ଯୋହନ୍‌‌ 6:50 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵⁰ ବାତେଙ୍କ୍ ଇତ୍‍କେ ବେନ୍ କାଦି ସ୍ୱର୍ଗତାଗାଙ୍କ୍ ୱାଦ୍‍ତେ ଆଦିଙ୍କ୍ ବେନ ତିନ୍‍ତଣ୍ଡ୍ ଅଣ୍ଡ୍‌ ସାରେଦିନାତ୍ ଜିୱୁଣ୍ଡ୍ ଜିୱେଦର୍‍କିତ୍ ।

ଯୋହନ୍‌‌ 6:50 ပူးပေါင်းရင်းမြစ်များ

ଯୋହନ୍‌‌ 3:13

ବେନ ନାରୁନ୍‍ପିଲେ ସ୍ୱର୍ଗକଞ୍ଜ୍ ଡିଗିୱାତ୍‍ତଣ୍ଡ୍, ଅନ୍‌ ୱିଡ଼୍‍ସି ମେଣ୍ଡେ ବେନ ସ୍ୱର୍ଗତାଗ୍ ଆନଣ୍ଡ୍ ।”

ଯୋହନ୍‌‌ 3:36

ବେନ ମାର୍‍ଦିଙ୍କ୍ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ସାରେଦିନାତ୍ ଜିୱୁନ୍ ଦର୍ସିକି ଆସ୍‍ମିନ୍ଦେଣ୍ଡ୍, ମାତର୍ ବେନ ମାର୍‍ଦିଙ୍କ୍ ଉର୍‍ଗାଡ଼୍ ମାଡ଼ିତନ୍, ଅଣ୍ଡ୍‌ ଜିୱୁନ୍‍ତିଙ୍କ୍ ଉଡ଼୍‍ଅଣ୍ଡ୍‌, ବାତେଙ୍କ୍ ଇତ୍‍କେ ଅଣ୍ଡ୍‌ ଇଶ୍ୱର୍‌ତେ କପାମ୍ ନାରୁଡ଼୍ ଆଶ୍ ମାନ୍‍ତଣ୍ଡ୍ ।

ଯୋହନ୍‌‌ 5:24

“ସତ୍ ନାନ୍ ମିକିଂଙ୍କ୍ କେତୁତାନ୍, ବେନ ନା ବାକ୍ୟ କେଞ୍ଜି ନା ପ୍ରେରଣାକର୍ତ୍ତାଙ୍କ୍ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ସାରେଦିନାତ୍ ଜିୱୁନ୍‍ ଦର୍ସିକି ମିନ୍ଦେଣ୍ଡ୍, ମେଣ୍ଡେ ଅଣ୍ଡ୍‌ ବିଚାରିତ ଆୟ୍‍ୟକଟ ବେଲାନ୍ ଡଲାନାଦିଙ୍କ୍ ମେଣ୍ଡନ୍‍ରକମ୍‌ ଆସ୍‌ ଜିୱୁନ୍‍ତାଗ୍‍ ନେଙ୍ଗି ମିନ୍ଦେଣ୍ଡ୍ ।

ଯୋହନ୍‌‌ 6:33

ବେନ କାଦି ସ୍ୱର୍ଗତାଗାଙ୍କ୍ ଡିଗି ଜଗତ୍‍ତିଙ୍କ୍ ଜିୱୁନ୍‍ ବେଡ଼୍‍ୟାଦ୍‍ ମାଡ଼ିତେ, ଆଦ୍ ଇଶ୍ୱର୍‌ତେ କାଦି ।”

ଯୋହନ୍‌‌ 6:42

ଆଗାଙ୍କ୍ ଅଡ଼୍‌ କେତ୍‍ତଡ଼୍, “ହିଣ୍ଡ୍ ବାତେଏ ଯୋଷେପ୍‍ତେ ମାର୍‍ ଜିସୁ ଆୟ୍‍ୟଣ୍ଡ୍ କି ? ମେଣ୍ଡେ ମାମ୍‍ମେ ତାମ୍ ୟାୟ୍‍ବାବାଙ୍କ୍ ପୁତ୍‍ତମ୍, ଆଲେକ୍ ନାନ୍ ସ୍ୱର୍ଗକଞ୍ଜ୍ ୱାସ୍‍ ମିନ୍ଦେଣ୍ଡ୍ ଇଞ୍ଜ ଅଣ୍ଡ୍‌ ଇଞ୍ଜେ ବେଦ୍ ପୁଟୁଙ୍କ୍ କେସମିନ୍ଦେଣ୍ଡ୍ ?”

ଯୋହନ୍‌‌ 6:47

ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ବେନ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ସାରେଦିନାତ୍ ଜିୱୁନ୍ ଦର୍ସିକି ମିନ୍ଦେଣ୍ଡ୍ ।

ଯୋହନ୍‌‌ 6:51

ନାନ୍ ସ୍ୱର୍ଗତାଗାଙ୍କ୍ ୱାସ୍‍ମାନ୍ଦାନ୍ ଆଦ୍ ଜିୱେମାନ୍ଦାନ୍ କାଦି; ବେନ ହିଦ୍ କାଦି ତିନ୍‍ତଣ୍ଡ୍, ଅଣ୍ଡ୍‌ ଅନନ୍ତକାଲ୍ ଯାକ ଜିୱୁ ମାନ୍‍ତଣ୍ଡ୍; ନାନ୍ ବେନ୍ କାଦି ହିଦ୍‍ତାନ୍, ଆଦ୍ ନାୟାଦ୍ ଆଉଙ୍ଗ୍, ନାନ୍ ଆଦ୍ ଜଗତ୍‍ତିଙ୍କ୍ ବାଦ୍‍ସ୍କ୍‌କାନ୍ ମାଇଦିଙ୍କ୍ ହିଦ୍‍ତାନ୍ ।”

ଯୋହନ୍‌‌ 6:58

ବେନ କାଦି ସ୍ୱର୍ଗକଞ୍ଜ୍ ୱାସ୍‌ ମିନ୍ଦେ, ଆଦ୍ ହିଦ୍; ଆନିଦାଦିଡ଼୍ ବେଦ୍‍ପୁଟୁଙ୍କ୍ ତିଞ୍ଜ୍ ଡଲିମିନ୍ଦେଡ଼୍, ଆଦ୍‍ଲେକାମ୍ ଆୟ୍‍ୟ; ବେନ ହିଦ୍ କାଦି ତିନ୍‍ତଣ୍ଡ୍, ଅଣ୍ଡ୍‌ ଅନନ୍ତକାଲ୍ ଯାକ ଜିୱୁ ମାନ୍‍ତଣ୍ଡ୍ ।”

ଯୋହନ୍‌‌ 8:51

ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ବେନ ନାୱାଦ୍ କେତାନାଦ୍ ପାଲନ୍ ମାଡ଼ିତନ୍, ଅଣ୍ଡ୍‌ ବେସୁଙ୍କ୍‌ବା ଡଲନ୍ ।”

ରୋମୀୟ 8:10

ଇତ୍‍କେ କ୍ରିଷ୍ଟ ଯଦି ମିଇ ଗାର୍‍ରେ ମିନ୍ଦେଣ୍ଡ୍, ମିୟାଦ୍ ମେନ୍ଦୁଲ୍ ପାପ୍‌ ତଡ଼୍ ନଷ୍ଟ ଆଦାନଙ୍କ୍ ଆଞ୍ଜମାତ୍‍କେ ଗାଲା, ପବିତ୍ର ଆତ୍ମା ମିକିଂଙ୍କ୍ ଜିୱୁଣ୍ଡ୍ ଇଦ୍‍ତେ, ବାତେଙ୍କ୍ଇତ୍‍କେ ଇଶ୍ୱର୍‌ତେ କଣ୍ଡେତାଗ୍ ମିଡ଼୍ ଦାର୍ମାମ୍ ଇଞ୍ଜ ଲେକା ଆତ୍‍ତିଡ଼୍ ।