ମାର୍କ 4:24 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁴ ଜିସୁ ଅଡ଼୍‌‍କିଂଙ୍କ୍ କେତ୍‍ତାନ୍, “ବାତ୍‍ତେ କେଞ୍ଜିତିଡ଼୍, ଆଦିନ୍ ସେଙ୍ଗେ ମାନ୍‍ଇସ୍ କେଞ୍ଜାନଙ୍କ୍ ମାନୁଟ୍ । ବେନ୍‍ବାଡ଼୍‍ତେ ମିଡ଼୍ ବାଗାତଡ଼୍ ବିଚାର୍ ମାଡ଼ାଟ୍, ଆଦ୍ ବାଡ଼୍‍ତେ ବାତେଙ୍କ୍ ଇତ୍‍କେ ଅଦିକ୍‌ କଷ୍ଟତେ ଇଶ୍ୱର୍ ମିୟାଦ୍ ବିଚାର୍ ମାଡ଼ିତନ୍ ।

ମାର୍କ 4:24 ပူးပေါင်းရင်းမြစ်များ

ମାତିଉ 7:2

ବାଗାତ୍ ନାରୁଡ଼ାଦ୍ ଦଷ୍ ବିଷୟ୍‍ତେ ମିଡ଼୍ ବେଦ୍‍ପୁଟୁଙ୍କ୍ ବିଚାର୍ ମାଡ଼ିତିଡ଼୍, ଇଶ୍ୱର୍ ଆଦେପୁଟୁଙ୍କ୍ ମିୟାଦ୍ ବିଚାର୍ ମାଡ଼ିତନ୍ । ମିଡ଼୍ ବାଗାତ୍ ନାରୁଡ଼୍ ସେଙ୍ଗେ ବେନ୍ ନିୟମ୍ ତିଆର୍ ମାଡ଼ୁତିଡ଼୍, ଆଦ୍ ନିୟମ୍ ଇଶ୍ୱର୍ ମିଇ ସେଙ୍ଗେ ମିକା ତିଆର୍ ମାଡ଼ିତନ୍ ।

ମାର୍କ 9:7

ଅଟାତ୍‍ ମୟଲ୍‍ ତାଗାଙ୍କ୍‍ ଅଣ୍ଡୟ୍‌‍ ମାବ୍‍ ତନ୍ଦ୍‍ତେ ନୁ ଆଦିନ୍‌ ନିଡ଼୍‍କେ ଅଡ଼୍‌‍କିଂଙ୍କ୍ ମିସ୍‍ତେ । ମେଣ୍ଡେ ଆ ମାବ୍‍ତେ ଲୋପେଙ୍କ୍ ଅଣ୍ଡୟ୍‌‍ ଗଟ୍‍ କେଞ୍ଜାଙ୍କ୍ ଆତ୍‍ତେ, “ହୋ ନା ପ୍ରିୟ ମାର୍‍, ଇନାଦ୍‍ ଲେଙ୍ଗ୍ ମାନ୍‍ ଇସ୍‍ କେଞ୍ଜାଟ୍‍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 8:18

ମେଣ୍ଡେ, “ବେଲା କେଞ୍ଜୁତିଡ଼୍‍, ଆଦ୍ ବିଷୟତେ ସେଙ୍ଗେ ସାବ୍‍ଦାନ୍; ବାତେଙ୍କ୍ ଇତ୍କେ ବେନନାଗେ ମିନ୍ଦେ, ଅଂକିଙ୍କ୍‌ ଗାଟି ହିଦ୍‍ତଡ଼୍, ମେଣ୍ଡେ ବେନନାଗେ ଇଲା, ଅଣ୍ଡ୍‌ ବାତେଏ ନିଜର୍ ଡ଼ାଦ୍ ମିନ୍ଦେ ଇଞ୍ଜ ହେର୍କେ ମାଡ଼ିତନ୍, ଆଦ୍ ମିକା ଅନାଗ୍‍କଞ୍ଚ୍‍ ଆଦ୍‍ତଡ଼୍ ।”

ଯୋହନ୍‌‌ 10:16

ନାୟାଉ ମେଣ୍ଡେ ବାଗାତାଉ ମେଣ୍ଢା ମିନ୍ଦେ, ବେନା ଇ ଗୁଡ଼ୁସେତ୍ ଲୋପେ ଇଲା । ଆୱିଙ୍କ୍ ମିକା ନାନ୍ ତାତେୱେଇତିତ୍‍ । ଆଉ ନାୟାଦ୍ କାର୍‍ଙ୍ଗା ନାଦ୍ କେଞ୍ଜିତା ନୁ ସାରେ ୱେରଡ଼୍ ଗଲାନ୍ ୱେରଡ଼୍ ଗୁଡ଼୍‍ସା ଆଶେ ମାନ୍‍ତା ।”

ଯୋହନ୍‌‌ 10:27

ନା ମେଣ୍ଢା ସାରେ ନାୱାଦ୍ ଲେଙ୍ଗ୍ କେଞ୍ଜିତା ନୁ ନାନ୍ ଆୱିଙ୍କ୍ ପୁତ୍‍ତାନ୍, ମେଣ୍ଡେ ଆଉ ନା ପେର୍‍କେ ପେର୍‍କେ ୱାଦ୍‍ତା,

ଯୋହନ୍‌‌ 5:25

ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ହିସତ୍ ଦିନାମ୍ ୱାସମିନ୍ଦେ, ମେଣ୍ଡେ ଇଞ୍ଜେକ୍ ମିକା ହେୱ୍‍ସ୍‍ ମିନ୍ଦେ, ବେନ୍ ଦିନାମ୍ ତେ ଡଲ୍‍ତେନଡ଼୍ ଇଶ୍ୱର୍‌ତେ ମାର୍‍ଦେ ଲେଙ୍ଗ୍ କେଞ୍ଜିତଡ଼୍ ନୁ ବେନଡ଼୍ କେଞ୍ଜିତଡ଼୍, ଅଡ଼୍‌ ଜିୱୁନ୍‍ ଆଦ୍‍ତଡ଼୍ ।

ପ୍ରେରିତ 17:11

ଥେସଲନିକୀତେ ନାରୁଡ଼ାଗାଙ୍କ୍ ଆଗେତ୍ ନାରୁଡ଼୍ ଅଦିକ୍‌ ଦୟାବାନ୍ ମାତ୍‍ତଡ଼୍ । ଅଡ଼୍‌ ଗାଟି ଆଗ୍ରହତଡ଼୍ ଶିଷ୍ୟଡ଼ାଦ୍ ଶିକ୍ଷା କେଞ୍ଜ୍‍ତଡ଼୍ ନୁ ପାଉଲ୍‍ତାଦ୍ ପାଚ୍ରାମାଡ଼ି ଗଟ୍‍ତେ ସତ୍ ପୁନ୍ଦାନ୍ ମାଇଦିଙ୍କ୍ ଅଡ଼୍‌ ନିତାଲ୍ ଦର୍ମଶାସ୍ତ୍ର କାର୍‍ତଡ଼୍ ।

୨ କରନ୍ତିୟ 9:6

ହେର୍କା ନେହେମୁଟ୍, ବେନ ସୁକୁକ୍ ୱିଜ୍ ୱିତିତନ୍, ଅଣ୍ଡ୍‌ ସୁକୁକ୍ ପାଣ୍ଡ୍‍ପ୍ସିତନ୍; ବେନ ନାର୍‍ଗେ ୱିଜ୍ ୱିତିତନ୍, ଅଣ୍ଡ୍‌ ନାର୍‍ଗେ ପାଣ୍ଡ୍‍ପ୍ସିତନ୍‍ ।

ଏବ୍ରୀ 2:1

ମାନାଲ୍‌ ବେଲାକି ସାତ୍‌ତାନୁଞ୍ଚ୍‌ ୱେରେ ଆଇୱାଲ୍‌, ଆଦିନ୍‌ ମାଇଦେ ମାନାଲ୍‌ କେଞ୍ଚ୍‌ତା ଗଟିକିଙ୍କ୍‍ ଡାଟୁମ୍‌ତେ ପଇସ୍‌ ମାନ୍ଦାନ୍‌ ମିନ୍ଦେ ।

୧ ପିତର୍‍ 2:2

କେହେମୁଲ୍‍ ପିଲାନ୍ ଲେକାମ୍ ଆୟମୁଟ୍ । ସାରେଦାମ୍ ସାୟେତାଦ୍ ପାଲ୍‍ ଉନ୍ଦାନ୍ ସେଙ୍ଗେ କାର୍‍ୱିଙ୍କ୍ ଆୟମୁଟ୍ । ଆଲେକେକ୍ ମୀଇଡ଼୍ ପେର୍ସାନ୍ ସେଙ୍ଗେ ପରିତ୍ରାଣ ପାହେମ୍ ଆଦ୍‍ତିଡ଼୍ ।

୧ ଯୋହନ୍‌‌ 4:1

ପ୍ରିୟ ସାଙ୍ଗନଡ଼ି ! ଇଶ୍ୱର୍‌ତେ ଆତ୍ମା ପାହେମ୍‍ ଆସ୍‍ମିନ୍ତେ ଇଞ୍ଜ୍ ବେନଡ଼୍ କେତୁତଡ଼୍, ଅଡ଼୍‌‍ ସାରେତଡ଼୍‍କ୍ ବିଶ୍ୱାସ୍‍ ମାଡ଼୍‍ମାଟ୍; ଅଡ଼୍‌‍ ପାଃଏମ୍ ଆସ୍‍ମାନ୍ଦାନ୍‍ ଆତ୍ମା, ସତ୍‍ତେ ଇଶ୍ୱର୍‌ତାଗେ ଆଗାତ୍ କି ଆୟ, ମୁନେ ପରିକ୍ଷା ମାଡ଼ି ଉଡ଼ାଟ୍‍ । ବାତେଙ୍କ୍‍ ଇତ୍କେ ଇଞ୍ଜେ ନାର୍ଗେ ବଣ୍ଡବାବବାଦିଡ଼୍‍ ସାରେତାକ୍ ବିଚରଣ୍ ମାଡ଼ୁତଡ଼୍ ।