ଯୋହନ୍‌‌ 8:58 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵⁸ ଜିସୁ ଅଡ଼୍‌‍କ୍ କେତ୍‍ତଣ୍ଡ୍, “ସତ୍ ନାନ୍ ମିକିଂଙ୍କ୍ କେତୁତାନ୍, ଅବ୍ରାହାମ୍‌ ତେ ଜନମ୍ ମୁନେଙ୍କ୍ କନ୍‍ସ୍ ନାନ୍ ମିନ୍ଦେନ୍ ।”

ଯୋହନ୍‌‌ 8:58 ပူးပေါင်းရင်းမြစ်များ

ଯୋହନ୍‌‌ 10:25

ଜିସୁ ଅଡ଼୍‌‍କିଂଙ୍କ୍ ଉତ୍ତର୍ କେତ୍‍ତଣ୍ଡ୍, “ନାନ୍ ମିକିଂଙ୍କ୍ କେସ୍‍ମିନ୍ଦେନ୍, ବାତେଙ୍କ୍ ଇତ୍‍କେ ମିଡ଼୍ ବିଶ୍ୱାସ୍ ମାଡ଼୍‍ୱିଡ଼୍; ନା ବାବାନ୍ ପେଦେର୍ ତେ ନାନ୍ ବେନ୍ ପାଡ଼୍‍ୟି ମାଡ଼ୁତାନ୍, ଆଦ୍‍ ସାରେ ନା ବିଷୟ୍‍ତେ ସାକ୍ଷ୍ୟ ଇଦୁତାନ୍;

ଯୋହନ୍‌‌ 17:24

“ହଁ ବାବା ! ନିମ୍‍ ନାକିଂଙ୍କ୍ ବେନଡ଼କ୍ ହିତ୍‍ତିନ୍, ନାନ୍ ବେଗେ ମାନ୍‍ତାନ୍, ଅଡ଼୍‌ ଆନ୍‌‍ତେ ଆଦେପୁଟୁଙ୍କ୍ ଆଗେ ନା ତଡ଼୍ ମାନ୍‍ତଡ଼୍ ନୁ ଜଗତ୍ ତିଆର୍ ଆଦାନ୍ ମୁନେଙ୍କ୍ ନିମ୍‍ ନାକିଂଙ୍କ୍ ପ୍ରେମ ମାଡ଼ି ବେନ୍ ଗୌରବ୍ ହିତ୍‍ତିନ୍, ନାୱାଦ୍ ଆଦ୍ ଗୌରବ୍ ଅଡ଼୍‌ ବେଲା ଉଡ଼ିତଡ଼୍, ଇଦ୍ ନାୱାଦ୍ ଇଚ୍ଛା ।

ଯୋହନ୍‌‌ 17:5

ଇଞ୍ଜେ, ହୋ ବାବା, ଜଗତ୍‍ତାଦ୍ ତିଆର୍ ମୁନେଙ୍କ୍ ନି ତଡ଼୍ ନାୱାଦ୍ ବେନ୍ ମହିମା ମାତ୍‍ତା, ଇଞ୍ଜେ ନିମ୍‍ ନାକିଂଙ୍କ୍ ଆଦ୍ ମହିମା ହିମ୍ ।”

ଯୋହନ୍‌‌ 8:24

ମିଡ଼୍ ଯେ ନିଜେ ନିଜେ ପାପ୍‍ତାଗ୍ ଡଲିତିଡ଼୍, ନାନ୍ ମିକିଂଙ୍କ୍ ଇଦ୍ କେତୁତାନ୍; ବାତେଙ୍କ୍ ଇତ୍‍କେ ‘ନାନ୍ ଯେ ନିଜେ ଅଣ୍ଡ୍‌, ଇଦ୍ ମିଡ଼୍ ବିଶ୍ୱାସ୍ ମାଡ଼କଟ୍ ମାତ୍‍କେ ନିଜେ ନିଜେ ପାପ୍‍ତାଗ୍ ଡଲିତିଡ଼୍ ।’”

ଯୋହନ୍‌‌ 8:28

ଜିସୁ କେତ୍‍ତଣ୍ଡ୍, “ବେସୁଙ୍କ୍‍ ମିଡ଼୍ ନାରୁନ୍ ପିଲେତିଙ୍କ୍ ପର୍‍ର ତେସ୍‍ମାତ୍‍ତିଡ଼୍, ଆସୁଙ୍କ୍ ନାନ୍ ଯେ ଆଦ୍ ନାରୁନ୍ ନୁ ନାନ୍ ନିଜ୍‍ତାଗାଙ୍କ୍ ବାତେଏ ମାଡ଼୍‍ୱେ ବେଲାନ୍ ବାବାଲ୍ ନାକିଂଙ୍କ୍ ବେଦ୍‍ଲେକାମ୍ ଶିକ୍ଷା ଇତ୍‍ତନ୍, ଆଦେଲେକାମ୍ ଇଦ୍ ସାରେ ଗଟି କେସମିନ୍ଦେନ୍, ଇଦ୍ ମିଡ଼୍ ପୁନ୍‍ତିଡ଼୍ ।

ଯୋହନ୍‌‌ 8:34

ଜିସୁ ଅଡ଼୍‌‍କ୍ ଉତ୍ତର୍ କେତ୍‍ତଣ୍ଡ୍, “ସତ୍ ନାନ୍ ମିକିଂଙ୍କ୍ କେତୁତାନ୍, ବେନବା ପାପ୍ ମାଡ଼ିତନ୍, ଅଣ୍ଡ୍‌ ପାପ୍ ତେ ଦାସ ।

ଯୋହନ୍‌‌ 8:51

ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ବେନ ନାୱାଦ୍ କେତାନାଦ୍ ପାଲନ୍ ମାଡ଼ିତନ୍, ଅଣ୍ଡ୍‌ ବେସୁଙ୍କ୍‌ବା ଡଲନ୍ ।”

କଲସୀୟ 1:17

ସାରେ ବିଷୟ ତିଆର୍‍ତେ ମୁନେଙ୍କେ ଅନାଦ୍‌ ଅସ୍ତିତ୍ୱ ମାତ୍‍ତେ ନୁ ଅନ୍‌‍ ତଡ଼୍ କାଇଲାନ୍ ପେର୍କେ ସାରେ ବିଷୟ ନିଜର୍ ତିଆର୍‍ତେ ଜାଗାନାଗ୍ ବେଗେତାୱୁ ଆଗେ ମାତ୍‍ତା ।

ଏବ୍ରୀ 13:8

ଜିସୁ କ୍ରିଷ୍ଟ ନିନେ, ନେଣ୍ଡ୍ ନୁ ସାରେଦିନାମ୍ ସାମାନ୍‍ ମାନ୍‍ତଣ୍ଡ୍ ।

ପ୍ରକାଶିତ୍‌ ବାକ୍ୟ 1:11

ବେନମାତି ନାକ୍ କେତ୍‍ତନ୍, “ମିଡ଼୍ ବାତ୍ ଉଡ଼ୁତିଡ଼୍, ଆଦ୍ ୱେରଡ଼୍ ବଇତାଗ୍ ଲେକିୱାଟେ ନୁ ଏପିସସ୍‍, ସ୍ମର୍ଣ୍ଣା, ପର୍ଗାମମ୍‍, ତୁୟଟୀରା, ସାର୍ଦ୍ଦିସ୍‍, ପିଲାଦେଲ୍‍ଫିଆ ନୁ ଲାଉଦିକିଆତାଗ୍ ମାନ୍ଦାନ୍ ମଣ୍ଡଲିକିଙ୍କ୍ ବଇତିଙ୍କ୍‍ ରହସିମୁଟ୍ ।”

ପ୍ରକାଶିତ୍‌ ବାକ୍ୟ 1:8

ପ୍ରବୁ ସାରେତିଙ୍ଗ୍ ଶକ୍ତିମାନ୍ ଇଶ୍ୱର୍ କେତିତନ୍, “ନାନେ ଆରାମ୍‍ ନୁ ମାଡ଼େଙ୍ଗ୍‍,” ଅଣ୍ଡ୍‌ ମୁନେଙ୍କ୍ ମାତ୍‍ତନ୍, ମେଣ୍ଡେ ଇଞ୍ଜେବା ମିନ୍ଦେନ୍, ମେଣ୍ଡେ ବବିଷ୍ୟତ୍‌ତେ ୱାଦ୍‍ତନ୍ ।

ପ୍ରକାଶିତ୍‌ ବାକ୍ୟ 2:8

“ସ୍ମର୍ଣ୍ଣାତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବେନ୍ ଆରାମ୍ ନୁ ଶେଷ ମେଣ୍ଡେ ବେନ ଡଲିମିକା ମେଣ୍ଡେ ଜିୱେଆତ୍‍ତନ୍, ଅନ୍‌‍ ଗାର୍ରେ ଇଦ୍ ଗଟ୍;”