ଯୋହନ୍‌‌ 21:15 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁵ ଶିଷ୍ୟଡ଼୍ ତିତ୍‍ତା ପେର୍‍କେ ଜିସୁ ଶିମୋନ୍ ପିତର୍‍ତିଙ୍କ୍ କେତ୍‍ତଣ୍ଡ୍, “ହଁ ଯୋହନ୍‌‌ତେ ମାର୍‍ ଶିମୋନ୍, ନିମ୍‍ ବାତେଏ ନାକିଂଙ୍କ୍ ଇଡ଼୍ ଲୋପେଙ୍କ୍ ଗାଟି ପ୍ରେମ ମାଡ଼ୁତି ?” ଅଣ୍ଡ୍‌ ଜିସୁଙ୍କ୍ କେତ୍‍ତଣ୍ଡ୍, “ହଁ, ପ୍ରବୁ, ନାନ୍ ଯେ ନିକିଂଙ୍କ୍ ପ୍ରେମ ମାଡ଼ୁତାନ୍, ଆଦ୍ ନିମ୍‍ ପୁତ୍‍ତି ।” ଜିସୁ ଅଂକିଙ୍କ୍‌ କେତ୍‍ତଣ୍ଡ୍, “ନାୟାଦ୍ ମେଣ୍ଢାପିଲାଙ୍କ୍ ମେଇମ୍ ।”

ଯୋହନ୍‌‌ 21:15 ပူးပေါင်းရင်းမြစ်များ

ମାତିଉ 10:37

“ବେନଆଇ ନିଜେତ୍ ବାବାଙ୍କ୍ ବା ୟାୟାଙ୍କ୍ ନାକିଂଙ୍କ୍ ୱିଡ଼୍‍ସି ଅଦିକ୍‌ ପ୍ରେମ ମାଡ଼ିତନ୍, ଅଣ୍ଡ୍‌ ନା ଶିଷ୍ୟ ଆଦାନଙ୍କ୍ ଯୋଗ୍ୟ ଆୟ୍‍ୟଣ୍ଡ୍ । ବେନଆଇ ନିଜେତ୍ ମାର୍‍ ବା ମାୟାଡ଼୍‍ତିଙ୍କ୍ ଅଦିକ୍‌ ପ୍ରେମ ମାଡ଼ିତନ୍, ଅଣ୍ଡ୍‌ ନା ଶିଷ୍ୟ ଆଦାନଙ୍କ୍ ଯୋଗ୍ୟ ଆୟ୍‍ୟଣ୍ଡ୍ ।

ମାତିଉ 16:17

ଆଗାଙ୍କ୍ ଅଣ୍ଡ୍‌ କେତ୍‍ତାନ୍, “ହୋ ଯୁନସ୍‍ତେ ମାର୍‍ ଶିମୋନ୍, ନିମ୍‍ ଦନ୍ୟ, ବାତେଙ୍କ୍ ଇତ୍‍କେ ନାରୁଡ଼୍ ପାକେ ଆୱୁଙ୍ଗ୍‍ ନୁ ନେତୁର୍‍ କେଲନ୍, ବେଲାନ୍ ନା ସ୍ୱର୍ଗତେ ବାବାଲ୍ କେସ୍‍ମିନ୍ଦେନ୍ ।”

ମାତିଉ 18:10

“ଇ ନଗନ୍ୟଡ଼୍‍ଗାଙ୍କ୍ ୱେରଙ୍କ୍ ଆଲେ ତୁଚ୍ଛ ମନେମାଡ଼୍‍କେ ନାନ୍ ମିକିଂଙ୍କ୍ କେତୁତାନ୍, ଇଡ଼ାଦ୍ ଯନ୍ ଆସମାନ୍ଦାନ୍ ସ୍ୱର୍ଗଦୂତକି ସାରେଦିନା ବାବାଲ୍ ଇଶ୍ୱର୍‌ତେ ପାକେ ମିନ୍ଦେନ୍ ।”

ମାତିଉ 26:33

ପିତର୍ ଜିସୁଙ୍କ୍ କେତ୍‍ତଣ୍ଡ୍, “ସାର୍‍ତଡ଼୍ ନିକିଂଙ୍କ୍ ୱିଡ଼୍‍ସି ଆତ୍‍କେ ବା ନାନ୍‍ନେ ବେସୁଙ୍କ୍‍ ବା ଆନନ୍ ।”

ମାତିଉ 26:35

ପିତର୍ ଉତ୍ତର୍ ହିତ୍‍ତଣ୍ଡ୍, “ନି ତ ଡଲାଙ୍କ୍ ଇତ୍‍ତ୍କେ ବା ନାନ୍‍ନେ ବେସୁଙ୍କ୍‍ ନିକିଂଙ୍କ୍ ଅସ୍ୱୀକାର୍ ମାଡ଼ନ୍ ।” ବାଗାତ୍ ଶିଷ୍ୟଡ଼୍ ଆନ୍‌‍ତେ ସାରେ ରକମ୍ କେତ୍‍ତଡ଼୍ ।

ମାର୍କ 14:29

ପିତର କେତଣ୍ଡ୍, ସାରେତଡ଼୍ ୱିଡ଼୍‍ସି ଆତ୍‍କେ ବା ନାନେ ୱିଡ଼୍‍ସି ଆନନ୍‍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:32

ହୋ ସୁଦୁର୍ ମାନ୍ଦେମେଣ୍ଡା, ୱେର୍‍ମାଟ୍, ବାତେଙ୍କ୍ ଇତ୍କେ ମିକିଂଙ୍କ୍ ଆ ରାଜ୍ୟ ହିଦାନ୍‍ମାଇଦିଙ୍କ୍ ମି ପରମେଶ୍ୱର୍‍ ଇଚ୍ଛାମାଡ଼ୁତଣ୍ଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 22:32

ବାତେଙ୍କ୍ ଇତ୍କେ ମିୱାଦ୍ ବିଶ୍ୱାସ୍ ବେଲାକି ଲପ୍ ଆୟ୍‍ୟ, ଆଦିନ୍ ମାଇଦିଙ୍କ୍ ନାନ୍ ମି ମାଇଦିଙ୍କ୍ ପ୍ରାର୍ତନା ମାଡ଼ିମିନ୍ଦେଣ୍ଡ୍; ମେଣ୍ଡେ, ମିଡ଼୍ ୱାଦାନ୍ ୱେଲେ ମି ତାମୁଣ୍ଡ୍‌କିଡ଼୍‍କ୍ ବିଶ୍ୱାସ୍ ମାଡ଼ାଙ୍କ୍ କେଲମୁଟ୍ ।”

ଯୋହନ୍‌‌ 1:42

ଆନ୍‌ଦ୍ରିୟ ଅଂକିଙ୍କ୍‌ ଜିସୁନ୍ ଗାର୍‍ରେ ତାତ୍‍ତଣ୍ଡ୍ । ଜିସୁ ଅଂକିଙ୍କ୍‌ ଅଣ୍ଡୟ୍‌‍ ଦୃଷ୍ଟିତେ ଉଡ଼ି କେତ୍‍ତଣ୍ଡ୍, “ନିମ୍‍ ଶିମୋନ୍, ଯୋହନ୍‌‌ତେ ମାର୍‍ । ନିମ୍‍ କେଫା ପେଦେର୍ ତେ କ୍ୟାତ୍‌ ଆଦ୍‍ତିନ୍‌ ।”

ଯୋହନ୍‌‌ 13:37

ପିତର୍ ଅଂକିଙ୍କ୍‌ କେତ୍‍ତଣ୍ଡ୍‌, ପ୍ରବୁ, ନାନ୍ ଇଞ୍ଜେ ବାତ୍‍ତିଙ୍କ୍ ନି ପେର୍‍କେ ଆତ୍‍ତାଙ୍କ୍ ପାର୍‍ୱନ୍ ? ନାନ୍ ନି ସେଙ୍ଗେ ନିଜେତ୍ ଜିୱୁଣ୍ଡ୍ ହିଦାଙ୍କ୍ ତିଆର୍ ମିନ୍ଦେନ୍ ।

ଯୋହନ୍‌‌ 16:27

ବାବାଲ୍ ନିଜେ ମିକିଂଙ୍କ୍ ପ୍ରେମ ମାଡ଼ିତନ୍, ବାତେଙ୍କ୍ ଇତ୍‍କେ ମିଡ଼୍ ନାକିଂଙ୍କ୍ ପ୍ରେମ ମାଡ଼୍‍ତିଡ଼୍ ନୁ ନାନ୍ ଯେ ଇଶ୍ୱର୍‌ତାଗାଙ୍କ୍ ୱାସ୍‍ମିନ୍ଦେନ୍, ଆଦ୍ ମିଡ଼୍ ବିଶ୍ୱାସ୍ ମାଡ଼୍‍ତିଡ଼୍ ।

ଯୋହନ୍‌‌ 21:12

ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ୱାସ୍ ମିକା ତିନୁଟ୍ ।” ଶିଷ୍ୟଡ଼୍ ଲୋପେ ବେନମିକା “ଅଂକିଙ୍କ୍‌ ବେନ,” ଇଞ୍ଜ ପାଚ୍ରାମାଡ଼ାଙ୍କ୍ ପାର୍‍ୱଡ଼୍, ବାତେଙ୍କ୍ ଇତ୍‍କେ ଅଣ୍ଡ୍‌ ଯେ ପ୍ରବୁ, ଇଦ୍ ଅଡ଼୍‌ ପୁତ୍‍ତଡ଼୍ ।

ଯୋହନ୍‌‌ 21:7

ଜିସୁ ବେନ୍ ଶିଷ୍ୟଙ୍କ୍ ପ୍ରେମ ମାଡ଼ମାତ୍‍ତଣ୍ଡ୍, ଅଣ୍ଡ୍‌ ପିତର୍‍ତିଙ୍କ୍ କେତ୍‍ତଣ୍ଡ୍, “ଇଣ୍ଡ୍ ତ ପ୍ରବୁ ।” ଶିମୋନ୍ ପିତର୍ ଇଣ୍ଡ୍ ତ ପ୍ରବୁ ଇଞ୍ଜ କେତାନାଦ୍ କେଞ୍ଜି ତାନ୍ ଚକା କେର୍‍ସ୍ ସମୁଦ୍ରତାଗ୍ ତୁଲ୍‍ତଣ୍ଡ୍;

ଯୋହନ୍‌‌ 8:42

ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ଇଶ୍ୱର୍ ଯଦି ମିଇ ବାବାଲ୍ ଆୟେଣ୍ଡ୍, ଆଲେକେ ମିଡ଼୍ ନାକିଂଙ୍କ୍ ପ୍ରେମ ମାଡ଼େଡ଼ି; ବାତେଙ୍କ୍ ଇତ୍‍କେ ନାନ୍ ଇଶ୍ୱର୍‌ତାଗାଙ୍କ୍ ୱାସ୍ ଇଞ୍ଜେ ହିଗେ ମିନ୍ଦେନ୍; ନାନ୍ ନିଜେ ତାଗାଙ୍କ୍ ୱାଡ଼ନ୍ ବାତେଙ୍କ୍ ଇତ୍‍କେ ଅଣ୍ଡ୍‌ ନାକିଂଙ୍କ୍ ରହସ୍‍ମିନ୍ଦେନ୍ ।

ପ୍ରେରିତ 20:28

ଆଦିଙ୍କ୍ ମିଡ଼୍ ନେତା ଲେକାମ୍ ନିଜର୍‍ ବିଷୟ୍‍ତେ ନୁ ପବିତ୍ର ଆତ୍ମା ବେନ୍ ବିଶ୍ୱାସୀଡ଼୍‍କ୍ ମିଇ ଦାୟିତ୍ୱତେ ୱିଡ଼୍‍ସ୍‍ତଣ୍ଡ୍, ଆ ସାରେତଡ଼୍‌କିଂଙ୍କ୍ ଯତନ୍ ଆୟ୍‍ମୁଟ୍ । ମେଣ୍ଢାପଡ଼୍‍ପାନଡ଼୍ ଲେକାମ୍ ଇଶ୍ୱର୍‌ତେ ମଣ୍ଡଲିତିଙ୍କ୍ ଯତନ୍ ଆୟ୍‍ମୁଟ୍ । ଆଦ୍ ମଣ୍ଡଲିତିଙ୍କ୍ ଅଣ୍ଡ୍‌ ତାନ୍ ମାର୍‍ ଦଂସ ଆତ୍‍ତାଙ୍କ୍ ନିଜର୍‍ ମାଡ଼୍‍ତଣ୍ଡ୍ ।

ପ୍ରେରିତ 20:29

ନାନ୍ ପୁତ୍‍ତାନ୍, ନାନ୍ ଆତ୍‍ତେ ପେର୍‍କେ ମିୟାଗ୍ ବୟଙ୍କର୍ କୁକାଲି ୱାଦ୍‍ତା ନୁ ବିଶ୍ୱାସୀଡ଼୍‍କିଂଙ୍କ୍ ପୁଣ୍ଡ୍‍କ୍ ମାଡ଼ି ୱିଡ଼୍‍ସିତା ।

ରୋମୀୟ 14:1

ବିଶ୍ୱାସ୍‍ତାଗ୍‍ ଦୁର୍ବଲ୍‍ମାନ୍ଦାନ୍‍ ନାରୁଣ୍ଡ୍‍ତିଙ୍କ୍ ମିକା ଗ୍ରହନ୍ ମାଡ଼ାଟ୍, ଇତ୍‍କେ ଅନାଦ୍‌ ନିଜେତ୍ ମତ ବିଷୟ୍‍ତିଙ୍କ୍ ଯୁକ୍ତି ମାଡ଼୍‍ମାଟ୍ ।

ରୋମୀୟ 15:1

ବେନଡ଼୍ ବିଶ୍ୱାସ୍‍ତାଗ୍ ନାର୍ଗ୍, ଅଡ଼୍‌ ବିଶ୍ୱାସ୍‍ତାଗ୍‍ ଦୁର୍ବଲ୍‍ ମାନ୍ଦାନ୍‍ ତାମୁନ୍‍ତାଦ୍ ଦଷ୍ ସେଙ୍ଗେ ଶକ୍ତିତଡ଼୍ ଆୟ୍‍ମୁଟ୍ । ବେନ ନିଜେତିଙ୍କ୍ ୱେଡ଼୍‍କ୍‍ ମାଡ଼ାନ୍ ସେଙ୍ଗେ ଆଲ୍‍ସ୍‍ମାକିଣ୍ଡ୍ ।

୧ କରନ୍ତିୟ 8:11

ଆଦିଙ୍କ୍ ବେନ୍‍ ଦୁର୍ବଲ ଦାଦାଲ୍ ମାଇଦିଙ୍କ୍‌ କ୍ରିଷ୍ଟ ଡଲ୍‌ଲିଆତ୍‌ତଣ୍ଡ୍, ଅଣ୍ଡ୍‌‌ ମିଇ ଜ୍ଞାନ୍‌ ତଡ଼୍ ନଷ୍ଟ ଆଦୁତନ୍ ।

ଗାଲାତୀୟ 5:6

ଆଦିଙ୍କ୍ କ୍ରିଷ୍ଟ ଜିସୁନ୍ ତଡ଼୍ ଜିୱୁଣ୍ଡ୍ ବାଦ୍‍କେ ସୁନ୍ନତ କି ଅସୁନ୍ନତ ବାତେବା ୱେରେ ମାନ, ଇତ୍‍କେ ବିଶ୍ୱାସ୍‍ତାଗ୍ ଗାଡ଼୍‍ସ୍ ମାଞ୍ଜ୍ ପ୍ରେମତଡ଼୍ ପାଡ଼୍‍ୟି ମାଡ଼ାନାଦ୍ ସାୟେ ।

ଏଫିସିୟ 4:14

ଗାଟି ଗାଲ୍‍ତେ ନୁ ଗାଟି ଗାଙ୍କୁଡ଼୍‍ତେ ଇକାଆକା ଆସମାନ୍ଦାନ୍ ପିଲାନ୍ ଲେକାମ୍ ମାନାଡ଼୍ ମେଣ୍ଡେ ଦାନ୍ଦେ ଆୟ୍‍ୱାଡ଼୍ । ୱେରେତଡ଼୍‍କିଙ୍କ୍‍ ମେଣ୍ଡେଅନ୍‌ ଆର୍ର୍ ବୁଲ୍‍କା ମାଡ଼ମାନ୍ଦାନ୍ ତିପାଲ୍‍ ମାଡ଼ାନଡ଼୍‍ୱାଦ୍‍ ଚାଲାକ୍‍ ଶିକ୍ଷାତାଗ୍‍ ମାନାଡ଼୍ ଦାନ୍ଦେ ଆୟ୍‍ୱାଡ଼୍ ।

ଏଫିସିୟ 6:24

ମାନ୍‍ ପ୍ରବୁ ଜିସୁ କ୍ରିଷ୍ଟନ୍‍ ସେଙ୍ଗେ ବେନଡ଼ାଦ୍ ପ୍ରେମ ଅମର୍, ଅଡ଼୍‌‍ ସାର୍ରେତଡ଼୍‍କିଂଙ୍କ୍ ଅନୁଗ୍ରହ ଆୟି ।

ଏବ୍ରୀ 13:20

ବେନ ନିଜର୍ ଜିୱୁଣ୍ଡ୍ ଇସ୍ ମେଣ୍ଢାକିନ୍ ବାଡ଼୍‍ୟଣ୍ଡ୍ ପଡ଼୍‍ପାନଣ୍ଡ୍ ଆତ୍‍ତଣ୍ଡ୍, ମାନ୍‍ ଅଣ୍ଡ୍‌ ପ୍ରବୁ ଜିସୁଙ୍କ୍ ଇଶ୍ୱର୍ ଡଲ୍‍ତାଗାଙ୍କ୍ ତେଏତଣ୍ଡ୍ । ଆ ଜିସୁନ୍ ଜିୱୁଣ୍ଡ୍ ଇତ୍‍ତେ ନେତୁର୍‍କନ୍ସ୍ ଅଣ୍ଡୟ୍‌ ସାର୍ରେଦିନାତାଦ୍ ଚିଃନେ ଆତ୍‍ତେ ।

ଏବ୍ରୀ 4:13

ଇଶ୍ୱରତାଗ୍‌ ବାତେବା ମିଞ୍ଜିମାନ୍ଦେପାର୍ୱ; ସାରେ ବୁମ୍‍ତେ ସାର୍ରେ ବିଷୟ୍ ତାନ୍‌ ଏକାମ୍ ଉଡ଼ାନ୍‍ କଣ୍ଡାନ୍‌ ମୁନେ ମୁସ୍‍ତେ ଲେକାମ୍‍ ଇଲ୍‍ଲେ ନୁ ତେର୍‌ୟ୍‌ତେ ଲେକାମ୍‍ ମିନ୍ଦେ । ଆ ଇଶ୍ୱରନ୍‌ ମୁନେ ମାନାଡ଼୍‍ ଇସାବ୍‌ ଇଦାନଙ୍କ୍‌ ଆଦ୍‌ତେ ।

୧ ପିତର୍‍ 1:8

ଇଞ୍ଜେ ମିଡ଼୍ ଅଙ୍କ୍‌ ଉଡ଼କଟ୍ ମାତ୍‍କେ ମିକା ପ୍ରେମ ମାଡ଼ୁତିଡ଼୍ ନୁ ଅନାଗେ ବିଶ୍ୱାସ୍ ମାଡ଼ୁତିଡ଼୍ ମେଣ୍ଡେ କେତାନଙ୍କ୍ ଆଇୱାଦ୍ ନୁ ଗୌରବ୍‍ ତଡ଼୍‍ ମିଡ଼୍‍ ସାର୍ଦେ ଆସ ମିନ୍ଦେଡ଼ି ।

୧ ପିତର୍‍ 2:2

କେହେମୁଲ୍‍ ପିଲାନ୍ ଲେକାମ୍ ଆୟମୁଟ୍ । ସାରେଦାମ୍ ସାୟେତାଦ୍ ପାଲ୍‍ ଉନ୍ଦାନ୍ ସେଙ୍ଗେ କାର୍‍ୱିଙ୍କ୍ ଆୟମୁଟ୍ । ଆଲେକେକ୍ ମୀଇଡ଼୍ ପେର୍ସାନ୍ ସେଙ୍ଗେ ପରିତ୍ରାଣ ପାହେମ୍ ଆଦ୍‍ତିଡ଼୍ ।

୧ ପିତର୍‍ 2:25

ମେଣ୍ଢାକିନ୍ ଲେକାମ୍ ମିଡ଼୍ ୱେରେ ଆର୍‍ଦାଗ୍‍ ଆଞ୍ଜ୍‍ ମାତ୍‍ତିଡ଼୍ । ଇଞ୍ଜେ ମିୟାଦ୍ ମେକାଗଲାଲ୍ ନୁ ଆତ୍ମାତେ ରକ୍ଷାତିଙ୍କ୍ ପେର୍କେ ଆଦାନ୍‌ ସେଙ୍ଗେ ମାଲ୍‍ସ୍ ୱାତ୍‍ତିଡ଼୍ ।

୧ ଯୋହନ୍‌‌ 4:19

ଅଣ୍ଡ୍‌‍ ମୁନେନ୍‍ ମାନାଙ୍କ୍‍ ପ୍ରେମ ମାଡ଼୍‍ତାଙ୍କ୍‍ ମାନାଡ଼୍‍ ପ୍ରେମ ମାଡ଼ାନଙ୍କ୍ ନାଡ଼୍‍ସ୍‍ତମ୍ ।

୧ ଯୋହନ୍‌‌ 5:1

ବେନ ଜିସୁଙ୍କ୍ କ୍ରିଷ୍ଟ ଇଞ୍ଜ ବିଶ୍ୱାସ୍ ମାଡ଼ିତଣ୍ଡ୍‍, ଅଣ୍ଡ୍‌ ଇଶ୍ୱର୍‌ତେ ମାର୍‍ । ବେନ ଆୟି ୱେରନ୍ ବାବାଙ୍କ୍ ପ୍ରେମ୍‌ ମାଡ଼ିତନ୍, ଆ ବାବାନ୍ ମାରିଙ୍କ୍ ମିକା ଅଣ୍ଡ୍‌ ସ୍ନେହ ମାଡ଼ିତନ୍ ।

ପ୍ରକାଶିତ୍‌ ବାକ୍ୟ 2:23

ତାନ୍ ପେର୍କେ ଆଦାନଡ଼୍‍କ୍ ମିକା ଆୱୁକିତାନ୍ । ଆଲାଆତ୍‍କେ, ମଣ୍ଡଲିକି ସାରେ ପୁନ୍‌ତା ଯେ; ନାନେ ଅନ୍‌ତର୍ଯ୍ୟମି, ନାରିଡ଼୍ ସାରେ ଚିନ୍ତା ନୁ ଲାଲସା ନାନେ ପୁନ୍‍ନ୍ତାନ୍ । ମିଡ଼୍ ସାରେତଡ଼୍‍ ବାତ୍‍ତେ ମାଡ଼୍‍ତିଡ଼୍, ଆଦ୍ ଲେକାମ୍‌ ନାନେ ମିକିଙ୍କ୍ ସାରେ କାମ୍‍ତେ ଦଣ୍ଡ୍‍ ଇଦ୍‍ତାନ୍ ।