ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:7 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁷ ଇଶ୍ୱର୍‌ ହେଞ୍ଚତେ ନାରୁଡ଼୍ ନାର୍କାପାୟାଲ୍ ଅଂକିଙ୍କ୍ କାର୍‍ଙ୍ଗମାନ୍ତଡ଼୍, ଅଣ୍ଡ୍‌ କି ଅଡ଼୍‌‍ ସେଙ୍ଗେ ଆତ୍‍ତେ ଅନ୍‌ୟାୟତେ ବିଚାର୍ ମାଡ଼ଣ୍ଡ୍, ଅଡ଼୍‌‍କିଂଙ୍କ୍ ସାହାଯ୍ୟ ମାଡ଼ାଙ୍କ୍ ଅଣ୍ଡ୍‌ ଲେଟ୍ ମାଡ଼ିତନ୍ କି ?

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:7 ပူးပေါင်းရင်းမြစ်များ

ମାତିଉ 24:22

ବାତେଙ୍କ୍ ଇତ୍‍କେ ହି ଦୁଃକତ୍‍ ଦିନାମ୍‍ତିଙ୍କ୍ ଇଶ୍ୱର୍ କମ୍‍ ମାଡ଼ିସ୍‍ ମିନ୍ଦେଣ୍ଡ୍ । ଆଲା ଆୟ୍‍ୟକଟ ମାନ୍ଦାନ୍‍ଇତ୍କେ, ମେଣ୍ଡେ ବେନ ବାଦ୍‍କ୍‍ ପାର୍‍ୱଣ୍ଡ୍ ଆୟେଣ୍ଡ୍ । ବାତେଙ୍କ୍ ଇତ୍‍କେ ତାନ୍ ହେଞ୍ଚିମାନ୍ଦାନ୍ ନାରୁଡ଼୍‍କିଂଙ୍କ୍ ଗେଲ୍‍ସ୍ପାନ୍ ମାଇଦିଙ୍କ୍ ଇଶ୍ୱର୍ ଆଦ୍ ସମୟ୍‍ତିଙ୍କ୍ ସୁଦୁଟ୍ ମାଡ଼ିସ୍‍ ମିନ୍ଦେଣ୍ଡ୍ ।

ମାତିଉ 24:24

ବାତେଙ୍କ୍ ଇତ୍କେ ନିଜ୍‍ତିଙ୍କ୍ ବଣ୍ଡକ୍ରିଷ୍ଟ କେସମାନ୍ତ୍‍ତଡ଼୍‍ ବୁସାମାଡ଼ାନଡ଼୍‍ ଆସୁଟେ ତନ୍ଦିତଡ଼୍‍ । ଅଡ଼୍‌ ବାକ୍‍ୱା ନୁ ବାକ୍‍ୱାତାଉ ପାଡ଼୍‍ୟି ତୟ୍‍ସ୍‍ ଇଶ୍ୱର୍‌ତେ ହେଞ୍ଚିମାନ୍ଦାନ୍ ନାରୁଡ଼୍‍କ୍ ବୁଲ୍‍କା ମାଡ଼ିତଡ଼୍ ।

ମାତିଉ 7:11

ମିଡ଼୍ ନିଜେତ୍ ଦଷ୍ ଦୁର୍ବଲ୍‍ତେ ମାତ୍‍କେ ମିକା ପିଲାକିଙ୍କ୍ ସାୟେତ୍ ଜିନିଷ୍ ହିଦ୍‍ତିଡ଼୍ । ବେନଡ଼୍ ଇଶ୍ୱର୍‌ତିଙ୍କ୍ ତାଲ୍‍କିତଡ଼୍, ଅଣ୍ଡ୍‌ ଅଡ଼୍‌‍କିଂଙ୍କ୍ ମେଣ୍ଡେ ବେସର୍ ସାୟେତ୍ ଜିନିଷ୍ ନାର୍‍ଗେ ହିୱଣ୍ଡ୍ ?

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 11:13

ମିଡ଼୍ ଦୁଷ୍ଟ ଆତ୍‍କେ ମେଣ୍ଡେ, ମି ପିଲାଙ୍କ୍ ସାୟ୍‍ ସାୟ୍‍ତାୱ ହିଦାଙ୍କ୍ ପୁତ୍‍ତିଡ଼୍, ବେନ ବାବାଲ୍ ସ୍ୱର୍ଗତାଗାଙ୍କ୍ ହିଦ୍‍ତଣ୍ଡ୍ ଅନ୍‌ ଗାର୍‍ରେ ତାଲ୍‍କାନ୍ ନାରୁଡ଼୍‍କ୍ ନାର୍ଗେ ପବିତ୍ର ଆତ୍ମା ହିଦ୍‍ତଣ୍ଡ୍ !

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 2:37

ଆଦ୍ ମନ୍ଦିର୍‌ତିଙ୍କ୍ ୱିଡ଼୍‍ସ୍‍ୱେ କଞ୍ଜ୍ ବାୟିଦେ ଆନ୍‌‍ୱମାତ୍‍ତେ, ଉପବାସ୍ ନୁ ପ୍ରାର୍ତନା ତଡ଼୍ ନାର୍କେପାୟାଲ ଉପବାସ୍ ମାଡ଼ମାତ୍‍ତେ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 21:28

ବାତେଙ୍କ୍ ଇତ୍କେ ଇଦ୍‍ସାରେ ଗଟ୍‍ନା ଆଦ୍‍ଦାନ୍ ୱେଲେ ମିଡ଼୍ ତେଦି ନିଲ୍‍ମୁଟ୍ ନୁ ପରୁ ଉଡ଼ାଟ୍ ନୁ ତାଲେତିଙ୍କ୍‍ ପରୁ ତେହେମୁଟ୍, ଆସୁଟେ ମିୱାଦ୍ ମୁକ୍ତି ଗାର୍‍ରେ ୱାସ୍ ହେଉଦୁତ୍ ।”

ରୋମୀୟ 8:33

ଇଶ୍ୱର୍ ଏଞ୍ଚ୍‍ତେ ନାରୁଡ଼୍ ବିରୁଦ୍‍ତେ ବେନଡ଼୍ ଅବିଯଗ୍ ମାଡ଼୍‍ପାର୍‍ଦ୍‍ତଡ଼୍ ? ଇଶ୍ୱର୍ ନିଜେ ଅଡ଼୍‌‍କିଂଙ୍କ୍ ନିର୍ଦୋଷ୍ ଇଞ୍ଜ କେସ୍‍ମିନ୍ଦେଣ୍ଡ୍ ।

କଲସୀୟ 3:12

ମିଡ଼୍ ଇଶ୍ୱର୍‌ତେ ନାରୁଡ଼ି । ଅଣ୍ଡ୍‌ ମିକିଙ୍କ୍ ପ୍ରେମ ମାଡ଼ି ନିଜେତ୍ ସେଙ୍ଗେ ଏଞ୍ଚି ମିନ୍ଦେନ୍ । ଆଦିଙ୍କ୍ ମିଡ଼୍ କରୁଣା, ଦୟା, ନମ୍ରତା, ଲେକେତ୍‍ ଜିୱେତଣ୍ଡ୍ ନୁ ଗାଡ଼୍‍ସ୍‍ତାୱୁ ଚକା କେର୍‍ମୁଟ୍ ।

୧ ଥେସଲନିୟ 3:10

ମିକିଂଙ୍କ୍ କାୟ୍‍ଲି ମିଇ ବିଶ୍ୱାସ୍‍ତାଗ୍ ବାତେଏ ଅବାବ୍ ମିନ୍ଦେ, ଆଦ୍ ସାରେ ମାଡ଼ାନ୍ ସେଙ୍ଗେ ମାକିଂଙ୍କ୍ ସୁଯୋଗ୍ ଇଦାନଙ୍କ୍ ନାର୍କେପାୟାଲ୍ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ୁତମ୍ ।

୨ ଥେସଲନିୟ 1:6

ବାତେଏ ଟିକ୍ ଆଦ୍ ଇଶ୍ୱର୍ ମାଡ଼ିତନ୍ । ବେନ ନାରୁଡ଼୍ ମିକିଂଙ୍କ୍ କଷ୍ଟ ଇତ୍‍ତଡ଼୍ ଇଶ୍ୱର୍ ଅଡ଼୍‌‍କିଂଙ୍କ୍ କଷ୍ଟ ଇଦ୍‍ତନ୍ ।

୧ ତୀମତି 5:5

ବେନ୍ ରାଣ୍ଡିଲ୍ ନିଜାମ୍ ତେ ୱେରଡ଼୍ ନୁ ଆଶ୍ରୟ ଇଲେ, ଆଦ୍‍ ଇଶ୍ୱର୍‌ତେ ପର ଆଶେ ୱାଟି, ଦିବାନିଶି ତାନ୍‍ ସାହାଯ୍ୟ ବିକ୍ୟା ମାଡ଼ମାନ୍ତେ ।

୨ ତୀମତି 1:3

ନା ଆନିଦାଦିଡ଼୍ ଲେକାମ୍ ନାନେ ବେନ୍ ଇଶ୍ୱର୍‌ତିଙ୍ଗ୍ ଲେକାତ୍ ହୃଦୟତେ ସେବା ମାଡ଼ ୱାସମିନ୍ଦେନ୍, ଅଙ୍କ୍‌ ଦନ୍ୟବାଦ୍ ଇସ୍ କେତୁତାନ୍ । ନାୟାଦ୍ ପ୍ରାର୍ତନା ତାଗ୍ ସାରେଦିନା ନାର୍କେପାୟାଲ୍‍ ନିକିଙ୍କ୍ ହେର୍କା ମାଡ଼ାନ୍ ୱେଲେ ନାନେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦ୍‍ତାନ୍ ।

୨ ତୀମତି 2:10

ଇଶ୍ୱର୍‌ତେ ହେଞ୍ଚିମାନ୍ଦାନ୍ ନାରିଡ଼୍ କ୍ରିଷ୍ଟ ଜିସୁନାଗେ ନାର୍ଗେ ପରିତ୍ରାଣ ନୁ ଅନନ୍ତ ଗୌରବ୍ ଲାବ୍ ମାଡ଼ାଟ୍, ଇଦ୍ ଲେକାମ୍ ନାନେ ସାରେ କଷ୍ଟ ମାଡ଼ୁତାନ୍ ।

ତୀତସ୍‌ 1:1

ନାନ୍ ପାଉଲ୍, ଇଶ୍ୱର୍‌ତେ ଦାସ ନୁ ଜିସୁ କ୍ରିଷ୍ଟନ୍ ରହତେନଣ୍ଡ୍ ପ୍ରେରିତଶିଷ୍ୟ, ତୀତସ୍‍ତେ ବକେତ୍ ଲେକୁତାନ୍ । ଇଶ୍ୱର୍ ଏଞ୍ଚ୍‍ତେ ନାରୁଡ଼ାଦ୍ ବିଶ୍ୱାସ୍‍ତିଙ୍କ୍ ନାର୍ଗ୍ ମାଡ଼ାନଙ୍କ୍ ନୁ ମାନ୍‍ ଦର୍ମବିଶ୍ୱାସ୍‍ତାଦ୍ ସତ୍‍ତିଙ୍କ୍ ଅଡ଼୍‌‍କିଂଙ୍କ୍ ସଚେତନ୍ ମାଡ଼ାନଙ୍କ୍ ନାନ୍ ହେଞ୍ଚିମାନ୍ଦାନ୍ ଆସ୍‍ମିନ୍ଦେନ୍ ।

୧ ପିତର୍‍ 1:1

ନାନ୍‍ ପିତର୍‍, ଜିସୁ କ୍ରିଷ୍ଟନ୍‍ ୱେରଣ୍ଡ୍‍ ପ୍ରେରିତ୍‍ ଶିଷ୍ୟ । ଏକାମ୍ ଆସ୍ ମାନ୍ଦାନ୍ ପନ୍ତ, ଗାଲାତୀୟା, କାପାଦକିଆ, ଏସିଆ ନୁ ବିତୁନିଆ ଦେଶ୍‍କିନାଗ୍ ଚିନ୍‍ବିନ୍‍ ଆସ୍‍ମାନ୍ଦାନ୍ ଇଶ୍ୱର୍‌ତେ ଏଞ୍ଚିମାନ୍ଦାନ୍ ନାରୁଡ଼୍‍ ଗାରେ ଇଦ୍‍ ଚିଟି ଲେକ୍‍ତାନ୍‍ ।

୨ ପିତର୍‌ 3:9

ପ୍ରବୁ ତାନ୍ ପ୍ରତିଜ୍ଞା ପୁରା ମାଡ଼ାନଙ୍କ୍ ଲେଟ୍ ମାଡ଼ଣ୍ଡ୍, ଯଦି ବା ବେସ୍‍କ୍‍ତୁଡ଼୍‍ ଇଦିଙ୍କ୍ ଲେଟ୍ ଇଞ୍ଜ ଏର୍କା ମାଡ଼ିତଡ଼୍ ମାତର୍‌ ପ୍ରବୁ ମି ସେଙ୍ଗେ ଗାଟି ସହନଶିଳ । ଅଣ୍ଡ୍‌ ଇଚ୍ଛା ମାଡ଼ନ୍‍, ବେନ ୱେରଣ୍ଡ୍ ବିନଷ୍ଟ ଆଇଣ୍ଡ୍ । ସାରେତଡ଼୍ ନିଜର୍‍ ନିଜର୍‍ ପାପତାଗାଙ୍କ୍ ମାଲ୍‍ୱିଡ଼୍, ଇଦ୍ ଅନାଦ୍‌ ଇଚ୍ଛା ।

ପ୍ରକାଶିତ୍‌ ବାକ୍ୟ 18:20

ଆ ସ୍ୱର୍ଗତେ ନାରୁଡ଼ି ! ଆଦ୍ ଦଂସ ଆତ୍‍ତାଙ୍କ୍ ଆନନ୍ଦ ଉଲ୍ଲାସ୍ ମାଡ଼ାଟ୍ । ଆ ସାଦୁ ନାରୁଡ଼ି; ପ୍ରେରିତ୍‍ ଶିଷ୍ୟ ନୁ ବାବବାଦିନଡ଼୍ ! ୱେଡ଼୍‍କେ ମାଡ଼ାଟ୍, ବାତ୍‍ତେଙ୍କ୍ଇତ୍କେ ମୀଇ ସେଙ୍ଗେ ଅଣ୍ଡ୍‌ ବାତ୍‍ତେ ମାଡ଼ି ମାତ୍‍ତନ୍, ଅଦିନ୍‌ ସେଙ୍ଗେ ଇଶ୍ୱର୍‍ ଆଦିଙ୍କ୍ ଶାସ୍ତି ଇତ୍‍ତନ୍ ।

ପ୍ରକାଶିତ୍‌ ବାକ୍ୟ 6:10

ଅଡ଼୍‌‍ ଗାଟିଲେଙ୍ଗ୍‍ଦେ କେତ୍‍ତା, “ସାରେଦାମ୍ ପବିତ୍ର ନୁ ସତ୍ୟତେ ପ୍ରବୁ ଇଶ୍ୱର୍ ! ପୃତିବିତାଗ୍ ବେନଡ଼୍ ମାନାଙ୍କ୍ ଆଉକି ମାତ୍‍ତଡ଼୍, ଅଡ଼୍‌‍କିଂଙ୍କ୍ ବିଚାର୍ ମାଡ଼ି ଶାସ୍ତି ଇଦାନଙ୍କ୍ ମେଣ୍ଡେ ବେସ୍‍କେ କାଲାମ୍ ଲେଟ୍‍ ମିନ୍ଦେ ?”

ପ୍ରକାଶିତ୍‌ ବାକ୍ୟ 7:15

ଆଦିନ୍ ସେଙ୍ଗେ ଅଡ଼୍‌ ଇଶ୍ୱର୍‌ତେ ମନ୍ଦିର୍‍ତାଗ୍ ତାନ୍ ସିଂହାସନ୍‌ତେ ମୁନେ ନିସ୍‍ମିକା ନାର୍କା ପାୟାଲ୍ ଅନାଦ୍‌ ଆରାଦାନା ମାଡ଼ୁତଡ଼୍ । ସିଂହାସନ୍‌ତାଗ୍ ମାନ୍ଦାନ୍ ନାରୁଡ଼୍ ଅଡ଼୍‌‍କିଂଙ୍କ୍ ରମାନଙ୍କ୍‍ ଇଦ୍‍ତଡ଼୍ ।