ଯୋହନ୍‌‌ 4:48 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴⁸ ଆସୁଟେ ଜିସୁ ଅଂକିଙ୍କ୍‌ କେତ୍‍ତଣ୍ଡ୍, “ଚିହ୍ନେ ନୁ ଆଶର୍ଯ୍ୟ ପାଡ଼୍‍ୟି ହୁଡ଼କଟମାତ୍କେ ମିଡ଼୍ ବେସୁଟ୍‌ ବା ବିଶ୍ୱାସ୍ ମାଡ଼୍‍ୱିଡ଼୍ ।”

ଯୋହନ୍‌‌ 4:48 ပူးပေါင်းရင်းမြစ်များ

ମାତିଉ 16:1

ପାରୂଶୀଡ଼୍ ନୁ ସାଦ୍ଦୂକିଡ଼୍ ଅନ୍‌ ଗାର୍‍ରେ ୱାସ୍ ଅଂକିଙ୍କ୍‌ ପରିକ୍ଷା ମାଡ଼ାନ୍ ଅବିଯଗ୍‍ତେ ଅଂକିଙ୍କ୍‌ ମାବ୍‍ତାଗ୍ ୱେରଡ଼୍ ଚିହ୍ନେ ତତାଙ୍କ୍ ଅନୁରଦ୍‌ ମାଡ଼୍‍ତଡ଼୍ ।

ମାତିଉ 24:24

ବାତେଙ୍କ୍ ଇତ୍କେ ନିଜ୍‍ତିଙ୍କ୍ ବଣ୍ଡକ୍ରିଷ୍ଟ କେସମାନ୍ତ୍‍ତଡ଼୍‍ ବୁସାମାଡ଼ାନଡ଼୍‍ ଆସୁଟେ ତନ୍ଦିତଡ଼୍‍ । ଅଡ଼୍‌ ବାକ୍‍ୱା ନୁ ବାକ୍‍ୱାତାଉ ପାଡ଼୍‍ୟି ତୟ୍‍ସ୍‍ ଇଶ୍ୱର୍‌ତେ ହେଞ୍ଚିମାନ୍ଦାନ୍ ନାରୁଡ଼୍‍କ୍ ବୁଲ୍‍କା ମାଡ଼ିତଡ଼୍ ।

ମାତିଉ 27:42

“ଅଣ୍ଡ୍‌ ବାଗାତଡ଼୍‍କ୍ ଗେଲ୍‍ସ୍ପ ମାତ୍‍ତଣ୍ଡ୍, ବାତେଙ୍କ୍ ଇତ୍‍କେ ନିଜ୍‍ତିଙ୍କ୍ ଗେଲ୍‍ସ୍ପ ପାର୍‍ୱଣ୍ଡ୍ । ଅଣ୍ଡ୍‌ ବାନେ ଇସ୍ରାୟେଲ୍‍ତେ ରାଜାଲ୍ । ଇଞ୍ଜ୍ ଯଦି ଅଣ୍ଡ୍‌ କ୍ରୁଶତାଗାଙ୍କ୍ ଡିଗି ୱାଦ୍ ପାର୍‍ଦ୍‍ତଣ୍ଡ୍, ଆଲାଇତ୍‍କେ ମାମ୍ ଅଂକିଙ୍କ୍‌ ବିଶ୍ୱାସ୍ ମାଡ଼ିତମ୍ ।

ମାର୍କ 13:22

ବୁସା ମାଡ଼ାନ୍ ମସିହ ନୁ ବୁସା ମାଡ଼ାନ୍ ବଣ୍ଡକ୍ରିଷ୍ଟଡ଼୍‍ ତନ୍ଦିତଡ଼୍ । ଅଦିକ୍‌ ଆକେ ଇଶ୍ୱର ଏଞ୍ଚ୍‍ତେ ନାରୁଡ଼ୁକ୍‍ ବା ଟକା ମାଡ଼ାନ୍‍ ଅଡ଼୍‌ ବେପଡ଼୍‍ ମାଡ଼୍‍ୱେ ପାଡ଼ିୟି ମାଡ଼ିତଡ଼୍‍ ନୁ ବେସୁଙ୍କ୍‍ ଉଡ଼୍‍ୱେ ଆସୁଙ୍କ୍‌ତାୱୁ ତଅତିତଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:18

ବାତେଙ୍କ୍ ଇତ୍କେ ଜିସୁ କେତ୍‍ତଣ୍ଡ୍, “ପିଡ଼୍‍ଗ୍ ହିନା ସ୍ୱର୍ଗତାଗାଙ୍କ୍ ଶୟ୍‍ତାନ୍‍ ରାଲାନାଦ୍ ନାନ୍ ଉଡ଼ିମା‍ତ୍ତାନ୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 16:31

ବାତେଙ୍କ୍ ଇତ୍କେ ଆବ୍ରାହାମ୍ ଅଂକିଙ୍କ୍‌ କେତ୍‍ତଣ୍ଡ୍, ଇଲେ, ଯଦି ମି ଦାଦାଲଡ଼୍ ମଶାନାଦ୍ ନୁ ବାବବାଦୀ ବକ୍ତାଲଡ଼୍ ଗଟି କେଞ୍ଜଡ଼୍ ଆଲାତ୍କେ ଅଡ଼୍‌‍ ଡଲ୍‍ତାଗାଙ୍କ୍ ତେଦିମାନ୍ଦାନ୍ ବେନ୍ ନାରୁଡ଼୍ ଗଟି ଆନ୍‌‍ତେ କେଞ୍ଜଡ଼୍ ।”

ଯୋହନ୍‌‌ 12:37

ଯଦି ଜିସୁ ଅଡ଼୍‌ ମୁନେ ଆସର୍ ଆଶର୍ଯ୍ୟ ପାଡ଼୍‍ୟି ମାଡ଼ିମାତନ୍, ଆଗେକ୍ ବା ଅଡ଼୍‌ ଅନାଗ୍ ବିଶ୍ୱାସ୍ ମାଡ଼୍‍ୱେ ମାତ୍‍ତଡ଼୍,

ଯୋହନ୍‌‌ 15:24

ବେନ୍ ପାଡ଼୍‍ୟି ସାରେ ମେଣ୍ଡେ ବେନମିକା ମାଡ଼ଣ୍ଡ୍, ନାନ୍ ଯଦି ଆୱୁସାରେ ଅଡ଼୍‌ ଲୋପେ ମାଡ଼୍‍ୱକଟ ମାନେନ୍, ଆଲାଇତ୍‍କେ ଅଡ଼ାଦ୍‌ ପାପ୍ ଆୟ୍‍ୟ ଆୟେଡ଼୍; ବାତେଙ୍କ୍ ଇତ୍‍କେ ଇଞ୍ଜେ ଅଡ଼୍‌ ଉଡ଼ିମିନ୍ଦେଡ଼୍, ମେଣ୍ଡେ ନାକିଂଙ୍କ୍ ନୁ ନା ବାବାଙ୍କ୍ ଇର୍‍ୱୁଡ଼୍‍କ୍ ପାସ୍‍କି ମିନ୍ଦେଡ଼୍ ।

ଯୋହନ୍‌‌ 2:18

ଆସୁଟେ ଯିହୁଦୀ ଅଦକ୍ଷଲଡ଼୍ ଜିସୁନ୍ ଗାର୍‍ରେ ମାଲ୍‍ସ୍ ୱାସ୍ ଇଦ୍ ପ୍ରଶ୍ନ ପାଚ୍ରାମାଡ଼୍‍ତଡ଼୍, “ନିମ୍‍ ହି ସାରେ ପାଡ଼୍‍ୟି ମାଡ଼ାନ୍ ସେଙ୍ଗେ ଅଦିକାର୍‌ ଦର୍‍କାନ୍ ମାତ୍‍ତେ ଇଞ୍ଜ ମାମ୍‍ମେ ବେଲା ପୁନ୍‍ତମ୍ ? ମେଣ୍ଡେ ବେନ୍ ଚିହିହ୍ନେ ତଡ଼୍ ମାକିଂଙ୍କ୍ ତୟ୍‍ସ ମିନ୍ଦେନି ?”

ଯୋହନ୍‌‌ 20:29

ଜିସୁ ତୋମାଙ୍କ୍ କେତ୍‍ତଣ୍ଡ୍, “ନିମ୍‍ ନାକିଂଙ୍କ୍ ଉଡ଼୍‍ତାଙ୍କ୍ ବିଶ୍ୱାସ୍ ମାଡ଼୍‍ତି, ବେନଡ଼୍ ଉଡ଼୍‍ୱାକନ୍‍ସ୍ ବିଶ୍ୱାସ୍ ମାଡ଼ିମିନ୍ଦେଡ଼୍, ଅଡ଼୍‌ ଦନ୍ୟ !”

ଯୋହନ୍‌‌ 4:49

ରାଜାନ୍‍ଦାସ ଅଂକିଙ୍କ୍‌ କେତ୍‍ତଣ୍ଡ୍, “ହୋ ଗୁରୁ, ନା ମାର୍‍ ଡଲାନ୍ ମୁନେଙ୍କ୍ ୱାଡ଼ା ।”

ପ୍ରେରିତ 14:3

ମିକା ପ୍ରେରିତ ଶିଷ୍ୟଡ଼୍ ପ୍ରବୁନ୍ ବିଷୟ୍ ସାହାସ୍‍ତଡ଼୍ ପ୍ରଚାର୍ ମାଡ଼ି ନାର୍‍ଗେ ଦିନା ଆଗେ ମାତ୍‍ତଡ଼୍ । ଆଦ୍‍ବୁତ୍‌ ପାଡ଼୍‍ୟି ନୁ ଆଶର୍ଯ୍ୟ ପାଡ଼୍‍ୟି ମାଡ଼ାନ୍ ତଡ଼୍ ପାଉଲ୍‍ ନୁ ବର୍ଣ୍ଣବା ପ୍ରମାଣ୍ ମାଡ଼୍‍ତଡ଼୍ ଯେ, ଇଶ୍ୱର୍‌ତେ ଅନୁଗ୍ରହ ବିଷୟ୍‍ତେ ପ୍ରଚାର୍ ମାଡ଼୍‍ତେ ଗଟ୍ ନିଜାମ୍ ।

ପ୍ରେରିତ 15:12

ପାଉଲ୍ ନୁ ବର୍ଣ୍ଣବାନ୍ ତଡ଼୍ ଅଣଇହୁଦୀଡ଼୍ ଲୋପେ ଇଶ୍ୱର୍ ବେନ୍‍ସାରେ ଆଦ୍‍ବୁତ୍‌ ନୁ ଆଶର୍ଯ୍ୟ ପାଡ଼୍‍ୟି ମାଡ଼ିମାତ୍‍ତଣ୍ଡ୍, ଅଡ଼୍‌ଆଗାଙ୍କ୍‌ ଆଦିନାଦ୍ ଗଟ୍‍ କେଞ୍ଜି ମାନ୍ଦେତେ ସାରେତଡ଼୍ କଟ ମାତ୍‍ତଡ଼୍ ।

ପ୍ରେରିତ 2:19

ନାନ୍ ସ୍ୱର୍ଗତାଗ୍ ନାର୍‍ଗେ ଆଦ୍‍ବୁତ୍‌ ପାଡ଼୍‍ୟି; ମେଣ୍ଡେ ପୃତିବିତାଗ୍ ନାର୍‍ଗେ ଚିଏନ୍ନେ ତଅତିତାନ୍ । ଆଗେ ନେତୁର୍‍, କିସ୍ ନୁ ଗାଟି ଉମ୍‍ମେ ବର୍ତ୍ତି ଆଦ୍‍ତେ ।

ପ୍ରେରିତ 2:22

“ହୋ ଇସ୍ରାଏଲୀୟ ନାରୁଡ଼ି, ଇୱୁ ସାରେ ଗଟି କେଞ୍ଜାଟ୍, ନାଜରିତିୟ ଜିସୁ ନାର୍‍ଗେ ଶକ୍ତିତ୍‍ ପାଡ଼୍‍ୟି, ଆଶର୍ଯ୍ୟ ପାଡ଼୍‍ୟି ନୁ ଚିଏନ୍ନେ ତଡ଼୍ ମିଇ ଗାର୍‍ରେ ଇଶ୍ୱର୍ ରଅତେ ନାରୁଣ୍ଡ୍‍ ଇଞ୍ଜ ପ୍ରମାନିତ୍ ଆତ୍‍ତଣ୍ଡ୍, ଅନ୍‌ ତଡ଼୍ ଇଶ୍ୱର୍ ଜେ ମିଇ ଲୋପେ ଇୱୁସାରେ ପାଡ଼୍‍ୟି ମାଡ଼ିମିନ୍ଦେଣ୍ଡ୍, ଇଦ୍ ମିଡ଼୍ ନିଜେ ନିଜେ ପୁତ୍‍ତିଡ଼୍ ।

ପ୍ରେରିତ 2:43

ପ୍ରେରିତ ଶିଷ୍ୟଡ଼୍ ନାର୍‍ଗେ ଆଦ୍‍ବୁତ୍‌ ନୁ ଆଶର୍ଯ୍ୟ ପାଡ଼ିୟି ମାଡ଼୍‍ତଡ଼୍ ନୁ ସାରେତଡ଼୍ ଆଗାଙ୍କ୍ କାବା ଆସ୍ ୱେର୍‍ତଡ଼୍ ।

ପ୍ରେରିତ 4:30

ନିୱଣ୍ଡ୍ ପବିତ୍ର ଦାସ ଜିସୁନ୍‍ ପେଦେର୍‍ତେ ସୁସ୍ଥ ମାଡ଼ାନ୍ ସେଙ୍ଗେ ନୁ ଆଦ୍‍ବୁତ୍‌ ନୁ ଆଶର୍ଯ୍ୟ ପାଡ଼୍‍ୟି ସାଦନା ମାଡ଼ାନ୍ ମାଇଦିଙ୍କ୍ ନିୟାଦ୍ କାୟି ହାଆମ୍ ।”

ପ୍ରେରିତ 5:12

ପ୍ରେରିତ ଶିଷ୍ୟଡ଼୍ ତଡ଼୍ ନାରୁଡ଼୍ ଲୋପେ ନାର୍‍ଗେ ଆଦ୍‍ବୁତ୍‌ ନୁ ଆଶର୍ଯ୍ୟ ପାଡ଼୍‍ୟି ଆସମାତ୍‍ତେ । ସାରେତଡ଼୍ ବିଶ୍ୱାସୀଡ଼୍ ଶଲୋମନ୍‍ତେ ମଣ୍ଡପ୍‍ତାଗ୍ ଅଣ୍ଡୟାଗେ ଆସମାତ୍‍ତଡ଼୍ ।

ପ୍ରେରିତ 6:8

ଇଶ୍ୱର୍‌ତାଗାଙ୍କ୍ ନାର୍‍ଗେ ଅନୁଗ୍ରହ ନୁ ଶକ୍ତି ପାଏମ୍‍ଆତ୍‍ତେ ସ୍ତିଫାନ୍‍, ନାରୁଡ଼୍ ଲୋପେ ନାର୍‍ଗେ ଆଦ୍‍ବୁତ୍‌ ନୁ ଆଶର୍ଯ୍ୟ ପାଡ଼୍‍ୟି ମାଡ଼୍‍ତଣ୍ଡ୍ ।

ପ୍ରେରିତ 7:36

ଅଣ୍ଡ୍‌ ମିସର୍‍ ଦେଶ୍‍ତାଗ୍ ନୁ ଏର୍ରେରଙ୍ଗ୍ ସାୱ୍‍ଡ଼େତାଗ୍ ନାର୍‍ଗେ ଅଦ୍‍ବୁତ୍‌ ନୁ ଆଶର୍ଯ୍ୟ ପାଡ଼୍‍ୟି ତଅସ୍ ନାରୁଡ଼୍‍କିଂଙ୍କ୍ ମିସର୍‍ତାଗାଙ୍କ୍ ବାୟିଦେ ପେସ୍‍ପି ତାତ୍‍ତଣ୍ଡ୍, ଚାଲିଶ୍ ହେଣ୍ଡ୍‍କ୍ ଯାକ ମରୁବୁମ୍‍ତାଗ୍ ଅଡ଼୍‌‍କିଂଙ୍କ୍ ହାର୍ ତଅତଣ୍ଡ୍ ।

ରୋମୀୟ 15:19

ଇଦ୍ ଅଣ୍ଡ୍‌ ମାଡ଼୍‍ତଣ୍ଡ୍, ବାକ୍ୟ ନୁ ପାଡ଼୍‍ୟି ତଡ଼୍ ନୁ ଇଶ୍ୱର୍‌ତେ ଆତ୍ମାତେ ଶକ୍ତିତେ । ଆଦିଙ୍କ୍ ନାନ୍ ଯିରୁଶାଲମ୍‍ତାଗାଙ୍କ୍ ଇଲିରିକମତାଗ୍ ଆଦାନ୍ ୱେଲେ ଆର୍ର୍‍ଦାଗ୍ କ୍ରିଷ୍ଟନାଦ୍ ସାୟେତ୍ କାବୁର୍ ସାୟେ ପ୍ରଚାର୍ ମାଡ଼୍‍ତାନ୍ ।

୧ କରନ୍ତିୟ 1:22

ଇହୁଦୀ ନାରୁଡ଼୍ ଚିଃନେ ମେହ୍‌କିତଡ଼୍, ଗ୍ରୀକ୍‍ ନାରୁଡ଼୍‌ ବୁଦ୍‍ତିଙ୍କ୍ ମେହ୍‌କିତଡ଼୍‌ ।

୨ କରନ୍ତିୟ 12:12

ମିୟାଗ୍‍ ମାନ୍ଦାନ୍ ଦର୍‍ଯ୍ୟତେ ନାର୍‍ଗେ ବାକ୍‍ୱା ଆଦାନ୍ ପାଡ଼୍‍ୟି ତିଆର୍ ମାଡ଼ି ନାର୍‍ଗେ ଆଦ୍‍ବୁତ୍‌ ବିଷୟ ତଡ଼୍ ନାନ୍ ଯେ ମୁନେତ୍‍କଞ୍ଜ୍ ପ୍ରେରିତ୍ ଶିଷ୍ୟ, ଇଦିନ୍ ନିଦର୍ଶନ ଇତ୍‍ତନ୍ ।

୨ ଥେସଲନିୟ 2:9

ଆଦ୍ ଦୁରଆତ୍ମା ଶୟ୍‍ତାନ୍‍ ଲାୱ୍‌ଦେ ଡାଟୁମ୍‌ ଆସ୍ ୱାଦ୍‍ତନ୍ ନୁ ନାର୍‍ଗେ ଲେକ୍‍ତାଉ ଦାଦ୍‌ରେଲାନ୍ ପାଡ଼୍‍ୟି ମାଡ଼ାନଙ୍କ୍ ବୁସା ମାଡ଼ିତନ୍ ।

ଏବ୍ରୀ 2:4

ମେଣ୍ଡେ ଗାଲେୟ୍‌, ଇଶ୍ୱର ଚିଏଃନେ ନୁ ନାର୍ଗେ ବେପଡ଼୍‍ ଆୟ୍‍ୱାଦ୍ ପାଡିୟ୍ ମେଣ୍ଡେ ଆଶର୍ଯ୍ୟ ପାଡ଼୍‍ୟି ନୁ ପବିତ୍ର ଆତ୍ମାନ୍ ୱେରେୱେରେ ଦାନାମ୍ ତଡ଼୍‍ ସାକ୍ଷି ଇସ୍‌ ମିନ୍ଦେ ।