ମାର୍କ 2:2 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

² ଆଗେ ଇସର୍ ନାରୁଡ଼୍ ୱାସ୍ ଗୁଡ଼୍‍ତଡ଼୍ ଯେ ଦ୍ୱାର୍‍ପାକ୍ ମିକା ସୁଦୁଟ୍ ବା ପଡ଼ିୟେ ଇଲ୍‍ୱେ ମାତ୍‍ତେ । ମେଣ୍ଡେ ଅଣ୍ଡ୍‌ ଅଡ଼୍‌‍ ପାକେ ବାକ୍ୟ ପ୍ରଚାର୍ ମାଡ଼ାନଙ୍କ୍ ପସ୍ପ୍‍ତନ୍ ।

ମାର୍କ 2:2 ပူးပေါင်းရင်းမြစ်များ

ମାତିଉ 5:2

ଆଗାଙ୍କ୍ ଅଣ୍ଡ୍‌ ଅଡ଼୍‌‍କିଂଙ୍କ୍ ଶିକ୍ଷାଇସ୍‌ କେତ୍‍ତଣ୍ଡ୍ ।

ମାର୍କ 1:14

ଯୋହନ୍‌‌ତିଙ୍କ୍ ବନ୍ଦି ଆତ୍‍ତେ ପେର୍‍କେ ଜିସୁ ଗାଲିଲୀତାଗ୍ ଆଞ୍ଜ୍ ଇଶ୍ୱର୍‌ତେ ରାଜ୍ୟତେ ଲେକାମ୍ ଗଟ୍ ପ୍ରଚାର୍ ମାଡ଼୍‍ତଣ୍ଡ୍ ।

ମାର୍କ 1:33

ସାରେ ସହର୍‍ତେ ନାରୁଡ଼୍ ୱାସ୍ ଦ୍ୱାର୍‍ମୁନେ ଗୁଡ଼୍‍ତଡ଼୍ ।

ମାର୍କ 1:37

ଅଂକିଙ୍କ୍‌ ଦର୍ସିକି ଅଡ଼୍‌ କେତ୍‍ତଡ଼୍, ମାମ୍‍ମେ ସାରେତମ୍ ନିକିଂଙ୍କ୍ ମେହେକୁତମ୍ ।

ମାର୍କ 1:45

ବାତେଙ୍କ୍ ଇତ୍‍କେ ନାରୁଡ଼୍ ଆଗାଙ୍କ୍ ଆଞ୍ଜ ଇଦ୍‍ଗୋଟ୍ ସାରେପାକ୍ କେତ୍‍ତଡ଼୍ । ଆଦ୍ ଇ ବିଷୟ୍‍ତେ ଇସର୍ କେସ୍ ଉଡ଼୍‍ତଣ୍ତ ଯେ, ଜିସୁ କେତାନଙ୍କ୍ ବେନ୍ ସହର୍ ଲୋପେ ଆଦେ ପାର୍‍ୱନ୍ । ଆଦିଙ୍କ୍ ଅଣ୍ଡ୍‌ ସିମ୍‍ ସାମ୍ ପଡ଼ିୟେତାଗ୍ ମାତ୍‍ତନ୍, ଆଗେକ୍‍ ବା ସାରେ ପାକେତ୍ ନାରୁଡ଼୍ ଅନ୍‌‍ପାକେ ୱାତ୍‍ତଡ଼୍ ।

ମାର୍କ 2:1

ବେସ୍‌କ୍ ଦିନାତ୍ ପେର୍‍କେ ଜିସୁ କପର୍ନାହୁମ୍ ମାଲ୍‍ସ୍ ଆତ୍‍ତନ୍ । ଅଣ୍ଡ୍‌ ଲୋନ୍‌ ମିନ୍ଦେନ୍ ଇଞ୍ଜ କବର୍ ସାରେ ପାକେ ଆତ୍‍ତେ ।

ମାର୍କ 2:13

ଜିସୁ ମେଣ୍ଡନ୍‍ନ୍ଦାମ୍ ଇଲ୍‍କେ ଗୁୟ୍‍ନ୍ଦେ ଆଞ୍ଚିନା ଆତ୍‍ତନ୍ । ଆଗେ ନାରୁଡ଼୍ ଗୁଡ଼୍‍ନାଙ୍କ୍ ଜିସୁ ଅଡ଼୍‌‍କିଂଙ୍କ୍ ଶିକ୍ଷା ଇତ୍‍ତନ୍ ।

ମାର୍କ 6:34

ଜିସୁ ଓଡେ ତାଗାଙ୍କ୍ ଡିଗି ଆଦ୍ ବେଡ଼୍‍ୟାଦ୍ ନାରୁଡ଼୍‍ ମାନ୍ଦେ ଉଡ଼ି ଅନାଦ୍‌ ହୃଦୟ ଦୟାତେ ନତ୍‍ତେ । ବାତେଙ୍କ୍‍ଇତ୍କେ ଅଡ଼୍‌‍ ମେୟ୍‍ତାନଣ୍ଡ୍‍ ଇଲ୍‍ୱେ ମେଣ୍ଢା ମାନ୍ଦେ ଲେକାମ୍ ମାତ୍‍ତଡ଼୍‌ । ଆଗେ ଜିସୁ ଅଡ଼୍‌‍କିଂଙ୍କ୍ ନାର୍ଗେ ବିଷୟ୍‍ତେ ଶିକ୍ଷା ଇଦାଙ୍କ୍ ପସ୍ପତ୍‍ତଣ୍ଡ୍‌ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:1

ହଜାର୍‌ ହଜାର୍‌ ନାରୁଡ଼୍ ୱାସ୍ ଅଣ୍ଡୟାଗ୍ ଗୁଡ଼୍‍ପି ଆଦ୍‍ତଡ଼୍ । ନାରୁଡ଼୍ ୱେରନ୍ ପରୁ ୱେରନ୍ ତାଲ୍‍ଗା ତାଲ୍‍ଗି ଆସମାତ୍‍ତଡ଼୍ । ଜିସୁ ମୁନେ ତାମ୍ ଶିଷ୍ୟଡ଼୍‍କିଂଙ୍କ୍ କେତ୍‍ତଣ୍ଡ୍, ପାରୂଶୀନାରୁଡ଼୍ କପଟ‍ତାଗାଙ୍କ୍ ଜେଏକେ ମାନୁଟ୍ । ନାନ୍ କେତାନାଦ୍ ଲେକାମ୍‌ ଆଦୁତ୍‍ତେ ଯେ, ଅଡ଼୍‌‍ ଦୁଷ୍ଟ ନାରୁଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 5:17

ଅନ୍‌ ଦିନେ ଜିସୁ ଶିକ୍ଷା ଇସ୍‌‍ମାତ୍‍ତଣ୍ଡ୍, ମେଣ୍ଡେ ଗାଲିଲୀତେ ସାରେ ନାର୍, ମେଣ୍ଡେ ଯିହୁଦା ପ୍ରଦେଶ୍ ନୁ ଯିରୁଶାଲେମ୍ କନ୍‍ସ୍ ୱାସ୍ ମାନ୍ଦାନ୍ ପାରୂଶୀ ନୁ ଶାସ୍ତ୍ରୀଡ଼୍ ଗାର୍‍ରେ କୁଦିମାତ୍‍ତଡ଼୍ । ମେଣ୍ଡେ, ଅଣ୍ଡ୍‌ ବେଦ୍ ରକମ୍ ରୋଗିଙ୍କ୍ ସୁସ୍ଥ ମାଡ଼ିତନ୍, ଇଦ୍ ସେଙ୍ଗେ ପ୍ରବୁନାଦ୍ ଶକ୍ତି ଉପସ୍ଥିତ୍ ମାତ୍‍ତେ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 8:1

ତାନ୍ ପେର୍‍କେ ଜିସୁ ନାର୍‍ନାର୍ ନୁ ସହର୍‍ତାଗ୍‍ କେସ୍ ଇଶ୍ୱର୍‌ତେ ରାଜ୍ୟତେ ସୁସମାଚାର୍ ପ୍ରଚାର୍ ମାଡ଼ି ଉଡାଙ୍କ୍ ପସ୍‍ପ୍‍ତଣ୍ଡ୍, ମେଣ୍ଡେ ବାର ଜାନ୍ ଶିଷ୍ୟଡ଼୍ ଅନ୍‌ ତଡ଼୍ ମାତ୍‍ତଣ୍ଡ୍,

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 8:11

ୱେଷଡ଼୍‍ତେ ଇତ୍‍କେ ଇଦ୍, ୱିଜ୍ ଇଶ୍ୱର୍ ତେ ବାକ୍ୟ,

ପ୍ରେରିତ 11:19

ସ୍ତିଫାନ୍‍ତେ ଡଲ୍‍ତେ ପେର୍‍କେ ବେନ୍ ତାଡ଼ନା ଆତ୍‍ତେ, ଆଦିନ୍ ମାଇଦିଙ୍କ୍ ବଶ୍ୱାସୀଡ଼୍‍ ସାରେଏକାମ୍ ଚିନ୍‍ବିନ୍‍ ଆଦାନ୍‍ ୱେଲେ ଅଡ଼୍‌‍ ଲୋପେଙ୍କ୍‍ ବେସ୍‍କ୍‍ତୁଡ଼୍‍ ମାତର୍‍ ଇହୁଦୀଡ଼୍ ଗାର୍ରେ ସମ୍ବାଦ ପ୍ରଚାର୍‍ ମାଡ଼୍‍ତଡ଼୍‍ । ଅଡ଼୍‌ ଲୋପେଙ୍କ୍ ବେସ୍‍ତୁଡ଼୍ ଫିନିସିଆ, ସାଇପ୍ରସ୍ ନୁ ଆନ୍ତିୟକିଆ ହେୱୁନା ଆତ୍‍ତଡ଼୍ ।

ପ୍ରେରିତ 14:25

ଆଗେ ପର୍ଗାତାଗ୍ ପ୍ରଚାର୍ ମାଡ଼ି ଆତ୍ତେଲିଆତାଗ୍ ଆତ୍‍ତଡ଼୍ ।

ପ୍ରେରିତ 16:6

ପବିତ୍ର ଆତ୍ମା ଅଡ଼୍‌‍କିଂଙ୍କ୍ ଏସିଆ ପ୍ରଦେଶ୍‍ତାଗ୍ ପ୍ରଚାର୍ ମାଡ଼ାନଙ୍କ୍ ଗଟ୍ ହିୱାଙ୍କ୍ ଅଡ଼୍‌ ଫ୍ରୁଗିୟା ନୁ ଗାଲାତୀୟ ଜାଗେତାଗ୍ ଆତ୍‍ତଡ଼୍ ।

ପ୍ରେରିତ 8:25

ସାକ୍ଷ୍ୟ ଇସ୍‌ ନୁ ପ୍ରବୁନ୍ ସୁସମାଚାର୍‍ କେତ୍‍ତାନ୍ ପିତର୍ ନୁ ଯୋହନ୍‌ ଯିରୁଶାଲେମ୍‍ତାକ୍ ମାଲ୍‍ସ୍ ଆଦ୍‍ତଡ଼୍ । ମାଲ୍‍ସ୍ ୱାଦାନ୍ ୱେଲେ ହାର୍‍ଦାଗ୍ ଅଡ଼୍‌ ଶମିରୋଣ ଦେଶ୍‍ତେ ନାର୍‍ଗେ ନାଆକି ନାଗ୍‍ ସୁସମାଚାର୍ କେତ୍‍ତନ୍ ।

ରୋମୀୟ 10:8

ବାତେଙ୍କ୍ଇତ୍‍କେ ଶାସ୍ତ୍ର ଇସାବ୍‍ତେ, “ଇଶ୍ୱର୍‌ତାଦ୍ କାବୁର୍ ମିଇ ବକେତ୍, ମିଇ ପାୟୁର୍ ନୁ ହୃଦୟ୍‍ତାଗ୍ ମିନ୍ଦେ ।” ବିଶ୍ୱାସ୍ ବିଷୟ୍‍ତେ ଇଦ୍ ଗଟ୍ ଇଁ ମାମ୍‍ମେ ପ୍ରଚାର୍ ମାଡ଼ୁତମ୍ ।

୨ ତୀମତି 4:2

ସମୟ ବା ଅସମୟ ବିଚାର୍ ମାଡ଼କଟ୍, ମିଡ଼୍ ସାରେଦିନା ଆଦ୍ ବାକ୍ୟ ପରୁ ଗଟି ଇସ୍ ବୁଜାମାଡ଼ିତିଡ଼୍; ଦୌର୍ଯ୍ୟତେ ଶିକ୍ଷା ଇସ୍, ବେସୁଙ୍କ୍‍ ବର୍ତ୍ସନା ମାଡ଼ି, ବେସୁଙ୍କ୍‍ ବା ୱେଡ଼୍‍କେ ଇସ୍ ବାଗାତଡ଼୍‍ ମନ୍‍ତାଗ୍ ଅଦିନ୍‌ ସେଙ୍ଗେ ପ୍ରତ୍ୟୟ ଜନମ୍ ମାଡ଼ିତେ ।