ଯୋହନ୍‌‌ 3:16 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁶ ବାତେଙ୍କ୍ ଇତ୍‍କେ ଇଶ୍ୱର୍ ଜଗତ୍‍ତିଙ୍କ୍ ଇସର୍ ପ୍ରେମ ମାଡ଼୍‍ତଣ୍ଡ୍ ଯେ, ଅଣ୍ଡ୍‌ ନିଜେତ୍ ଅଦ୍ୱିତିୟ ମାର୍‍ଦିଙ୍କ୍ ଦାନ ହିତ୍‍ତଣ୍ଡ୍, ବେଦ୍‍ପୁଟୁଙ୍କ୍ ବେନଆଇ ଅନ୍‌‍ଆଗେ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ବିନଷ୍ଟ ଆୟ୍‍ୟକଟ ସାରେଦିନାତ୍ ଜିୱୁନ୍ ଦର୍ସିକିତନ୍ ।

ଯୋହନ୍‌‌ 3:16 ပူးပေါင်းရင်းမြစ်များ

ମାତିଉ 9:13

ଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ, ନାୱାଦ୍ ଇଚ୍ଛା ଦୟା, ବଲିଦାନ୍ ଆୟ୍‍ୟ, ଇ ଗଟ୍‍ତେ ଇତ୍‍କେ ବାତେଏ, ଆଞ୍ଜ୍ ମେଣ୍ଡେ ବୁଜେମ୍‍ଆଦାନଙ୍କ୍ ଆଲ୍‍ସି ମାଡ଼େ । ନାନ୍ ଦାର୍ମିକ୍ ନାରିଡ଼୍‍କ୍ କାର୍‍ଙ୍ଗାଙ୍କ୍ ୱାଡ଼ନ୍; ୱାତ୍‍ତାନ୍ ପାପିନାରିଡ଼୍‍ ସେଙ୍ଗେ ।”

ମାର୍କ 12:6

ଇଞ୍ଜେ ମାଲିକ୍‍ତେ ଗାରେ ମାତର୍‍ ୱେରଣ୍ଡେ ମାତର୍‌ ବାକି ମିନ୍ଦେଣ୍ଡ୍ ତାନ୍ ପ୍ରିୟ ମାର୍‍ । ମାଲିକ୍‍ ଆଲ୍‍ସ୍‍ତଣ୍ଡ୍‍, “ଅଡ଼୍‌‍ ନା ମାରିଙ୍କ୍‍ ନିଜାମ୍‍ ମାନେମ୍‍ ଆଦ୍‍ତଡ଼୍‍ ।” ଇଲା ଆଲ୍‍ସି ମାଡ଼େଙ୍କ୍‌ତେ ଚାଷିଡ଼୍‍ ଗାରେ ନିଜର୍‍ ମାରିଙ୍କ୍ ରହ୍‍ତଣ୍ଡ୍‍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 2:14

“ସ୍ୱର୍ଗତାଗ୍ ଇଶ୍ୱର୍‌ତେ ମହିମା, ମେଣ୍ଡେ ପୃତିବିତାଗ୍ ଅନ୍‌ ଶାନ୍ତି ନାରୁଡ଼୍ ତେ ସେଙ୍ଗେ ଶାନ୍ତି ଆୟି ।”

ଯୋହନ୍‌‌ 1:14

ମେଣ୍ଡେ, ଆଦ୍ ବାକ୍ୟ ମେନ୍ଦୁଲ୍ ପଇତେ, ମେଣ୍ଡେ ଅନୁଗ୍ରହ ନୁ ସତ୍‍ତେ ନିଣ୍ଡି ମାନ୍‍ ଲୋପେ ବାସେ ମାଡ଼୍‍ତଣ୍ଡ୍, ମେଣ୍ଡେ ବାବାନାଗାଙ୍କ୍ ୱାତ୍ ୱେରଡ଼୍ ଇଞ୍ଜ ମାର୍‍ଦେ ମହିମା ଲେକାମ୍ ମାମ୍‍ମେ ଅନ୍‌ ମହିମାତିଙ୍କ୍ ଉଡ଼୍‍ତମ୍ ।

ଯୋହନ୍‌‌ 1:18

ବେନ ବେସୁଙ୍କ୍‍ ଇଶ୍ୱରତିଙ୍କ୍ ଉଡ଼ଣ୍ଡ୍, ଅନ୍‌ ଡ଼େକାନାଗ୍ ମାନ୍ଦାନ୍ ୱେରଣ୍ଡେ ମାର୍‍ ଅଂକିଙ୍କ୍‌ କେସ୍ ମାଡ଼ିମିନ୍ଦେଣ୍ଡ୍ ।

ଯୋହନ୍‌‌ 1:29

ଆସୁଟେ ମେଣ୍ଡନ୍ ଦିନ୍ ଯୋହନ୍‌ ଜିସୁଙ୍କ୍ ନିଜେତ୍ ଗାର୍‍ରେ ୱାଦାନାଦ୍ ଉଡ଼ି କେତ୍‍ତଣ୍ଡ୍, “ହି ଉଡ଼ାଟ୍, ଇଶ୍ୱର୍‌ତେ ମେଣ୍ଢାମେଇତାନଣ୍ଡ୍, ବେନ ଜଗତ୍‍ତେ ପାପ୍ କାଞ୍ଜିଆଦ୍‍ତଣ୍ଡ୍ ।

ଯୋହନ୍‌‌ 10:28

ମେଣ୍ଡେ ନାନ୍ ଆୱିଙ୍କ୍ ସାରେଦିନାତ୍ ଜିୱୁ ଇଦ୍‍ତାନ୍, ମେଣ୍ଡେ ବେସୁଙ୍କ୍‌ବା ଆଉ ବିନଷ୍ଟ ଆୟ୍‍ୟ, ମେଣ୍ଡେ ବେନ ନା କାଇଦାଗାଙ୍କ୍ ଆୱିଙ୍କ୍ ଆଦ୍ ପାର୍‍ୱଡ଼୍ ।

ଯୋହନ୍‌‌ 3:15

ବେଦ୍‍ପୁଟୁଙ୍କ୍ ବେନଆଇ ଅନ୍‌‍ଆଗେ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ସାରେଦିନାତ୍ ଜିୱୁନ୍‍ ଦର୍ସିକିତନ୍ ।

ଯୋହନ୍‌‌ 3:18

ବେନ ମାରିନାଗ୍ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ବିଚାରିତ ଆୟ୍‍ୟଣ୍ଡ୍; ବେନ ବିଶ୍ୱାସ୍ ମାଡ଼ଣ୍ଡ୍, ଅଣ୍ଡ୍‌ ବିଚାରିତ ଆଶେ ତେର୍‍ତଣ୍ଡ୍, ବାତେଙ୍କ୍ ଇତ୍‍କେ ଅଣ୍ଡ୍‌ ଇଶ୍ୱର୍‌ତେ ଅଦ୍ୱିତିୟ ମାର୍‍ଦେ ପେଦେର୍ ତିଙ୍କ୍ ବିଶ୍ୱାସ୍ ମାଡ଼ଣ୍ଡ୍ ।

ଯୋହନ୍‌‌ 3:36

ବେନ ମାର୍‍ଦିଙ୍କ୍ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ସାରେଦିନାତ୍ ଜିୱୁନ୍ ଦର୍ସିକି ଆସ୍‍ମିନ୍ଦେଣ୍ଡ୍, ମାତର୍ ବେନ ମାର୍‍ଦିଙ୍କ୍ ଉର୍‍ଗାଡ଼୍ ମାଡ଼ିତନ୍, ଅଣ୍ଡ୍‌ ଜିୱୁନ୍‍ତିଙ୍କ୍ ଉଡ଼୍‍ଅଣ୍ଡ୍‌, ବାତେଙ୍କ୍ ଇତ୍‍କେ ଅଣ୍ଡ୍‌ ଇଶ୍ୱର୍‌ତେ କପାମ୍ ନାରୁଡ଼୍ ଆଶ୍ ମାନ୍‍ତଣ୍ଡ୍ ।

ଯୋହନ୍‌‌ 6:40

ବାତ୍‍ତେଙ୍କ୍ ଇତ୍‍କେ ବାବାଲ୍ ଇଚ୍ଛା ମାଡ଼ିତନ୍ ବେନଆଇ ମାର୍‍ଦିଙ୍କ୍ ଦର୍ଶନ୍ ମାଡ଼ି ଅନ୍‌‍ଆଗେ ବିଶ୍ୱାସ୍ ମାଡ଼ିତନ୍, ଅଡ଼୍‌ ସାରେଦିନାତ୍ ଜିୱୁନ୍‍ ଦର୍‍କିତ୍‍, ଆଦିନ୍ ମାଇଦିଙ୍କ୍ ଶେଷ ଦିନ୍‍ତେ ନାନ୍ ସାରେତଡ଼୍‌କିଂଙ୍କ୍ ମେଣ୍ଡଅନ୍‌‍ଦାମ୍ ଜିୱୁଣ୍ଡ୍ ମାଡ଼ିତାନ୍ ।”

ରୋମୀୟ 5:10

ମାନାଡ଼୍ ଇଶ୍ୱର୍‌ତେ ଶତ୍ରୁଡ଼୍ ମାନ୍ଦାନ୍‍ୱେଲେ ଅନ୍‌ ମାର୍‌ ମାନ୍‍ ସେଙ୍ଗେ ଜିୱୁଣ୍ଡ୍ ଇତ୍‍ତନ୍, ଆଦିଙ୍କ୍ ଇଶ୍ୱର୍ ତଡ଼୍ ମାନାଡ଼୍ ମେଣ୍ଡଅନ୍‌‍ଦାମ୍ କାୟ୍‍ଲ୍‍ତାଡ଼୍ । ଇଶ୍ୱର୍ ତଡ଼୍ କାୟ୍‍ଲ୍‍ତେ ପେର୍‍କେ ଇଞ୍ଜେ କ୍ରିଷ୍ଟନ୍ ଜିୱୁଣ୍ଡ୍ ତଡ଼୍ ପରିତ୍ରାଣ୍ ପାଏମ୍ ଆଦ୍‍ଦାନ୍ ସେଙ୍ଗେ ମାନାଡ଼୍ ବେସର୍ ନାର୍‍ଗେ ସୁଯୋଗ୍ ପାଏମ୍ ଆୟ୍‍ୱାଡ଼୍ ?

ରୋମୀୟ 5:8

ଇତ୍‍କେ ମାନାଡ଼୍ ପାପି ମାତ୍‍ତେୱେଲେ ଜିସୁ ମାନ୍‍ ସେଙ୍ଗେ ନିଜର୍‍ ଜିୱୁଣ୍ଡ୍ ଇତ୍‍ତନ୍ । ଇଦିନ୍‍ ତଡ଼୍ ଇଶ୍ୱର୍ ମାନାଙ୍କ୍‍ ବେସର୍ ପ୍ରେମ ମାଡ଼ୁତଣ୍ଡ୍, ଆଦ୍ ଅଣ୍ଡ୍‌ ତଅତଣ୍ଡ୍ ।

ରୋମୀୟ 8:32

ଇଶ୍ୱର୍ ବେସୁଟ୍‍ବା ମାନ୍‍ ବିରୁଦ୍ ଆୟ୍‍ୟଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ନିଜେତ୍ ମାରିଙ୍କ୍ ମିକା ରକ୍ଷା ମାଡ଼କଟ୍ ମାନ୍‍ ସେଙ୍ଗେ ଦାନ ମାଡ଼୍‍ତଣ୍ଡ୍ । ଆଲାଇତ୍‍କେ, ଅଣ୍ଡ୍‌ ବାତ୍ ମାନାଙ୍କ୍‍ ସାର୍‍ରେ ବିଷୟ୍ ଦାନ ମାଡ଼ଣ୍ଡ୍ ?

ଏଫିସିୟ 2:4

ଇତ୍‍କେ ଇଦ୍‍ଲେକାମ୍ କାରାପ୍‍ତେ ଡଲ୍‍କେ କେ ଦୟାତଣ୍ଡ୍‍ ଯେ ଇଶ୍ୱର୍, ଅଣ୍ଡ୍‌ ମାନ୍‍ ବେନ୍ ନାର୍‍ଗେ ପ୍ରେମତଡ଼୍‍ ପ୍ରେମ ମାଡ଼୍‍ତଣ୍ଡ୍ ।

୨ ଥେସଲନିୟ 2:16

ମାନ୍‍ ପ୍ରବୁ ଜିସୁ କ୍ରିଷ୍ଟ ନିଜେ, ମାନ୍‍ ବେନ୍ ବାବାଲ୍ ଇଶ୍ୱର୍ ମାନ୍‍ ପ୍ରେମ ମାଡ଼ି ମାନ୍‍ ଅନୁଗ୍ରହତେ ମାନ୍‍ ସାରେଦିନାତ୍ ସାନ୍ୱନା ନୁ ଲେକେତ୍‍ ଆଶେ ଇସ୍‍ମିନ୍ଦେନ୍ ।

ତୀତସ୍‌ 3:4

ଇତ୍‍କେ ବେସୁଟ୍‌ ମାନ୍‍ ମୁକ୍ତିଦାତାଲ୍ ଇଶ୍ୱର୍ ନିଜେ ଦୟା ନୁ ନାରୁଡ଼୍ ଜାତି ସେଙ୍ଗେ ପ୍ରେମ ତଅତଣ୍ଡ୍,

ଏବ୍ରୀ 2:9

ମାମ୍ ଉଡୁତମ୍‌, ବେଲାକି ଜିସୁ ସ୍ୱର୍ଗ ଦୂତନୁଞ୍ଚ୍‌ ସୁଦୁଲଣ୍ଡ୍‌ ମାଡ଼ିମାତ୍‌ତଡ଼୍‍, ବେଲାକି ଇଶ୍ୱରନ୍‌ ଅନୁଗ୍ରହନୁଞ୍ଚ୍‌ ସାର୍ରେତଡ୍‌ ମାଇଦିଙ୍କ୍ ଡଲିତଣ୍ଡ୍‌ । ତାନାଦ୍‍ ଆ ଡଲ୍‌ତେ ମାଇଦିଙ୍କ୍ ମାନାଲ୍ ଇଞ୍ଜେ ଅଙ୍କ୍‌‌ ଗୌରବ୍‍ତେ ନୁ ନେକ୍‌କା ସାନ୍‌ମାନ୍‌ତାଦ୍‌ ସହଜ୍‍ କେର୍‍ତାଦ୍‌ ଉଡୁତାଲ୍‌ ।

୧ ଯୋହନ୍‌‌ 3:1

ଇଶ୍ୱର୍‍ ମାନାଙ୍କ୍ ବେସର୍ ପ୍ରେମ ମାଡ଼ୁତନ୍, ସୁଦୁର୍ ଚିନ୍ତା ମାଡ଼ୁଡ଼ାଟ୍ । ମାନ୍‍ ସେଙ୍ଗେ ଅନାଦ୍‌ ପ୍ରେମ ଇସର୍ ନାର୍ଗେ ଯେ, ମାନାଡ଼୍ ଅନ୍‌ ପିଲା ଲେକାମ୍ ଲେକା ଆତ୍‍ତାଡ଼୍ । ନିଜାମ୍ ମାନାଡ଼୍ ଅନ୍‌ ପିଲାନଡ଼୍ ଆଦିନ୍ ସେଙ୍ଗେ ଜଗତ୍ ଇଶ୍ୱର୍‍ ତିଙ୍କ୍ ପୁନ୍‍ୱାଙ୍କ୍, ମାନାଙ୍କ୍ ମିକା ଏଞ୍ଚେପାର୍‍ୱ ।

୧ ଯୋହନ୍‌‌ 4:19

ଅଣ୍ଡ୍‌‍ ମୁନେନ୍‍ ମାନାଙ୍କ୍‍ ପ୍ରେମ ମାଡ଼୍‍ତାଙ୍କ୍‍ ମାନାଡ଼୍‍ ପ୍ରେମ ମାଡ଼ାନଙ୍କ୍ ନାଡ଼୍‍ସ୍‍ତମ୍ ।

ପ୍ରକାଶିତ୍‌ ବାକ୍ୟ 1:5

ଡଲ୍‍ତାଗାଙ୍କ୍ ମେଣ୍ଡେ ପୁନରୁତ୍‍ତିତ୍ ସାରେଦାମ୍ ମୁନେ, ବିଶ୍ୱାସ୍ତେ ସାକ୍ଷଦାତାଲ୍‌ ନୁ ପୃତିବିତେ ରାଜାଦିରାଜା ଜିସୁ କ୍ରିଷ୍ଟଟନ୍ ଅନୁଗ୍ରହ ନୁ ଶାନ୍ତି ମିଇ ପରୁ ଆୟି । ଅଣ୍ଡ୍‌ ମାନାଙ୍କ୍ ପ୍ରେମ ମାଡ଼ୁତନ୍ ନୁ ଅନ୍‌ ଡଲ୍‍ତାଦିନ୍‍ତ ମାନାଙ୍କ୍ ପାପ ତାଗାଙ୍ଗ୍ ପରିତ୍ରାନ୍ ମାଡ଼୍‍ତନ୍ ।