ମାତିଉ 16:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ସାରେଦିନା କେସମାନୁଟ୍, ନେଣ୍ଡ୍ ୱାର୍‍ସାମ୍ ଆଦ୍‍ତେ, ବାତେଙ୍କ୍ ଇତ୍‍କେ ମାବ୍‍ଏର୍ ଆସ୍‌ ମିନ୍ଦେ ମାବ୍‍ପଇସ୍ ମିନ୍ଦେ । ମିଡ଼୍ ମାବ୍ ଉଡ଼ିକେ କେତା କେତି ଆସ୍ ପୁନ୍ଦୁତିଡ଼୍, ବାତେଙ୍କ୍ଇତ୍କେ ଦିନାକିଙ୍କ୍ ଉଡ଼ାନାଦ୍ ସାରେ ବୁଜେମ୍ ଆୟୱିଡ଼୍ ?

ମାତିଉ 16:3 ပူးပေါင်းရင်းမြစ်များ

ମାତିଉ 11:5

କାନାଲଡ଼୍ କଣ୍ଡା ଉଡ଼୍‌ତଡ଼୍, କୁଟାଲଡ଼୍ ତାକୁତଡ଼୍, କୁଷ୍ଠିରଗିଡ଼୍ ସୁସ୍ଥଆଦୁତଡ଼୍, ବାଇରା ଲଡ଼୍ କେଞ୍ଜୁତଡ଼୍, ଡଲ୍‍ତେ ନଡ଼୍ ମେଣ୍ଡନ୍ ଦାମ୍ ଜିୱୁନ୍ ଆଦୁତଡ଼୍‍ ନୁ ଦରିଦ୍ର ନାରିଡ଼ାଗ୍ ସୁସମାଚାର୍ ପ୍ରଚାର୍ ମାଡ଼ୁତଡ଼୍ ।

ମାତିଉ 15:7

ରେ ଦୁଷ୍ଟଡ଼ି, ଯିଶାଇୟ ମିଇ ବିଷୟ୍‍ତେ ସାୟେତ୍ ବାବବାନି କେସ୍‍ମିନ୍ଦେନ୍,

ମାତିଉ 22:18

ବାତେଙ୍କ୍ ଇତ୍‍କେ ଜିସୁ ଅଡ଼ାଦ୍‌ କୁଟ୍‍ ଲେକାମ୍ ପୁଞ୍ଜ୍ ମାତ୍‍ତଣ୍ଡ୍ । ପେର୍କେ ଅଣ୍ଡ୍‌ କେତ୍‍ତଣ୍ଡ୍, “ଆୟେ ମୁର୍କଡ଼୍, ନାକିଂଙ୍କ୍ ଉଡ଼୍‍ୟ୍‍ଦାଗ୍‍ ଆର୍‍ସ୍ପାଙ୍କ୍ ବାତେଙ୍କ୍ ଆଲ୍‍ସି ମାଡ଼ୁତିଡ଼୍ ?

ମାତିଉ 23:13

ଆୟେ ଦର୍ମଗୁରୁ ନୁ ପାରୂଶୀଡ଼୍, ମିୟାଦ୍ ଶେଷ ଦଶା ବେସର୍ ବୟଙ୍କାର୍, ଆର୍ ଚଲ ଦାର୍ମିକ୍‍ମାନ୍ଦେ, ସର୍ଗରାଜ୍ୟତେ ଆସାନ୍ ଆର୍‍ଦିଙ୍କ୍ ବନ୍ଦ୍‍ ମାଡ଼ି ନେହେସ୍ ମିନ୍ଦେଡ଼ି । ନିଜେ ଆଦିନାଗେ ନେଙ୍ଗ୍‍ୱିଡ଼୍‍ ନୁ ବେନଡ଼୍ ନେଙ୍ଗାଙ୍କ୍ ଆଲ୍‍ସି ମାଡ଼ୁତଡ଼୍ ଅଡ଼୍‌‍କିଂଙ୍କ୍ ଆର୍ ୱିଡ଼୍‍ସିୱିଡ଼୍‍ ।

ମାତିଉ 4:23

ଜିସୁ ଗାଲିଲୀତେ ସାରେତାଗ୍ ଉଡିଉଡି ପ୍ରାର୍ତନା ଲୋକିନାଗ୍ ଶିକ୍ଷା ଇତ୍‌ତଣ୍ଡ୍‌ । ଇଶ୍ୱର୍‌ତେ ରାଜ୍ୟତାଦ୍ ସୁସମାଚାର୍ ପ୍ରଚାର୍ ମାଡ଼୍‍ତଣ୍ଡ୍ ମେଣ୍ଡେ ନାର୍‍ଗେ ଲେକାମ୍ ରଗି ନୁ ରଗ୍‍ତେ ନାରୁଡ଼୍‍କ୍ ସୁସ୍ଥ ମାଡ଼୍‍ତଣ୍ଡ୍ ।

ମାତିଉ 7:5

ରେ ଦୁଷ୍ଟ ନାରୁଡ଼୍ ! ମିଇ କଣ୍ଡେତାଗ୍ ମାନ୍ଦାନ୍ ୱେର୍‍କ୍ ଇଡ଼୍‍ପେ ମୁନେନ୍ ଟେଣ୍ଡାଟ୍ । ଆଲେକେ ମିଇ ତାମୁଣ୍ଡ୍‌ତେ କଣ୍ଡେତାଗ୍ ମାନ୍ଦାନ୍ ଇଡ଼୍‍ପେତିଙ୍କ୍ ସହଜ୍‍ତେ ଉଡ଼େ ପାର୍‍ଦ୍‍ତିନ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 11:44

ହୋ, ମିଡ଼୍ ଦଣ୍ଡତେ ନାରୁଡ଼୍‌ ଆଦ୍‍ତିଡ଼୍, କାରନ୍‍ ମିଡ଼୍ ମିଞ୍ଜି ମାନ୍ଦାନ୍ ସମାଦି ଲେକାମ୍; ଆଦିନ୍ ପରୁ ନାରୁଡ଼୍ ପୁନକଟ ତାକିଆଦ୍‍ତଡ଼୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:56

ରେ ମଣ୍ଡିଡ଼ି, ମିଡ଼୍ ପୃତିବି ନୁ ମାବ୍‍ତିଙ୍କ୍ ଉଡ଼ି ୱାର୍‍ସାମ୍ ପାଗ୍ ବିଷୟତେ କେତେ ପାର୍‌ଦ୍‌ତିଡ଼୍; ଆଗେକ୍‍ବା ଇଞ୍ଜେତ୍ ଯୁଗ୍‍ତାଦ୍ ପରିକ୍ଷାସାରେ ପୁନ୍ଦାଙ୍କ୍ ପାର୍‍ୱିଡ଼୍ ?

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 13:15

ବାତେଙ୍କ୍ ଇତ୍କେ ପ୍ରବୁ ଅଂକିଙ୍କ୍‌ କେତ୍‍ତଣ୍ଡ୍, “ହୋ ମଣ୍ଡିଡ଼ି ମିଡ଼୍ ବାତ୍ ବିଶ୍ରାମ୍‍ଦିନାତେ ମି ଗଡ୍‌କିଂଙ୍କ୍ କି ଗଦତିଙ୍କ୍ କଟାତାଗାଙ୍କ୍ ୱିଡ଼୍‍ସି ହେର୍‍ ହୁସ୍‍ପାଙ୍କ୍ ବାୟିଦେ ଆୟ୍‍ୱିଡ଼୍ କି ?

ଏବ୍ରୀ 5:14

ମେଣ୍ଡନ୍‍ରକମ୍‍ କଟିନ୍‍ କାଦି ବୟସ୍ତେ ନାରୁଡ଼୍‍ ସେଙ୍ଗେ; ଅଡ଼୍‌‍ ଜିୱୁଣ୍ଡ୍‍ତାଗ୍‍ ଚିନ୍ତେ ମାଡ଼ି ସାୟେ ନୁ କାରାପ୍‍ ପୁନ୍ଦାନଙ୍କ୍‍ ପାର୍‍ଦ୍‍ତଡ଼୍‍ ।