ମାର୍କ 7:23 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²³ ଇୱୁ ସାରେ କାରାପ୍‍ ବିଷୟ୍‍ ନାରୁନ୍‍ତେ ହୃଦୟ୍‍ତାଗାଙ୍କ୍‍ ଜନମ୍‌ ଆସ୍ ଅଂକିଙ୍କ୍‌ କାରାପ୍ ମାଡ଼ିତେ ।

ମାର୍କ 7:23 ပူးပေါင်းရင်းမြစ်များ

ମାର୍କ 7:15

ବାୟ୍‍ଦେତ୍‍ ବାତ୍‍ ବିଷୟ୍‍ ନେଙ୍ଗି ଅଂକିଙ୍କ୍‌ ଅପବିତ୍ର ମାଡ଼୍‍ପାର୍‍ୱ । ବରଂ ବେନ୍‍ ବିଷୟ୍‍ ନାରୁତେ ଲୋପେଙ୍କ୍ ବାୟ୍‍ଦେ ପେୟ୍‍ତିତ୍‍, ଆଦେ କେ ଅଂକିଙ୍କ୍‌ ଅପବିତ୍ର ମାଡ଼ିତ୍‍ ।”

ମାର୍କ 7:18

ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ୱେର୍‍ତଡ଼୍‍ ଲେକାମ୍‍ ମିଡ଼୍‍ ଆନ୍‌ତେ ବୁଜେମ୍‍ ଆଦାନ୍‍ ଶକ୍ତି ବାତେ ଇଚୁର୍‌ ? ଇସର୍‍ତିଙ୍କ୍ ବୁଜେମ୍‍ ଆଦାଙ୍କ୍ ପାର୍‍ୱିଡ଼୍‍ ? ବାତା ସାରେ ନାରୁନ୍‍ ମେନ୍ଦୁଲ୍‍ତେ ବାୟ୍‍ଦେକଞ୍ଚ୍‍ ଲୋପ୍‍ ନେଙ୍ଗିତା, ଆୱ୍‍ ଅଂକିଙ୍କ୍‌ ଅପବିତ୍ର ମାଡ଼୍‍ପାର୍‍ୱ

ମାର୍କ 7:20

ଅଣ୍ଡ୍‌ ମେଣ୍ଡ୍ କେତ୍‍ତଣ୍ଡ୍, ବାତା ସାରେ ନାରୁନ୍‍ ଲୋପେତାଗାଙ୍କ୍‍ ପେୟ୍‍ତିତା, ଆଦେ କେ ଅଂକିଙ୍କ୍‌ ଅପବିତ୍ର ମାଡ଼ିତେ,

ମାର୍କ 7:22

ଇତ୍କେ ଡଙ୍ଗାନାଦ୍‍, ନାରିଙ୍କ୍ ଆୱ୍‍କାନାଦ୍‍, ଆର୍‍ଲା ମାଡ଼ାନାଦ୍, ଆଶେ ନୁ ବେସ୍‍ ବେସତ୍‍ କାରାପ୍‍ କାମ୍‍, କାରାପ୍‍ ବ୍ୟବହାର୍‍, କପାମ୍‍, ଆଙ୍କାର୍‍ ନୁ ମୁର୍କ ।

ମାର୍କ 7:24

ତାନ୍‍ପେର୍କେ ଜିସୁ ଆଦ୍‍ ପଡ଼୍‍ୟି ୱିଡ଼୍‍ସି ଶହର୍‍ ଗାରେମାନ୍ଦାନ୍ ଅଞ୍ଚଲତାଗ୍‍ ଆତ୍‍ତଣ୍ଡ୍ । ଆଗେ ଅଣ୍ଡ୍‌ ୱେରଡ଼୍‍ ଲୋନ୍‌‍ ନେଙ୍ଗି ପୁନ୍‍ୱେକଟ ମାନ୍ଦାନ୍‍ ମାଇଦିଙ୍କ୍ ଇଚ୍ଛା ମାଡ଼୍‍ତଣ୍ଡ୍, କିନ୍ତୁ ଅଣ୍ଡ୍‌ ଲୋପେ ମାନ୍ଦ୍‍ପାର୍‍ୱଣ୍ଡ୍ ।

୧ କରନ୍ତିୟ 3:17

ଯଦି ବେନ୍‌ନାରୁନ୍‌ ପରମେଶ୍ୱରନ୍‌ ଗୁଡ଼ିୟଦିନ୍‌ ନଷ୍ଟାମ୍‌ ମାଡ଼ାତଣ୍ଡ୍, ଆଲାଇତ୍‌କେ ପରମେଶ୍ୱର୍ ଅଂକିଙ୍କ୍‌ ନାଷ୍ଟାମ୍‌ ମାଡ଼ିତନ୍ । ପରମେଶ୍ୱରନ୍‌ ଗୁଡ଼ିୟ୍‌ ଆଦୁତେ ପବିତ୍ର । ଆଦ୍‌ ପବିତ୍ର ଗୁଡ଼ିୟ୍‌ ମିଡ଼୍ ।

ତୀତସ୍‌ 1:15

ପବିତ୍ର ନାରୁଡ଼୍ ସେଙ୍ଗେ ସାର୍‍ରେ ସାୟେ; ବାତେଙ୍କ୍ ଇତ୍‍କେ କୁଲାଙ୍ଗାର୍ ନୁ ଅବିଶ୍ୱାସୀ ନାରୁଡ଼୍ ସେଙ୍ଗେ ବାଆତେବା ବିଷୟ୍ ସାୟେ ଆୟ୍‍ୟ, ଆଦିଙ୍କ୍ ଅଡ଼ାଦ୍‌ ମନ୍ ନୁ ଚିନ୍ତେ ରେଣ୍ଡ୍ ଆସ୍‍ସ କୁଲାଙ୍ଗାର୍ ।

ଯିହୁଦା 1:8

ଆଦେ ରକମ୍ ଇଡ଼୍ ନାରୁଡ଼୍ ସପ୍ନ ଉଡ଼୍‍ତମ୍ ଇଞ୍ଜ ନିଜେତ୍ ମେନ୍ଦୁଲ୍ ବିରୁଦ୍‍ତେ ପାପ୍ ମାଡ଼ିତଡ଼୍ । ଅଡ଼୍‌ ଇଶ୍ୱର୍‌ତେ ଆଦେଶ୍‌ତିଙ୍କ୍ ପାଲନ୍ ମାଡ଼ଡ଼୍‍ ନୁ ସ୍ୱର୍ଗ ଦୂତକିଂଙ୍କ୍‌ ଅପ୍‍ମାନ୍ ମାଡ଼ିତଡ଼୍ ।