ଯୋହନ୍‌‌ 7:33 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³³ ଆସୁଟେ ଜିସୁ କେତ୍‍ତଣ୍ଡ୍, “ନାନ୍ ମେଣ୍ଡେ ସୁଦୁର୍ ସମୟ୍‍ଜାକ ମିଇ ତଡ଼୍ ମାନ୍‍ତାନ୍, ତାନ୍‍ପେର୍କେ ନାକିଂଙ୍କ୍ ରୟ୍‍ସ୍‍ମାନ୍ଦାନନ୍‍ ଗାର୍‍ରେ ମାଲ୍‍ସ୍ ଆଦ୍‍ତନ୍ ।

ଯୋହନ୍‌‌ 7:33 ပူးပေါင်းရင်းမြစ်များ

ମାର୍କ 16:19

ଅଡ଼୍‌‍କିଂଙ୍କ୍‌ ଇ ସାରେ ଗଟି କେସ୍ ତେରି ପ୍ରବୁ ଜିସୁ ସ୍ୱର୍ଗ ଇଶ୍ୱରତେ ତିନ୍ଦେ କାଇଦେ ପାକେ କୁଦ୍‍ତଣ୍ଡ୍ ।

ଯୋହନ୍‌‌ 13:1

ନିସ୍ତାର୍ ପାଣ୍ଡୁମ୍ ଆଦାନ୍ ମୁନେଙ୍କ୍ ଜିସୁ ଇଦ୍ ଜଗତ୍‍ତାଗାଙ୍କ୍ ବାବାନ୍ ଗାର୍‍ରେ ଆଦାନଙ୍କ୍ ଅନାଦ୍‌ ଦିନାମ୍ ଉପସ୍ଥିତ୍ ଆତ୍‍ତାଦ୍ ପୁଞ୍ଜ୍, ଜଗତ୍ ତାଗ୍ ମାନ୍ଦାନ୍ ନିଜେତ୍ ବେନ୍ ନାରୁଡ଼୍‍କ୍ ଅଣ୍ଡ୍‌ ପ୍ରେମ ମାଡ଼ି ୱାସମାତ୍‍ତନ୍, ଅଡ଼୍‌ ସାରେ ନାରୁଡ଼୍‍କ୍ ପ୍ରେମ ତିଆର୍ ମାଡ଼୍‍ତଣ୍ଡ୍ ।

ଯୋହନ୍‌‌ 13:3

ଆସୁଙ୍କ୍, ବାବାଲ୍ ଯେ ଅନ୍‌ କାଇଦେ ସାରେ କ୍ଷମତା ସମର୍‍ପନ୍ ମାଡ଼ି ମିନ୍ଦେନ୍ ନୁ ଅଣ୍ଡ୍‌ ଯେ ଇଶ୍ୱର୍‌ତେ କଞ୍ଜ୍ ୱାସ୍‍ମିନ୍ଦେନ୍, ମେଣ୍ଡେ ଇଶ୍ୱର୍‌ତାକେ ଆଞ୍ଜମିନ୍ଦେନ୍, ଆଦ୍ ପୁଞ୍ଜ୍‍ମାତ୍‍ତଣ୍ଡ୍ ।

ଯୋହନ୍‌‌ 13:33

ଜିସୁ କେତ୍‍ତଣ୍ଡ୍ ପିଲାନଡ଼ି ନାନ୍ ମିତଡ଼୍ ମେଣ୍ଡେ ନାର୍‍ଗେ ଦିନାମ୍ ମାନନ୍ । ମିଡ଼୍ ନାକିଂଙ୍କ୍ ମେହେକିତିଡ଼୍, ମେଣ୍ଡେ ନାନ୍ ବେନ୍ ପଡ଼ିୟେତାଗ୍ ଆଦୁତାନ୍, ମିଡ଼୍ ଆଦ୍‍ପଡ଼ିୟେତାଗ୍ ଆଦ୍ ପାର୍‍ୱିଡ଼୍, ଇଦ୍ ନାନ୍ ବେଲା ଇହୁଦିନଡ଼କ୍ କେତ୍‍ତାନ୍, ଆଦେଲେକାମ୍ ନାନ୍ ମିକିଂଙ୍କ୍ କେତୁତାନ୍ ।

ଯୋହନ୍‌‌ 14:12

ସତ୍ ନାନ୍ ମିକିଂଙ୍କ୍ କେତୁତାନ୍, ନାୟାଗେ ବେନ ବିଶ୍ୱାସ୍ ମାଡ଼ିତନ୍, ନାନ୍ ବେନ୍ ପାଡ଼୍‍ୟି ମାଡ଼ୁତାନ୍, ଅଣ୍ଡ୍‌ ମିକା ଆଦେ ମାଡ଼ିତନ୍, ମେଣ୍ଡେ ଆଦ୍‍ ସାରେ ୱିଡ଼୍‍ସି ଗାଟି ଲେକାମ୍ ପାଡ଼୍‍ୟି ମାଡ଼ିତନ୍, ବାତେଙ୍କ୍ ଇତ୍‍କେ ନାନ୍ ବାବାନ୍ ଗାର୍‍ରେ ଆଦୁତାନ୍ ।

ଯୋହନ୍‌‌ 14:19

ସୁଦୁଟ୍ ମାତର୍ ଦିନାମ୍ ମିନ୍ଦେ, ଜଗତ୍ ନାକିଂଙ୍କ୍ ମେଣ୍ଡେ ଉଡ଼; ମାତର୍ ମିଡ଼୍ ନାକିଂଙ୍କ୍ ଉଡ଼ିତିଡ଼୍, ବାତେଙ୍କ୍ ଇତ୍‍କେ ନାନ୍ ଜିୱେ, ମେଣ୍ଡେ ମିଡ଼୍ ଆନ୍‌‍ତେ ଜିୱେ ମାନ୍ଦ୍‍ତିଡ଼୍ ।

ଯୋହନ୍‌‌ 14:28

ନାନ୍ ଆଦୁତାନ୍ ନୁ ମେଣ୍ଡେ ମିଇ ପାକେ ୱାଦ୍‍ତାନ୍, ନାୱାଦ୍ ଇଦ୍ ଗଟ୍ ତ କେଞ୍ଜି ମିନ୍ଦେଡ଼ି । ଯଦି ମିଡ଼୍ ନାକିଂଙ୍କ୍ ପ୍ରେମ ମାଡ଼େଡ଼ି, ଆଲେକେ ନାନ୍ ନା ବାବାନ୍ ପାକେ ଆଦୁତାନ୍ ଇଞ୍ଜ କେଞ୍ଜି ୱେଡ଼୍‍କେ ମାଡ଼େଡ଼ି, ବାତେଙ୍କ୍ ଇତ୍‍କେ ବାବାଲ୍ ନାୟାଗ୍‍କଞ୍ଜ୍ ମହାନ୍ ।

ଯୋହନ୍‌‌ 16:10

ଦାର୍ମିକତା ବିଷୟ୍‍ତେ-ବାତେଙ୍କ୍ ଇତ୍‍କେ ନାନ୍ ବାବାନ୍ ଗାର୍‍ରେ ଆଦୁତାନ୍ ନୁ ମିଡ଼୍ ନାକିଂଙ୍କ୍ ମେଣ୍ଡେ ଉଡାଙ୍କ୍ ପାର୍‍ୱିଡ଼୍;

ଯୋହନ୍‌‌ 16:28

ସତ୍ ନାନ୍ ବାବାନାଗାଙ୍କ୍ ଜଗତ୍‍ତାଗ୍ ୱାସ୍‍ମିନ୍ଦେନ୍; ମେଣ୍ଡଅନ୍‌‍ଦାମ୍ ଜଗତ୍‍ତିଙ୍କ୍ ୱିଡ଼୍‍ସି ବାବାନ୍ ଗାର୍‍ରେ ଆଦୁତାନ୍ ।”

ଯୋହନ୍‌‌ 16:5

ବାତେଙ୍କ୍ ଇତ୍‍କେ ଇଞ୍ଜେ ନାନ୍ ନା ପ୍ରେରଣାକର୍ତ୍ତାନ୍ ଗାର୍‍ରେ ଆଦୁତାନ୍, ମେଣ୍ଡେ ମିଡ଼୍ ବେନ୍ ପଡ଼ିୟେତାଗ୍ ଅଦୁତି ଇଞ୍ଜ ମିଇ ଲୋପେକେ ବେନମିକା ପାଚ୍ରାମାଡ଼୍‍ୱିଡ଼୍ ।

ଯୋହନ୍‌‌ 17:11

ନାନ୍ ମେଣ୍ଡେ ଇଦ୍ ଜଗତ୍‍ତାଗ୍ ମାନନ୍, ବାତେଙ୍କ୍ ଇତ୍‍କେ ଇଡ଼୍ ଇଦ୍ ଜଗତ୍‍ତାଗ୍ ମାନ୍‍ତଡ଼୍; ମେଣ୍ଡେ ନାନ୍ ନି ଗାର୍‍ରେ ଆଦୁତାନ୍ । ପବିତ୍ର ବାବା, ନିମ୍‍ ନାକିଂଙ୍କ୍ ହିତ୍‍ତେ ପେଦେର୍‍ତେ ଶକ୍ତି ତଡ଼୍ ଅଡ଼୍‌‍କିଂଙ୍କ୍ ରକ୍ଷା ମାଡ଼ା ବେନ୍ ପେଦେର୍ ନାକିଂଙ୍କ୍ ହିତ୍‍ତି, ବେଦ୍‍ରକମ୍‍ ମାନାଡ଼୍ ଅଣ୍ଡୟାଗେ ଆଦ୍‍ତାଡ଼୍, ଅଡ଼୍‌ ଆଦେରକମ୍ ଅଣ୍ଡୟାଗେ ଆଦ୍‍ତଡ଼୍ ।”

ଯୋହନ୍‌‌ 17:13

ବାତେଙ୍କ୍ ଇତ୍‍କେ ନାନ୍ ଇଞ୍ଜେ ନି ଗାର୍‍ରେ ଆଦୁତାନ୍, ମେଣ୍ଡେ ଅଡ଼୍‌ ଲୋପେ ନାୱାଦ୍ ୱେଡ଼୍‍କା ବର୍ତ୍ତି ଆୟି, ଆଦିନ୍ ସେଙ୍ଗେ ଜଗତ୍‍ତାଗ୍ ମାନ୍ଦାନ୍ ୱେଲେ ନାନ୍ ଇୱୁସାରେ କେତୁତାନ୍ ।

ଯୋହନ୍‌‌ 20:17

ଜିସୁ ଆଦିଙ୍କ୍ କେତ୍‍ତଣ୍ଡ୍, “ନାକିଂଙ୍କ୍ ପଇସ୍ ନେହେମା, ବାତେଙ୍କ୍ ଇତ୍‍କେ ନାନ୍ ଇଞ୍ଜେକ୍ ଅନ୍‌‍ପାକେ ବାବାନାଗ୍ ଆନନେ; ନା ତାମୁଣ୍ଡ୍‌କିଡ଼୍ କେଲ୍‍ଲା, ନାନ୍ ନା ବାବାଲ୍ ନୁ ଅଡ଼୍‌ ବାବାଲ୍, ନା ଇଶ୍ୱର୍ ନୁ ଅଡ଼୍‌ ଇଶ୍ୱର୍‌ତେ ଗାର୍‍ରେ ଆଦୁତାନ୍ ।”

ଯୋହନ୍‌‌ 9:4

ଦିନାମ୍ ମାଞ୍ଜ୍ ମାଞ୍ଜ୍ ନା ୱାଦାନ୍‍କର୍ତ୍ତାଲ୍ ଇଶ୍ୱର୍‌ତେ ପାଡ଼୍‍ୟି ମାଡ଼ାଙ୍କ୍ ମାନାଦ୍‍ ପାଡ଼୍‍ୟି; ବେନ୍ ସମୟ୍‍ତେ ବେନ୍ ପାଡ଼୍‍ୟି ମାଡ଼େପାର୍‍ୱଣ୍ଡ୍, ଇଦ୍‍ଲେକାମ୍ ଇକାଡ଼୍ ୱାସମିନ୍ଦେ ବେସୁଟ୍‌ ବେନ ବାତେଏ ପାଡ଼୍‍ୟି ମାଡ଼େପାର୍‍ୱଣ୍ଡ୍ ।