ଯୋହନ୍‌‌ 7:19 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁹ ମୋଶାଲ୍ ବାତେଏ ମିକିଂଙ୍କ୍ ବ୍ୟବସ୍ଥା ହିୱଣ୍ଡ୍ ? ମିକା ମିଇ ଲୋପେଙ୍କ୍ ବେନମିକା ବ୍ୟବସ୍ଥା ପାଲନ୍ ମାଡ଼୍‍ୱିଡ଼୍ । ମିଡ଼୍ ବାତେଙ୍କ୍ ନାକିଂଙ୍କ୍ ଆୱ୍‍କାଂଙ୍କ୍ ଚେଷ୍ଟା ମାଡ଼ମିନ୍ଦେଡ଼ି ?”

ଯୋହନ୍‌‌ 7:19 ပူးပေါင်းရင်းမြစ်များ

ମାତିଉ 12:14

ତାନ୍‍ପେର୍କେ ପାରୂଶୀଡ଼୍ ଆଦ୍ ପଡ଼ିୟେତାଗାଙ୍କ୍ ପେଇସ୍ ଆଞ୍ଜ୍ ଜିସୁଙ୍କ୍ ଆୱୁକାନ୍ ସେଙ୍ଗେ ଷଡ଼ଯନ୍ତ୍ର ମାଡ଼୍‍ତଡ଼୍ ।

ମାତିଉ 21:38

ମାତର୍ ଆଦ୍ ଚାଷୀଡ଼୍ ପେକାଙ୍କ୍ ଉଡ଼ି ତାମ୍ ତାମ୍ କେତ୍‍ତଡ଼୍, ଇଣ୍ଡ୍ ତ ମାଲିକ୍‍ତେ ମାର୍‍; ୱାଡ଼ାଟ୍ ଇଙ୍କ୍ ହାଉକିକାଡ଼୍‍ ମିକା ଇଣ୍ଡ୍ ଅଦିକାର୍‌ ମାନ୍‍ କାଇଦେ ମାଡ଼ିକାଡ଼୍‍ ।

ମାର୍କ 11:18

ବେଡ଼େଇ ଯାଜକ୍‌ ନୁ ଶାସ୍ତ୍ରୀଡ଼୍‍ ଇଦ୍‌ ଗଟନା ବିଷୟ୍‍ତେ କେଞ୍ଜି ଜିସୁଙ୍କ୍‍ ଆୱୁକାଙ୍କ୍‍ ଉପାୟ୍‍ ମେହେକାଙ୍କ୍‍ ପସ୍ପ୍‍ତଡ଼୍‍ । ଅଡ଼୍‌‍ ଜିସୁଙ୍କ୍‍ ୱେର୍‍ସ ମାତ୍‍ତଡ଼୍‍ । କାରନ୍‍ ନାରୁଡ଼୍ ଅନ୍‌‍ ଶିକ୍ଷାତେ ଆଶର୍ଯ୍ୟ ଆତ୍‍ତଡ଼୍‍ ।

ମାର୍କ 3:4

ଅଣ୍ଡ୍‌ ନାରୁଡ଼୍‍କିଂଙ୍କ୍ ପଚାର୍‍ମାଡ଼୍‍ତନ୍, “ବିଶ୍ରାମ୍‍ଦିନେତେ ବାଆତେ ମାଡ଼ାନାଦ୍‍ ଟିକ୍‍ ନିୟମ୍‍ ? ବେନ୍ ଦିନ୍ ୱେରନାଦ୍ ଲେକେତ୍‍ ମାଡ଼ିକାଡ଼୍ ନା କାରାପ୍‍ ମାଡ଼ିକା ? ୱେରନାଦ୍‍ ତ ଜିୱୁନ୍‍ତିଙ୍କ୍‌ ରକ୍ଷା ମାଡ଼ାନାଦ୍ ନା ବିନାସ ମାଡ଼ାନାଦ୍ ? ବାତେଙ୍କ୍ ଇତ୍‍କେ ଅଡ଼୍‌ କଟମାତ୍‍ତଡ଼୍ ।”

ମାର୍କ 3:6

ଆସୁଙ୍କ୍ ଫାରଶୀଡ଼୍‍ ପ୍ରାର୍ତନା ଲୋତ୍‍ତାଗାଙ୍କ୍ ପେଇସ୍ ଆଞ୍ଜ୍ ଜିସୁଙ୍କ୍ ଆୱୁକାନ୍ ସେଙ୍ଗେ “ହେରଦୀନ୍‍” ମାନ୍ଦେତ୍ ନାରୁଡ଼୍‍ତଡ଼୍ ତିର୍‍ୟ୍‍ତନ୍ ।

ଯୋହନ୍‌‌ 1:17

ଇଶ୍ୱର୍‌ତେ ବ୍ୟବସ୍ଥା ମୋଶାନ୍‌ ତଡ଼୍ ଦର୍‍କି ମିନ୍ଦେ, ବାତେଙ୍କ୍ ଇତ୍‍କେ ଅନୁଗ୍ରହ ନୁ ସତ୍ ଜିସୁକ୍ରିଷ୍ଟନ୍ ତଡ଼୍ ଉପସ୍ଥିତ ଆତ୍‍ତେ ।

ଯୋହନ୍‌‌ 10:39

ଆଗାଙ୍କ୍ ଅଡ଼୍‌ ଅଂକିଙ୍କ୍‌ ପଇତାନ୍ ମାଇଦିଙ୍କ୍ ମେଣ୍ଡନ୍ ଦାମ୍ ଚେଷ୍ଟା ମାଡ଼ାଙ୍କ୍ ପସ୍‍ପ୍‍ତ୍‍ତଡ଼୍, ବାତେଙ୍କ୍ ଇତ୍‍କେ ଅଣ୍ଡ୍‌ ଅଡ଼୍‌ କାଇଦେ ଦର୍‍କ୍‍ୱେ ପେଇସ୍ ଆତ୍‍ତଣ୍ଡ୍ ।

ଯୋହନ୍‌‌ 11:53

ଆଦିଙ୍କ୍ ଆଦ୍ ଦିନ୍‍କଞ୍ଜ୍ ଅଡ଼୍‌ ଜିସୁଙ୍କ୍ ହାଉକାଙ୍କ୍ ମାଇଦିଙ୍କ୍ ଚକ୍ରାନ୍ତ ମାଡ଼୍‍ତଡ଼୍ ।

ଯୋହନ୍‌‌ 5:16

ଆଦିଙ୍କ୍ ଜିସୁ ବିଶ୍ରାମ୍‍ଦିନେତାଗ୍ ଇଲା ମାଡ଼ାନ୍ ମାଇଦିଙ୍କ୍ ଯିହୁଦୀଡ଼୍‍ ଅଂକିଙ୍କ୍‌ ତାଡ଼ନା ମାଡ଼ାଙ୍କ୍ ପସ୍‍ପ୍‍ତ୍‍ତଡ଼୍ ।

ଯୋହନ୍‌‌ 5:18

ହିଦିନ୍ ସେଙ୍ଗେ ଯିହୁଦୀଡ଼୍‍ ଅଂକିଙ୍କ୍‌ ଆୱ୍‍କାନ୍ ମାଇଦିଙ୍କ୍ ମେଣ୍ଡେ ଅଦିକ୍‌ ଚେଷ୍ଟା ମାଡ଼ାଙ୍କ୍ ପସ୍‍ପ୍‍ତ୍‍ତଡ଼୍, ବାତେଙ୍କ୍ ଇତ୍‍କେ ଅଣ୍ଡ୍‌ ଯେ ବିଶ୍ରାମ୍‍ଦିନେତେ ନିୟମ୍ ମାନେମ୍‍ ଆୟ୍‍ୟକଟ ମାତ୍‍ତଣ୍ଡ୍, ମାତର୍ ଆଦ୍ ଆୟ୍‍ୟ, ମାତର୍ ଇଶ୍ୱର୍‌ତିଙ୍କ୍ ନିଜେତ୍ ବାବାଲ୍ ଇଞ୍ଜ କେସ୍ ନିଜ୍‍ତିଙ୍କ୍ ଇଶ୍ୱର୍‌ତେ ତଡ଼୍ ସମାନ ମାଡ଼ମାତ୍‍ତଣ୍ଡ୍ ।

ଯୋହନ୍‌‌ 5:45

ନାନ୍ ଯେ ବାବାନ୍ ମୁନେ ମିଇ ବିରୁଦ୍‍ତେ ଅବିଯଗ୍‍ ମାଡ଼ିତାନ୍, ଇଦ୍ ହେର୍କା ମାଡ଼୍‍ମାଟ୍; ବେନ୍ ମୋଶାନାଗ୍‍ ମିଡ଼୍ ଆଶେ ନେହେସ୍ ମିନ୍ଦେଡ଼ି, ଅଣ୍ଡ୍‌ ମିଇ ବିରୁଦ୍ଦ୍‌ତେ ଅବିଯଗ୍ ମାଡ଼ମିନ୍ଦେଣ୍ଡ୍ ।

ଯୋହନ୍‌‌ 7:1

ତାନ୍‍ପେର୍କେ ଜିସୁ ଗାଲିଲୀତାଗ୍ ଉଡାଙ୍କ୍ ପସ୍‍ପ୍‍ତଣ୍ଡ୍, ବାତ୍‍ତେଙ୍କ୍ ଇତ୍‍କେ ଯିହୁଦୀଡ଼୍‍ ଅଂକିଙ୍କ୍‌ ଆୱ୍‍କାନ୍ ମାଇଦିଙ୍କ୍ ଚେଷ୍ଟା ମାଡ଼୍‍ନାଙ୍କ୍ ଅଣ୍ଡ୍‌ ଯିହୁଦା ପ୍ରଦେଶ୍‍ତାଗ୍ ଉଡାନ୍‌ ମାଇଦିଙ୍କ୍ ଇଚ୍ଛା ମାଡ଼କଟ୍ ମାତ୍‍ତଣ୍ଡ୍ ।

ଯୋହନ୍‌‌ 7:25

ଆସୁଟେ ଜିରୂଶାଲାମ୍‍ତେ ନାରୁଡ଼୍ ଲୋପେଙ୍କ୍ ବେନଡ଼୍ କେତାଙ୍କ୍ ପସ୍‍ପ୍‍ତ୍‍ତଡ଼୍, “ଯିହୁଦୀ ନେତାଲଡ଼୍ ବେନଙ୍କ୍ ଆୱ୍‍କାନ୍ ମାଇଦିଙ୍କ୍ ଚେଷ୍ଟା ମାଡ଼ୁତଡ଼୍, ହିଣ୍ଡ୍ ବାତେଏ ଅଣ୍ଡ୍‌ ଆୟ୍‍ୟ ?

ପ୍ରେରିତ 7:38

ଆଦ୍‍ନାଣ୍ଡ୍‍ ଆ ମୋଶାଲ୍ ଉସ୍କ ନେଲ୍‌ତାଗ୍ ଗୁଡ଼ିମାନ୍ଦାନ୍ ଇସ୍ରାଏଲୀୟ ନାରୁଡ଼୍ ତଡ଼୍ ମାତ୍‍ତଣ୍ଡ୍, ଅଣ୍ଡ୍‌ ସୀନୟ୍ ମେଟେତାଗ୍ ମାନ୍‍ ଆନିଦାଦିଡ଼୍ ତଡ଼୍ ନୁ ଅନ୍‌‍ତଡ଼୍ ଗଟ୍ ତିର୍‍ୟମାନ୍ଦାନ୍ ଦୂତ ମାତ୍‍ତଣ୍ଡ୍ ନୁ ମା ଗାର୍‍ରେ ତୁହୁସାନ୍ ମାଇଦିଙ୍କ୍ ଅଣ୍ଡ୍‌ ଇଶ୍ୱର୍‌ତାଗାଙ୍କ୍ ଜିୱେତ୍ ବାକ୍ୟ ଗ୍ରହନ୍ ମାଡ଼୍‍ତଣ୍ଡ୍ ।

ଗାଲାତୀୟ 3:19

ଆଲେକେ ନିୟମ୍ ବାତେଙ୍କ୍ ତିଆର୍ ଆତ୍‍ତେ ? ନାରୁଡ଼ାଦ୍ ସାରେ କାରାପ୍ କାମ୍ ତଅସିଦାଙ୍କ୍ ଆଦିନାଦ୍ କାମ୍‌ ମାତ୍‍ତେ ମେଣ୍ଡେ ଅବ୍ରାହାମ୍‍ତେ ବେନ୍ ବଂଶତଡ଼୍‍କିଙ୍କ୍ ଉଡ଼ି ଇଶ୍ୱର୍ ଆଦ୍ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍, ଆ ନାରୁଣ୍ଡ୍ ୱାନା ଯାକ ନିୟମ୍ ଦର୍‍କାର୍ ମାତ୍‍ତେ । ଅର୍ତୁଣ୍ଡ୍ ନାରୁଙ୍କ୍ ନାଡ଼୍‍ମେ ମାଡ଼ି ଦୂତକିନ୍ ତଡ଼୍ ନିୟମ୍ ତିଆର୍‍ ଆସ୍‍ମାତ୍‍ତେ ।

ଗାଲାତୀୟ 6:13

ବାତେଙ୍କ୍ଇତ୍‍କେ ବେନଡ଼୍ ସୁନ୍ନତ ନିୟମ୍‍ତିଙ୍କ୍ ସପଟ୍ ମାଡ଼ିତଡ଼୍, ଅଡ଼୍‌ ନିଜେ ମୋଶାନ୍‌ ନିୟମ୍‍ତିଙ୍କ୍ ପାଲନ୍ ମାଡ଼ଡ଼୍, ଆଦିଙ୍କ୍ ଅଡ଼୍‌ ବେଲା ମି ମେନ୍ଦୁଲ୍ ବିଷୟ୍‍ତେ ଗର୍ବ ମାଡ଼ିତଡ଼୍, ଆଦିଙ୍କ୍ ଅଡ଼୍‌ ମିକିଙ୍କ୍ ସୁନ୍ନତ ମାଡ଼ାନଙ୍କ୍ ଇଚ୍ଚା ମାଡ଼ିତଡ଼୍ ।