ଫିଲିପିୟ 4:6 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁶ ବାତେବା ବିଷୟ୍‍ତେ ଚିନ୍ତେ ଆୟ୍‍ମାଟ୍ ! ବାତେଙ୍କ୍‍ଇତ୍କେ ମିକିଂଙ୍କ୍‍ ବାତ୍ ଦର୍‍କାଡ଼୍, ଆଦ୍ ପ୍ରାର୍ତନାତାଗ୍ ଇଶ୍ୱର୍‌ତିଙ୍କ୍ ତାଲ୍‍କାଟ୍ । ମେଣ୍ଡେ ପ୍ରାର୍ତନା ମାଡ଼ାନ୍ ୱେଲେ ସାରେଦାମ୍ ହୃଦୟ୍‍ତେ ଦନ୍ୟବାଦ୍ ତଡ଼୍‍ ମିୟାଦ୍‍ ସାର୍ରେ ନିବେଦନ୍‍ ଇଶ୍ୱର୍‌ତିଙ୍କ୍‍ କେଲାଟ୍‍;

ଫିଲିପିୟ 4:6 ပူးပေါင်းရင်းမြစ်များ

ମାତିଉ 10:19

ମିକିଂଙ୍କ୍ ବିଚାର୍ ମାଡ଼ାନ୍ ୱେଲେ ବାତ୍ କେତିତିଡ଼୍ ନୁ ବେଲାକେତିତିଡ଼୍, ହିଦ୍ ବିଷୟ୍‍ତେ‍ ଚିନ୍ତେ ମାଡ଼୍‍ମାଟ୍ । ଟିକ୍ ସମୟ୍‍ତେ ଆଦ୍ ମିକିଂଙ୍କ୍ କେସ୍‍ସିଦ୍‌ତଡ଼୍‌ ।

ମାତିଉ 13:22

କୟେ ମାଡ଼ାକ୍ ବେଦ୍‍ଲେକାମ୍ ବେସ୍‍କିଙ୍କ୍ ୱିଜେତିଙ୍କ୍ ଆଦ୍‍ପ୍ତା ମାଡ଼ିଦ୍‍ତେ, ଆଦେଲେକାମ୍ ହିଦ୍ ଜଗତ୍‍ତେ ଜଞ୍ଜାଲ ନୁ ଦନ୍ ସମ୍ପତିତ୍‍ତେ ଆଶେ ବେସ୍‌କ୍ ନାରୁଡ଼ାଗ୍ ହେଉସ୍ ମାନ୍ଦାନ୍ ଗଟ୍‍ତିଙ୍କ୍ ନଷ୍ଟ ମାଡ଼ିଦ୍‍ତେ ନୁ ଅଡ଼୍‌ ବାତେଏ ସୁପଲ୍ ଦର୍‍ସ୍‍କେ ପାର୍‍ୱଡ଼୍ ।

ମାତିଉ 6:34

ଆଦିଙ୍କ୍ ୱାଦାନ୍ ଦିନାମ୍ ସେଙ୍ଗେ ଦାନ୍ଦେ ଆୟ୍‍ମାଟ୍ । ନାଡ଼୍‍ଦେ ଚିନ୍ତେ ମାଡ଼ି ନେଣ୍ଡ୍‍ତେ ଦାନ୍ଦେ ଗାଟି ମାଡ଼୍‍ମାଟ୍ ।

ମାତିଉ 6:8

ଅଡ଼୍‌ ଲେକାମ୍ ଆୟ୍‍ମାଟ୍ । ମିଡ଼୍ ତାଲ୍‍କାନ୍ ମୁନେଙ୍କ୍ ମିକିଂଙ୍କ୍ ବାତ୍ ଦର୍‍କାର୍, ମିଇ ବାବାଲ୍ ଇଶ୍ୱର୍ ଆଦ୍‍ ସାରେ ପୁତ୍‍ତଣ୍ଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:41

ବାତେଙ୍କ୍ ଇତ୍କେ ପ୍ରବୁ ତାକିଂଙ୍କ୍ କେତ୍‍ତଣ୍ଡ୍, “ମାର୍ତା, ମାର୍ତା ନିମେ ଗାଟି ବିଷୟ୍‍ତିଙ୍କ୍ ଚିନ୍ତେ ନୁ ଦାନ୍ଦେ ଅଦୁତିନ୍,

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:22

ଜିସୁ ଶିଷ୍ୟଡ଼୍‍କିଂଙ୍କ୍ କେତ୍‍ତଣ୍ଡ୍, ଇ ବିଷୟ୍ ତେ ନାନେ ମିକିଂଙ୍କ୍ କେତୁତାନ୍, ବାତା ତିନ୍‍ତିଡ଼୍ ଇଦ୍‍ପୁଟୁଙ୍କ୍ ଆଲ୍‍ସି ମି ଜିୱୁନ୍‍ ତେ ମାଇଦିଙ୍କ୍, ମେଣ୍ଡେ, ବାତା କେର୍‍ଦ୍‍ତିଡ଼୍, ଇଦ୍‍ପୁଟୁଙ୍କ୍ ଆଲ୍‍ସି ମି ମେନ୍ଦୁଲ୍‍ତେ ମାଇଦିଙ୍କ୍ ଆନ୍‌‍ତେ ଚିନ୍ତେ ମାଡ଼୍‍ମାଟ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:29

ମିଡ଼୍ ବାତା ତିନ୍‍ତିଡ଼୍, ମେଣ୍ଡେ ବାତା ଉନ୍ତିଡ଼୍, ଆୱିଙ୍କ୍ ମିଡ଼୍ ମେହେକ୍‍ମାଟ୍ ବା ଚିନ୍ତେ ମାଡ଼୍‍ମାଟ୍

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:1

ହତାସ୍ ଆୟ୍‍ୟକଟ ସାରେଦାମ୍ ପ୍ରାର୍ତନା ମାଡ଼ାନାଦ୍ ସାୟେ, ଇ ବିଷୟତେ ଜିସୁ ଅଡ଼୍‌‍କିଂଙ୍କ୍ ଇଦ୍ ଗଟ୍ କେତ୍‍ତଣ୍ଡ୍,

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:7

ଇଶ୍ୱର୍‌ ହେଞ୍ଚତେ ନାରୁଡ଼୍ ନାର୍କାପାୟାଲ୍ ଅଂକିଙ୍କ୍ କାର୍‍ଙ୍ଗମାନ୍ତଡ଼୍, ଅଣ୍ଡ୍‌ କି ଅଡ଼୍‌‍ ସେଙ୍ଗେ ଆତ୍‍ତେ ଅନ୍‌ୟାୟତେ ବିଚାର୍ ମାଡ଼ଣ୍ଡ୍, ଅଡ଼୍‌‍କିଂଙ୍କ୍ ସାହାଯ୍ୟ ମାଡ଼ାଙ୍କ୍ ଅଣ୍ଡ୍‌ ଲେଟ୍ ମାଡ଼ିତନ୍ କି ?

୧ କରନ୍ତିୟ 7:21

ନିମ୍‌ ବାତା କ୍ରୀତଦାସ ଆସ୍‌ ୱାସ୍‌ମିନ୍ଦେନି କି ? ଆଲ୍‌ସ୍‌ମାଟ୍; ଯଦି ବେଲାବା ମୁକ୍ତି ଆଦ୍‌ପାର୍ଦିତିଡ୍‌ ଆଲା ଇତ୍‌କେ ସୁଜଗ୍ ମେଦ୍‌କାଟ୍ ।

୧ କରନ୍ତିୟ 7:32

ବାତେଙ୍କ୍ ଇତ୍‍କେ ମିଡ଼୍ ବେଲା ଆଲ୍‌ସ୍‌ୱିଡ୍‌, ନାନ୍‌ ଇଲା ଆଲ୍‌ସୁତାନ, ଇଦ୍‌ ନାୟାଦ୍‌ ଇଚ୍ଛା । ବେନ ପେଣ୍ଡୁଲ୍‌ ଆଇୱାନନ୍‌, ଅଣ୍ଡ୍‌‌ ବେଲା ପ୍ରବୁନାଗ୍‌ ନେଲ୍ଲାତଣ୍ଡ୍‌ ଆତଣ୍ଡ୍, ଆଦିନ୍‌ମାଇଦିଙ୍କ୍‌ ପ୍ରବୁନ୍‌ ବିଷୟ ଆସ୍‌ ଆଲସାଟ୍;

୨ କରନ୍ତିୟ 1:11

ମିଡ଼୍ ପ୍ରାର୍ତନା ତଡ଼୍ ମାକିଂଙ୍କ୍ ସାହାଯ୍ୟ ମାଡ଼ାଟ୍ । ଆଲାକେ, ମା ସେଙ୍ଗେ ମାଡ଼ମାନ୍ଦାନ୍ ନାର୍‍ଗେ ପ୍ରାର୍ତନାତାଦ୍‍ ଉତ୍ତର୍ ଦର୍‍କିତ୍ ନୁ ଇଶ୍ୱର୍ ମାକିଂଙ୍କ୍ ଆର୍ଶିବାଦ୍ ମାଡ଼ିତନ୍ । ମା ସେଙ୍ଗେ ନାର୍‍ଗେ ନାରୁଡ଼୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦ୍‍ତଡ଼୍ ।

ଏଫିସିୟ 5:20

ସାର୍ରେୱେଲେ ସାର୍‍ରେ ବିଷୟ୍ ପ୍ରବୁ ଜିସୁ କ୍ରିଷ୍ଟନ୍ ପେଦେର୍‍ତେ ନୁ ବାବାଲ୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍ ।

ଏଫିସିୟ 6:18

ଇଶ୍ୱର୍‌ତେ ସାହାଯ୍ୟ ବିକ୍ୟାତାଲ୍‍କି ପ୍ରାର୍ତନା ତଡ଼୍ ଇୱୁସାର୍ରେ ମାଡ଼ାଟ୍ । ସାର୍‍ରେ ଅସୁବିଦା ୱେଲେ ପବିତ୍ର ଆତ୍ମାତେ ଚାଲାମାଡ଼ାନ୍‍ ଲେକାମ୍ ପ୍ରାର୍ତନା ମାଡ଼ାଟ୍ । ତିଆର୍‍ତେ ମାନୁଟ୍; ବେସୁଟ୍‌ ଆୟ୍‍ୱିମାଟ୍ । ଇଶ୍ୱର୍‌ତେ ନାରୁଡ଼୍ ସେଙ୍ଗେ ସାରେଦାମ୍ ପ୍ରାର୍ତନାତାଗ୍ ମନ୍ ଇସ୍‍ମାନୁଟ୍ ।

କଲସୀୟ 3:15

କ୍ରିଷ୍ଟ ଇତ୍‍ତେ ଶାନ୍ତି ମିୟାଦ୍ ଆଲ୍‍ସାନାଦିଙ୍କ୍ ଚାଲା ମାଡ଼ି; ବାତେଙ୍କ୍ଇତ୍କେ ଇଦ୍ ଶାନ୍ତି ସେଙ୍ଗେ ଇଶ୍ୱର୍‍ ମିକିଙ୍କ୍ ଅଣ୍ଡୟ୍‌‍ତାଗ୍ ଅଣ୍ଡୟ୍‌ ମେନ୍ଦୁଲ୍ ଆଦାନ୍ ସେଙ୍ଗେ କାର୍‍ଙ୍ଗିମିନ୍ଦେନ୍ । ସାରେଦାମ୍ ଦୟା ଆୟ୍‍ମୁଟ୍ ।

କଲସୀୟ 3:17

ମିଡ଼୍ ବାକ୍ୟ ବା କାମ୍‍ତାଗ୍ ବାତେ ବା ମାଡ଼୍‍ତିଡ଼୍, ଆଦ୍ ସାରେ ପ୍ରବୁ ଜିସୁନ୍ ପେଦେର୍‍ତେ ମାଡ଼ି ବାବାଲ୍‍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍ ।

କଲସୀୟ 4:2

ସାରେଦାମ୍ ପ୍ରାର୍ତନାତଡ଼୍ ବାଦ୍‍କାଟ୍ ନୁ ଇଶ୍ୱର୍‌ତେ ଦନ୍ୟବାଦ୍ ଲେକାମ୍ ପ୍ରାର୍ତନାତାଗ୍ ତିଆର୍ ଆସ୍‍ ମାନୁଟ୍ ।

୧ ତୀମତି 2:1

ନାନ୍‍ ମୁନେନ୍‍ ଅନୁରଦ୍‍ ମାଡ଼ିତାନ୍‍, ଉପାସନା ମାଡ଼ାନ୍‍ ୱେଲେ ସାର୍ରେତଡ଼୍‍ ସେଙ୍ଗେ ଇଶ୍ୱର୍‌ତାଗ୍‍ ପ୍ରାର୍ତନା, ନିବେଦନ୍‍ ନୁ ଦନ୍ୟବାଦ୍‍ କେଲାଟ୍‍ ।

୧ ତୀମତି 5:5

ବେନ୍ ରାଣ୍ଡିଲ୍ ନିଜାମ୍ ତେ ୱେରଡ଼୍ ନୁ ଆଶ୍ରୟ ଇଲେ, ଆଦ୍‍ ଇଶ୍ୱର୍‌ତେ ପର ଆଶେ ୱାଟି, ଦିବାନିଶି ତାନ୍‍ ସାହାଯ୍ୟ ବିକ୍ୟା ମାଡ଼ମାନ୍ତେ ।

୧ ପିତର୍‍ 4:7

ସାରେ ବିଷୟତାଦ୍‍ ତେରାନ୍‍ ଦିନାମ୍‍ ଏୱୁତେ । ମିଡ଼୍ ପ୍ରାର୍ତନା ତାଗ୍ ମାନ୍‍ଇସ୍‍ ମାନ୍ଦାନ୍ ସେଙ୍ଗେ ନିଜର୍‍ ପର ଆଶେ ୱାଟି ତିଆର୍‍ଆସ୍‍ ମାନୁଟ୍ ।

୧ ପିତର୍‍ 5:7

ମିୟାଦ୍ ସାରେ ଚିନ୍ତାତିଙ୍କ୍ ଇଶ୍ୱର୍ ଗାରେ ସମର୍ପଣ ମାଡ଼ାଟ୍, ବାତେଙ୍କଇତ୍କେ ଅଣ୍ଡ୍‌ ମିୟାଦ୍ ଯତ୍ନ ଆଦ୍‍ତନ୍ ।