ଯୋହନ୍‌‌ 21:17 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁷ ଜିସୁ ମୁଣ୍ଡ୍‍ଦାମ୍ ଅଂକିଙ୍କ୍‌ ପାଚ୍ରାମାଡ଼୍‍ତଣ୍ଡ୍, “ହଁ ଯୋହନ୍‌‌ତେ ମାର୍‍ ଶିମୋନ୍, ନିମ୍‍ ବାତେଏ ନାକିଂଙ୍କ୍ ପ୍ରେମ ମାଡ଼ୁତି ?” ଇଗେ ପିତର୍ ମାନ୍‍ଦୁଃକାମ୍ ଆତ୍‍ତଣ୍ଡ୍ । ବାତେଙ୍କ୍ ଇତ୍‍କେ ଜିସୁ ମୁଣ୍ଡ୍‍ଦାମ୍ ପିତର୍‍ତିଙ୍କ୍ ପାଚ୍ରାମାଡ଼୍‍ତଣ୍ଡ୍, ନିମ୍‍ ବାତେଏ ନାକିଂଙ୍କ୍ ପ୍ରେମ ମାଡ଼ୁତି ? ଅଣ୍ଡ୍‌ କେତ୍‍ତଣ୍ଡ୍, “ପ୍ରବୁ, ନିମ୍‍ ସାରେ ବିଷୟ ପୁତ୍‍ତି; ନାନ୍ ଯେ ନିକିଂଙ୍କ୍ ପ୍ରେମ ମାଡ଼ୁତାନ୍, ଆଦ୍ ନିମ୍‍ ପୁତ୍‍ତିନ୍ ।” ଜିସୁ ଅଂକିଙ୍କ୍‌ କେତ୍‍ତଣ୍ଡ୍, “ନାୟାୱୁ ମେଣ୍ଢାକିଂଙ୍କ୍ ମେଇମ୍ ।”

ଯୋହନ୍‌‌ 21:17 ပူးပေါင်းရင်းမြစ်များ

ମାତିଉ 25:40

ରାଜାଲ୍ ଉତ୍ତର୍ ହିତ୍‍ତଣ୍ଡ୍, ନାନ୍‍ନେ ସତ୍ କେତୁତାନ୍, ହି ଦାଦାଲଡ଼୍ ଲୋପେ ସାର୍‍ରେତଡ଼୍‍ ଡ଼ାଗାଙ୍କ୍ ସୁଦୁର୍ ମାଇଦିଙ୍କ୍ ବାତେଏ ମାଡ଼୍‍ତିଡ଼୍ ଆଦ୍ ନା ମାଇଦିଙ୍କ୍ ମାଡ଼ିତିଡ଼୍ ।”

ମାର୍କ 14:72

ଆସୁଟେ ମୁଣ୍ଡ୍‍ଦାମ୍‍ କର୍କ୍ କୁସ୍‍ତା ନୁ ପିତରତିଙ୍କ୍‍ ଏର୍କେଆତ୍‍ତେ; ଜିସୁ କେସ୍ ମାତ୍‍ତଣ୍ଡ୍, କର୍କ୍ ରେଣ୍ଡ୍‍ଦାମ୍‍ କୁସାନ୍‍ ମୁନେ ନିମେ ନାକିଙ୍କି ମୁଣ୍ଡ୍‍ଦାମ୍‍ ପୁନନ୍‍ ଇଞ୍ଜ କେତିତି । ଅଣ୍ଡ୍‌ ଦୁଃକାତେ ମୁର୍‍ମୁରା ଆସ୍‍ କେୟ୍‍ତଣ୍ଡ୍ ।

ଯୋହନ୍‌‌ 12:8

ଦରିଦ୍ର ନାରୁଡ଼୍ ତ ସାରେଦିନା ମିଇ ପାକେ ମିନ୍ଦେଡ଼୍‍, ମାତର୍ ନାନ୍ ସାରେଦାମ୍ ମିଇ ପାକେ ମାନନ୍ ।”

ଯୋହନ୍‌‌ 13:38

ଜିସୁ କେତ୍‍ତଣ୍ଡ୍, ନିମ୍‍ ବାତେଏ ନା ସେଙ୍ଗେ ନିଜେତ୍ ଜିୱୁଣ୍ଡ୍ ହିଦ୍‍ତିନ୍ ? ସତ୍ ନାନ୍ ନିକିଂଙ୍କ୍ କେସ୍‍ମିନ୍ଦେନ୍, କର୍କ୍ କୁସ୍‍ୱେ ମୁନେଙ୍କ୍ ନିମ୍‍ ନାକିଂଙ୍କ୍ ମୁଣ୍ଡୁ ଦାମ୍ ଅସ୍ୱୀକାର୍ ମାଡ଼ିତିନ୍ ।

ଯୋହନ୍‌‌ 14:15

ଯଦି ମିଡ଼୍ ନାକିଂଙ୍କ୍ ପ୍ରେମ ମାଡ଼ୁତିଡ଼୍, ଆଲେକେ ନାଉ ଗଟ୍ ସାରେ ପାଲନ୍ ମାଡ଼ିତିଡ଼୍ ।

ଯୋହନ୍‌‌ 15:10

ନାନ୍ ବେଲା ନା ବାବାନ୍ ଗଟ୍ ପାଲନ୍ ମାଡ଼ି ଅନାଦ୍‌ ପ୍ରେମାତାଗ୍ ତିଆର୍ ଆତ୍‍ତାନ୍, ଆଦେପୁଟୁଙ୍କ୍ ମିଡ଼୍ ମିକା ନା ଗଟ୍ ପାଲନ୍ ମାଡ଼ିତିଡ଼୍, ନା ପ୍ରେମାତାଗ୍ ତିଆର୍ ଆଦେ ପାର୍‍ଦ୍‍ତିଡ଼୍ ।”

ଯୋହନ୍‌‌ 16:30

ଇଞ୍ଜେ ନିମ୍‍ ଯେ ସାରେ ବିଷୟ୍ ପୁତ୍‍ତିନ୍, ମେଣ୍ଡେ ନିମ୍‍ ବେନଙ୍କ୍ ପ୍ରଶ୍ନ ମାଡ଼ାଙ୍କ୍ ଦର୍‍କାର୍ ଇଲେ, ଆଦ୍ ଇଞ୍ଜେ ମାମ୍‍ମେ ପୁତ୍‍ତମ୍; ଇଶ୍ୱର୍‌ତାଗାଙ୍କ୍ ୱାତ୍‍ତିନ୍ ଇଞ୍ଜ ମାମ୍‍ମେ ଇଦ୍ ମାମ୍‍ମେ ବିଶ୍ୱାସ୍ ମାଡ଼ୁତମ୍ ।”

ଯୋହନ୍‌‌ 18:27

ଆଗେ ପିତର୍ ମେଣ୍ଡଅନ୍‌‍ଦାମ୍ ଅସ୍ୱୀକାର୍ ମାଡ଼ି କେତ୍‍ତଣ୍ଡ୍, “ଇଲେ ।” ଆସୁଟେ, ସାଙ୍ଗେ ସାଙ୍ଗେ କର୍କ୍ କୁସ୍‍ତା ।

ଯୋହନ୍‌‌ 18:4

ଆଗାଙ୍କ୍ ଜିସୁ, ଅଡ଼୍‌ ସେଙ୍ଗେ ବାତା ଗଟେମ୍‍ଆଦାଙ୍କ୍ ଆଦୁତେ, ଆଦ୍ ପୁଞ୍ଜ୍ ମୁନ୍‍ନେ ଆଞ୍ଜ୍ ଅଡ଼୍‌‍କିଂଙ୍କ୍ ପାଚ୍ରାମାଡ଼୍‍ତଣ୍ଡ୍, “ମିଡ଼୍ ବେନଙ୍କ୍ ମେହେକୁତିଡ଼୍ ?”

ଯୋହନ୍‌‌ 21:18

ନାନ୍ ନିଜାମ୍‍ କେତୁତାନ୍, ଲେୟ୍‍ ମାନ୍ଦାନ୍ ୱେଲେ ନିମ୍‍ ନିଜେତ୍ ସିଲେତିଙ୍କ୍ ଗାଟ୍ ୱାଟି ବେକେ ଇଚ୍ଛା, ଚିଟି ଆଞ୍ଜ ମାତ୍‍ତିନ୍, ବାତେଙ୍କ୍ ଇତ୍‍କେ ମୁଇତା ୱେଲେ ନିମ୍‍ ନିୟାୱୁ କାଇକ୍ ହାଆତିତି ନୁ ମେଣ୍ଡେ ୱେରଣ୍ଡ୍ ନିକିଂଙ୍କ୍ ଗାଟ୍ ୱାଟି, ବେକେ ନିୟାଦ୍ ଇଚ୍ଛା ଇଲେ, ଚିଟି ନିକିଂଙ୍କ୍ ଆଦ୍‍ତନ୍ ।

ଯୋହନ୍‌‌ 4:16

ଜିସୁ ତାଙ୍କ୍ କେତ୍‍ତଣ୍ଡ୍, “ଅନ୍‌, ନି ମୁଦ୍‍ପାଙ୍କ୍ କାର୍‍ଙ୍ଗି ଇଗେ ତାଡ଼ା ।”

ପ୍ରେରିତ 1:24

ମେଣ୍ଡେ ପ୍ରାର୍ତନା ମାଡ଼୍‍ତଡ଼୍, “ପ୍ରବୁ ନିମ୍‍ ସାରେତଡ଼ାଦ୍ ହୃଦୟ୍‍ ପୁତ୍‍ତି । ଇଡ଼୍‍ ଇର୍‍ୱୁଡ଼୍‍ ଲୋପେଙ୍କ୍‍ ନି ତଡ଼୍ ବେନ ମନନିତ ମାକିଙ୍କ୍ କେଲ୍ ।‍ ଅନ୍‌ ପାଡ଼ିୟିତାଗ୍ ନି ତଡ଼୍ ଏଞ୍ଚିମାନ୍ଦାନ୍ ଇଡ଼୍‍ ଇର୍‍ୱୁଡ଼୍ ଲୋପେକ୍ ବେନ

ପ୍ରେରିତ 11:10

ମୁଣ୍ଡ୍‍ଦାମ୍ ଇଦ୍‍ରକମ୍ ଆତ୍‍ତେ, ମାଡ଼େଙ୍କ୍‌ତେ ଆୱୁ ସାରେତାୱିଙ୍କ୍ ସ୍ୱର୍ଗତାଗ୍ ତେଇସ୍ ଆତ୍‍ତଡ଼୍ ।

ପ୍ରେରିତ 15:8

ମେଣ୍ଡେ ସାରେତଡ଼୍‍ତେ ହୃଦୟ୍‍ ପୁନ୍ଦାନ୍ ଇଶ୍ୱର୍ ମାକିଂଙ୍କ୍ ବେଲା ପବିତ୍ର ଆତ୍ମାତଡ଼୍‍ ସାକ୍ଷ୍ୟ ହିତ୍‍ତଣ୍ଡ୍, ଅଣଇହୁଦୀଡ଼୍‍କ୍ ମିକା ଟିକ୍ ଆଦେ ରକମ୍ ଇସ୍‌ ଅଡ଼୍‌‍କିଂଙ୍କ୍ ଗ୍ରହନ୍ ମାଡ଼୍‍ତଣ୍ଡ୍ ।

୨ କରନ୍ତିୟ 1:12

ଜଗତ୍‌ତେ ଜିୱୁନ୍ ନୁ ବିଶେସ୍‍ତେ ମିଇ ତଡ଼୍ ମାୟାଦ୍‌ ସମ୍ପର୍କ ଇଶ୍ୱର୍‌ତେ ପବିତ୍ରତା ନୁ ବିଶ୍ୱସ୍ତତା ତଡ଼୍ ପରିଚାଲିତ୍‍ ଇଞ୍ଜ ମାନ୍‍ ମୋନ୍‍ତାଦ୍‍ ସାକ୍ଷ୍ୟ । ଇଦିନ୍ ସେଙ୍ଗେ ମାନ୍‍ ମନ୍‍ତାଗ୍ ଗର୍ବ ଆଦ୍‍ତେ । ମାନବିକ୍‍ ବୁଦ୍‍ତେ ଆୟ୍‍ୟ, ମାତର୍ ଇଶ୍ୱର୍‌ତେ ଅନୁଗ୍ରହ୍‍ତଡ଼୍ ଆଦ୍ ମାଡ଼ାନଙ୍କ୍ ମାମ୍‍ମେ ତିଆର୍ ଆସ୍‍ମିନ୍ଦେମ୍ ।

ଏଫିସିୟ 4:30

ଇଶ୍ୱର୍‌ତେ ପବିତ୍ର ଆତ୍ମାତିଙ୍କ୍ ଦୁଃକାମ୍‍ ଇମାଟ୍ । ବାତେଙ୍କ୍‍ଇତ୍‍କେ ପବିତ୍ର ଆତ୍ମା ମିଇ ପର୍‍ର ଇଶ୍ୱର୍‌ତେ ନିଜର୍‍ ଅଦିକାର୍‌ ଚିଃଏନେ ରକମ୍ ନୁ ଇଶ୍ୱର୍ ଯେ ଅନ୍‌‍ଦିନେ ମିକିଂଙ୍କ୍ ମୁକ୍ତି ମାଡ଼ିତନ୍, ଇଦିନ୍ ରକମ୍ ।

୧ ପିତର୍‍ 1:6

ଆଦିଙ୍କ୍ ମିଡ଼୍ ୱେଡ଼୍‍କାଟ୍, ଯଦି ବା ବସ୍‍ ବେସତ୍‍ ଦୁଃକାମ୍ ସେଙ୍ଗେ ମିକିଂଙ୍କ୍ ଇଞ୍ଜେ ସୁଦୁଟ୍ ସମୟ ସେଙ୍ଗେ ଦୁଃକାମ୍ ଆଦାଙ୍କ୍ ଆଦ୍‍ପାର୍‍ଦ୍‍ତେ ।

୨ ପିତର୍‌ 3:1

ପ୍ରିୟ ସାଙ୍ଗଡ଼ି, ମୀଇ ଗାରେ ଲେକାନାଲ୍‌ଦ୍ ଇଦ୍ ନାୟାଦ୍ ଦ୍ୱିତିୟ ଚିଟି । ରେଣ୍ଡ୍‍ଆସ ଚିଟିତାଗ୍ ଇୱୁସାରେ ବିଷୟ ଏର୍କା ମାଡ଼ିସ୍‍ ମୀଇ ମନ୍‍ତାଗ୍ ପବିତ୍ର ଚିନ୍ତା ପୁଟ୍‍ସ୍ପାନଙ୍କ୍‍ ଚେଷ୍ଟା ମାଡ଼୍‍ତାନ୍ ।

ପ୍ରକାଶିତ୍‌ ବାକ୍ୟ 2:23

ତାନ୍ ପେର୍କେ ଆଦାନଡ଼୍‍କ୍ ମିକା ଆୱୁକିତାନ୍ । ଆଲାଆତ୍‍କେ, ମଣ୍ଡଲିକି ସାରେ ପୁନ୍‌ତା ଯେ; ନାନେ ଅନ୍‌ତର୍ଯ୍ୟମି, ନାରିଡ଼୍ ସାରେ ଚିନ୍ତା ନୁ ଲାଲସା ନାନେ ପୁନ୍‍ନ୍ତାନ୍ । ମିଡ଼୍ ସାରେତଡ଼୍‍ ବାତ୍‍ତେ ମାଡ଼୍‍ତିଡ଼୍, ଆଦ୍ ଲେକାମ୍‌ ନାନେ ମିକିଙ୍କ୍ ସାରେ କାମ୍‍ତେ ଦଣ୍ଡ୍‍ ଇଦ୍‍ତାନ୍ ।

ପ୍ରକାଶିତ୍‌ ବାକ୍ୟ 3:19

ନାନେ ବେନଡ଼୍‍କ୍‌ ପ୍ରେମ ମାଡ଼ୁତାନ୍, ଅଡ଼୍‌‍କିଂଙ୍କ୍ ପାସ୍କିତାନ୍‍ ନୁ ଶାସ୍ତି ଇଦ୍‍ତାନ୍ । ଆଦିଙ୍କ୍ ହୃଦୟ ତଡ଼୍‍ ପାପ ଆର୍‍ଦାଗାଙ୍କ୍ ମାଲ୍‍ସ୍‍ ୱାଡ଼େ ।