ମାର୍କ 3:19 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁹ ଇଷକାରିୟତେ ଯିହୁଦାଲ୍‍ ପେର୍‍କେ ଯେ ଜିସୁନ୍ ତଡ଼୍ ବିଶ୍ୱାସଗାତକତା ମାଡ଼୍‍ତଣ୍ଡ୍ ।

ମାର୍କ 3:19 ပူးပေါင်းရင်းမြစ်များ

ମାତିଉ 10:4

ଦେଶ୍‍ପ୍ରେମି ଶିମୋନ୍ ନୁ ଜିସୁଙ୍କ୍ ବିଶ୍ୱାସଗାତକତା ମାଡ଼ିମାନ୍ଦାନ୍ ଇଷ୍କାରିୟୋତିୟ ଯିହୁଦା ।

ମାତିଉ 26:47

ଜିସୁ ହି ଗଟ୍ କେତ୍‍ତାନ୍ ୱେୟ୍, ଅନ୍‌ ବାରଶିଷ୍ୟଡ଼୍‍ ଲପ୍ ଯିହୁଦା ପେଦେର୍‍ତେ ଶିଷ୍ୟ ୱାସ୍ ହେୱ୍‍ତଣ୍ଡ୍ । ଅନ୍‌ ତଡ଼୍ ସୁରି ନୁ ଟେଙ୍ଗା ପୟ୍‍ସ୍ ନାର୍‍ଗେ ନାରୁଡ଼୍ ଆଗେ ଗୁଡ଼୍‍ତଡ଼୍ । ଅଡ଼୍‌‍କିଂଙ୍କ୍ ମୁକ୍ୟ ପୁଜାରି ନୁ ଦର୍ମନେତାଲଡ଼୍‍ ରୟ୍‍ସ୍ ମାତ୍‍ତଡ଼୍ ।

ମାର୍କ 3:18

ଆନ୍ଦ୍ରିୟ, ଫିଲିପ୍, ବର୍ତଲମି, ମାତିଉ, ତୋମା, ଆଲ୍‍ଫିନ୍ ଇର୍‍ୱୁଡ଼୍ ମାର୍‍କ୍‍ ଯାକୁବ୍ ନୁ ତଦ୍ଦିୟ, ଦେଶ୍‍ତିଙ୍କ୍ ପ୍ରେମ୍‍ ମାଡ଼ାନ୍ ଶିମୋନ୍ ନୁ

ମାର୍କ 3:20

ତାନ୍‍ପେର୍କେ ଜିସୁ ବେସୁଙ୍କ୍‍ ଲୋନ୍‌ ମାଲ୍‍ତନ୍, ଆଗେମିକା ଇସର୍ ନାରୁଡ଼୍ ଗୁଡ଼୍‍ତଡ଼୍ ଯେ ଜିସୁ ନୁ ତାନ୍‍ଶିଷ୍ୟନଡ଼୍ ତିନ୍ଦାଙ୍କ୍‍ମିକା ପାର୍‍ୱଡ଼୍ ।

ମାର୍କ 9:33

ଅଡ଼୍‌‍ କପର୍ନାହୁମ୍‍ ତାଗ୍‍ ଏୱ୍‍ତଡ଼୍‍ ଲୋନ୍‌‍ ନେଙ୍ଗ୍‍ତେ ପେର୍କେ ଜିସୁ ଶିଷ୍ୟଡ଼୍‍କିଙ୍କ୍‍ ପାଚାରାମାଡ଼୍‍ତଣ୍ଡ୍, “ଆର୍‍ଦାଗ୍‍ ୱାଦାନ୍‍ୱେୟ୍‍ ମିଡ଼୍‍ ବେନ୍‍ ବିଷୟ୍‍ତେ ରାମ୍‍କ୍‍ ମାଡ଼ମାତ୍‍ତିଡ଼୍‍ ?”

ଯୋହନ୍‌‌ 13:2

ମେଣ୍ଡେ ଜିସୁ ନାର୍‍କେତ୍ ବଜିତ୍ ୱେଲେ, ବେସୁଙ୍କ୍‍ ଶୟ୍‍ତାନ୍‍ ଶିମୋନ୍‍ତେ ମାର୍‍ ଇଷ୍କାରୀୟତିୟ ଯିହୁଦାନ୍ ଜିୱୁତେ ଜିସୁଙ୍କ୍ ଶତ୍ରୁଡ଼୍ କାଇଦେ ପସ୍‍ପିଦାନ୍ ସେଙ୍ଗେ ସଂକଳ୍ପ ତିଆର୍ ମାଡ଼ିମାତ୍‍ତଣ୍ଡ୍,

ଯୋହନ୍‌‌ 6:64

ଆତ୍‍କେମିକା ମିଇ ଲୋପେଙ୍କ୍ ବେନଡ଼୍ ବିଶ୍ୱାସ୍ ମାଡ଼ଡ଼୍‍ । ବାତେଙ୍କ୍ ଇତ୍‍କେ ବେନଡ଼୍ ବିଶ୍ୱାସ୍ ମାଡ଼କଟ୍ ମାତ୍‍ତଡ଼୍ ନୁ ବେନ ଅଂକିଙ୍କ୍‌ ଶତ୍ରୁଡ଼୍‍କାଇଦେ ସମର୍‍ପନ୍ ମାଡ଼ିତନ୍, ଆଦ୍ ଜିସୁ ମୁନେଙ୍କ୍ ପୁଞ୍ଜ୍ ମାତ୍‍ତଣ୍ଡ୍ ।”

ଯୋହନ୍‌‌ 6:71

ଜିସୁ ଇଷ୍କାରୀୟତିୟ ଶିମନତେ ମାର୍‍ ଯିହୁଦାଙ୍କ୍ ଉଡ଼ିମିକା ଇଦ୍ କେତ୍‍ତଣ୍ଡ୍, ବାତେଙ୍କ୍ ଇତ୍‍କେ ଅଣ୍ଡ୍‌ ବାରଜାନ୍ ଲୋପେଙ୍କ୍ ୱେରଣ୍ଡେ, ମେଣ୍ଡେ ଅଣ୍ଡ୍‌ ଅଂକିଙ୍କ୍‌ ଶତ୍ରୁଡ଼୍‍କାୟ୍‍ଦେ ସମର୍‍ପନ୍ ମାଡ଼ାଙ୍କ୍ ଆଞ୍ଜମାତ୍‍ତଣ୍ଡ୍ ।