ଯୋହନ୍‌‌ 8:51 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵¹ ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ବେନ ନାୱାଦ୍ କେତାନାଦ୍ ପାଲନ୍ ମାଡ଼ିତନ୍, ଅଣ୍ଡ୍‌ ବେସୁଙ୍କ୍‌ବା ଡଲନ୍ ।”

ଯୋହନ୍‌‌ 8:51 ပူးပေါင်းရင်းမြစ်များ

ମାତିଉ 16:28

ନାନ୍ ମିକିଂଙ୍କ୍ ସତ୍ କେତୁତାନ୍, ନାରୁନ୍ ପିଲେ ନିଜେତ୍ ରାଜ୍ୟତାଗ୍ ୱାଦାନାଦ୍ ଉଡ଼୍‍ୱେ ଯାକ ଇଗେ ନିସ୍ ମାନ୍ଦାନ୍ ନାରୁଡ଼୍ ଡ଼ାଗାଙ୍କ୍ ବେସ୍‌କ୍ ବେଦ୍‍ଲେକାମ୍ ଡଲ୍‍ତାଗାଙ୍କ୍ ଆସ୍ୱାଦ ପାଏମ୍ ଆୟନ୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 2:26

କ୍ରିଷ୍ଟନ୍ ଉଦ୍ଦାର୍ କର୍ତ୍ତାଲ୍ ତନ୍ଦ୍‍ୱେ କଟ ଅନ୍‌‍ୱାଦ୍ ଯେ ଡଲାନାଦ୍ ଆୟ୍‍ୟ, ପବିତ୍ର ଆତ୍ମା ତଡ଼୍ ଅଂକିଙ୍କ୍‌ ଇଦ୍ ଗଟ୍ କେସ୍ ମାତ୍‍ତଡ଼୍ ।

ଯୋହନ୍‌‌ 14:23

ଜିସୁ ଅଂକିଙ୍କ୍‌ ଉତ୍ତର୍ କେତ୍‍ତଣ୍ଡ୍‌, ଯଦି ବେନ ନାକିଂଙ୍କ୍ ପ୍ରେମ ମାଡ଼୍‍କେ ଆଲେକେ ଅଣ୍ଡ୍‌ ନା ବାକ୍ୟ ପାଲନ୍ ମାଡ଼ିତନ୍, ମେଣ୍ଡେ ନା ବାବାଲ୍ ଅଂକିଙ୍କ୍‌ ପ୍ରେମ ମାଡ଼ିତନ୍, ମେଣ୍ଡେ ମାମ୍‍ମେ ଅନ୍‌ ପାକେ ୱାସ୍ ଅନ୍‌ ତଡ଼୍ ମାନ୍‍ତମ୍ ।

ଯୋହନ୍‌‌ 15:20

‘ଚାକର୍ ତାନ୍ ମାଲିକ୍ ତାଗାଙ୍କ୍ ବାଡ଼୍‍ୟଣ୍ଡ୍ ଆୟ୍‍ୟଣ୍ଡ୍,’ ନାନ୍ ମିକିଂଙ୍କ୍ ଇଦ୍ ବେନ୍ ବାକ୍ୟ କେସ୍‍ମିନ୍ଦେନ୍, ଆଦିଙ୍କ୍ ହେର୍କା ମାଡ଼ାଟ୍ । ଯଦି ଅଡ଼୍‌ ନାକିଂଙ୍କ୍ ତାଡ଼ନା ମାଡ଼ିମିନ୍ଦେଡ଼୍, ଆଲାଇତ୍‍କେ ମିକିଂଙ୍କ୍ ମିକା ତାଡ଼ନା ମାଡ଼ିତଡ଼୍; ଯଦି ଅଡ଼୍‌ ନାୱାଦ୍ ବାକ୍ୟ ପାଲନ୍ ମାଡ଼ିମିନ୍ଦେଡ଼୍, ଆଲାଇତ୍‍କେ ମିୱାଦ୍ ବାକ୍ୟ ମିକା ପାଲନ୍ ମାଡ଼ିତଡ଼୍ ।

ଯୋହନ୍‌‌ 17:6

“ନିମ୍‍ ନାକିଂଙ୍କ୍ ଜଗତ୍‍ତାଗ୍ ବେନ୍ ନାରୁଡ଼୍‍କ୍ ଦାନ ମାଡ଼୍‍ତି, ନାନ୍ ଅଡ଼୍‌ ଗାର୍‍ରେ ନି ପେଦେର୍ ପ୍ରକାଶ୍ ମାଡ଼୍‍ତାନ୍; ଅଡ଼୍‌‍ ନି ମାନେଇ ନୁ ନିମ୍‍ ଅଡ଼୍‌‍କିଂଙ୍କ୍ ନାକିଂଙ୍କ୍ ଦାନ ମାଡ଼୍‍ତି, ମେଣ୍ଡେ ଅଡ଼୍‌ ନିୱାଦ୍ ବାକ୍ୟ ପାଲନ୍ ମାଡ଼୍‍ତଡ଼୍ ।

ଯୋହନ୍‌‌ 5:24

“ସତ୍ ନାନ୍ ମିକିଂଙ୍କ୍ କେତୁତାନ୍, ବେନ ନା ବାକ୍ୟ କେଞ୍ଜି ନା ପ୍ରେରଣାକର୍ତ୍ତାଙ୍କ୍ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ସାରେଦିନାତ୍ ଜିୱୁନ୍‍ ଦର୍ସିକି ମିନ୍ଦେଣ୍ଡ୍, ମେଣ୍ଡେ ଅଣ୍ଡ୍‌ ବିଚାରିତ ଆୟ୍‍ୟକଟ ବେଲାନ୍ ଡଲାନାଦିଙ୍କ୍ ମେଣ୍ଡନ୍‍ରକମ୍‌ ଆସ୍‌ ଜିୱୁନ୍‍ତାଗ୍‍ ନେଙ୍ଗି ମିନ୍ଦେଣ୍ଡ୍ ।

ଯୋହନ୍‌‌ 6:50

ବାତେଙ୍କ୍ ଇତ୍‍କେ ବେନ୍ କାଦି ସ୍ୱର୍ଗତାଗାଙ୍କ୍ ୱାଦ୍‍ତେ ଆଦିଙ୍କ୍ ବେନ ତିନ୍‍ତଣ୍ଡ୍ ଅଣ୍ଡ୍‌ ସାରେଦିନାତ୍ ଜିୱୁଣ୍ଡ୍ ଜିୱେଦର୍‍କିତ୍ ।

ଯୋହନ୍‌‌ 8:12

ଜିସୁ ମେଣ୍ଡ୍‍ନ୍ ଦାମ୍ ନାରୁଡ଼୍‍କ୍ ଶିକ୍ଷା ଇସ୍ କେତ୍‍ତଣ୍ଡ୍, “ନାନ୍ ଜଗତ୍‍ତେ ୱେସ୍; ବେନ ନା ପେର୍‍କେ ୱାଦ୍‍ତଣ୍ଡ୍, ଅଣ୍ଡ୍‌ ବେସୁଙ୍କ୍‍ ବା ଇକାଡ଼୍‍ତା ଆଦାଙ୍କ୍ ପାର୍‍ୱଣ୍ଡ୍, ବେଲାନ୍ ଜିୱୁତେ ୱେସ୍ ଦର୍‍କିତ୍ ।”

ଯୋହନ୍‌‌ 8:52

ଯିହୁଦୀନଡ଼୍ ଅଂକିଙ୍କ୍‌ କେତ୍‍ତଡ଼୍, “ଇଞ୍ଜେ ମାମ୍‍ମେ ପୁତ୍‍ତମ୍ ଯେ, ନିକିଂଙ୍କ୍ ବୁତ୍‌ପଇସ୍ ମିନ୍ଦେ, ଅବ୍ରାହାମ୍‌ ନୁ ବାବବାଦିଡ଼ି ଡଲିମିନ୍ଦେଡ଼୍, ମେଣ୍ଡେ ନିମ୍‍ କେତୁତିନ୍, ଯଦି ବେନ ନାୱାଦ୍ କେତାନାଦ୍ ପାଲନ୍ ମାଡ଼ିତନ୍, ଆଲାଇତ୍‍କେ ଅନାଗେ ବେସୁଙ୍କ୍‌ବା ଡଲ୍‍ନାଦ୍ ମାନ୍‍ନ ।

ଯୋହନ୍‌‌ 8:55

ମିଡ଼୍ ଅଂକିଙ୍କ୍‌ ବେସୁଙ୍କ୍‍ ପୁନ୍‍ୱିଡ଼୍, ବାତେଙ୍କ୍ ଇତ୍‍କେ ନାନ୍ ଅଂକିଙ୍କ୍‌ ପୁତ୍‍ତାନ୍ । ନାନ୍ ଅଂକିଙ୍କ୍‌ ପୁନନ୍ ଇଞ୍ଜ ଯଦି କେତିତାନ୍, ଆଲେକେ ନାନ୍ ମିକା ମିଇ ଲେକାମ୍ ମିତ୍ୟାବାଦି ଆଦ୍‍ତନ୍, ନାନ୍ ଅଂକିଙ୍କ୍‌ ପୁତ୍‍ତାନ୍ ନୁ ଅନାଦ୍‌ ବାକ୍ୟ ପାଲନ୍ ମାଡ଼ୁତାନ୍ ।

ଏବ୍ରୀ 11:5

ବିଶ୍ୱାସ୍ ଦ୍ୱାରା ଆନୋକ ଡଲ୍‌ୱାମାଞ୍ଜ ମେନ୍ଦୁଲ୍‌ତେ ପର୍ର ଆତ୍ତଣ୍ଡ୍‌ । ଅଣ୍ଡ୍‌ ତୋନ୍ଦିଲେଣ୍ଡ୍‌, ବାତାଙ୍କ୍‌ଇତ୍‌କେ ପରମେଶ୍ୱର ଅଙ୍କ୍‌‌ ଆତ୍‍ତା । ଅଣ୍ଡ୍‌‌ ୱେରଣ୍ଡ୍‌ ସାୟେ ନାରୁଣ୍ଡ୍‌ ମାତ୍‍ତଣ୍ଡ୍, ଆଦାନ୍‌ ମୁନେ ଅଙ୍କ୍‌‌ ନେଲାତଣ୍ଡ୍‌ ଇଞ୍ଜ ପୁଞ୍ଜ୍‌ମାତଡ୍‌ ।

ଏବ୍ରୀ 2:9

ମାମ୍ ଉଡୁତମ୍‌, ବେଲାକି ଜିସୁ ସ୍ୱର୍ଗ ଦୂତନୁଞ୍ଚ୍‌ ସୁଦୁଲଣ୍ଡ୍‌ ମାଡ଼ିମାତ୍‌ତଡ଼୍‍, ବେଲାକି ଇଶ୍ୱରନ୍‌ ଅନୁଗ୍ରହନୁଞ୍ଚ୍‌ ସାର୍ରେତଡ୍‌ ମାଇଦିଙ୍କ୍ ଡଲିତଣ୍ଡ୍‌ । ତାନାଦ୍‍ ଆ ଡଲ୍‌ତେ ମାଇଦିଙ୍କ୍ ମାନାଲ୍ ଇଞ୍ଜେ ଅଙ୍କ୍‌‌ ଗୌରବ୍‍ତେ ନୁ ନେକ୍‌କା ସାନ୍‌ମାନ୍‌ତାଦ୍‌ ସହଜ୍‍ କେର୍‍ତାଦ୍‌ ଉଡୁତାଲ୍‌ ।