ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 8:13 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹³ ମେଣ୍ଡେ, କାଲ୍‍କିନ୍ ବୁମ୍‍ତେ ୱିଜ୍ ଅଡ଼୍‌‍କିଂଙ୍କ୍ ବୁଜାମାଡ଼ିତେ, ବେନଡ଼୍, ବାକ୍ୟ କେଞ୍ଜି ୱେଡ଼୍‍କେତେ ଗ୍ରହନ୍ ମାଡ଼ିତଡ଼୍; ବାତେଙ୍କ୍ ଇତ୍କେ ଅଡ଼୍‌‍ୱାଦ୍ ମାଡ଼୍ ଲୋପେ ଇଲ୍‍ୱାଙ୍କ୍ ଅଡ଼୍‌‍ ସୁଦୁଟ୍ ସମୟ୍ ବିଶ୍ୱାସ୍ ମାଡ଼ିତଡ଼୍ ନୁ ପରିକ୍ଷାତ୍ ୱେଲେ ରାୟିତଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 8:13 ပူးပေါင်းရင်းမြစ်များ

ମାର୍କ 6:20

ବାତେଙ୍କ୍‍ଇତ୍କେ ଯୋହନ୍‌ ୱେରନ୍ ଦାର୍ମିକ୍ ନୁ ପବିତ୍ର ନାରୁନ୍ ଇଞ୍ଜ ପୁଞ୍ଜ୍ ହେରଦ୍ ଅଙ୍କ୍‌ ୱେର୍‍ସ ମାତ୍‍ତଣ୍ତ୍‌ ଅଂକିଙ୍କ୍‌ ଲେକେତ୍ ପଡ଼ିୟେ ତାଗ୍ ୱାଟିମାତ୍‍ତଣ୍ଡ୍‌ । ଯୋହନ୍‌‌ତେ ଶିକ୍ଷା କେଞ୍ଜି ସାରେଦିନା ଅଣ୍ଡ୍‌ କପାମ୍ ଆସ ମାତ୍‍କେ ମିକା ଅନ୍‌ ଗୋଟି କେଞ୍ଜାନଙ୍କ୍ ଅଣ୍ଡ୍‌ ଇଚ୍ଛା ମାଡ଼ମାତ୍‍ତଣ୍ଡ୍‌ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 8:12

ମେଣ୍ଡେ ହାର୍ ଦେ ଗାରେତ୍ ୱିଜ୍ ଅଡ଼୍‌‍କିଂଙ୍କ୍ ବୁଜାମାଡ଼ିତେ, ବେନଡ଼କ୍ ବାକ୍ୟ କେଞ୍ଜାନ୍ ପେର୍‍କେ ଶୟ୍‍ତାନ୍‍ ୱାସ୍, ବେଲା କି ଅଡ଼୍‌‍ ବିଶ୍ୱାସ୍ ମାଡ଼ି ପରିତ୍ରାଣ ଆୟୋଡ୍, ଇଦ୍ ସେଙ୍ଗେ ଅଡ଼ାଦ୍‌ ହୃଦୟ୍ କଞ୍ଜ୍ ବାକ୍ୟ ଡଙ୍ଗି ଆଦ୍‍ତେ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 8:14

ମେଣ୍ଡେ, କୟେ ମାଡ଼ାକିନ୍ ଲୋପେ ରାୟିତା ୱିଜ୍ ଅଡ଼୍‌‍କିଂଙ୍କ୍ ବୁଜାମାଡ଼ିତେ, ବେନଡ଼୍ ବାକ୍ୟ କେଞ୍ଜିତଡ଼୍ ମାତର୍ ସସାର୍‍ତେ ଚିନ୍ତେ, ଦନ୍ ନୁ ସୁକାମ୍‍ତେ ମୁଡ଼ୁନ୍ଦି ମିକା ବାଦ୍‍କଡ଼୍ ମୁଡ଼ୁନ୍ଦି ଆଦ୍‍ତଡ଼୍, ମେଣ୍ଡେ ସାୟେତ୍ କାୟା ତିୟାର୍‍ ମାଡ଼େ ପାର୍‍ୱଡ୍ ।

ଯୋହନ୍‌‌ 15:2

ନାୟାଗେ ମାନ୍ଦାନ୍ ବେନ୍ ଆୟି କମ୍‍ମା କାୟା ଆଦକ୍, ଆଦିଙ୍କ୍ ଅଣ୍ଡ୍‌ ନାଡ଼୍‍କିତଣ୍ଡ୍; ମେଣ୍ଡେ କାୟା ଆଦ୍‍କେ, ଗାଟି କାୟା ଆଦାନ୍ ସେଙ୍ଗେ ଅଣ୍ଡ୍‌ ଆଦିଙ୍କ୍ ସାଏ ଜତନ୍ ମାଡ଼ିତନ୍ ।

ଯୋହନ୍‌‌ 15:6

ବେନ ବେସୁଟେ ନାୟାଗ୍ ମାନନ୍, ଆଲାଇତ୍‍କେ ଅଙ୍କ୍‌ ନାଡ଼୍‌କ୍‍ତାଦ୍ କମ୍‍ମା ଲେକାମ୍ ବାଇଦେ ହେସିଦ୍‍ତଡ଼୍ ନୁ ୱାସ୍‍ପିତ୍‍ଡ଼୍, ମେଣ୍ଡେ ନାରୁଡ଼୍ ଆୱିଙ୍କ୍ ଅଣ୍ଡୟାଗେ ମାଡ଼ି କିସ୍‍ତାଗ୍ ୱାଟିଦ୍‍ତଡ଼୍ ନୁ ଆୱ୍‍ଚାରେ କାଡ଼୍‍ୱିତା ।

ଯୋହନ୍‌‌ 5:35

ଯୋହନ୍‌ ୱେରଣ୍ଡ୍ ନିଡ଼୍‍ତାନାଦ୍ ନୁ ଗାଟି ୱେୟ୍‍ସ୍‍ତେ କୁପି ରକମ୍ ମାତ୍‍ତଣ୍ଡ୍, ମେଣ୍ଡେ ମିଡ଼୍ ସୁଦୁଟ୍ ସମୟ୍‍ତେ ଅନ୍‌ ୱେୟ୍‍ସିନେ ସାର୍‍ଦେ ମାଡ଼ାନ୍ ମାଇଦିଙ୍କ୍ ଇଚ୍ଛା ମାଡ଼୍‍ତିଡ଼୍ ।

୧ କରନ୍ତିୟ 13:2

ସାୟେ ଗଟ୍‍ତେ ଇଶ୍ୱର୍‌ତେ କାବୁର୍‍ କେତାନଙ୍କ୍ ନାୟାଗ୍ ଶାତ୍‍ୱାମ୍ ମାତ୍‍କେମିକା । ସାର୍‍ରେ ବିଷୟ୍‍ତେ ବୁଦ୍ ମାତ୍‍କେମିକା, ସାର୍‍ରେ ଲୋପେତ୍ ବିଷୟ୍ ବୁଜେମ୍ ଆଦାନଙ୍କ୍ ଶାତ୍‍ୱାମ୍ ମାତ୍‍କେମିକା, ବିଶ୍ୱାସ୍ ତଡ଼୍ ମେଟେତିଙ୍କ୍ ଗୁସ୍‍ପାନଙ୍କ୍ ବପୁ ମାତ୍‍କେମିକା; ଆଗେକ୍‍ବା ନାୟାଦ୍ ପ୍ରେମ୍ ଇଲୁକ୍, ନାନ୍ ବାତ୍ ଆୟନ୍ ।

୧ କରନ୍ତିୟ 15:2

ନାନ୍ ମିଇ ବକେତ୍ ପ୍ରଚାର୍ ମାଡ଼ିମାନ୍ଦାନ୍ ଆଦ୍ ସାୟେତ୍ କାବୁର୍ କେ ସୁସମାଚାର୍ । ମିଡ଼୍ ଆଦ୍ ସୁସମାଚାର୍‍ତାଗ୍ ଗାଡ଼୍‍ସ୍ ବିଶ୍ୱାସୀ ଆଶେ ମାତ୍‍କେ, ପରିତ୍ରାଣ୍ ପାଏମ୍ ଆଦ୍‍ତିଡ଼୍ । ଇଲୁକ୍ ମିୟାଦ୍ ବିଶ୍ୱାସ୍ ଆଙ୍ଗ୍‍ଡ଼ାମ୍ ।

ଗାଲାତୀୟ 3:1

ଆ ବୁଦ୍‍ ଇଲ୍‍ୱେ ଗାଲାତିୟଡ଼ି ! ବେନ ମିକିଙ୍କ୍ ଇଦ୍ ମନ୍ତ୍ର କାର୍‍ସ୍‍ପୁତଣ୍ଡ୍ ? କ୍ରୁଶ ପର ଜିସୁ କ୍ରିଷ୍ଟ ଡଲ୍‍ତାଦ୍ ଗଟ୍ ମି ଗାରେ ଗାଟି ସାୟେ କେତୁତମ୍ ।

ଗାଲାତୀୟ 3:4

ଅଦିନ୍‌ ସେଙ୍ଗେ ମିୟାଦ୍ ସାରେ ପାଡ଼୍‍ୟି ବାତେ ଆଙ୍ଗ୍‍ଡ଼ାମ୍ ? ଆଗାଙ୍କ୍ ବାତ୍ ଶିକ୍ଷା ପାଏମ୍ ଆୟ୍‍ୱିଡ଼୍ କି ?

ଏଫିସିୟ 3:17

ନାନ୍ ପ୍ରାର୍ତନା ମାଡ଼ିତାନ୍ ବେଦ୍‍ପୁଟୁଙ୍କ୍ ମିଇ ବିଶ୍ୱାସ୍‍ତେ ଶକ୍ତିତେ କ୍ରିଷ୍ଟ ମିଇ ହୃଦୟ୍‍ତାଗ୍ ମାନ୍‍ତଣ୍ଡ୍ । ନାନ୍ ପ୍ରାର୍ତନା ମାଡ଼ିତାନ୍, ବେଦ୍‍ପୁଟୁଙ୍କ୍ ମିୟାଦ୍ ପାଣ୍ଡେସନ୍‌ ପ୍ରେମତେ ତିୟାର୍ ନୁ ଡୁଟାଙ୍ଗ୍ ଆଦ୍‍ତେ ।

କଲସୀୟ 1:23

ମିଡ଼୍ ଅଣ୍ଡୟ୍‌ ଡ଼ୁଟାଙ୍ଗ୍ ନୁ ନିଜାମ୍ ମୂଲଦୁଆ ପରୁ ତିଆତ୍‍ଆସ୍ ମାନୁଟ୍ ନୁ ସୁସମାଚାର୍ କେଞ୍ଜାନ୍ ୱେଲେ ବେନେ ଆଶେ ଦର୍‍କି ମାତ୍‍ତେ, ଆଗେଙ୍କ୍‍ ଦାନ୍ଦେ ଆଦାନଙ୍କ୍ ନିଜେତିଙ୍କ୍ ପଡ଼୍‍ୟି ଇମାଟ୍ । ଆଦ୍ ସୁସମାଚାର୍ କେ ପୃତିବିତେ ସାରେତଡ଼୍ ଗାରେ ପ୍ରଚାର୍ ଅଦୁତ୍ ନୁ ନାନ୍ ପାଉଲ୍, ଅନ୍‌‍ୱାଦ୍ ୱେରନ୍ ବିଶ୍ୱାସ୍ତେ ଦାସନ୍ ।

କଲସୀୟ 2:7

ମିୟାଦ୍ ସାରେ ଆଶେ ଅନ୍‌ ପରୁ ଗାଡ଼୍‍ସ୍‍ତଡ଼୍‍ ନେଃଏସ୍‍ମିକା ଜିୱୁଣ୍ଡ୍ ବାଦ୍‍କାଟ୍ ନୁ ମିଡ଼୍ ପାଏମ୍‍ ଆତ୍‍ତେ ଶିକ୍ଷା ଲେକାମ୍ ବିଶ୍ୱାସ୍‍ତେ ଗାଟି ସାତ୍‍ୱାମ୍ ଆୟ୍‍ମୁଟ୍ । ମିୟାଦ୍ ହୃଦୟ ଦନ୍ୟବାଦ୍‍ ତଡ଼୍ ନିଣ୍ଡିଆନି ।

୧ ଥେସଲନିୟ 3:5

ଆଦିଙ୍କ୍ ତୀମତିଙ୍କ୍ ରତ୍‍ତାନ୍ । ନାନ୍ ମେଣ୍ଡେ ସତ୍ ଆସ୍‍ମାନ୍ଦେ ପାର୍ୱନ୍ । ମିଡ଼୍ ନିଜେ ବିଶ୍ୱାସ୍‍ତେ ମିନ୍ଦେଡ଼ି କି ଇଲେ, ପୁନ୍ଦାନ୍ ସେଙ୍ଗେ ନାନ୍ ଅଂକିଙ୍କ୍‌ ରତ୍‍ତାନ୍ । ଶୟ୍‍ତାନ୍‍ ମିକିଂଙ୍କ୍ ପ୍ରଲୋବିତ୍ ମାଡ଼ିମାନ୍ତେ ନୁ ମାନାଦ୍‍ ସାରେ ପାଡ଼୍‍ୟି ଆଙ୍ଗ୍‌ଡ଼ାମ୍ ଆସ୍‍ମାନ୍ତେ ? ଇଲେ ହିଦ୍ ବେସୁଙ୍କ୍‍ ନିଜାମ୍ ଆୟ୍‍ୟ ।

୧ ତୀମତି 1:19

ବିବେକ୍‍ତିଙ୍କ୍ ସାୟେ ନେହ୍‍ସ୍‍, ନି ଦର୍ମ ବିଶ୍ୱାସତେ ଡ଼ୁଟାଙ୍କ୍‍ ମାନ୍‍ । ବେନ୍‍ ବେନ୍‍ଡ଼୍‍ ବିବେକ୍‍ତେ ଚେତାବନୀତିଙ୍କ୍ ୱିଡ଼୍‌ସି ମାଡ଼ି ନିଜର୍‍ ଦର୍ମବିଶ୍ୱାସ୍‍ତିଙ୍କ୍ ନଷ୍ଟ ମାଡ଼ିସ୍‍ ମିନ୍ଦେଡ଼୍‍ ।

ଏବ୍ରୀ 10:39

ମାତି ବେନଡ଼୍ ଡଲାନ୍‌ ମାଇଦିଙ୍କ୍ ପେର୍କେ ମାଲ୍‌ସ୍‌ ଅନ୍‌ତଡ୍‌, ମାମ୍ ତାମ୍‌ ମାନ୍ଦେତ୍‌ ନାରୁଡ୍‌ ଆୟମ୍, ବେନଡ଼୍ କି ମାନ୍‍ ପରିତ୍ରାଣ ବିଷୟତେ ବିଶ୍ୱାସ୍ ମାଡ଼ିତଡ଼୍, ମାମ୍ ଆ ମାନ୍ଦେତ୍ ନାରୁମ୍ ।

ଯାକୁବ 2:26

ବାତେଙ୍କ୍ଇତ୍‍କେ ଆତ୍ମା ୱିଡ଼୍‍ସି ବେଲା ମେନ୍ଦୁଲ୍ ଡଲିତ୍, ଆଦେ ରକମ୍ ପାଡ଼୍‍ୟି ୱିଡ଼୍‍ସି ବିଶ୍ୱାସ୍ ଡଲିତ୍ ।

୨ ପିତର୍‌ 2:20

ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନାଗାଙ୍କ୍ ଜ୍ଞାନ୍ ଆସ୍ ବେନଡ଼୍ ସଂସାର୍‍ତେ ବିନାଶ ଆଦାନଡ଼୍ ଶକ୍ତି ନାଗାଙ୍କ୍ ରକ୍ଷା ଆଦାନ୍ ପେର୍କେ ମେଣ୍ଡନ୍‍ ଦାମ୍ ଆୱୁ ସାରେ ଆୟେ, ଅଡ଼୍‌‍ୱାଦ୍ ମାଡ଼େଙ୍କ୍‌ତେ ଦଶା ମୁନେତ୍ ଦଶାତାଗାଙ୍କ୍‍ ଗାଟି ଅଦିକ୍‌ ଶୋଚନିୟ ଆଦ୍‍ତେ ।

୨ ପିତର୍‌ 2:22

ଅଡ଼୍‌ ସେଙ୍ଗେ ବାତ୍ ଗଟେମ୍ ଆତ୍‍ତେ, ଆଗାଙ୍କ୍ ଇଦ୍ ନାରୁଡ଼୍‍ କେତାନ୍ ସତ୍‍ତାଗାଙ୍କ୍ ନିଜାମ୍ ଅଦୁତ୍, “ନେୟ୍‍ ବାତେ କାକିତ୍‍ ଆଦିଙ୍କ୍‍ ମେଣ୍ଡେ ତିନ୍ଦିତେ, ପାଦ୍‍ତିଙ୍କ୍ ନର୍‍ସିତେ ପେର୍କେ ମେଣ୍ଡେ ବୁର୍‍ଦେତାଗ୍ ତଡ଼୍‍ଞ୍ଜାଙ୍କ୍ ଆଦ୍‍ତେ ।”

୧ ଯୋହନ୍‌‌ 2:19

ଇଡ଼୍‍ ମୁନେଙ୍କ୍‍ କଞ୍ଜ୍ ମାନ୍‍ ମାନ୍ଦେତେ ନାରୁଡ଼୍ ଆୟଡ଼୍, ଅଦିନ୍‌ ସେଙ୍ଗେ ଇଡ଼୍ ମାନାଙ୍କ୍ ୱିଡ଼୍‍ସ୍‍ତଡ଼୍, ମାନ୍‍ ମାନ୍ଦେ ଆସ୍‍ମାନ୍ଦାନ୍ ଇତ୍‍କେ, ଅଡ଼୍‌ ମାନ୍‍ତଡ଼୍ ମାନେଡ଼୍; ମାନାଗାଙ୍କ୍ ଯେକା ଆଦାନ୍‍ତଡ଼୍ ଅଡ଼୍‌ ମାନ୍‍ ମାନ୍ଦେତଡ଼୍ ଆୟଡ଼୍ ଇଞ୍ଜ ଟିକ୍‍ ପ୍ରମାନ୍ ଆସ୍‍ମିନ୍ଦେ ।

ଯିହୁଦା 1:12

ଅଡ଼୍‌ ସିଗ୍ ଆୟ୍‍ୟକଟ କାଲ୍‍ ଉଞ୍ଜ୍, ମିୱାଦ୍ ସାୟେତ୍ ବଜିତାଗ୍ ଗଲ୍‍କ୍ ମାଡ଼ାନ୍ ନାରୁଡ଼୍ ଲେକାମ୍ ଆଦୁତଡ଼୍‍ । ଅଡ଼୍‌ ତାମ୍ ସେଙ୍ଗେକେ ଡଙ୍କେ ନିଃଇତିତଡ଼୍ । ଅଡ଼୍‌ ଗାଲ୍‍ତଡ଼୍ ଚାଲେମ୍ ଆଦାନ୍ ୱାର୍ସାମ୍ ଇଲ୍‍ୱେ ମାବ୍ ଲେକାମ୍ । ଅଡ଼୍‌ ଶରତ୍ କାଲାମ୍‍ତେ କାୟା ଆଦ୍‍ୱେ ମାଡ଼େ ନୁ ମାଡେତଡ଼୍ ତାଃଆକି ଆତ୍‍ତେ ୱାସ୍‍ତେ ମାଡ଼େ ଲେକାମ୍ ।