ଯୋହନ୍‌‌ 4:14 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁴ ବାତେଙ୍କ୍ ଇତ୍‍କେ ନାନ୍ ବେନ୍ ଏର୍‍ ହିଦ୍‍ତାନ୍, ଆଦ୍ ବେନମେଣ୍ଡେ ଉନ୍‍ତଣ୍ଡ୍, ଅଂକିଙ୍କ୍‌ ବେସୁଙ୍କ୍‍ମେଣ୍ଡେ ଉନ୍ଦେୱାୱ, ବେଲାନ୍ ନାନ୍ ହିସମାନ୍ଦାନ୍ ଏର୍‍ ଅନ୍‌ ହୃଦୟ୍‍ତାଗ୍ ୱେରନ୍ ଜିୱୁନ୍ ହିଦାନଣ୍ଡ୍ ନିର୍ଜତେ ପରିନତ ଆଦ୍‍ତେ, ଆଗାଙ୍କ୍ ଉତ୍‍କେ ଅଣ୍ଡ୍‌ ସାରେଦିନାତ୍ ଜିୱୁନ୍‍ ଜିୱେଦର୍‍କିତ୍ ।”

ଯୋହନ୍‌‌ 4:14 ပူးပေါင်းရင်းမြစ်များ

ମାତିଉ 25:46

ହି ନାରୁଡ଼୍ ସାରେ ଦିନାତ୍ ମାଇଦିଙ୍କ୍ ଦଣ୍ଡ୍ ଆଦ୍‍ତଡ଼୍ ନୁ ଦାର୍ମିକିଡ଼୍‍ ସାରେଦିନାତ୍ ଜିୱୁନ୍ ଲାବ୍ ମାଡ଼ିତଡ଼୍ ।

ମାତିଉ 5:6

ଇଶ୍ୱର୍‌ତେ ଇଚ୍ଛା ଲେକାମ୍ ପାଡ଼୍‍ୟି ମାଡ଼ାନଙ୍କ୍ ବେନଡ଼ାଦ୍ ଇଚ୍ଛା, ଅଡ଼୍‌ ଦନ୍ୟ, ବାତେଙ୍କ୍ ଇତ୍‍କେ ଇଶ୍ୱର୍ ଅଡ଼୍‌‍କିଂଙ୍କ୍ ଶାନ୍ତି ମାଡ଼ିତନ୍ ।

ଯୋହନ୍‌‌ 10:10

ଡଙ୍ଗାଲ୍ ୱାଦ୍‍ତଣ୍ଡ୍ ଡଙ୍ଗାଙ୍କ୍, ଆୱୁକାନଙ୍କ୍‌ ନୁ ଦଂସ ମାଡ଼ାଙ୍କ୍, ନାନ୍ ୱାତ୍‍ତାନ୍ ମିକିଂଙ୍କ୍ ଜିୱୁଣ୍ଡ୍ ହିଦାନ୍ ସେଙ୍ଗେ, ମିଡ଼୍ ବେଲାକି ଜିୱୁଣ୍ଡ୍‍ତେ ଗାଟି ତିପାଲ୍‍ମାଡ଼େ ପାର୍‍ତିଡ଼୍ ।”

ଯୋହନ୍‌‌ 11:26

ମେଣ୍ଡେ ବେନ ଗେଲ୍‍ସ୍‍କେ ନୁ ନାକିଂଙ୍କ୍ ବିଶ୍ୱାସ୍ ମାଡ଼ିତନ୍, ଅନ୍‌ ବେସୁଙ୍କ୍‌ବା ଡଲନ୍; ଇଦ୍ ବାତେଏ ବିଶ୍ୱାସ୍ ମାଡ଼ୁତିଡ଼୍ ?”

ଯୋହନ୍‌‌ 4:10

ଜିସୁ ତାଙ୍କ୍ ଉତ୍ତର୍ ହିତ୍‍ତଣ୍ଡ୍, “ଇଶ୍ୱର୍ ବାତେଏ ହିଦ୍‍ପାର୍‍ତଣ୍ଡ୍ ନିମ୍‍ ଯଦି ପୁଞ୍ଜ୍ ମାନେନି ମେଣ୍ଡେ ବେନ ନି କାଇଦେ କନ୍‍ସ୍ ଉନ୍ଦାନଙ୍କ୍ ତାଲ୍‍କୁତଣ୍ଡ୍ ଆଦ୍ ଯଦି ପୁଞ୍ଜ୍ ମାନେନି ନିମ୍‍ ଅଂକିଙ୍କ୍‌ ତାଲ୍‍କେନି, ମେଣ୍ଡେ ଅଣ୍ଡ୍‌ ନିକିଂଙ୍କ୍ ଜିୱୁନ୍‍ତେ ଏର୍‍ ହିୱେଣ୍ଡ୍ ।”

ଯୋହନ୍‌‌ 4:11

ଆଦ୍ ମୁତ୍‍ତେ ଅଂକିଙ୍କ୍‌ କେତ୍‍ତେ, “ଗୁରୁ, ଏର୍‍ ତରାନ୍‍ ମାଇଦିଙ୍କ୍ ନି ଗାର୍‍ରେ ବାତେଏ ଜିନିଷ୍ ଇଲା, ମେଣ୍ଡେ ନୂୟ୍ ତ କୁୟ୍‍ଙ୍ଗ୍; ଆଲାଇତ୍‍କେ ନିମ୍‍ ବେଗାକନ୍‍ସ୍ ଆଦ୍ ଜିୱୁନ୍‍ ଏର୍‍ ଦର୍ସିକି ଆସ୍‌ମିନ୍ଦେନୀ ?

ଯୋହନ୍‌‌ 4:13

ଜିସୁ ତାଙ୍କ୍ ଉତ୍ତର୍ ହିତତଣ୍ଡ୍, “ବେନ୍‌ଆଇ ହି ଏର୍‍ ଉନ୍‍ତଣ୍ଡ୍, ଅଂକିଙ୍କ୍‌ ମେଣ୍ଡନ୍ ଦାମ୍ ଉନ୍ଦ୍ ୱାହାତିତ୍‍;

ଯୋହନ୍‌‌ 4:36

ଇଞ୍ଜ୍ ଆନ୍‌‍ତେ କୟ୍‍ତେନଣ୍ଡ୍ ମଜୁରି ଦର୍‍କିତ୍‍ତା ନୁ ସାରେଦିନାତ୍ ଜିୱୁନ୍‍ତେ ମାଇଦିଙ୍କ୍ କାୟା ଗୁଡ଼୍‍ପି ମାଡ଼ମିନ୍ଦେନ୍, ବେଦ୍‍ପୁଟୁଙ୍କ୍ ୱିତାନଣ୍ଡ୍ ନୁ କୟ୍‍ଦାନଣ୍ଡ୍ ହିର୍‍ୱୁଡ଼୍‍ କାୟ୍‍ଲି ୱେଡ଼୍‍କା ମାଡ଼ିତଡ଼୍ ।

ଯୋହନ୍‌‌ 6:27

ବେନ୍ କାଦି ତେରିତେ, ଆଦିନ୍ ମାଇଦିଙ୍କ୍ କଷ୍ଟ ମାଡ଼୍‍ମାଟ୍ । ବେଲାନ୍ ବେନ୍ କାଦି ସାରେଦିନାତ୍ ଜିୱୁନ୍ ଇଦ୍‍ତଣ୍ଡ୍‌, ଆଦିନ୍ ସେଙ୍ଗେ କଷ୍ଟ ମାଡ଼ାଟ୍ । ଆଦ୍ କାଦି ନାରୁନ୍‍ପିଲେ ମିକିଂଙ୍କ୍ ହିଦ୍‍ତଣ୍ଡ୍, ବାତେଙ୍କ୍ ଇତ୍‍କେ ଅଂକିଙ୍କ୍‌ ବାବାଲ୍ ଇଶ୍ୱର୍ ଇଦ୍ ଅଦିକାର୍‌ ହିତ୍‍ତଣ୍ଡ୍ ।”

ଯୋହନ୍‌‌ 6:35

ଆସୁଟେ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ନାନେ ଆଦ୍ ଜିୱେମାନ୍ଦାନ୍ କାଦି; ବେନ ନା ଗାର୍‍ରେ ୱାଦ୍‍ତଣ୍ଡ୍ ଅଣ୍ଡ୍‌ ବେସୁଙ୍କେ କାର୍‍ୱିନ୍ ଆୟ୍‍ୟଣ୍ଡ୍, ମେଣ୍ଡେ ବେନ ନାୟାଗେ ବିଶ୍ୱାସ୍ ମାଡ଼ିତନ୍, ଅଂକିଙ୍କ୍‌ ବେସୁଙ୍କେ ବା ଏର୍‍ ହୁନ୍ଦ୍‍ୱାହ୍‍ଓ ।

ଯୋହନ୍‌‌ 6:58

ବେନ କାଦି ସ୍ୱର୍ଗକଞ୍ଜ୍ ୱାସ୍‌ ମିନ୍ଦେ, ଆଦ୍ ହିଦ୍; ଆନିଦାଦିଡ଼୍ ବେଦ୍‍ପୁଟୁଙ୍କ୍ ତିଞ୍ଜ୍ ଡଲିମିନ୍ଦେଡ଼୍, ଆଦ୍‍ଲେକାମ୍ ଆୟ୍‍ୟ; ବେନ ହିଦ୍ କାଦି ତିନ୍‍ତଣ୍ଡ୍, ଅଣ୍ଡ୍‌ ଅନନ୍ତକାଲ୍ ଯାକ ଜିୱୁ ମାନ୍‍ତଣ୍ଡ୍ ।”

ଯୋହନ୍‌‌ 7:37

ପାଣ୍ଡୁମ୍‍ତେ ଶେଷଦିନେ, ଇତ୍‍କେ, ମୁକ୍ୟଦିନେ, ଜିସୁ ନିସ୍‍ମେଣ୍ଡେ ଗାଟି ଲେଙ୍ଗ୍‍ଦେ କେତ୍‍ତଣ୍ଡ୍, “ବେନଙ୍କ୍ ଯଦି ଉନ୍ଦେୱାହ୍‍ତେ, ଅଣ୍ଡ୍‌ ନା ଗାର୍‍ରେ ୱାଡ଼ିଣ୍ଡ୍ ।

ରୋମୀୟ 5:21

ପାପ୍ ବେଲା ଡଲ୍‍ନାଦ୍ ତଡ଼୍ ନିଜର୍‍ ଅଦିକାର୍‌ ତିୟାର୍‍ ମାଡ଼ିମାତ୍‍ତେ, ଆଦେରକମ୍ ଇଶ୍ୱର୍‌ତାଦ୍ ଅନୁଗ୍ରହ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ମାନାଙ୍କ୍‍ ଦାର୍ମାମ୍ ମାଡ଼ି ସାରେଦିନାତ୍ ଜିୱୁଣ୍ଡ୍ ଇଦ୍‍ତେ ।

ରୋମୀୟ 6:23

ପାପ୍‌ତାଦ୍ ପରିଣାମ୍‍ ଡଲାନାଦ୍, ଇତ୍‍କେ ଇଶ୍ୱର୍‌ତାଦ୍ ଜସାମାଡ଼୍‌ୱେ ଦାନ ଆଦୁତ୍‍ତେ, ପ୍ରବୁ ଜିସୁ କ୍ରିଷ୍ଟନ୍‍ ତଡ଼୍ କାୟ୍‍ଲି ମିକା ସାରେଦିନାତ୍ ଜିୱୁଣ୍ଡ୍ ପାଏମ୍ ଆଦାନାଦ୍ ।

୨ କରନ୍ତିୟ 1:22

ଅଣ୍ଡ୍‌ ମାନ୍‍ ୱେରେ ମାଡ଼ି ମିନ୍ଦେନ୍ ନୁ ମାନ୍‍ ହୃଦୟତାଗ୍ ତାନ୍ ପବିତ୍ର ଆତ୍ମାତିଙ୍କ୍ ନେଃଏତାଙ୍କ୍ ମାନ୍‍ ପରୁ ମାଲିକ୍ ଆତ୍‍ତଣ୍ଡ୍ । ପବିତ୍ର ଆତ୍ମା ଆଦୁତ୍‍ତେ, ମାନ୍‍ ପରୁ ଇଶ୍ୱର୍‌ତେ ଅଦିକାର୍‌‍ତେ ଚିଃଏନେ ନୁ ବବିଷ୍ୟତ୍‍ତେ ମାନ୍‍ ବାତ୍ ଦର୍‍କିତ୍, ଆଦିନ୍ ଗେରେଣ୍ଟି ଲେକାମ୍ ।

ଏଫିସିୟ 4:30

ଇଶ୍ୱର୍‌ତେ ପବିତ୍ର ଆତ୍ମାତିଙ୍କ୍ ଦୁଃକାମ୍‍ ଇମାଟ୍ । ବାତେଙ୍କ୍‍ଇତ୍‍କେ ପବିତ୍ର ଆତ୍ମା ମିଇ ପର୍‍ର ଇଶ୍ୱର୍‌ତେ ନିଜର୍‍ ଅଦିକାର୍‌ ଚିଃଏନେ ରକମ୍ ନୁ ଇଶ୍ୱର୍ ଯେ ଅନ୍‌‍ଦିନେ ମିକିଂଙ୍କ୍ ମୁକ୍ତି ମାଡ଼ିତନ୍, ଇଦିନ୍ ରକମ୍ ।

୧ ପିତର୍‍ 1:22

ଇଞ୍ଜେ ମିଡ଼୍ ସତ୍‍ତେ ପେର୍କେ ଆନ୍‌‍ନାଙ୍କ୍ ନିଜେ ନିଜେତିଙ୍କ୍ ଶୁଚି ମାଡ଼୍‍ତିଡ଼୍ ନୁ ବିଶ୍ୱାସ୍‍ତେ ଦାଦାନଡ଼କ୍ ପ୍ରେମ ମାଡ଼ାନଙ୍କ୍ ତିଆର୍ତେ ମିନ୍ଦେଡ଼ି । ନିଜେ ନିଜେତିଙ୍କ୍ ହୃଦୟତେ ପ୍ରେମ ମାଡ଼ାଟ୍ ।

୧ ଯୋହନ୍‌‌ 5:20

ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।

ପ୍ରକାଶିତ୍‌ ବାକ୍ୟ 7:16

ଅଡ଼୍‌ ମେଣ୍ଡେ ବେସୁଙ୍କ୍‍ମିକା କାର୍‍ୱିନ୍ ବା ଏର୍‍ ଉନ୍ଦେୱାୱ; ପଡ଼ଦ୍‍ତେ ଏଦ୍ ବା ମେଣ୍ଡେ ବେନେ କାମ୍‍କେ ଅଡ଼୍‌‍କିଂଙ୍କ୍ ନିଡ଼୍‍ସ୍ପେ ପାର୍‍ୱ ।

ପ୍ରକାଶିତ୍‌ ବାକ୍ୟ 7:17

ବାତେଙ୍କ୍‍ଇତ୍କେ, ସିଂହାସନ୍ ନାଡ଼୍‍ମେ ମାନ୍ଦାନ୍ ମେକାଗଲାଲ୍‍ ଆୱିନ୍ ଗଲାଲ୍‍ ଆଦ୍‍ତଡ଼୍ । ଆଦ୍ ଜିୱେମାନ୍ଦାନ୍ ଏର୍‍ଦେ ଗାର୍ରେ ଅଡ଼୍‌‍କିଂଙ୍କ୍ ଆର୍ ତଅସଡ଼୍ ଆଦ୍‍ତନ୍ ନୁ ଇଶ୍ୱର୍‍ ଅଡ଼୍‌‍କିଂଙ୍କ୍ କଣ୍ଡାନାଗାଙ୍କ୍ ସାରେ କାଣ୍ଡେଡ଼୍ ଉଞ୍ଜ୍‍ପିଦ୍‍ତଣ୍ଡ୍‍ ।”