ମାତିଉ 7:7 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁷ “ତାଲ୍‍କାଟ୍, ଆଲେକେ ମିକିଂଙ୍କ୍ ହିଦ୍‍ତଡ଼୍; ମେହେକାଟ୍, ନିଜାମ୍ ଦର୍‍କିତ୍; କାପାଟ୍‍ତାଗ୍ ତାଲ୍‍ସାଟ୍, କାପାଟ୍ ତେର୍‍ତିତଡ଼୍ ।”

ମାତିଉ 7:7 ပူးပေါင်းရင်းမြစ်များ

ମାତିଉ 18:19

“ମାତର୍ ଆସ୍‍ର ଆୟ୍‍ୟ, ପୃତିବିତାଗାଙ୍କ୍ ବେସୁଙ୍କ୍‍ ମିୟାଗାଙ୍କ୍ ଇର୍‍ୱୁଡ଼୍ ଯେ ବାତେଆଇ ବିଷୟ୍‍ତେ ୱେରଡ଼୍ ମାନ୍‍ ଆସ୍ ଆଦିନ୍ ସେଙ୍ଗେ ପ୍ରାର୍ତନା ମାଡ଼ିତିଡ଼୍, ନା ସ୍ୱର୍ଗତେ ବାବାଲ୍ ନିୟାଦ୍ ଆଦେ ଇଚ୍ଛା ସାରେ ସତ୍ ମାଡ଼ିତନ୍ ।”

ମାତିଉ 21:22

ବିଶ୍ୱାସ୍‌ତେ ପ୍ରାର୍ତନାତାଗ୍ ବାତ୍ ତାଲ୍‍କିତିଡ଼୍ ଆଦ୍ ଦର୍‍କିତ୍ ।”

ମାତିଉ 6:33

ମିଡ଼୍ ଅନ୍‌ ରାଜ୍ୟତ୍ ମାଇଦିଙ୍କ୍ ହେର୍କା ମାଡ଼ାଟ୍, ଆଲେକେ ଅଣ୍ଡ୍‌ ମିକିଂଙ୍କ୍ ଇଦ୍ ସାର୍‍ରେବିଷୟ୍ ହିଦ୍‍ତଣ୍ଡ୍ । ଆଲେକେ ଅଣ୍ଡ୍‌ ମିକିଂଙ୍କ୍ ବାଗାତ୍ ସାରେ ବିଷୟ୍ ନେହେସମିନ୍ଦେନ୍ ।

ମାତିଉ 7:11

ମିଡ଼୍ ନିଜେତ୍ ଦଷ୍ ଦୁର୍ବଲ୍‍ତେ ମାତ୍‍କେ ମିକା ପିଲାକିଙ୍କ୍ ସାୟେତ୍ ଜିନିଷ୍ ହିଦ୍‍ତିଡ଼୍ । ବେନଡ଼୍ ଇଶ୍ୱର୍‌ତିଙ୍କ୍ ତାଲ୍‍କିତଡ଼୍, ଅଣ୍ଡ୍‌ ଅଡ଼୍‌‍କିଂଙ୍କ୍ ମେଣ୍ଡେ ବେସର୍ ସାୟେତ୍ ଜିନିଷ୍ ନାର୍‍ଗେ ହିୱଣ୍ଡ୍ ?

ମାତିଉ 7:8

ବେନ ଆୟି ତାଲ୍‍କିତଣ୍ଡ୍, ଅଂକିଙ୍କ୍‌ ହିଦ୍‍ତଡ଼୍; ବେନ ମେହେକିତଣ୍ଡ୍, ଅଣ୍ଡ୍‌ ପାଏମ୍ ଆଦ୍‍ତନ୍; ବେନ କାପାଟ୍‍ତାଗ୍ ତାଲ୍‍ସିତଣ୍ଡ୍, ଅନ୍‌ ସେଙ୍ଗେ କାପାଟ୍ ତେର୍‍ସିଦ୍‍ତଡ଼୍ ।

ମାର୍କ 11:24

ଅଦିନ୍‌ ମାଇଦିଙ୍କ୍‍ ନାନ୍‍ କେତୁତାନ୍‍ ପ୍ରାର୍ତନା ମାଡ଼ାନ୍‍ ୱେଲେ ବାତ୍‍ ତାଲ୍‍କୁତିଡ଼୍‍, ଆୱ୍‍ ଦର୍‍କ୍‍ତା ଇଞ୍ଜ ବିଶ୍ୱାସ୍‍ ମାଡ଼ାଟ୍‍, ଆଲାଇତ୍କେ ଆୱ୍‍ ମିଡ଼୍‍ ନିଜାମ୍‍ ପାହେମ୍‍ ଆଦ୍‍ତିଡ଼୍‍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 13:25

ଲୋତ୍‍ତେ ମାଲିକ୍ ତେଦି କାପାଟ୍‍ତିଙ୍କ୍ ବନ୍ଦ୍ ମାଡ଼୍‍ତେ ପେର୍‍କେ, ମିଡ଼୍ ବାୟିଦେ ନିସ୍ ମେଣ୍ଡେ କାପାଟ୍‍ତିଙ୍କ୍ ତାଲ୍‍ସିତିଡ଼୍, ବା ଅନୁରଦ୍‌‍ ମାଡ଼ି କେତିତିଡ଼୍, ମାଲିକ୍, ମା ମାଇଦିଙ୍କ୍ କାପାଟ୍‍ ତେର୍‍ସିମ୍ । ବାତେଙ୍କ୍ ଇତ୍କେ ଅଣ୍ଡ୍‌ କେତିତଣ୍ଡ୍, ମିଡ଼୍ ବେନେ ଜାଗେତେ ନାରୁଡ଼ି, ବା ବେଗାଙ୍କ୍ ୱାସ୍‍ମିନ୍ଦେଡ଼ି, ନାନେ ଆଦ୍ ପୁନନ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:1

ହତାସ୍ ଆୟ୍‍ୟକଟ ସାରେଦାମ୍ ପ୍ରାର୍ତନା ମାଡ଼ାନାଦ୍ ସାୟେ, ଇ ବିଷୟତେ ଜିସୁ ଅଡ଼୍‌‍କିଂଙ୍କ୍ ଇଦ୍ ଗଟ୍ କେତ୍‍ତଣ୍ଡ୍,

ଯୋହନ୍‌‌ 15:16

ମିଡ଼୍ ନାକିଂଙ୍କ୍ ହେଞ୍ଚୱିଡ଼୍, ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ ହଞ୍ଚିମିନ୍ଦେନ୍, ମେଣ୍ଡେ ବେଲା ଆଞ୍ଜ୍ କାୟା ଆଦ୍‍ସ୍‍ପିତିଡ଼୍ ନୁ ମିୟାୱୁ କାୟା ସାରେଦିନା ଆଦଡ଼େ ମାନ୍‍ତା, ଇଦିନ୍ ସେଙ୍ଗେ ମିକିଂଙ୍କ୍ ହେଞ୍ଚିମିନ୍ଦେନ୍ । ଆଗାଙ୍କ୍ ମିଡ଼୍ ନା ପେଦେର୍ ତେ ବାବାଙ୍କ୍ ବାତେମିକା ତାଲ୍‍କିତିଡ଼୍, ଅଣ୍ଡ୍‌ ଆଦ୍ ମିକିଂଙ୍କ୍ ହିଦ୍‍ତଣ୍ଡ୍;

ଯୋହନ୍‌‌ 15:7

ଯଦି ମିଡ଼୍ ନାୟାଗେ ମାନ୍‍ତିଡ଼୍, ମେଣ୍ଡେ ନାୟାୱ୍ ବାକ୍ୟ ମିୟାଗ୍ ମାନ୍‍ତା, ଆଲେକେ ବେନେଆୟି ବିଷୟ୍ ଇଚ୍ଛା ମାଡ଼ିତିଡ଼୍, ଆଦ୍ ତାଲ୍‍କାଟ୍, ମେଣ୍ଡେ ମିଇ ମାଇଦିଙ୍କ୍ ଆଦ୍ ଦର୍‍କିତେ ।

ଯୋହନ୍‌‌ 4:10

ଜିସୁ ତାଙ୍କ୍ ଉତ୍ତର୍ ହିତ୍‍ତଣ୍ଡ୍, “ଇଶ୍ୱର୍ ବାତେଏ ହିଦ୍‍ପାର୍‍ତଣ୍ଡ୍ ନିମ୍‍ ଯଦି ପୁଞ୍ଜ୍ ମାନେନି ମେଣ୍ଡେ ବେନ ନି କାଇଦେ କନ୍‍ସ୍ ଉନ୍ଦାନଙ୍କ୍ ତାଲ୍‍କୁତଣ୍ଡ୍ ଆଦ୍ ଯଦି ପୁଞ୍ଜ୍ ମାନେନି ନିମ୍‍ ଅଂକିଙ୍କ୍‌ ତାଲ୍‍କେନି, ମେଣ୍ଡେ ଅଣ୍ଡ୍‌ ନିକିଂଙ୍କ୍ ଜିୱୁନ୍‍ତେ ଏର୍‍ ହିୱେଣ୍ଡ୍ ।”

ରୋମୀୟ 2:7

ବେନଡ଼୍ ଗାଡ଼୍‍ସ୍ ଆସ୍ ସାୟେତ୍ ପାଡ଼୍‍ୟି ମାଡ଼ି ଗୌରବ୍, ସମ୍ମାନ୍ ନୁ ଅମର୍ ଆଦାନଙ୍କ୍ ଚାଏମ୍ ଆଦ୍‍ତଡ଼୍, ଅଡ଼୍‌‍କିଂଙ୍କ୍ ସାରେଦିନାତ୍ ଜିୱୁଣ୍ଡ୍ ଇଦ୍‍ତଣ୍ଡ୍,

ରୋମୀୟ 3:11

ବେନ ବୁଜେମ୍ ଆଦ୍‍ତନ୍, ଇଦ୍ ରକମ୍ ବେନ ଇଲ୍‍ଲାଣ୍ଡ୍; ବେନ ଇଶ୍ୱର୍‌ତିଙ୍କ୍ ମେଏକିତଣ୍ଡ୍, ଇଦ୍ ରକମ୍ ୱେରଣ୍ଡ୍‍ବା ଇଲ୍‍ଲାଣ୍ଡ୍;

ଏବ୍ରୀ 11:6

ବିଶ୍ୱାସ୍ କିୱା ଇଶ୍ୱରନ୍‌ ସନ୍ତୁଷ୍ଟ ମାଡ଼ାଙ୍କ୍ ଆୟ, ବାତାଙ୍କ୍‌ଇତ୍‌କେ ଅଣ୍ଡ୍‌‌ ଅଙ୍କ୍‌ ମେହେକାନଡ୍‌କିଙ୍କ୍‌ ଇନାମ୍‍ ଇତଣ୍ଡ୍‌ ଇଞ୍ଜ ତାନ୍‌ ଗାର୍ରେ ୱାଦାନ୍ ନାରୁଡ୍‌ ବିଶ୍ୱାସ୍ ମାଡ଼ାଙ୍କ୍ ୱେଇତିତ୍ ।

ଯାକୁବ 5:15

ବିଶ୍ୱାସ୍‍ତାଦ୍ ପ୍ରାର୍ତନା ଆଦ୍ ରୋଗିଙ୍କ୍ ରକ୍ଷା ମାଡ଼ିତ୍, ମେଣ୍ଡେ ପ୍ରବୁ ଅଂକିଙ୍କ୍‌ ତେଏତିତଣ୍ଡ୍; ମେଣ୍ଡେ ଯଦି ଅଣ୍ଡ୍‌ ପାପ୍ ମାଡ଼ିମାନ୍‍ତଣ୍ଡ୍, ଆଲେକେ ଅଂକିଙ୍କ୍‌ କ୍ଷମା ହିଦ୍‍ତଣ୍ଡ୍ ।

୧ ଯୋହନ୍‌‌ 3:22

ମେଣ୍ଡେ ଅଙ୍କ୍‌ ବାତେ ତାଲ୍‍କିତାଡ଼୍, ଅଣ୍ଡ୍‌ ଆଦ୍‍ ଦାନ ମାଡ଼ିତନ୍, ବାତେଙ୍କ୍ଇତ୍କେ ମାନାଡ଼୍ ଅନ୍‌‍ ଆଦେଶ୍‍ ମାନେମ୍‍ ଅଦୁତାଡ଼୍‍; ମାନାଡ଼୍‍ କାମ୍‍ତଡ଼୍‍ ଅଂକିଙ୍କ୍‌ ସନ୍ତୁଷ୍ଟ ମାଡ଼ୁତାଡ଼୍ ।