ଯୋହନ୍‌‌ 7:39 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³⁹ ଜିସୁ ପବିତ୍ର ଆତ୍ମା ବିଷୟ୍‍ତେ ହିଦ୍‍ଗଟ୍ କେତ୍‍ତଣ୍ଡ୍, ବେନ ଜିସୁନାଗ୍ ବିଶ୍ୱାସ୍ ମାଡ଼ମାତ୍‍ତଡ଼୍, ଅଡ଼୍‌ ପେର୍‍କେ ପବିତ୍ର ଆତ୍ମା ପାଏମ୍ ଆଦ୍‍ତଡ଼୍, ବାତ୍‍ତେଙ୍କ୍ ଇତ୍‍କେ ଜିସୁ ଆଦ୍ ଯାକ ମହିମା ପାଏମ୍ ଆୟ୍‍ୱାଙ୍କ୍ ପବିତ୍ର ଆତ୍ମା ହିୱକଟ୍ ମାତ୍‍ତଡ଼୍ ।

ଯୋହନ୍‌‌ 7:39 ပူးပေါင်းရင်းမြစ်များ

ମାତିଉ 16:14

ଆଗାଙ୍କ୍ ଅଡ଼୍‌ କେତ୍‍ତଡ଼୍, “ବେନ କେତିତଡ଼୍‍, ବାପ୍ତିସ୍ମ ଯୋହନ୍‌, ବେନ ଏଲିୟ, ମେଣ୍ଡେ ବେନ ଜିରିମୀୟ ବା ବାବବାଦୀନଡ଼୍ ଆଗାଙ୍କ୍ ୱେରନ୍ ।”

ମାତିଉ 21:11

ନାରୁଡ଼୍ କେତ୍‍ତଡ଼୍, ଅଣ୍ଡ୍‌ ବେନ ? ବାଗାତଡ଼୍ କେତ୍‍ତଡ଼୍, “ଅଣ୍ଡ୍‌ ଆଦୁତନ୍, ଗାଲିଲୀତେ ନାଜରିତିୟ ବାବବାଦୀ ଜିସୁ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 24:49

ମେଣ୍ଡେ ଉଡ଼ାଟ୍ ନା ବାବାଲ୍ ବାତ୍ ପ୍ରତିଜ୍ଞା ମାଡ଼ିମିନ୍ଦେଣ୍ଡ୍, ଆଦ୍ ନାନ୍ ମି ଗାର୍‍ରେ ରଅତିତାନ୍, ବାତେଙ୍କ୍ ଇତ୍କେ ସ୍ୱର୍ଗତାଗାଙ୍କ୍ ଶକ୍ତି ଦର୍‍କ୍‍ୱେଯାକ ମିଡ଼୍ ଯିରୁଶାଲେମ୍ ତାଗ୍ ମାନୁଟ୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 3:16

ଆଦିନ୍ ସେଙ୍ଗେ ଯୋହନ୍‌ ସାରେତଡ଼୍‍କିଙ୍କ୍ କେତ୍‍ତଣ୍ଡ୍, “ନାନ୍ ସିନା ମିକିଂଙ୍କ୍ ଏର୍‍ ଦାଗ୍ ବାପ୍ତିସ୍ମ ହିଦୁତାନ୍, ମାତର୍ ନାୟାଗ୍ କଞ୍ଜ୍ ବେନ ଗାଟି ମହାନ୍, ଅଣ୍ଡ୍‌ ୱାସ ମିନ୍ଦେଣ୍ଡ୍, ଅନ୍‌‍ୱାଦ୍ ହେର୍‍ପୁକ୍ ତେ ନୁଲ୍ କୁସ୍ପାନଙ୍କ୍ ମିକା ନାନ୍ ଯୋଗ୍ୟ ଆୟନ୍; ଅଣ୍ଡ୍‌ ମିକିଂଙ୍କ୍ ପବିତ୍ର ଆତ୍ମା ନୁ କିସ୍ ତାଗ୍ ବାପ୍ତିସ୍ମ ହିଦ୍‍ତଣ୍ଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 7:16

ଇଗେତିସ୍‍ନ୍‍ ସାରେତଡ଼୍ ୱେର୍‍ତଡ଼୍, ମେଣ୍ଡେ ଇଶ୍ୱର୍‌ତେ ମହିମା କୀର୍ତ୍ତନ୍ ମାଡ଼ କେତାଙ୍କ୍ ପସ୍‍ପ୍‍ତଣ୍ଡ୍, “ମାନ୍‍ ଲୋପେ ୱେର୍‍ଣ୍ଡ୍ ବାଡ଼ିୟଣ୍ଡ୍ ବାବବାଦୀ ୱାସ୍‍ମିନ୍ଦେଣ୍ଡ୍ ନୁ ଇଶ୍ୱର୍ ତାମ୍ ନାରୁଡ଼୍‍କ୍ ଉଦାର୍ ମାଡ଼ାଙ୍କ୍ ୱାସ୍‍ମିନ୍ଦେଣ୍ଡ୍ ।”

ଯୋହନ୍‌‌ 1:21

ଆସୁଟେ ଅଡ଼୍‌‍ ଅଂକିଙ୍କ୍‌ ପାଚ୍ରାମାଡ଼୍‍ତଡ଼୍, “ଆଲାଇତ୍‍କେ ନିମ୍‍ ବାତେଏ ଏଲୀୟନି ?” ଅଣ୍ଡ୍‌ କେତ୍‍ତଣ୍ଡ୍, “ନାନେ ଆୟନ୍ । ନିମ୍‍ ବାତେଏ ଆ ବାବବାଦୀନୀ ?” ଅଣ୍ଡ୍‌ ଉତ୍ତର୍ ହିତ୍‍ତଣ୍ଡ୍ “ଇଲା ।”

ଯୋହନ୍‌‌ 1:25

ଅଂକିଙ୍କ୍‌ ପାଚ୍ରାମାଡ଼୍‍ତଡ଼୍, “ନିମ୍‍ ଯଦି କ୍ରିଷ୍ଟ କି ଏଲୀୟ କି ଆ ବାବବାଦୀ ଆୟ୍‍ୱିନ୍, ଆଲାଇତ୍‍କେ ବାତେଙ୍କ୍ ବାପ୍ତିସ୍ମ ହିଦୁତିନ୍ ?”

ଯୋହନ୍‌‌ 1:33

ନାନେ ଆନ୍‌‍ତେ ଅଂକିଙ୍କ୍‌ ହେଞ୍ଚକଟ୍ ମାତ୍‍ତାନ୍, ମାତର୍ ବେନ ନାକିଂଙ୍କ୍ ଏର୍‍ଦାଗ୍ ବାପ୍ତିସ୍ମ ହିଦାଙ୍କ୍ ରହ୍‍ତଣ୍ଡ୍, ଅଣ୍ଡ୍‌ ନାକିଂଙ୍କ୍ କେତ୍‍ତଣ୍ଡ୍, ବେନଡ଼୍‍ ପର୍‍ ଆତ୍ମାତିଙ୍କ୍ ଡିଗାନାଦ୍ ଉଡ଼ିତିନ୍, ଅଣ୍ଡ୍‌ ଆ ନାରୁଡ଼୍‌ଣ୍ଡ୍‌, ବେନ ପବିତ୍ର ଆତ୍ମାତେ ବାପ୍ତିସ୍ମ ହିଦ୍‍ତଣ୍ଡ୍ ।

ଯୋହନ୍‌‌ 12:16

ଅନ୍‌ ଶିଷ୍ୟନଡ଼୍ ମୁନେଙ୍କ୍ ଇଦ୍ ସାରେ ବିଷୟ ବୁଜେମ୍ ଆୟ୍‍ୟଡ଼୍, ବାତେଙ୍କ୍ ଇତ୍‍କେ ଜିସୁ ମହିମାନିତ ଆତ୍‍ତେ ୱେଲେ ଇଦ୍ ସାରେ ବିଷୟ ଯେ ଅନ୍‌ ମୁନେ ଲେକାମାତ୍‍ତେ, ମେଣ୍ଡେ ଅନ୍‌ ସେଙ୍ଗେ ଅଡ଼୍‌ ଯେ ଇଦ୍‍ସାରେ ମାଡ଼ିମାତ୍‍ତଡ଼୍, ଆଦ୍ ଅଡ଼୍‌ ମାନ୍‍ ଦାଗ୍ ୱାତ୍‍ତେ ।

ଯୋହନ୍‌‌ 12:23

ଜିସୁ ଅଡ଼୍‌‍କ୍ ଉତ୍ତର୍ ହିତ୍‍ତନ୍, “ନାରୁନ୍ ପିଲେ ମହିମାନିତ ଆଦାନ୍ ସେଙ୍ଗେ ଦିନାମ୍ ହେୱୁତେ ।”

ଯୋହନ୍‌‌ 14:13

ମେଣ୍ଡେ ନା ପେଦେର୍ ତେ ବାତେଏ ତାଲ୍‍କିତିଡ଼୍, ଆଦ୍ ନାନ୍ ମାଡ଼ିତାନ୍ । ବେଲାକି ପିଲାନ୍ ତଡ଼୍ ବାବାନାଦ୍ ମହିମା ପ୍ରକାଶ୍ ଆଦ୍‍ତେ ।

ଯୋହନ୍‌‌ 14:26

ଆଦ୍ ସାହାଯ୍ୟୟକାରି ବେନ୍ ପବିତ୍ର ଆତ୍ମାତିଙ୍କ୍ ବାବାଲ୍ ନା ପେଦେର୍ ତେ ମାଲ୍‍ପିତନ୍, ଅଣ୍ଡ୍‌ ସାରେ ବିଷୟ୍‍ତେ ମିକିଂଙ୍କ୍ ବାତେଏ କେସ୍‍ମିନ୍ଦେନି, ଆଦ୍‍ ସାରେ ମିକିଂଙ୍କ୍ ଏର୍କା ମାଡ଼ିଦ୍‍ତଣ୍ଡ୍‌ ।”

ଯୋହନ୍‌‌ 16:14

ଅଣ୍ଡ୍‌ ନାକିଂଙ୍କ୍ ଗୌରବ୍‍ ମାଡ଼ିତନ୍, ବାତେଙ୍କ୍ ଇତ୍‍କେ ଅଣ୍ଡ୍‌ ନାୱାଦ୍ ବିଷୟ୍ ଆସ୍ ମିକିଂଙ୍କ୍ କେତିତଣ୍ଡ୍ ।

ଯୋହନ୍‌‌ 16:7

ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ ସତ୍ କେତୁତାନ୍, ନାନ୍ ଆତ୍‍କେନେ ମିୟାଦ୍ ଲେକେତ୍ ଆଦ୍‍ତେ, ବାତେଙ୍କ୍ ଇତ୍‍କେ ନାନ୍ ଆନୋକ୍ ଅଣ୍ଡ୍‌ ସାହାଜ୍ୟ ମାଡ଼ାନଣ୍ଡ୍ ନାରୁଡ଼୍ ମିଇ ଗାର୍‍ରେ ୱାଡ଼ଣ୍ଡ୍, ମାତର୍ ନାନ୍ ଆତ୍‍କେ ଅଙ୍କ୍‌ ମିଇ ଗାର୍‍ରେ ରହସିଦ୍‍ତାନ୍ ।

ଯୋହନ୍‌‌ 17:1

ଜିସୁ ଇଦ୍‍ସାରେ ଗଟି କେସ୍ ତେର୍‍ତେପେୟ୍ ସ୍ୱର୍ଗତା ଉଡ଼ି କେତ୍‍ତଣ୍ଡ୍, “ବାବା, ଦିନାମ୍ ଆଦ୍‍ତେ; ନି ମାର୍‍ରିଙ୍କ୍ ମହିମାନିତ ମାଡ଼ା, ବେଲା ମାର୍‍ ନିୱାଦ୍ ମହିମା ମାଡ଼ିତନ୍,

ଯୋହନ୍‌‌ 17:5

ଇଞ୍ଜେ, ହୋ ବାବା, ଜଗତ୍‍ତାଦ୍ ତିଆର୍ ମୁନେଙ୍କ୍ ନି ତଡ଼୍ ନାୱାଦ୍ ବେନ୍ ମହିମା ମାତ୍‍ତା, ଇଞ୍ଜେ ନିମ୍‍ ନାକିଂଙ୍କ୍ ଆଦ୍ ମହିମା ହିମ୍ ।”

ଯୋହନ୍‌‌ 20:22

ଜିସୁ ଇଲା କେସ୍ ଅଡ଼୍‌ ପର୍‍ର ନେହେସ୍‍କି କେତ୍‍ତଣ୍ଡ୍, “ପବିତ୍ର ଆତ୍ମାତିଙ୍କ୍ ଗ୍ରହନ୍ ମାଡ଼ାଟ୍ ।

ଯୋହନ୍‌‌ 6:14

ଆଗେ ମାନ୍ଦାନ୍ ନାରୁଡ଼୍ ଜିସୁ ମାଡ଼୍‍ତେ ବାକ୍‍ୱା ପାଡ଼ିୟି ଉଡ଼ି କେତ୍‍ତାଙ୍କ୍ ପସ୍ପ୍‍ତ୍‍ତଡ଼୍, “ଜଗତ୍‍ତାଗେ ବେନ୍ ବାବବାଦିଡ଼୍ ୱାଦାନାଦ୍ ମାତ୍‍ତେ, ଇଣ୍ଡ୍ ନିଜାମ୍ ଅଣ୍ଡେ ।”

ଯୋହନ୍‌‌ 7:12

ମେଣ୍ଡେ, ଅନ୍‌ ବିଷୟ୍‍ତେ ନାରୁଡ଼୍ ତାମ୍‍ତାମ୍ ଲୋପ୍ ତିରିୟାନଙ୍କ୍ ପସ୍‍ପ୍‍ତ୍‍ତଡ଼୍; ମେଣ୍ଡେ ବେନ୍‍ ବେନ କେତ୍‍ତଡ଼୍, “ଅଣ୍ଡ୍‌ ଅର୍‍ତୁଣ୍ଡ୍ ସାୟେତ୍ ନାରୁଡ଼୍;” ମେଣ୍ଡେ ବେନ କେତ୍‍ତଡ଼୍, “ଇଲେ, ଅଣ୍ଡ୍‌ ନାରୁଡ଼୍‍କିଂଙ୍କ୍ ବୁସା ମାଡ଼ମିନ୍ଦେଣ୍ଡ୍ ।”

ଯୋହନ୍‌‌ 8:54

ଜିସୁ ଉତ୍ତର୍ ହିତ୍‍ତଣ୍ଡ୍, “ନାନ୍ ଯଦି ନିଜ୍‍ତିଙ୍ଗ୍ ଗୌରବ୍‍ ବାନ୍ୱିତ ମାଡ଼ାଙ୍କ୍ ଚେଷ୍ଟା ମାଡ଼େନ୍ ଇଦିନାଦ୍ ବାତେବା ମୁଲ୍ୟ ମାନ୍‍ନ ଆୟେଡ଼୍‍ । ବେନ ନାକିଂଙ୍କ୍ ଗୌରବ୍ ବାନ୍ୱିତ ମାଡ଼ିତନ୍, ଅଣ୍ଡ୍‌ ନା ବାବାଲ୍, ବେନଙ୍କ୍ ମିଡ଼୍ ନିଜେତ୍ ଇଶ୍ୱର୍ ଇଞ୍ଜ କେତୁତିଡ଼୍ ।

ପ୍ରେରିତ 19:2

“ମିଡ଼୍ ବିଶ୍ୱାସୀ ଆତ୍‍ତେ ୱେଲେ ବାତ୍ ପବିତ୍ର ଆତ୍ମା ପାଏମ୍ ଆସ୍‍ମାତ୍‍ତିଡ଼୍ ?” ଅଡ଼୍‌ ଉତ୍ତର୍ ହିତ୍‍ତଡ଼୍, “ପବିତ୍ର ଆତ୍ମା ଇଞ୍ଜ ବେନ ମିନ୍ଦେଣ୍ଡ୍, ଇଦ୍ ଗଟ୍ ମାମ୍‍ମେ ବେସୁଟ୍‌ କେଞ୍ଜମ୍ ।”

ପ୍ରେରିତ 2:17

“ଇଶ୍ୱର୍ କେତିତଣ୍ଡ୍, ‘ତେରାନ୍‍ ଦିନାତେ ଇୱୁ ସାରେ ଗଟେମ୍ ଆଦ୍‍ତେ, ନାନ୍‍ନେ ସାରେତଡ଼ାଗ୍ ନାୱାଦ୍ ମେନ୍ଦୁଲ୍‍ତିଙ୍କ୍‍ ଆତ୍ମା ବର୍ତ୍ତି ମାଡ଼ିତାନ୍ । ମିଇ ମାର୍‍କ୍ ନୁ ମାୟାସ୍କ୍ ନାୱାଦ୍‍ ସୁସମାଚାର୍‍ କେତିତା । ମିୱଡ଼୍ ଲେୟଡ଼୍ ଦିବ୍ୟ ଦର୍ଶନ୍ ଦର୍‍କିତ୍ ନୁ ବୟସ୍କା ନାରୁଡ଼୍ ସାପ୍ନା ଉଡ଼ିତଡ଼୍ ।

ପ୍ରେରିତ 2:33

ଜିସୁ ତାମ୍ ବାବାନ୍ ତିନ୍ଦେପାକ୍ ତେଦିମିନ୍ଦେଣ୍ଡ୍ ନୁ ବାବାନ୍ ପ୍ରତିଜ୍ଞା ଲେକାମ୍ ଅନାଗାଙ୍କ୍ ପବିତ୍ର ଆତ୍‍ମା ପାଏମ୍‍ଆତ୍‍ତଣ୍ଡ୍ । ଇଞ୍ଜେ ମିଡ଼୍ ବାଆତେ ଉଡ଼ୁତିଡ଼୍ ନୁ କେଞ୍ଜୁତିଡ଼୍, ଆଦ୍ ଇଶ୍ୱର୍‌ତାଦ୍‍ ଦାନ । ଆଦ୍ ଅଣ୍ଡ୍‌ ମା ପର୍‍ର ତସିସ୍‍ ମିନ୍ଦେଣ୍ଡ୍ ।

ପ୍ରେରିତ 2:38

ପିତର୍ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମିଡ଼୍ ହେର୍କା ମାଡ଼ି ସାରେତଡ଼ି ପାପ୍‍ତାଗାଙ୍କ୍ ମାଲ୍‍ମୁଟ୍ ନୁ ପାପ୍ କେମା ସେଙ୍ଗେ ଜିସୁ କ୍ରିଷ୍ଟନ୍ ପେଦେର୍‍ତେ ଏର୍‍ଦିକ୍ଷା ଆୟ୍‍ମୁଟ୍; ଆଲେକେ ମିଡ଼୍ ଇଶ୍ୱର୍‌ତେ ଉପହାର୍, ପବିତ୍ର ଆତ୍ମା ପାଏମ୍‍ଆଦ୍‍ତିଡ଼୍‍ ।

ପ୍ରେରିତ 2:4

ଆଗାଙ୍କ୍ ଅଡ଼୍‌ ସାରେତଡ଼୍ ପବିତ୍ର ଆତ୍ମାତେ ବର୍ତ୍ତି ଆଦ୍‍ତଡ଼୍ ନୁ ଆତ୍‍ମା ଅଡ଼୍‌‍କିଂଙ୍କ୍ ବେଦ୍‍ପୁଟୁଙ୍କ୍ କେତାଙ୍କ୍ ଶକ୍ତି ହିତ୍‍ତେ, ଆଦ୍ ରକମ୍ ଅଡ଼୍‌ ବେନ୍‍ବେନା ଗଟ୍‍ତଡ଼୍ ତିରିୟାଙ୍କ୍ ପସ୍‍ତଡ଼୍ ।

ପ୍ରେରିତ 3:13

ଅବ୍ରାହାମ୍, ଇସ୍‍ହାକ୍ ନୁ ଯାକୁବ୍‍ତେ ଇଶ୍ୱର୍, ମାନ୍‍ ଆନିଦାଦିଡ଼୍‍ତେ ଇଶ୍ୱର୍, ତାମ୍ ଦାସ ଜିସୁଙ୍କ୍ ସ୍ୱର୍ଗୀୟ ଗୌରବ୍‍ ମାଡ଼୍‍ତଣ୍ଡ୍ । ଇତ୍‍କେ ମିଡ଼୍ ଅଂକିଙ୍କ୍‌ ପେଦାନ୍ କାଇଦେ ସମର୍‍ପନ୍ ମାଡ଼୍‍ତିଡ଼୍ । ଇଦ୍ ଲେକାମ୍ ପିଲାତ ଅଂକିଙ୍କ୍‌ ମୁକ୍ତି ମାଡ଼ାଙ୍କ୍ ବିଚାର୍ ମାଡ଼ିମାତ୍‍କେ ମିକା, ଅଂକିଙ୍କ୍‌ ପିଲାତନ୍ ମୁନେ ମନା ମାଡ଼୍‍ତିଡ଼୍ ।

ପ୍ରେରିତ 4:31

ଅଡ଼୍‌ ପ୍ରାର୍ତନା ମାଡ଼ାନ୍ ୱେଲେ ବେନ୍ ପଡ଼୍‍ୟେତାଗ୍ ଅଣ୍ଡୟାଗେ ଆସ୍‍ମାତ୍‍ତଡ଼୍, ଆଦ୍ ପଡ଼୍‍ୟି ଲେଙ୍ଗ୍‍ଦେ ବର୍ତ୍ତି ଆତ୍‍ତେ । ମେଣ୍ଡେ ସାରେତଡ଼୍ ପବିତ୍ର ଆତ୍‍ମା ତଡ଼୍ ପୁରା ଆସ୍ ସାହାସ୍ ତଡ଼୍ ଇଶ୍ୱର୍‌ତେ ବାକ୍ୟ କେତାଙ୍କ୍ ପସ୍‍ସ୍ପ୍‍ତଡ଼୍ ।

ରୋମୀୟ 8:9

ଯଦି ନିଜାମ୍ ଇଶ୍ୱର୍‌ତାଦ୍ ପବିତ୍ର ଆତ୍ମା ମିୟାଗେ ମିନ୍ଦେ, ମିଡ଼୍ ମେଣ୍ଡେ ମାନେୟ୍‍ ଲେକାମ୍ ଜିୱୁଣ୍ଡ୍ ବାଦ୍‍କ୍‍ୱିଡ଼୍, ଇତ୍‍କେ ଜିୱୁଣ୍ଡ୍‍ତାଗ୍ ପବିତ୍ର ଆତ୍ମାତେ ଗଟ୍ ପାଲନ୍ ମାଡ଼ୁତିଡ଼୍ । କ୍ରିଷ୍ଟନାଦ୍ ଆତ୍ମା ବେନନ୍ ଗାର୍‍ରେ ଇଲ୍‍ଲେ, ଅଣ୍ଡ୍‌ ବେସୁଟ୍‌ ଅନ୍‌ ନାରୁଣ୍ଡ୍‍ ଆଦାନଙ୍କ୍ ପାର୍‍ୱଣ୍ଡ୍ ।

୨ କରନ୍ତିୟ 3:8

ଆଲେକେ ପବିତ୍ର ଆତ୍ମାତେ ପାଡ଼୍‍ୟି ସାର୍‍ରେ ଅନାଗାଙ୍କ୍ ବେସର୍ ଅଦିକ୍‌ ଗୌରବ୍‍ତେ ତିଆର୍ ଆଦ୍‍ତେ !

ଏଫିସିୟ 4:30

ଇଶ୍ୱର୍‌ତେ ପବିତ୍ର ଆତ୍ମାତିଙ୍କ୍ ଦୁଃକାମ୍‍ ଇମାଟ୍ । ବାତେଙ୍କ୍‍ଇତ୍‍କେ ପବିତ୍ର ଆତ୍ମା ମିଇ ପର୍‍ର ଇଶ୍ୱର୍‌ତେ ନିଜର୍‍ ଅଦିକାର୍‌ ଚିଃଏନେ ରକମ୍ ନୁ ଇଶ୍ୱର୍ ଯେ ଅନ୍‌‍ଦିନେ ମିକିଂଙ୍କ୍ ମୁକ୍ତି ମାଡ଼ିତନ୍, ଇଦିନ୍ ରକମ୍ ।