ଯୋହନ୍‌‌ 5:28 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁸ ହିସର୍‍ତେ ଦାଦ୍‍ରେଲ୍‍ମାଟ୍, ବାତେଙ୍କ୍ ଇତ୍‍କେ ଦିନାମ୍ ୱାଦୁତେ ବେସୁଟ୍‌ ଡଲ୍‍ତେନଡ଼୍‍ ସାରେତଡ଼୍ ଅନ୍‌‍ୱାଦ୍ ଲେଙ୍ଗ୍ କେଞ୍ଜିତଡ଼୍,

ଯୋହନ୍‌‌ 5:28 ပူးပေါင်းရင်းမြစ်များ

ଯୋହନ୍‌‌ 3:7

ମିକିଂଙ୍କ୍ ନିଜାମ୍ ମେଣ୍ଡଣ୍ଡ୍‍ଦାମ୍ ଜନମ୍ ଆଦ୍‍ ୱେୟ୍‍ତିତ୍ ଇଞ୍ଜ ନାନ୍ ଯେ ନିକିଂଙ୍କ୍ କେତ୍‍ତାନ୍, ଆଦିଙ୍କ୍ ଦାଦ୍‍ ରେଲ୍‍ମା ।

ଯୋହନ୍‌‌ 4:21

ଜିସୁ ତାଙ୍କ୍ କେତ୍‍ତଣ୍ଡ୍, “ଆଗୋ ନାଟାଡ଼୍‍ତନୀ, ନା ଗଟ୍ ବିଶ୍ୱାସ୍ ମାଡ଼ା, ଇଦ୍‍ରକମ୍ ଦିନାମ୍ ୱାଦୁତେ, ବେନ୍ ସମୟ୍‍ତେ ମିଡ଼୍ ହି ମେଟେତାଗ୍ ବା ଯିରୁଶାଲେମ୍ ତାଗ୍ ବାବାନାଦ୍ ଉପବାସ୍ ମାଡ଼୍‍ୱିଡ଼୍ ।

ଯୋହନ୍‌‌ 4:23

ବାତେଙ୍କ୍ ଇତ୍‍କେ ବେନ୍ ସମୟ୍‍ତେ ସତ୍ ଉପବାସ୍ ମାଡ଼ାନଡ଼ି ଆତ୍ମାତେ ନୁ ସତ୍ୟତେ ବାବାନାଦ୍ ଉପବାସ୍ ମାଡ଼ିତଡ଼୍, ଆସତ୍‍ ଦିନାମ୍ ୱାସମିନ୍ଦେ; ମେଣ୍ଡେ ଇଞ୍ଜେକ୍ ମିକା ମିନ୍ଦେ; ବାତେଙ୍କ୍‍ଇତ୍କେ ବାବାଲ୍ ହିସତ୍ ଉପବାସ୍ ଇଚ୍ଛାମାଡ଼ୁତନ୍ ।

ଯୋହନ୍‌‌ 5:20

ବାତେଙ୍କ୍ ଇତ୍‍କେ ବାବାଲ୍ ମାର୍‍ଦିଙ୍କ୍ ପ୍ରେମ ମାଡ଼ିତନ୍, ମେଣ୍ଡେ ନିଜେ ବାତା ମାଡ଼ିତନ୍, ହାଉସାରେ ଅଂକିଙ୍କ୍‌ ତଅତିତଣ୍ଡ୍, ମେଣ୍ଡେ ମିଡ଼୍ ବେଦ୍‍ପୁଟୁଙ୍କ୍ ବାକ୍‍ୱା ଆଦ୍‍ତିଡ଼୍, ଅଦିନ୍‌ ମାଇଦିଙ୍କ୍ ଅଣ୍ଡ୍‌ ଅଂକିଙ୍କ୍‌ ହିଗାଙ୍କ୍ ମେଣ୍ଡେ ବେଡ଼୍‍ୟା ପାଡ଼ିୟ୍‍ ତତିତଣ୍ଡ୍ ।

ଯୋହନ୍‌‌ 5:25

ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ହିସତ୍ ଦିନାମ୍ ୱାସମିନ୍ଦେ, ମେଣ୍ଡେ ଇଞ୍ଜେକ୍ ମିକା ହେୱ୍‍ସ୍‍ ମିନ୍ଦେ, ବେନ୍ ଦିନାମ୍ ତେ ଡଲ୍‍ତେନଡ଼୍ ଇଶ୍ୱର୍‌ତେ ମାର୍‍ଦେ ଲେଙ୍ଗ୍ କେଞ୍ଜିତଡ଼୍ ନୁ ବେନଡ଼୍ କେଞ୍ଜିତଡ଼୍, ଅଡ଼୍‌ ଜିୱୁନ୍‍ ଆଦ୍‍ତଡ଼୍ ।

ପ୍ରେରିତ 24:15

ଇଡ଼୍ ଲେକାମ୍ ଇଶ୍ୱର୍‌ତାଗ୍ ନାୟାଦ୍ ଆଶେ ମିନ୍ଦେ; ସାୟେତ୍ ନାରୁଡ଼୍ ନୁ ଆଦାର୍ମିକ୍ ନାରୁଡ଼୍ ସାରେତଡ଼୍ ଡଲ୍‍ତାଗାଙ୍କ୍ ପୁନରୁତାନ୍‍ତଡ଼୍ ।

ପ୍ରେରିତ 3:12

ପିତର୍ ଆଦ୍ ଉଡ଼ି ନାରୁଡ଼୍‍କିଂଙ୍କ୍ ଉତ୍ତର୍ ହିତ୍‍ତଣ୍ଡ୍, ହୋ ଇସ୍ରାଏଲୀୟ ନାରୁଡ଼ି, ବାତେଙ୍କ୍ ମିଡ଼୍ କାବା ଆଦୁତିଡ଼୍ ନୁ ମାକିଂଙ୍କ୍ ୱେରଡ଼୍ କଣ୍ଡେତେ ଉଡ଼ୁତିଡ଼୍ ? ମିଡ଼୍‍ ବାତ୍‍ ଆଲ୍‍ସୁତିଡ଼୍‍ ମାମ୍‍ ମାୱାଦ୍‍ ନିଜର୍‍ ବକ୍ତି ନୁ ଶକ୍ତି ତଡ଼୍ ଇଣ୍ଡ୍‍ ନାରୁଙ୍କ୍‍ ତାଆକାନ୍‍ ଶକ୍ତି ଇତ୍‍ତମ୍‍ ?

୧ କରନ୍ତିୟ 15:22

ଆଦମ୍ ତଡ଼୍ କାୟ୍‍ଲିମାନ୍ଦାନ୍ ମାୟ୍‍ଦିଙ୍କ୍ ସାର୍‍ରେ ନାରୁଡ଼୍ ଡଲ୍‍ତଡ଼୍ । ଆଦେରକମ୍ କ୍ରିଷ୍ଟନ୍ ତଡ଼୍ କାୟ୍‍ଲାନ୍ ତଡ଼୍ ସାର୍ରେତଡ଼୍ ପୁନର୍ଜିୱୁଣ୍ଡ୍ ପାଏମ୍ ଆଦ୍‍ତଡ଼୍ ।

ଫିଲିପିୟ 3:21

ବେନ୍ ଶକ୍ତି ଅଣ୍ଡ୍‌ ସାରେ ବିଷୟତିଙ୍କ୍ ନିଜେତ୍ ବଶିବୂତ ମାଡ଼େ ପାର୍‍ତନ୍, ଆଦ୍ ଶକ୍ତି ଗ୍ରହନ୍ ମାଡ଼ି ଅଣ୍ଡ୍‌ ମାନ୍‍ ଦୁର୍ବଲ୍ ନାୟାଦ୍ ମେନ୍ଦୁଲ୍‌ତିଙ୍କ୍ ଅନାଦ୍‌ ଗୌରବ୍‍ମୟ ମେନ୍ଦୁଲ୍ ଲେକାମ୍ ମାଡ଼ିତନ୍ ।

ପ୍ରକାଶିତ୍‌ ବାକ୍ୟ 20:12

ତାନ୍‍ପେର୍କେ ନାନେ ଉଡ଼୍‍ତାନ୍, ବାତ୍ ମହାନ୍, କି ନଗଣ୍ୟ ଡଲ୍‍ତେ ନାରୁଡ଼୍ ସାରେତଡ଼୍ ସିଂହାସନ୍‌ ମୁନେ ଦଣ୍ଡତେ ନଡ଼୍ । ବଇସାରେ କୁଲା ମାଡ଼୍‍ତଡ଼୍; ଆୱିନାଗାଙ୍କ୍ ଜୀୱେ ବଇ ପେଦେର୍‍ ୱେରଡ଼୍ ବଇ ମାତ୍‍ତେ । ଆଦ୍ ଜିୱେତ୍ ବଇ ତାଗ୍ ନାରୁଡ଼ଦ୍ କାମ୍‍ମାଡ଼୍‍ତେ ବିଷୟତେ ବାତ୍‍ସାରେ ଲେକାମାତ୍‍ତେ, ଆଦ୍ ଲେକାମ୍ ଅଡ଼୍‌‍କିଂଙ୍କ୍ ବିଚାର୍ ମାଡ଼୍‍ତଣ୍ଡ୍ ।