ଯୋହନ୍‌‌ 5:22 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²² ମେଣ୍ଡେ, ବାବାଲ୍ ଆନ୍‌‍ତେ ବେନନାଦ୍ ବିଚାର୍ ମାଡ଼ଣ୍ଡ୍, ବିଚାର୍ ମାଡ଼ାନ୍ ମାଇଦିଙ୍କ୍ ଅଣ୍ଡ୍‌ ମାର୍‍ଦିଙ୍କ୍ ସାରେ ଅଦିକାର୍‌ ହିଦ୍‍ତଣ୍ଡ୍, ବେଲା ମାର୍‍ଦିଙ୍କ୍ ସନ୍‍ମାନ୍ ମାଡ଼ିତଡ଼୍ ।

ଯୋହନ୍‌‌ 5:22 ပူးပေါင်းရင်းမြစ်များ

ମାତିଉ 11:27

“ମା ବାବାଲ୍ ନାକିଂଙ୍କ୍ ସାରେ ଇସ୍‌ ମିନ୍ଦେଣ୍ଡ୍ । ବାବାଙ୍କ୍ ୱିଡ଼୍‍ସ୍‍କେ ମାର୍‍ରିଙ୍କ୍ ମେଣ୍ଡେ ବେନ ପୁନଣ୍ଡ୍ ମେଣ୍ଡେ ମାର୍‍ରିଙ୍କ୍ ୱିଡ଼୍‍ସ୍‍କେ ବାବାଙ୍କ୍ ମେଣ୍ଡେ ବେନ ପୁନଣ୍ଡ୍ । ମାର୍‍ ବେନ ଗାର୍‍ରେ ବାବାନ୍ ଗଟି କେତିତଣ୍ଡ୍, ମାତର୍ ଅଡ଼୍‌ ବାବାଙ୍କ୍ ପୁନ୍‍ତଡ଼୍ ।”

ମାତିଉ 16:27

ମେଣ୍ଡେ ନାରୁଡ଼୍ ପିଲେ ନିଜେତ୍ ବାବଙ୍କ୍ ମାଇମାତେ ଗୌରବ୍ ପାଏମ୍ ଆସ୍ ନିଜେ ଦୂତତଡ଼୍‍ ୱାଦ୍‍ତଣ୍ଡ୍ ନୁ ଆସୁଙ୍କ୍ ଅଣ୍ଡ୍‌ ସାରେନାରୁଡ଼୍ ଅନ୍‌ ପାଡ଼୍‍ୟି ଲେକାମ୍ କାୟେ ହିଦ୍‍ତନ୍ ।

ମାତିଉ 28:18

ଜିସୁ ଅଡ଼୍‌ ଗାର୍‍ରେ ୱାସ୍ କେତ୍‍ତଣ୍ଡ୍, “ସ୍ୱର୍ଗ ନୁ ପୃତିବି ସାରେ ଅଦିକାର୍‌ ନାକିଂଙ୍କ୍ ଇସ୍‌‍ମିନ୍ଦେନ୍ ।

ଯୋହନ୍‌‌ 17:2

ନିମ୍‍ ଅଂକିଙ୍କ୍‌ ସାରେ ନାରୁଡ଼୍ ପର୍‍ର ଅଦିକାର୍‌ ହିତ୍‍ତି, ବେଦ୍‍ରକମ୍‍ ନିମ୍‍ ଅଂକିଙ୍କ୍‌ ବେନ୍ ନାରୁଡ଼୍‍କ୍ ହିତ୍‍ତିନ୍, ଅଡ଼୍‌‍କ୍ ସାରେଦିନାତ୍ ଜିୱୁଣ୍ଡ୍ ହିଦ୍‍ତଣ୍ଡ୍ ।

ଯୋହନ୍‌‌ 3:35

ବାବାଲ୍ ମାର୍‍ଦିଙ୍କ୍ ପ୍ରେମ ମାଡ଼ିତନ୍, ମେଣ୍ଡେ ସାରେ ବିଷୟ ଅନ୍‌ କାଇଦାଗ୍ ଅର୍ପଣ ମାଡ଼ିସ୍‍ ମିନ୍ଦେଣ୍ଡ୍ ।

ଯୋହନ୍‌‌ 5:27

ମେଣ୍ଡେ, ଅଣ୍ଡ୍‌ ନାରୁନ୍‍ପିଲେ ଆତ୍‍ତାଙ୍କ୍ ଅଣ୍ଡ୍‌ ଅଂକିଙ୍କ୍‌ ବିଚାର୍ ମାଡ଼ାନ୍ ଅଦିକାର୍‌‍ ହିତ୍‍ତଣ୍ଡ୍ ।

ଯୋହନ୍‌‌ 9:39

ମେଣ୍ଡେ ଜିସୁ କେତ୍‍ତଣ୍ଡ୍, “ନାରୁଡ଼ାଦ୍ ବିଚାର୍ ମାଡ଼ାଙ୍କ୍ ନାନ୍ ଜଗତ୍‍ତାଗ୍ ୱାସ୍‍ମିନ୍ଦେନ୍, ଉଡ଼୍‍ୱେ ମାନ୍ଦାନ୍ ନାରୁନ୍ ବେଲା ଉଡ଼ିତଣ୍ଡ୍ ନୁ ଉଡ଼ମାନ୍ଦାନ୍ ନାରୁଡ଼୍ ବେଲାକି କାନାଲ୍ ଆଦ୍‍ତନ୍ ।”

ପ୍ରେରିତ 10:42

ନାରୁଡ଼୍ ଗାର୍‍ରେ ସୁସମାଚାର୍ ପ୍ରଚାର୍ ମାଇଦିଙ୍କ୍ ନୁ ଇଶ୍ୱର୍ ଯେ ଅଂକିଙ୍କ୍‌ ଜିୱେ ମାନ୍ଦାନଡ଼୍‍କିଙ୍କ୍ ନୁ ଡଲ୍‍ତେ ନାରିଡ଼୍‍ ବିଚାର୍ କର୍ତ୍ତାଲ୍ ଲେକାମ୍ ନିଯୁକ୍ତି ମାଡ଼୍‍ତଣ୍ଡ୍, ଇଦ୍ ଗଟ୍‍ତାଦ୍ ସାକ୍ଷ୍ୟ କେତାନ୍ ସେଙ୍ଗେ ଅଣ୍ଡ୍‌ ମାକିଂଙ୍କ୍ ଆଜ୍ଞା ହିତ୍‍ତଣ୍ଡ୍ ।

ପ୍ରେରିତ 17:31

ଅଣ୍ଡ୍‌ ଅଣ୍ଡୟ୍‌ ଦିନ୍ ହେଞ୍ଚ୍‍ତଣ୍ଡ୍ । ଆଦ୍ ଦିନ୍ ଅଣ୍ଡ୍‌ ତାନ୍ ହେଞ୍ଚ୍‍ତେ ନାରୁନ୍ ତଡ଼୍ ସାରେ ଜଗତ୍‍ ତାଦ୍ ନ୍ୟାୟ ବିଚାର୍ ମାଡ଼ିତନ୍ । ଆ ନାରୁଙ୍କ୍ ପୁନର୍ଜିବୀତ୍ ମାଡ଼ାନ୍ ତଡ଼୍ ଅଣ୍ଡ୍‌ ଇଦ୍ ଗଟ୍‍ତାଦ୍ ସତ୍‍ ସାରେତଡ଼୍‌କିଂଙ୍କ୍ କେସ୍‍ମିନ୍ଦେଣ୍ଡ୍ ।

ରୋମୀୟ 2:16

ବେନ୍ ଦିନ୍ ଇଶ୍ୱର୍ ନାୟାଦ୍ ସୁସମାଚାର୍ ଲେକାମ୍ ଜିସୁ କ୍ରିଷ୍ଟନ୍ ତଡ଼୍ ନାରୁଡ଼ାଦ୍ ମିଞ୍ଜିମାନ୍ଦାନ୍ ବିଷୟ୍‍ତିଙ୍କ୍ ବିଚାର୍ ମାଡ଼ିତନ୍, ଆଦ୍ ଦିନ୍ ଇଦ୍ ପେୟ୍‍ତିତ୍ ।

୨ କରନ୍ତିୟ 5:10

ବାତେଙ୍କ୍‍ଇତ୍କେ ମାକିଂଙ୍କ୍ ସାରେତଡ଼୍‍କ୍ ଅନ୍‌ ତଡ଼୍ ବିଚାର୍ ଆଦାନ୍ ସେଙ୍ଗେ ନିଜାମ୍ କ୍ରିଷ୍ଟନ୍ ମୁନେ ଉପସ୍ଥିତ୍ ଆଦାନଙ୍କ୍ ୱେଇତିତ୍ । ଆସୁଙ୍କ୍ ଡଲାନ୍ ମେନ୍ଦୁଲ୍‌ ମାନାଡ଼୍ ମାଡ଼ିମାନ୍ଦାନ୍ ସାୟେତାଦ୍‍ ବା ପିନ୍ଦଲାଦ୍ ମେନ୍ଦୁଲ୍‌ତେ, ସାରେ ପାଡ଼ିୟିଦେ ଲେକାତ୍ ମାନାଡ଼୍ କାୟେ ଦର୍ସିକି ଆଦ୍‍ତାଡ଼୍‍ ।

୨ ତୀମତି 4:1

ଇଶ୍ୱର୍‌ତେ ମୁନେ ନୁ ସାରେତଡ଼୍ ଜିୱେ ଡଲ୍‍ତେ ନାରିଡ଼୍ ବିଚାର୍ ମାଡ଼ାନଙ୍କ୍ ନୁ ରାଜ୍‍ ମାଡ଼ାନଙ୍କ୍ ୱାସମାନ୍ଦାନ୍ କ୍ରିଷ୍ଟ ଜିସୁ ୱାଦାନ୍ ଦିନେ, ତାନ୍ ରାଜ୍ୟତିଙ୍କ୍ ଲେକେତ୍‍ ମାଡ଼ନ୍ ସେଙ୍ଗେ ନାନେ ମିକିଙ୍କ୍ ଇଦ୍ ଦୃଡ଼ ଆହ୍ୱାନ୍ ଇଦୁତାନ୍ ।

୧ ପିତର୍‍ 4:5

କିନ୍ତୁ ବେନ୍ ଇଶ୍ୱର୍‍ ଜିୱେ ନୁ ଡଲ୍‍ତେନଡ଼୍ ବିଚାର୍ ମାଡ଼ିତଣ୍ଡ୍‍, ଅନ୍‌‍ ଗାରେ ଅଡ଼୍‌‍କିଂଙ୍କ୍ ଇସାବ୍‍ ଇଦାନଙ୍କ୍ ଆଦ୍‍ତେ ।