ମାତିଉ 24:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ଜିସୁ ଜିତ ମେଟେତ୍‍ ପର୍‍ର କୁଦି ମାନ୍ଦାନ୍‍ୱେଲେ ଶିଷ୍ୟଡ଼୍ ଅଣ୍ଡୟ୍‌‍ଦାମ୍ ୱାସ୍ ପାଚ୍ରା ମାଡ଼୍‍ତଡ଼୍, “ଇସାର୍‍ରେ ବେସୁଟ୍‌ ଗଟେମ୍‌ ଆଦ୍‍ତେ, ମାକିଂଙ୍କ୍ କେଲ୍‍ମ୍ । ବାତେଏ ଗଟେମ୍ ଆତ୍‍କେ ମାମ୍‍ମେ ପୁନ୍ତମ୍‍ ଯେ ନିୟାଦ୍ ୱାଦାନ୍ ଦିନାମ୍ ଆଦୁତ୍‍ ନୁ ଇ ଯୁଗାନ୍ତ ଆଦ୍‍ତେ ।”

ମାତିଉ 24:3 ပူးပေါင်းရင်းမြစ်များ

ମାତିଉ 13:36

ନାରୁଡ଼୍ ଗଓଲିତାଗାଙ୍କ୍ ପେଇସ୍‌ ୱାସ୍ ଜିସୁ ବେସୁଙ୍କ୍‍ ଲୋନ୍‌ ଲୋପେ ଆତ୍‍ତନ୍, ତାନ୍ ଶିଷ୍ୟନଡ଼୍ ୱାସ୍ ପଚାର୍‍ମାଡ଼୍‍ତଡ଼୍, “ବାଲୁଙ୍ଗା ୱେଷଡ଼୍ ଇତ୍‍କେ ମାକିଂଙ୍କ୍ ବୁଜାମାଡ଼ିମ୍ ।”

ମାତିଉ 13:49

ଯୁଗାନ୍ତ ସମୟ୍‍ତେ ହିଦ୍‍ଲେକାମ୍ ଆଦ୍‍ତେ । ଦୂତକି ଦାର୍ମିକ୍ ନାରୁଡ଼ାଗାଙ୍କ୍ ପାପିନଡ଼୍‍କ୍ ୱେରେ ମାଡ଼ି ଅଡ଼୍‌‍କିଂଙ୍କ୍ ନିଡ଼୍‍ତାନାଦ୍ କିସ୍‍ତାଗ୍ ହେସ୍‍ସିଦ୍‍ତଡ଼୍ ।

ମାତିଉ 15:12

ଆସୁଙ୍କ୍ ଶିଷ୍ୟନଡ଼୍ ଅନ୍‌ ଗାର୍‍ରେ ଆଞ୍ଜ୍ କେତ୍‍ତଡ଼୍, “ପାରୂଶୀଡ଼୍ ଆଦ୍ ଗଟ୍ କେଞ୍ଜି ବିରକ୍ତ ଆସ୍ ମିନ୍ଦେ, ନିମେବାତେ ଇଦ୍ ପୁତ୍‍ତିନ୍ ?”

ମାତିଉ 16:27

ମେଣ୍ଡେ ନାରୁଡ଼୍ ପିଲେ ନିଜେତ୍ ବାବଙ୍କ୍ ମାଇମାତେ ଗୌରବ୍ ପାଏମ୍ ଆସ୍ ନିଜେ ଦୂତତଡ଼୍‍ ୱାଦ୍‍ତଣ୍ଡ୍ ନୁ ଆସୁଙ୍କ୍ ଅଣ୍ଡ୍‌ ସାରେନାରୁଡ଼୍ ଅନ୍‌ ପାଡ଼୍‍ୟି ଲେକାମ୍ କାୟେ ହିଦ୍‍ତନ୍ ।

ମାତିଉ 16:28

ନାନ୍ ମିକିଂଙ୍କ୍ ସତ୍ କେତୁତାନ୍, ନାରୁନ୍ ପିଲେ ନିଜେତ୍ ରାଜ୍ୟତାଗ୍ ୱାଦାନାଦ୍ ଉଡ଼୍‍ୱେ ଯାକ ଇଗେ ନିସ୍ ମାନ୍ଦାନ୍ ନାରୁଡ଼୍ ଡ଼ାଗାଙ୍କ୍ ବେସ୍‌କ୍ ବେଦ୍‍ଲେକାମ୍ ଡଲ୍‍ତାଗାଙ୍କ୍ ଆସ୍ୱାଦ ପାଏମ୍ ଆୟନ୍ ।”

ମାତିଉ 17:19

ତାନ୍‍ପେର୍କେ ଶିଷ୍ୟଡ଼୍ ଜିସୁଙ୍କ୍ ସାରେତଡ଼୍ କାଇଲି କେତ୍‍ତଡ଼୍, “ମାମ୍‍ମେ ବାତ୍‍ତିଙ୍କ୍ ଆଦ୍ ବୁତ୍‌ତିଙ୍କ୍ ୱିର୍‍ସ୍‍ପେ ପାର୍‍ୱମ୍ ?”

ମାତିଉ 21:1

ଜିସୁ ନୁ ତାନ୍ ଶିଷ୍ୟଡ଼୍ ଯିରୁଶାଲେମ୍ ତେ ଗାର୍‍ରେହେଉସ୍ ବେତ୍‍ପାଗୀ ସହର୍ ସୁଦୁଟ୍ ଯେକା ମାନ୍ଦାନ୍ ଜୀତ ମେଟେତାଗ୍ ହେଉତଡ଼୍ ।

ମାତିଉ 24:27

ପିଡ଼୍‍ଗ୍‍ ବେଦ୍‍ପୁଟୁଙ୍କ୍ ପଡ଼ଦ୍‍ ପେଇତାନାଗାଙ୍କ୍ ପଡ଼ଦ୍‍ ଆଦାନ୍ ଯାକ ମାବ୍‍ତିଙ୍କ୍‍ ୱେସ୍‍ମାଡ଼ିତ୍‍, ନାରୁନ୍‍ପିଲେ ଆନ୍‌‍ତେ ରକମ୍ ୱାଦ୍‍ତଣ୍ଡ୍ ।

ମାତିଉ 24:30

ତାନ୍ ପେର୍କେ ମନୁଷ୍ୟପୁତ୍ରତିଙ୍କ୍ ମାବ୍‍ତାଗ୍ ୱାଦାନାଦ୍ ଉଡ଼ିତିଡ଼୍ ନୁ ମାବ୍‍ତେ ଲୋପେଙ୍କ୍ ନାର୍‍ଗେ ଶକ୍ତି ନୁ ଗୌରବ୍ ତେ ୱାଦାନାଦ୍ ଉଡ଼ି ପୃତିବିତେ ସାରେ ବାଷାତ୍‍ ନାରୁଡ଼୍ ଉଡ଼ି କେଇତଡ଼୍ ।

ମାତିଉ 24:37

ନହତେ ଦିନାମ୍ ବେଦ୍‍ପୁଟୁଙ୍କ୍ ଗଟେମ୍ ଆସ୍‍ମାତ୍‍ତେ, ମନୁଷ୍ୟପୁତ୍ରନ୍ ୱାଦାନାଦ୍ ସମୟ୍‍ତେ ରକମ୍ ଆଦ୍‍ତେ ।

ମାତିଉ 24:39

ଏର୍‍ ଗାଲ୍‍ଦେ ଅଡ଼୍‌ ବୁଡ଼େଲ୍‍ ଅୟ୍‍ନା ଯାକ ବାତେଏ ଗଟେମ୍ ଆଦୁତ୍‍ତେ, ବେନ ପୁନକଟ୍ ମାତ୍‍ତଡ଼୍ । ନାରୁନ୍‍ପିଲେ ୱାଦାନ୍ ଦିନ୍ ଟିକ୍ ଆଦ୍‍ତେ ।

ମାତିଉ 24:43

ବେସୁଙ୍କ୍‍ ଡଙ୍ଗାଲ୍ ନେଙ୍ଗିତଣ୍ଡ୍ ଇଞ୍ଜ ପୁଞ୍ଜ୍‍ମାତ୍‍ତ୍କେ, ଲୋତ୍‍ତେ ମାଲିକ୍ ତିଆର୍‍ତେ ମାଞ୍ଜ୍ ଡଙ୍ଗାଲ୍‍ତିଙ୍କ୍ ଲୋପେ ନେୱଣ୍ଡ୍ ଆୟେଣ୍ଡ୍ ।

ମାତିଉ 28:20

ମେଣ୍ଡେ ନାନ୍‍ନେ ବେନ୍‍ସାରେ ଶିକ୍ଷା ଇସ୍‌‍ମିନ୍ଦେନ୍, ଆଦ୍ ପାଲନ୍ ମାଡ଼ାଙ୍କ୍ ଅଡ଼୍‌‍କିଂଙ୍କ୍ ଶିକ୍ଷା ହିମୁଟ୍ । ମେଣ୍ଡେ ହେର୍କା ନେହେମୁଟ୍, ତେରାନ୍‌ ଯାକ ନାନ୍ ସାରେ ଦିନା ମିଇ ତଡ଼୍ ମାନ୍‍ତାନ୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 21:7

ଆଗାଙ୍କ୍ ଅଡ଼୍‌‍ ଜିସୁଙ୍କ୍ କେତ୍ତଡ଼୍, “ହୋ, ଗୁରୁ, ଇଦ୍‍ସାରେ ବେସୁଙ୍କ୍‍ ଗଟେମ୍ ଆଦ୍ ତେ ? ମେଣ୍ଡେ, ବେନ୍ ଦିନାମ୍‍ତେ ଇଦ୍‍ସାରେ ଗଟନା ଦିନାମ୍ ତେରିତେ, ଆଦ୍ ଦିନାମ୍‍ତେ ବେଲା ତଅନ୍‌ଦିତେ ?”

ପ୍ରେରିତ 1:7

ଜିସୁ କେତ୍‍ତଣ୍ଡ୍, “ତାରିକ୍ ନୁ ସମୟ୍‍ତିଙ୍କ୍ ନା ବାବାଲ୍ ତାନ୍ ଅଦିକାର୍‌‍ ଗଟ୍‍ତେ ମାଡ଼ିମିନ୍ଦେଣ୍ଡ୍ । ଇୱୁସାରେ ବେସୁଟ୍‌ ଗଟେମ୍ ଆଦ୍‍ତେ, ମିଡ଼୍ ପୁନ୍ଦାଙ୍କ୍ ଦର୍‍କାର୍ ଇଲେ ।

ଏବ୍ରୀ 9:26

ଆଲେଇତ୍‌କେ, ଅଙ୍କ୍‌‌ ବୁମ୍ ମାଡ୍‌ତାଗାନୁଞ୍ଚ୍‌ ନାର୍ଗେଦାମ୍ ଦୁଃକକଷ୍ଟ ମାଡ଼ାନାଦ୍ ମାତ୍‍ତା । ମାତି ଅଣ୍ଡ୍‌ ଯୁଗାନ୍ତ ସମୟତେ ତାନାକେ ପୁଜିଆତ୍‌ତେ ମାଇଦିଙ୍କ୍‌ ସାରେଦିନେତ୍‍ ମାଇଦିଙ୍କ୍‍ ଅଣ୍ଡୟ୍‌‍ଦାମ୍ ପାପ୍‌ତାଦ୍‌ ଲାୱଦିନ୍‌ ଲୋପ୍‍ମାଡ଼ାନଙ୍କ୍ ୱାସ୍‌ମାତଣ୍ଡ୍ ।