ୍ ଇଶ୍ୱର୍‌ତେ ଗଟ୍ ନୁ ଜିସୁ କ୍ରିଷ୍ଟଟନ୍ ତଡ଼୍ ପ୍ରକାସିତ୍ ସତ୍ୟ ବାକ୍ୟ ଲେକା ଆତ୍‍ତେ ।

ପ୍ରକାଶିତ୍‌ ବାକ୍ୟ 1:20

ନାୟାଦ୍ ଡେବେକାଇଦାଗ୍ ମାନ୍ଦାନାୱ୍ ସାତ୍‍ଟାନ୍ ଉକାମ୍‍ ନୁ ସାତ୍‍ଟାନ୍ ସୁନାତାୱୁ ଦୀପନ୍‍ ଅର୍ତ ଆଦୁତ୍‍, ସାତ୍‍ଟାନ୍ ଉକାକ୍‍ ମଣ୍ଡଲିତେ ଦୂତ ନୁ ସାତ୍‍ଟାନ୍ କୁପି ଆଦୁତେ ମଣ୍ଡଲି ।

ପ୍ରକାଶିତ୍‌ ବାକ୍ୟ 1:4

ଯୋହନ୍‌ ଏସିଆ ପ୍ରଦେଶ୍‌ତାଗ୍ ମାନ୍ଦାନ୍ ସାତ୍‍ଟାନ୍ ମଣ୍ଡଲିକିଙ୍କ୍ ନମସ୍କାର୍‍ କେତୁତଣ୍ଡ୍‍ । ବବିଷ୍ୟତ୍‌, ମୁନେତ୍ ନୁ ଇଞ୍ଜେତାଦ୍ ଜିୱେମାନ୍ଦାନ୍ ଇଶ୍ୱର୍‍, ତାନ୍ ସିଂହାସନ୍ ମୁନେ ସାତ୍‍ଟାନ୍ ଆତ୍ମା,

ପ୍ରକାଶିତ୍‌ ବାକ୍ୟ 1:8

ପ୍ରବୁ ସାରେତିଙ୍ଗ୍ ଶକ୍ତିମାନ୍ ଇଶ୍ୱର୍ କେତିତନ୍, “ନାନେ ଆରାମ୍‍ ନୁ ମାଡ଼େଙ୍ଗ୍‍,” ଅଣ୍ଡ୍‌ ମୁନେଙ୍କ୍ ମାତ୍‍ତନ୍, ମେଣ୍ଡେ ଇଞ୍ଜେବା ମିନ୍ଦେନ୍, ମେଣ୍ଡେ ବବିଷ୍ୟତ୍‌ତେ ୱାଦ୍‍ତନ୍ ।

ପ୍ରକାଶିତ୍‌ ବାକ୍ୟ 10:4

ଅଡ଼୍‌‍ ବାତେ କେତା କେତି ଆତ୍‍ତଡ଼୍, ଆଦ୍ ନାନେ ଲେକାନଙ୍କ୍ ଆଞ୍ଜମାତ୍‍ତାନ୍, କିନ୍ତୁ ସ୍ୱର୍ଗତାଗାଙ୍କ୍‍ ୱେରଡ଼୍ ଲେଙ୍ଗ୍‍ କେଞ୍ଜ୍‍ତାନ୍ । ଆଦ୍ ଲେଙ୍ଗ୍ ନ୍ନାକିଙ୍କ୍ କେତ୍‍ତେ, “ମାବ୍ ନେକ୍‍ତେ ୱେଲେ ବାତ୍‍କେଞ୍ଜୁତିନ୍, ଆଦ୍ ମାନ୍‍ଦାଗ୍ ନେଏମୁଟ୍; ଲେକ୍‍ମାଟ୍ ।”

ପ୍ରକାଶିତ୍‌ ବାକ୍ୟ 14:13

ତାନ୍‍ ପେର୍କେ ନାନେ କେଞ୍ଜ୍‍ତାନ୍, ସ୍ୱର୍ଗତାଗାଙ୍କ୍ ୱେରଡ଼୍ ଗଟ୍ କେସମିନ୍ଦେଡ଼୍‍; “ଇଦ୍‍ଗଟ୍ ଲେକାଟ୍, ବେନଡ଼୍ ଇଗେ ପ୍ରବୁନ୍ ସେବା ମାଡ଼ି ଡଲିତଡ଼୍‍, ଅଡ଼୍‌ ଦନ୍ୟ ।” ମେଣ୍ଡେ ନାନେ କେଞ୍ଜ୍‍ତାନ୍, ପରଆତ୍ମାକେତୁତେ, “ଇଦ୍ ନିଜାମ୍ ଗଟେମ୍‍ ଆଦ୍‍ତେ । ଗାଟି କଷ୍ଟ ତଡ଼୍ ସେବାତେ କାୟେ ଲେକାମ୍, ଅଡ଼୍‌ ବିଶ୍ରାମ ଆଦ୍‍ତଡ଼୍ ।”

ପ୍ରକାଶିତ୍‌ ବାକ୍ୟ 19:9

ଅନନ୍ତତେ ସ୍ୱର୍ଗଦୂତ ନାକିଙ୍କ୍ କେତ୍‍ତା, “ଲେକି ୱାଟେ, ବେନଡ଼୍ ମେକାଗଲାନ୍ ପେଣ୍ଡୁଲ୍‍ତେ ବଜିତାଗ୍ ତିଆର୍ ମାଡ଼୍‍ତେନଡ଼୍, ଅଡ଼୍‌ ବାଗ୍ୟବାନ୍ ।” ଅଣ୍ଡ୍‌ ମେଣ୍ଡେ କେତ୍‍ତନ୍, “ଇଦ୍ ଇଶ୍ୱର୍‌ତେ ଗଟ୍ ସାରେ ସତ୍ ।”

ପ୍ରକାଶିତ୍‌ ବାକ୍ୟ 2:1

“ଏପିସସ୍ ମଣ୍ଡଲିତେ ଦୂତନ୍ ପାକେ ଲେକାଟ୍; ବେନନ୍ ତିନ୍ଦେକାଇଦେ ପାକେ ସାତ୍‍ଟାନ୍ ଉକାକ୍‍ ନୁ ବେନ ସାତ୍‍ଟାନ୍ ସୁନାତାୱୁ କୁପି ନାଗେ ଆଦାୱାଦ୍‍ ମାଡ଼ିତନ୍, ଅନାଦ୍‌ ଇଦ୍ ଗଟ୍ ।”

ପ୍ରକାଶିତ୍‌ ବାକ୍ୟ 2:12

“ପର୍ଗାମମ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବେନନ୍ ଗାର୍ରେ ଗାଟି ରେଣ୍ଡ୍‍ପାକା ୱାୟେମାନ୍ଦାନ୍‍ ଚୁର୍‌ ମିନ୍ଦେ, ଅନାଦ୍‌‍ ଇଦ୍ ଗଟ୍ ।”

ପ୍ରକାଶିତ୍‌ ବାକ୍ୟ 2:18

“ତୁୟଟୀରାତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍; ଇଦ୍ ଗଟ୍ ଇଶ୍ୱର୍‌ତେ ମାର୍‍ଦାଗାଙ୍କ୍ ୱାସ୍‍ମିନ୍ଦେ । ଅନ୍‌ କଣ୍ଡା ନିଡ଼୍‍ତାନ୍ କିସ୍ ଇନା ନୁ ତାନ୍ ରେଣ୍ଡ୍‍ ପାଦାକ୍ ନିଇମ୍‍ ପିତଲ୍ ଇନା ୱେସ୍ ।”

ପ୍ରକାଶିତ୍‌ ବାକ୍ୟ 2:24

“ଇତ୍କେ ତୁୟଟୀରାତାଗ୍ ମିଇୟାଗାଙ୍କ୍ ବେନଡ଼୍ ଇଦ୍‍ ଶିକ୍ଷାତିଙ୍କ୍‍ ଗ୍ରହନ୍ ମାଡ଼ଣ୍ଡ୍ ନୁ ତତାକତିତ ‘ଶୟତାନ୍‍ତେ ନିଗୂଡ଼ ରହସ୍‍’ ସାରେ ଶିକ୍ଷା ମାଡ଼ନ୍, ନାନେ ଅଡ଼୍‌‍ପରୁ ମେଣ୍ଡେ ବାତେ ମପ୍ କାଞ୍ଜ୍‍ପନ୍ ।

ପ୍ରକାଶିତ୍‌ ବାକ୍ୟ 2:8

“ସ୍ମର୍ଣ୍ଣାତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବେନ୍ ଆରାମ୍ ନୁ ଶେଷ ମେଣ୍ଡେ ବେନ ଡଲିମିକା ମେଣ୍ଡେ ଜିୱେଆତ୍‍ତନ୍, ଅନ୍‌‍ ଗାର୍ରେ ଇଦ୍ ଗଟ୍;”

ପ୍ରକାଶିତ୍‌ ବାକ୍ୟ 21:5

ସିଂହାସନ୍‌ତାଗ୍ ମାନ୍ଦାନ୍ ନାରୁଣ୍ଡ୍ କେତ୍‍ତନ୍, ଅଁ, ନାନେ ସାରେ ବିଷୟ ପୁଃନେ ମାଡ଼୍‍ତାନ୍ । ମେଣ୍ଡେ ଅଣ୍ଡ୍‌ ନାକିଙ୍କ୍ ଆଦେଶ୍‍ ଇତ୍‍ତନ୍, “ଇୱୁସାରେ ଗଟି ଲେକି ୱାଟାଟ୍, ବାତ୍‍ତେଙ୍କ୍ଇତ୍କେ ଇଦ୍ ସତ୍ ନୁ ଆଶେତାୱୁ ।”

ପ୍ରକାଶିତ୍‌ ବାକ୍ୟ 22:10

ଅଣ୍ଡ୍‌ ମେଣ୍ଡେ ନାକିଙ୍କ୍ କେତ୍‍ତନ୍, “ହିଦ୍‍ ବଇକି ବବିଷ୍ୟଦ୍‍ ଗଟୀକି ମିଞ୍ଜିପି ନେହେମାଟ୍, ବାତ୍‍ତେଙ୍କ୍ଇତ୍କେ ଇୱ ଗାରେ ଗଟେମ୍‍ ଆଦାନାଦ୍ ସମୟ ଆରେ ୱାସ୍‍ଏଉଦୁତ୍ ।

ପ୍ରକାଶିତ୍‌ ବାକ୍ୟ 22:16

“ନାନେ ଜିସୁ । ମଣ୍ଡଲିନାଗେ ମିୟାଦ୍ ଉପକାର୍‍ତେ ଇୱୁସାରେ ବିଷୟ କେତାନ୍ ସେଙ୍ଗେ ନାୟାଦ୍ ଦୂତତିଙ୍କ୍ ରତ୍‍ତାନ୍ । ନାନେ ଦାଉଦ୍‍ତେ ବଂଶତନ୍ । ନାନେ ଆଦ୍ ୱିୟ୍‍ ଉକାମ୍ ।”

ପ୍ରକାଶିତ୍‌ ବାକ୍ୟ 3:1

“ସାର୍ଦ୍ଦିତାଗ୍ ମାନ୍ଦାନ୍ ମଣ୍ଡଲିତିତେ ଦୂତନ୍ ପାକେ ଲେକାଟ୍ । ଇଶ୍ୱର୍‌ତେ ସାତ୍‍ଟାନ୍ ଆତ୍ମା ନୁ ସାତ୍‍ଟାନ୍ ଉକାମ୍‍ ପୟ୍‍ସ୍‍ମାନ୍ଦାନ୍ ନାରୁନାଗାଙ୍କ୍ ଇଦ୍ ଗଟ୍ । ନାନେ ମିୟାଦ୍ କାମ୍‍ ମାଡ଼୍‍ତାଦ୍ ପୁତ୍‍ତାନ୍; ମିଡ଼୍ ଡଲିମାତ୍‍କେ ମିକା ଜିୱେମିନ୍ଦେନ୍ ଇଞ୍ଜ କ୍ୟାତି ଲାବ୍ ମାଡ଼୍‍ତିନ୍ ।”

ପ୍ରକାଶିତ୍‌ ବାକ୍ୟ 3:14

“ଲାଉଦିକିଆତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବିଶ୍ୱାସ୍‍ ନୁ ସତ୍ ସାକ୍ଷି ମେଣ୍ଡେ ଇଶ୍ୱର୍‌ତେ ସାରେ ସୃଷ୍ଟିତେ ଆରାମ୍‍ ଅଣ୍ଡ୍‌‍ ‘ଆମେନ୍‍ତେ’ ଇଦ୍ ଗଟ୍,”

ପ୍ରକାଶିତ୍‌ ବାକ୍ୟ 3:4

ମାତର୍ ସାର୍ଦ୍ଦିସ୍‍ତାଗ୍‍ ମିୟାଗାଙ୍କ୍ ବେସ୍‍କ୍‍ତଡ଼୍ ଅଡ଼ାୱୁ ସିଲେଙ୍କ୍ ପରିଷ୍କାର୍‍ତେ ନେଃଏତଡ଼୍ । ଅଡ଼୍‌‍ ପାଣ୍ଡ୍ରିଲାଉ ଚକା କେର୍‍ସ୍‍ ନା ତଡ଼୍ ଆଦାୱାଦା ଆଦ୍‍ତଡ଼୍, ବାତେଙ୍କ୍‍ଇତ୍କେ ଇଦିନ୍‍ ସେଙ୍ଗେ ଅଡ଼ାଦ୍‌ ଯଗ୍ୟତା ମିନ୍ତେ ।

ପ୍ରକାଶିତ୍‌ ବାକ୍ୟ 3:7

“ଫିଲାଦେଲ୍‍ଫିଆତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବେନ ସର୍ବତେ ପବିତ୍ର ନୁ ସତ୍ ଲେକାମ୍, ଅନାଗାଙ୍କ୍ ଇଦ୍ ଗଟ୍ କେଞ୍ଜାଟ୍ । ଅନ୍‌ ଗାର୍ରେ ଦାଉଦ୍‍ତେ କୁଚ୍‍କାଇ ମିନ୍ଦେ, ଅଣ୍ଡ୍‌ ବେନ୍ ମାର୍‍ ଟେଣ୍ଡିତନ୍, ବାଗାତଡ଼୍ ମେଣ୍ଡେ ବେନ ଆଦ୍ ବନ୍ଦ ମାଡ଼େପାର୍‍ୱଡ଼୍‍ ନୁ ଅଣ୍ଡ୍‌ ବାତ୍‍ ବନ୍ଦ ମାଡ଼ିତନ୍, ବାଗାତଡ଼୍‍ ବେନ୍ ଆଦ୍ ତେର୍‍ତାଙ୍କ୍ ପାର୍‍ୱଡ଼୍‍ ।”